有日同男朋友放工路過呢間餐廳見裝修幾幾精美，好似好日式咁，區內又無咩呢類餐廳，咪打算試下，點知係惡夢既開始。 我地兩個人叫左三樣野，兩個main 一個小食。明太子雞翼就正正常常。但重點係個主菜，首先上檯既係奶油燒雞烏龍麵，份量比較的骰，咁食野好多時味道先係重點，點知食落去個雞生既，雞有厚度，裏面個深唔熟既，我地即刻同個店員講，換過碟比我地，但已經好掃興。做餐廳黎講食物就最重要，先唔好講味道，連食物都唔熟？？？真係幾離譜作為一間餐廳，好心與其搞咁多包裝裝修不如落心機搞好d食物先，唔好本末倒置。以吸引人黎打卡既心態唔用心落食物既話好難有回頭客。 第二個main諗住叫餐廳主打既鰻魚炒麵實無死，同樣令我好驚喜。個炒麵鹹到要洗腎，仲硬到一舊舊咁。個蛋同鰻魚似買返黎即食個隻質素。成碟野比我個感覺似東拼西拼買唔同既即食野返黎翻熱就上檯，百五蚊個main食緊咁既野…… 總結：多錢既或者想激嬲女朋友搏分手，建議ex去既呢個係不二之選。

第一次去試元朗牛舞燒肉店，有幾個吾同嘅套餐選擇，我地揀左最貴嘅餐試下，有火煱可以一次過試埋，肉類有最靚嘅薩摩和牛。我地首先食左剌身先，有帶子，三文魚，北寄貝同甜虾等等，份量細份d，要點多幾次先夠喉，但都係鮮甜嘅。燒肉最正係蕯摩和牛，烤兩烤就食得，充滿肉汁同和牛油香。仲有其他肉類選擇，澳洲同美國和牛，豚肉同羊肉等等。另外海鮮亦好豐富，有鮑魚，帆立貝，甲羅燒，虾，牛油蜆同蠔，帆立貝比較淡味，其他鮑魚，甲羅燒同蠔好鮮美味。我地試左牛骨湯火煱，出面有自助火煱配料同飲品雪糕，種類都ok多。另外仲有炸物同小食，炸芝士年糕，炸蠔，雞軟骨同辣花螺，今餐食得好飽好滿足，待應服務吾錯，上菜同收碟速度都快。

雖然銅鑼灣食肆林立，日式燒肉選擇居多，但係要除咗燒物之外，可以同時間食到刺身火鍋，同埋任飲酒水的話，這間餐廳無疑係我嘅首選。 為慶祝女朋友紀念，決定選一間佢最鍾意嘅地區食飯，方便食完野購物，我哋揀咗個$688魔笛牛套餐,除咗有燒肉之外，亦有刺身火鍋甜品，非常豐富，直頭跟酒店自助餐一樣。 一開始嘅時候，會先嚟一下燒肉拼盤，可以畀客人試一下哪種食物比較適合，才點餐，燒肉方面最出色一定係日本薩摩牛，這裏嘅薩摩牛相當厚切，肉質脂肪分佈相當均勻，質素極高。 火鍋方面，這裏嘅豆乳鍋非常出色，豆乳味濃郁之外，入面亦都有大量嘅蔬菜，可以中和飽肚感，海鮮燒物方面，尤其鮑魚及係魷魚特別出色，還有雞泡魚乾，非常適合送酒。 酒類方面，這裡會走超過五款，有紅酒白酒梅酒sake，非常適合愛好杯中物的人，配合燒肉去享用。 刺身方面，這裏有多款選擇，帶子及北寄貝非常鮮甜，相當出色，愛好貝殼類似嘅人士，應該會覺得今餐非常超值。 如果大家鍾意一次過試勻不同令食物的話，一定要選呢間牛舞，性價比非常之高，但係要預早訂枱。

觀塘出名多美食,特別喺亞太中心入面,無論係日式放題,韓式燒烤,中式點心,樣樣俱全,但如果想試多口味,一次過有差火鍋燒物嘅,就只有這間牛舞。 這間餐廳位置相當闊落，就算兩個人都安排四人位置，感覺係非常尊重客戶，餐廳有帶多個套餐供應，由於今日係親戚生日，決定係安排咗食最貴嘅六百八套餐，但性格比非常好。 套餐只需要加68蚊，就可以送埋火鍋套餐，這個火鍋有多款湯底選擇，最多人選就係這個豆乳湯底，豆乳味非常濃郁，入面亦都非常多蔬菜，感覺上可以中和燒肉嘅油膩感。 肉類方面，這裏有多國家嘅牛肉可以選擇，日本和牛和澳洲a4和牛仼食，每次份量都非常足夠，師傅切得非常適中，方便燒烤，肉質香濃味，絕對比坊間自己揀埋非常抵，餐廳還有多樣優惠供客人選擇，例如參加memher完,之後就會送一嚇壽喜燒係高級日本和牛片，絕對係慶祝生日嘅好地方。

荃灣眾安街美食林立，中西日意泰菜色也有很多選擇，競爭非常之大，所以普遍質素都非常之高，這間滿屋日本放題成立多年，而且人氣非常，質素相當有保證，今次很好彩早幾天預約已經有位。 刺身方面，這類質素非常高，跟omakase素差不多,特別係吞拿魚方面,有中拖羅同大拖羅選擇賣相非常好,而且份量超多,這裏有日本長腳蟹提供,鮮味十足. 其他刺身方面,亦都非常高質，例如scallop說得很大粒，是來自北海道嘅,蝦亦有三款可以選擇,包括大蝦,日本甜蝦,以及泰式生蝦,非常適合鍾意多款式的我,其他主食方面相當出色，牛舌同羊架燒得剛剛好，肉質鮮嫩，證明師傅水平非常好預測火喉準確。

金鐘一般嚟講食物餐廳數目不多，分佈很散,除了星街比較多餐廳之外，遠東金融中心亦有數間餐廳可以選擇，由於我鍾意食日本食物,今次選擇了這間人氣嘅 高質日本餐廳. 這類嘅套餐選擇非常多,除了選擇日式放題之外，亦可以揀日式便當，我跟朋友亦是重質不重量，所以今天決定選擇了一個日式涮涮鍋以及厚切燒和牛。 厚切燒和牛 價錢非常超值，只需要四百多元已經有一塊日式a5和牛餐廳，擺枱非常精美牛肉，放在日本岩鹽上面保溫，師傅很貼心已經砌咗畀客戶，所以只需要一夾就可以非常方便，牛肉油脂分佈均勻，肉質非常軟，而且啖啖牛肉香，不會過肥，亦不會過鹹，證明師傅質素非常高，下次嚟到亦都要選這個厚切牛扒。 涮涮鍋方面，主要係日式薄切和牛，配上精美嘅shabu shabu，日本鍋味道非常夾,餐廳亦都提供咗很多前菜，有鮑魚日本魷魚海膽豆腐，均質素高中上,味道很好,整體來說這個套餐非常超值。

呢間餐廳位置其實係幾方便嘅，就近喺太子站五分鐘路程，一般嚟講要搵一啲衛生不錯嘅中菜館，容記係不錯選擇，但今次嘅食物體驗真係令人非常失望下次不會再來. 門口係光頭部長全程黑面，好心問左幾次要餐牌，又唔應人，又唔講野， 之後仲要成張餐牌拍落我身上，好心做服務業就保持基本水準。 食物方面叫咗海鮮炒粉絲以及小炒王，味道比以往偏鹹，份量不變，師傅炒得仍然鑊氣十足，但整體炒得過火口感一般，已經冇咗以前嘅一貫水準。 時間雖然係晚上七點，但以往人頭湧湧嘅場面已經不在，今次去只係淨返三份一人喺晚市坐，我估計相當程度係因為服務水準非常差劣，第二級 係食物質素下降。

It is good to see the new opening of flames in kwun tong district but the tasting experience is really disappointed. The 2 glasses of white wine are not cold at all, there are some dust inside the glass, so crazy about it. The set for 2 is not privy but there are not much available options from the menu since 7:30pm so it is strange. The table is definitely too small for 2people just like a fast food restaurant.

呢句嘢粉麵舖非常之方面只需藍田站行出嚟轉個彎就到完全唔需要揼雨所以食埋我落雨天必去嘅飯堂 食物方面崩沙腩目喺呢度非常出色，一點不肥，筋肉相連，每一舊又有根又有肉，很煙韌很有肉味，配上河粉，簡直係毫無破綻，非常腍口感價錢只需要60蚊，非常超值，還有呢度嘅雲吞水餃都非常大粒同出色，食得出係真材實料，如果有肚的話，必試這裏的奶茶，香濃幼滑，平衡非常之好。 這類嘅水餃雲吞，亦都係歡迎外賣，非常方便，如果想打邊爐的話，可以在這裏有很多選擇。

這間位於北角語砲台山交界嘅潮州食品營，連續多年攞咗米芝蓮評級,由於女朋友想食潮州菜,於是決定去試一試看看點解有咁多人排隊,很好彩剛好碰上有人客未能抽空出席,結果老闆畀咗張枱我哋用. 經過老闆推介決定試一試這裏最出名嘅鵝腸和金錢肚,鹵水味非常濃郁，但不會死鹹，金錢肚很有口感，非常爽脆，係我食過最好味嘅一款，鵝腸方面不會太肥，碟頭很大和口感亦都很爽脆。 另外亦叫了蠔仔粥，蠔仔粥食得出沒有落很重味精，反而很多天然嘅配料，譬如豪仔方魚魷魚，令到個粥底非常香濃，但不會過鹹，整體食物相當具質素。