鰹烏冬 (已搬遷) 新店位置

星期五約左朋友係觀塘食飯由於大家午餐都食得太豐富 到夜晚都仲有啲飽 所以就搵啲輕食係open rice見到呢間烏冬店 就一於黎試下一入到黎 店鋪裝修簡單 地方不大星期五七點半呢個時間都無咩人自己隨便搵左個位就坐低…店員就過黎問係咪第一次黎 教我地點落單 同可以點配搭 掛鍋伴蛋烏冬配鯖魚 烏冬係煙韌既 好有咬口 但份量偏少個汁有輕微蛋香 味道偏淡 鯖魚就幾好食 個汁夠咸 可以彌補返個烏冬 朋友叫左鰹魚鍋仔燒烏冬配骨付雞個湯底都幾清 不過朋友話有啲腥鍋入面有小小野菜 牛肉同冬菇 無咩特別而家雞扒就…好失望 好普通既煎雞扒 暖的… 食落無咩味整體黎講烏冬係好食的不過呢個價錢可以有更好既選擇

座位數目不多，每次去吃都必須訂位而且一定是滿座的。感覺是很專業的手打烏冬，烏冬質地煙韌，湯底有濃郁的鰹魚味，但最出色的竟然是鯖魚！平常吃鯖魚多數會乾和偏咸，但這裡的鯖魚不但大條，而且一點也不乾，仍然保留著魚的肉汗如果要吃海苔冷烏冬記得要先預訂，去了兩次也是已經售罄...

一個人去咗觀塘工業區食LUNCH, 搵到呢間全不起眼的店, 對門仲要好難開(因為風向問題)1點半,又唔係平日, 真係冇乜人, 唔洗等位, 店員即刻問我有冇食過, 我話冇, 佢即刻細心介紹菜單同食法, 選擇不多, 我點了海苔竹簾烏冬蟲夏(冷), 加了關東煮, 盛惠$65, 不收加一. 等了約10分鐘,  到喇到喇, 海苔麵好似一般綠茶麵顏色咁, 食落冇苦澀味, 很清涼, 很有韌性, 手打烏冬果然唔同啲關東煮係分開上, 份量足, 又好食,  其間店員仲會好細心問我意見, 味道怎樣, 感覺有被重視整體黎講呢次用餐經驗幾好, 仲要免收加一, 真係難得, 坐椅方面不太舒服, 最重要係服務一流, 贊!

觀塘區午餐到處都是人， 如果好食的，更加係有排等，或者基本上等都唔到你等。 好明顯~想食鰹烏冬 記得訂位啦~店舖裝修簡單，店員不多， 感覺像家庭生意， 店員很耐心地解釋烏冬的選擇， 實在很旺 ，部分烏冬已經賣完了， 最後選了半湯烏冬及 燒鯖魚。烏冬很有彈性， 感覺新鮮， 由於是半湯, 湯底比較少, 所以烏冬不容易被浸到淋晒，可惜鰹魚湯底比較清淡， 若湯底可以濃一點，應該更令人著迷。 燒鯖魚有油香， 魚肉結實， 整體來說烏冬分量剛剛好😄😄 友人點了天婦羅， 炸得很香口呢。順帶一提， 烏冬店有烏冬班教授， 牆上亦貼有關於烏冬的製造方法， 傳統的烏冬原來要用腳踩的😆😆 很有趣呢， 飢詩很想去學吖~飢point: 7/10#hungermarch #非飢詩

觀塘最近新開左呢間烏冬店！老闆專登走到去日本學師，將當地擁有本土情懷嘅讚岐烏冬帶到香港🤤簡直系烏冬控嘅福音!!!!!!!!第一次食嘅話店員仲會略略咁同你介紹每款嘅特別之處湯底用左鰹魚碎，沙甸魚同昆布去熬成，真係有淡淡清甜嘅鰹魚味🐟如果想再濃味啲嘅話，可以揀半湯！~~~~~~~而烏冬亦都可以揀又幼或者粗麵，今次就揀左幼麵啦！😊會比平時食開嘅幼，而且好滑身，帶有爽彈嘅口感，確系水準之作🤗🤗😜

舖頭細細但午市時候去都唔算坐得太逼有試業menu ，都抵食唔配餸淨係烏冬$50 以下有交易我叫左個掛鍋烏冬配雞批烏冬湯底好清，要配埋細油食但烏冬好彈牙，好鍾意再要讚下個雞批，大大隻好入味好香口朋友叫左鰹魚湯底，好香濃如果鍾意濃味小小，個人十分推介

大熱天時喺觀塘遊走，絕對係一件煎熬嘅事...今次去到駱駝漆大廈搵食喇...而食店位於第三期...見到呢條巷就轉入嚟升降機位置係左手邊上11樓，出lift轉右手邊就到喇。店舖唔算好大，但勝在d櫈可以移走。而枱係長方形，枱底下全無任何阻擋物。好鍾意個杯，尤其杯底係磨沙質料，就算係圓形杯亦唔怕滑手。呢度主打食烏冬，可揀粗/幼麵。種類+配料選擇唔多，而且有圖文並茂又有詳盡介紹~所以好快已選定食乜...一於嚟個一冷一熱先熱，香喎~揀咗粗麵湯底用咗鰹魚+白味噌...可能天氣太熱啦，口味會比平時食得濃...所以容易覺得呢鍋烏冬無乜味...朋友更要落七味粉...但平心而論，蔬菜類嘅配料比較多，口味屬於清淡亦好正常。我接受到呀~呀！粒冬菇好好食...烏冬幾滑、彈牙~之後再到冷烏冬，一見綠色就雙眼發光！仲要唔係綠茶味?！ 即試~綠得好靚呀！點都要比個Close up！哈~先試一條淨烏冬，有微微嘅紫菜味~芝麻好香！夏天食凍烏冬好正！幼身烏冬 - 食落麵質同有湯粗烏冬係唔同咗dd...咬落煙韌d而唔係彈牙...但都唔錯喎！跟餐有天婦羅，炸粉做得一般，食物一夾起就甩皮甩骨...不過有驚喜喎，第一次試天婦羅魚..

熱到嘔無胃口，想食冷烏冬。同朋友去試食，但又無為意營業時間，去到人地已經洗緊碗。不過老闆同店員(定都係老闆？)照煮俾我地，睇住佢整d烏冬出黎。(唔睇時間的福利？誤。)超好人的！招呼又超好，明明係我地阻人收工。食左粗烏冬，配魚。烏冬軟硬剛好，鐘意飲湯底的人表示好好味，條魚新鮮，雖然烏冬比較吸引d，哈哈哈。一定會再去!仲有，杯茶幾好飲。

幾星期嚟呢度, 見到有部大麵機, 便知道對辨. 一問之下, 果然D烏冬係每日新鮮做, 日日清. 試咗粗烏冬加其他配菜(雞+天婦羅). 烏冬絶對係誠意之作. 坊間果D所謂日本急凍烏冬真係冇得同新鮮手制烏冬比.

真係好耐好耐無寫食評 (睇我history就知)試過呢間鰹烏冬堅要寫篇食評給力一下係呢間舖開始籌備時已經ADD左佢FB PAGE追蹤店主經常分享有關烏冬既知識令我知道製作一碗手打烏冬唔係值$35咁簡單要追尋理想一D都唔容易要有得，必有捨要放棄一份收入穩定而且又有意義既工作，更加唔容易店主隻身走到日本拜師學藝，直到到籌備開舖一磚一瓦，一碗一筷，到門口招牌所有都係親力親為( 最顛係個門口招牌都係自己CUT 自己黏上)追左近半年，終於有機會試下手打烏冬既味道因為電話預先訂左位唔洗等就有位坐 (好在早到，坐低唔夠10分鐘個場就full左)幾個同事一齊食，每人都點左唔同款式烏冬店面職員都係一家人其中1位職員係店主媽媽一邊為我們倒茶，一邊同我地傾店主既奮鬥經歷兩兄妹一齊係廚房奮鬥家人係樓面一齊backup其實見到個畫面係好感動如果無家人既支持，要實現夢想係難上加難店面職員好熱情，仲介紹D烏冬唔同種類唔同食法我地成班人研究左好耐因為有D好特色既烏冬食法真係未試過好彩有圖睇，同埋店面職員係勁忙既lunch hour仍然好用心為我地講解最後我自己點左半湯烏冬+天婦羅講真我係出面都未聽過半湯烏冬一碗烏冬浸

鰹烏東 Katsuo Udon海苔竹簾冷烏東 Wakame Udon $40開左無耐, 以手打烏東為主打, 依家仍然試業中. 一向愛食有口感既麵, 原本打算選粗烏東, 但店主話冷烏東幼身會更有口感. 聽完店主一輪介紹決定試下佢每日限量既海苔幼烏東.滿懷期待, 但烏東無想像中口感, 海苔味除左顏色, 味道上食唔到咩分別 🙈 只能講烏東唔算太腍同都夠凍, 加入一邊鰹魚湯食都okay ge骨付鳥 $33Grilled Chicken Leg Quarter 每款烏東加錢可以追加菜, 有關東煮,燒鯖魚,天婦羅以及骨付鳥.骨付鳥其實就係炸/烤雞脾, 店主話沿用左四國風味調製👹應該係烤焗過但外表唔脆, 味道不過不失. 醃得夠味, 肉都嫩, 但真講唔上驚喜, 就係平時屋企煮-鹽,鼓油,蒜加既味道. 可能期待太大, 所以失望亦愈大....無食過四國雞🍗, 所以無從cmt 佢係咪正宗. 不過呢個味道吸引唔到我encore🙈唔....觀塘食肆林立, 想客人再幫襯似乎仲有進步空間.

係觀塘搵好嘢食真心難，又要避油煙，又要坐得好，又可以坐得多人。我有位朋友平時fb都係寫時事事件，突然po食物文，即刻click入去睇下。呢間叫鰹烏冬，將手造烏冬帶入，佢地weekend會開班教人整烏冬。我即刻提議同事去食，鋪頭唔多位，記得book定枱。有啲意外佢地唔係用ikea形式嘅檯同椅，係長形嘅枱，可以坐6個人個種。職員用心解說，海苔竹簾係冷烏冬，而且係限定，如果想試，記得book位個陣order埋。我地呢日想食熱烏冬，個魚湯好好飲，唔會咸，真係濃濃魚味。我就食咖哩，唔係甜咖哩，亦唔會太辣。好飽好滿意，再飲啖米茶，飽到放工。不過如果想試真啲個烏冬，我會建議食其他款。

老闆說叫我們支持一下年青人創業，說以前幾個都不是做飲食的，毅然轉行確實不容易。還是因為兩個字--喜歡。特地去學習日本語，還研究整烏冬。這是我特地寫這篇食評的原因。新開的烏冬店，看上去裝修簡潔，帶有點日本的風味。除了吃烏冬外，還有烏冬製作班。這個班我都特地在日本試過的，通過踩，擀，切，揉的程序而製成，多有趣的一個班，喜歡吃烏冬的你值得試試。說說食物，今天一行5人，4人都選了雞腿作配菜。雞腿夠大隻，味道有天然的雞肉味，不會太多調味，反而顯得樸素。另一個點了鯖魚，這個當真好吃。煎香了的魚，肉質豐厚，帶點魚鮮。還起了骨，放便了食用。烏冬的種類食法有6.7個，全部我都介紹不完。選了我吃的掛鍋烏冬說一下。把煮熟的烏冬用煮的湯原碗上，然後沾醬汁吃。厚身烏冬的口感煙韌，略帶鹹味。但是略嫌醬汁不夠濃，烏冬的外層亦不是太能掛起醬汁，導致吃下去的味道偏淡。咖哩烏冬我個人試了點，覺得還不錯，中規中矩。但同事就說很淡，有咖哩香，吃落卻沒有實在的味道。要改善一下。鍋仔燒烏冬，就是石鍋烏冬。同事的評語都是中規中矩。像是外面吃的一樣，沒有什麼突破。價錢又太貴了，要100元才有，比起其他餐廳還有飲品和配菜，確實有點輸蝕

心情勁差，當然要search吓晏晝食乜嘢啦，希望食完呢個自家製手打烏冬之後會心情好返啲啦。12點嚟到，店舖細細，得我一個，心諗係咪太新所以未有人嚟呢？由於趕時間嘅關係，塊塊趣睇menu之後就落單了。好在落單落得快，喺落完單之後，啲客人已經多到坐滿晒！鰹魚湯白味噌鍋仔燒烏冬配骨付雞 ($101)原鍋上嘅烏冬熱辣辣，肥嘟嘟，睇見都流口水！旁邊有啲紅蘿蔔絲、一片豚肉、一條獅子狗及一隻半熟蛋。烏冬異常彈牙，煙韌有口感，真係同現成嘅完全冇得比！打爛隻蛋撈嚟食簡直一流，蛋味超香濃，沾滿蛋汁嘅烏冬更加滑溜！原來骨付雞即係原隻雞髀，仲要有埋刀叉真係好有霸氣！未食已經聞到勁香濃嘅蒜味，流口水呀！酥脆嘅雞皮上沾滿蒜粒、胡椒粉、七味粉，唔食雞皮嘅我都忍唔住要切啲嚟試吓！味道偏濃但真係好可口，連雞肉都好入味，又夠晒juicy，真係非常出色！不過唯一問題就係喺我切雞嘅時候隻碟不斷咁轉轉轉....... 店員服務態度非常好，勁體貼又有禮貌，對於一啲有選擇困難嘅客人，佢哋都會好有心機咁逐一介紹，咁有heart嘅食店真係值得支持！呢度會不定時安排烏冬手作班，每位$500，二人同行有九折。二話不說已經book咗遲啲同媽

It’s new place and I came in after rush hour. The server (I believe he’s the chef close relative/boss) is too hospitable but I appreciate his effort. The udon comes in about 5 mins and it’s very very al dente. The portion is reasonable with its price (HK$35, plus $8 for 7up). I chow it down in about 5 mins and since the side dish like Chicken wings & Tempura is quite costly so I passed. To its last bite, the udon on the bottom of bamboo mat was in fact chips and piecescovered by the long ones on