鰹烏冬 (已搬遷) 新店位置

由於小弟係觀塘區番工，所以每日都要面對中午食啲咩既問題，大部分既日子都係食茶記解決既我，終於頂唔順，想揾d新鮮啲既野食下，對自己好d。於是就比我揾到呢家餐廳，雖然位於高樓層，但都係要等大約廿分鐘先有位。一入到去，就叫左相中呢份烏冬黎試下，個鰹魚湯既味道十分唔錯，烏冬亦都好有彈性，不過我最估唔到既係，睇落份烏冬份量小小，但食落去卻十分滿足，絕對無食唔飽既情況！(因為我成日食完野都會覺得唔飽)剩係呢點已經值得推介！當然女士們就可以唔配小食啦，都ok架！價錢方面，比一般茶餐廳貴，但還可以接受環境，會有迫既感覺但都值得推介比愛烏冬既你，同係觀塘番工既各位朋友

觀塘工廠大廈真係有好多隱世小店都好好味 呢間係其中一間係觀塘返工成日都要周圍搵野食 搵到呢間烏冬店 我同朋友2個人食 大家都叫左月見烏冬 我就揀左味噌焗鯖魚 朋友就揀左天婦羅個烏冬好煙Un 好有咬口 係彈牙架👍🏻 個烏冬真心要讚 而個鯖魚燒到脆皮 魚肉好滑同有肉汁 不是乾睜睜 👍🏻👍🏻👍🏻朋友果個天婦羅有好多唔同嘅料 有冬菇 番薯 魚等等 炸得都ok 唔會有好多油 而且佢係即炸 好脆卜卜👍🏻👍🏻而價錢方面都好合理嘅 大約90 蚊一個人十分推介呢間餐廳🤗🤗

事隔一個星期, 忍唔住要去再食佢個烏冬, 因為太煙un, 我真心無係香港食過邊間烏冬好味, 呢間真係唔錯，上次我上去見到佢地有部機整烏冬，自製烏冬，除左堂食仲可以買袋乾烏冬返去煮黎食。係大熱天時, 食個冷烏冬, 心都涼埋, 今次我就試左個新野, 就係醬油烏冬拚牛肉。牛肉好多, 食完成碗烏冬仲有好多肉, 佢嘅牛肉味道唔錯, 係有少少鞋口。朋友食左關冬煮, 佢地話好味, 話d蘿蔔入味, 不過我就唔覺喇, 我真係好麻麻地關冬煮。如無意外, 下星期會再黎！

嘴刁既我平時唔輕易番兜一間餐廳，但今次已經係第四次黎食，因為真係好好食！人多少少既話最好打黎book定先，依度十二點半就開始要排隊。扮工一族當然辰咁早十二點就閃去食lunch啦😛主角手打烏冬每日鮮製，超級煙韌！粗幼冷熱都有得揀，仲可以任配其他餸。之前冬天會食半湯烏冬/咖哩烏冬，夏天熱辣辣就食冷烏冬。是日試左新菜式 三文魚子 醬油冷烏冬 ($69) 有三文魚子、蟹子、海帶、白蘿蔔泥、蔥，魚子同醬油份量唔多，味道較淡口。另外，依款係粗烏冬，食完感覺好飽好頂胃，個人覺得海苔冷烏冬好食啲。追加左個燒鯖魚 ($32) 皮脆脆地，肉多汁又夠嫩，好好食呀😍😍朋友既海苔冷烏冬 (關東煮 set $70) 12:45就聽到佢話賣晒😨 上次食過，雖然海苔味唔出，不過烏冬幻幻地、浸落冷醬油度食好清新。關冬煮有蛋、白蘿蔔、獅子狗、椰菜包肉卷(唔知正名係咩)，唔錯既。除烏冬外，依度既另一名物係骨付雞，淨係見到幅相都流晒口水🤤 後面既粗掛鍋烏冬 (set $73) 其實即係熱湯烏冬，冇試唔comment。雖然價錢喺觀塘黎講唔算平，不過一分錢一分貨，絕對值得，細食啲既女仔應該會食唔晒添。完全foresee到自己會再

朋友想食烏冬, 中午是但一search就搵到呢間餐廳, 見佢comment唔錯就去試下！一坐低有一台係外國人, 另一台係日本人, 其他係香港人, 鬼咁誇張。今日太熱, 叫左個海苔冷烏冬配骨付雞(即係雞脾)。烏冬彈牙, 冷烏冬食落refresh, 雞脾雖然一切落去有小小雪藏味, 但係食落都好ok, $78一個set唔錯啦, 可以再黎！埋單個時見到部烏冬機, 佢地即日制麵同埋有得賣走, 真係值得一試啊~

晏晝趁住3點幾冇乜人貢上去專登食烏冬果然一試難忘～ 價錢合理可以食到咁有水準嘅烏冬真係隱世小店喜歡這裏店子細細,感覺充滿愛鰹烏冬買嘅一定係實力,你地要加油唷...我要食盡你哋每一款嘅烏冬

This udon shop just provide several set in the menu but the qualify of food and soup are amazing. The most popular one is the hot udon with non boiled egg , and the favorite side dishes i would choose is the rosted chicken leg. The chicken leg is super juicy and with soft texture. One thin they should improve is the ventilation system that customer always sweat during enjoying their lunch.

同事介紹這間烏冬店好有水準，烏冬的質感接近在日本食的，於是來這店舖一試。舖頭細細，午飯時間已坐滿人，外面亦有人等位，我只是一個人，比較容易安排到位置，原來有另一個單位都是此食肆的，那個單位只是放了枱和椅，坐得比較鬆動。我喜歡吃魚，於是我點了鰹魚湯烏冬配味噌焗鯖魚。不知是否是星期五的關係，食客太多，我等了20分鐘才有得食，其他食客也在等。終於等到了。烏冬配上昆布，魚片，葱和少許薑蓉放在清徹的湯底，那滑嘟嘟的烏冬，第一口的感覺就似是在日本的烏冬店所吃到的烏冬，鯖魚很 juicy, 一D都唔乾，又唔腥。真的感到此小店製作這美味烏冬的誠意。

素來對煙韌嘅烏東著迷，甚至瘋狂到自己打烏東。現在懶了，可幸附近還有手打烏東，可以久不久治療我嘅饞嘴病。已經第三次回頭此小店，食物質素如一。今次點左鰹魚半湯烏東配天婦羅加流心蛋。揀左粗烏東，口感更煙韌。烏東吸收左鰹魚湯，散發出濃濃嘅鰹魚香。建議唔好加太多天婦羅碎，會蓋過湯嘅原味。天婦羅係新鮮炸起，有蝦、沙椎魚、多春魚、茄子、冬菇。尤其欣賞沙椎魚，鮮嫩唔腥。蝦嘅麵衣亦十分鬆脆。仲有流心蛋，忘了拍照。呈膏狀嘅蛋黃加醬油味嘅蛋白，來配烏東又係一絕。美中不足，係烏東送到，但天婦羅還未預備好。對住新鮮嘅烏東，唔立即食係種怠慢；食得太豪快，又怕遲來嘅天婦羅會孤身一人。所以為左避免吃貨們嘅內心矛盾，店家最好能夠統一出菜嘅時間，那就完美了。

星期六中午十二點幾, 又來到觀塘, 隱世食肆林立的地方, 駱駝漆大廈三座, 前幾天去看電腦開倉看見旁邊有一間麵店, 下午兩點鐘依然有人排隊,原來麵店本身係一間烏冬製麵所。星期六中午, 正好觀塘人流較平日少, 去到可以立即有位坐。點麵的時候可以, 按心水揀11選一的烏冬做法, 還有5選一的配搭食材; 烏冬套餐足足有11×5=55 款配搭!比較特色的有鰹魚湯烏冬, 竹簾烏冬(冷), 月見烏冬(熱);配料就有關東煮, 焗青魚, 骨付雞, 洋蔥牛肉, 天婦羅。點左月見烏冬(粗), 海苔烏冬(冷); 骨付雞和焗青魚。月見烏冬, 配雞蛋黃麵身順滑, 煙韌彈牙! 海苔冷烏冬配鰹魚芥末醬汁, 清新醒神! 骨付雞醃得好好食, 層次分明, 骨香肉嫩,食落帶有柚子味。青魚焗得剛好, 唔會太乾身, 配淡味烏冬一流。製麵所有新鮮烏冬可以買走, 同場加設製麵班, 報名日期已經排到八月! **鰹烏冬製麵所定能帶給你驚喜, 係登龍街大品牌以外的優質烏冬之選!

觀塘工廠有好多隱世食店，包括依間烏冬店。之前都上網search 下觀塘有邊間烏冬，唔想成日食D連鎖餐廳，就揀左依間黎試。因為平日lunch 關係，我地十二點半未到黎到己經要等位，舖面唔係好大，但係就己經full 哂，人氣真係爆燈。而且佢唔止做餐廳，仲開埋烏冬班，教埋人點整tim 我地叫左兩個餐，一個係掛鍋烏冬配牛肉 另外一個係鰹魚清湯烏冬配天婦羅 烏冬真係彈牙，鰹魚湯底清甜，感覺係無味精既。碗牛肉唔係話好特別，但係份量就十足，認真抵食。天婦羅D炸粉好味，而且都炸得好脆。 依間烏冬店真係值得encore

午膳時間，同事帶隊去食好西。接近下午一點，門口開始排長龍，高峰期有近15-20人在門外排隊。來到鰹烏冬入座，老闆知道我們都是第一次光顧，所以拿著柯打紙用心地講解各款烏冬的特色和分別。因此服務要，讚。這天點了掛鍋拌蛋烏冬配燒鯖魚。上菜時看見碗內的烏冬份量好像不算多，但吃到最後非常飽肚，差點吃不完呢！這款烏冬沒有湯，是拌蛋來吃的。蛋漿使烏冬更滑溜又飽肚，烏冬煙韌彈牙有咬勁鯖魚熱騰騰，外皮脆口，肉質鮮味。整體味道不俗。

呢間野真係必定要去食，我本身對烏冬無咩特別好感，只係我男朋友好鐘意食烏冬，所以佢帶咗我去食呢間，呢間係喺一個工廠大廈入面嘅，雖然地方比較偏僻，鋪頭亦都比較細，所以好多人，中午時間要等候嘅時間都會耐啲啲。但係佢嘅烏冬真係一級正因為佢嘅烏冬係傳統嘅手法去製造，食起黎相當有口感！必試係日本好流行既半湯烏冬，因為水份比較少，所以佢烏冬嘅質地都比較煙韌，好好味，加上佢每個餐既份量都好足夠，連我男朋友咁大食都話好飽不得不提既係佢仲有得學整烏冬，呢個真係不得了，你試過佢既烏冬真係會翻唔到轉頭，誠意推介！

鰹魚湯煙韌烏冬定期光顧既烏冬店，主打手打烏冬。每款烏冬可以配關東煮、天婦羅、雞脾、鯖魚和薄牛肉。最喜愛既係月見烏冬配鯖魚，差不多每次都點。鰹魚湯夠味加上生蛋令鳥冬更滑，幼烏冬非常煙韌，燒香既鯖魚皮脆帶點油香。鯖魚還起了骨，只是魚腩位帶少許骨。再點了鰹魚湯幼烏冬配薄牛肉，這次薄牛肉不太肥，可口！相比上次試了冷烏冬配薄牛肉，牛肉太肥太膩，食完之後成個碗都為白色一點點肥膏。價錢合理，期待下次再來~

食過兩次本身想食天婦羅海苔冷烏冬但兩樣都無 好失望之後就叫咗雞比冷烏冬勁好味 雞比有蜜汁 好正烏冬煙un 同日本食既好似第二次來 終於食到天婦羅海苔冷烏冬但係就覺得海苔味唔突出天婦羅普通 有d失望