餃掂手工餃子雲吞專門店

營業中

休息中

呢間餃子店已經食咗好幾次，真心覺得佢呢水餃好食。極力推介韭菜湯餃。每隻餃子都脹卜卜，好似一隻元寶咁。湯底叫做九鼎湯。其實我都唔知材料係啲乜，只係好似飲到有啲粉葛味。雖然味道比較清淡但係飲完之後冇味精口乾嘅感覺。除咗韭菜餃，佢嘅菜脯辣椒醬亦都深受我歡喜。本身我都唔係食得辣但係韭菜餃加埋少少菜脯辣椒油，份外野味。大少就通常食餃子麵，我哋會帶唔同嘅餃子，可以是多種口味。同中環其他餃子店比較，佢絕對係性價比高。

天氣凍返好多，想食有熱湯既熱野，但又唔想成日食麵，諗起中環呢頭有間餃子好食又唔貴，不過要行幾條街先去到🤣 見天氣凍凍地就即管行下，去到「餃掂」門口已經都有好多南亞裔哥哥等緊外賣，所以我都等左一陣。.屋企有4個人，應該3份餃子都夠食，所以我叫左龍鳳松茸雙灼餃$86（8隻）、韭菜豬肉餃$54（10隻）、元貝煎豬肉餃$62（10隻）、黃金原味皮蛋$28。.講返餃子先，呢間餃子平時食lunch就幫襯開，夜晚因為通常返屋企食就比較少食，佢餃子重類係極多，多到有點選擇困難症咁🤣咁今次就叫左之前都食過既招牌龍鳳松茸雙灼餃，8隻裡面係4隻白松露同4隻黑松露，咬開既松露香味好重，夠晒特別又大大粒，冬天食好暖胃feel! 之後元貝豬肉餃就叫左煎既，煎既可能返屋企凍左少少無咁脆，就同堂食有d分別，但佢個皮煎到脆脆有點濃邊，加埋粒粒貝柱好食。另外想講下佢個煮餃子跟埋個狀元九鼎湯好鮮甜又好味無味精👍🏻正 。冬天食熱辣辣餃子好幸福。

之前係太子店食過呢間足料餃子店一直念念不忘，以前去親食都要等位。而家多得林鄭，無得做晚市，就唯有外賣返屋企食。「餃掂」係香港區都有幾間分店，今日我經開中環，就係中環呢間叫外賣返屋企食。.▪️元貝煎豬肉餃$62（10隻）煎既餃子製法好似同灼既有點唔同,皮比較厚身，就算拎到返屋企食咬落都有肉汁，唔會太乾身，中意佢個元貝餃因為好香貝柱味加埋豬肉醃得好食，所以整體好夾👍🏻▪️龍鳳松茸雙灼餃$86（8隻）跟狀元九鼎湯湯同餃子係分開上既，拎到返屋企都唔會淋晒，8隻裡面分開一半一半為白松露同黑松露，食落口感好似差唔多，但個人比較中意白松露，總是感覺香味足d.▪️黃金原味皮蛋$28呢個係每次必點既，因為普通皮蛋周圍都有得食，黃金皮蛋係硬身點帶點煙韌同一點絲甜。特別得黎佢都賣得唔貴。▪️蜜餞雞翼$24（3隻）雞翼不過不失，可能拎到返屋企凍左少少，甜味比較重。▪️韭菜豬肉餃$54（10隻）唔知點解韭菜豬肉餃係連湯上，不過出奇地又唔會整淋個餃子皮，呢個即係證明個手工餃子皮係得既👍🏻餡料正正常常，個人都係中意松露餃多d🤪.外賣自取黎講餃子都不妨為一個好選擇，2xx蚊夠成家人食到捧著個肚🤣

上次去太子「餃掂」買過外賣給老公吃之後，他就常說想再吃壽喜燒牛肉餃所以今晚放工就去了餃掂在中環威靈頓街的分店，買自取外賣直接回家。因為他實在太愛吃餃子，所以今次買的主要都是灼餃和煎餃。還配有他最愛蘸的菜甫豆豉醬、四川辣醬和醋汁。《壽喜燒牛肉(煎餃) $56/7只》可選配湯/煎餃（7/10隻），上之吃過湯餃，今次就試試湯餃。餃子咬開有鮮甜的牛肉味，感覺比其他香濃，再蘸少許喼汁就更好味。《重慶鮮肉雲吞 $40/12只 (中碗）（小辣）》小辣對於吃辣的他來說完全無辣，所以嗜辣的朋友最好點大辣。鮮肉雲吞比較細小，薄皮包著肉粒，入口同樣有肉鮮味。《餃子麵 配6隻 $53》餃子要了「大白菜豬肉餃」，豬肉加上大白菜鮮甜味加倍，湯底加了酸菜，味道酸香好吃，配上掛湯的陽春麵好味道。《至尊松茸豬肉餃跟狀元九鼎湯 （灼）$73/10只》（中碗）名字很強勁，狀元九鼎湯有補氣健脾、生津抗燥的功效，材料有美國蛇果、生魚、無花果、淮山和豬尾骨，味道清淡有益。餃子咬開可見松茸和肉餡，松茸入口香氣溢出，味道香濃，和豬肉香好夾，十分有驚喜；而狀元九鼎湯用上眾多材料淆製而成，味道清淡，食完香濃的松茸餃，喝上一碗，很不錯。《

2020年12月19日。晴。中環。呢日行完街諗住買外賣番去同屋企人食見附近有呢間餃子專門店，一於試下～舖位喺石板街行到最高嗰條街嘅右邊門口就有外賣紙，睇啱先入去落單～餐單有兩版，選擇都幾多！每款餃子都可以揀煎餃或者湯餃，又可以揀中碗（7隻）或者大碗（10隻）我就揀咗4款，2款煎餃，2款湯餃咁落單10分鐘左右就攞得！好快手！煎元貝豬肉餃，$53攞到番屋企，啲煎餃都仲係暖暖地嘅，雖然有啲倒汗水，但食嘅時候個皮都仲係香脆嘅！餡料嚟計，呢個元貝豬肉餃又真係食到元貝仔！調味適中，唔錯～野生松茸素餃，$48其他湯餃都會跟湯嘅，但係素餃就唔會跟湯嘅，留意番～作為素餃，佢用咗好多菇，所以鮮味十足，鍾意食菇嘅記住嗌喇！龍鳳松茸雙灼餃，$86呢個松茸同上面嗰款松茸係兩回事，因為佢係加咗黑白松露，非常矜貴！咬一啖已經畀松露獨有嘅香味包圍，好高級嘅感覺～狀元九鼎湯嗌湯餃大部分都會跟呢個湯，素餃除外～個湯試咗一啖，感覺冇落味精，但係係用蓮藕煲嘅（由於我唔太鍾意蓮藕，所以屋企人飲晒～）壽喜燒牛肉餃，$74最有驚喜係呢個壽喜燒牛肉餃！完全複製到壽喜燒嘅味道，餃子入面嘅肉汁鮮甜～大家都爭住嚟食！

原來媽媽沒去過中環大館，趁著這天有空，就帶她去逛逛兼拍照。今天只有十度，逛完是時候去補充熱量，簡簡單單，不如吃餃子？走著走著就來到這間「餃掂」，一頓美味又經濟的松露盛宴，就在此「搞掂」。走進餐廳，當眼處有一幅題字，上面有八句肺腑之言，是餐廳創始人小劉的分享，內容主要是告誡大家要控制情緒，不要亂發脾氣，很多客人在等外賣時都會駐足觀看，甚至拍照留念，的確是很好的提醒呢。日本龍鳳蛋 $32黃金原味皮蛋 $28蜜餞雞翼 $32吃餃子之前，先點了一些小食。最喜歡的是日本龍鳳蛋，本身已是非常入味的溏心蛋，上面還加了黑松露和白松露醬，倍添香氣。這種味道，突然讓我想起了台灣，以前和朋友出差去台灣，我們總會走到便利店買溏心蛋回酒店吃，現在只能先懷念一下了。龍鳳松茸雙灼餃跟湯  $86另一道松露美食，就是這龍鳳松茸雙灼餃了。四隻白松露，四隻黑松露，配上一碗魚湯，邊吃邊喝湯，清香味美。壽喜燒牛肉湯餃  大碗$70另一款餃子要了這「壽喜燒牛肉湯餃」，用新鮮牛肉製造，裡面有洋蔥碎，甜甜的很好吃，下次都要encore。

又嚟中環打掃下間屋，做到攰癩癩，唔想買餸煮飯，有人提議去食個 early dinner 先返屋企，原來一早已經睇中咗威靈頓街呢間「餃掂手工餃子雲吞專門店」。餐廳地方不大，店面窄窄長長，但裝潢布置精緻講究，環境乾淨企理，加上我們被安排坐在靠牆的座位，自成一角，感覺亦蠻不錯。先睇下餐牌，餐廳主打 12 款餃子，有自創，亦有傳統，另外亦兼賣粉麵和多款外省小食，如麻辣皮蛋、手拍青瓜、酸辣雲耳等。我哋點咗龍鳳松茸雙煎餃、芫茜豬肉煎餃，另外再加咗餃子米線、唐芹豆筋同豆漿。兩款煎餃同時送上，龍鳳松茸雙煎餃 ($86)  賣相非常靚仔，外層煎至金黃香脆，入面嘅餡料除了豬肉和松茸外，還分別加入了矜貴嘅黑、白松露，非常足料。咬開可以清楚見到入面有好多松茸碎，加上黑松露和白松露嘅味道既天然又芳香，皮薄餡多，啖啖滋味。至於另外嗰碟芫茜豬肉煎餃 ($63)  亦非常美味，餃子用料十足，食落夠曬清香爽甜，入口富濃郁芫茜味，一點也不苦澀，加上芫茜同肉餡嘅比例均稱，絕對是健康之選！吃時可蘸少許桌上嘅四川辣椒醬或菜脯辣椒醬吃，別有一番風味。食完兩客煎餃就試下店裡的餃子麵 ($53)，點了壽喜燒牛肉餃 (+$8) 配米線

Great for: quick meal Ordered: Chongqing pork wonton (small dumplings, but had quite some number of them. not overcooked/undercooked, so the skin was soft yet the inside still remained chewy; soup looked spicy, but it wasn't so you could possibly drink it; coriander didn't overpower the dish, which was good; pre-mixed sauces on the side didn't seem to taste good, but with the spicy soup, no additional sauce was needed) Plus: food Re-visit: yes, if I happen to be in Central and need a quick bite 

周五放工都無得去街，托疫情之禍福，只好外賣晚餐乖乖早返家！涼涼地不如吃餃子，去了我近月最喜歡的餃掂手工餃子專門店，因為除了餃子新鮮製造、醬汁自家製之外，老火湯「配狀元九鼎湯」非常窩心，全無味精，真材實料。龍鳳蛋配黑白松露醬 $18+$1至尊松茸灼餃配狀元九鼎湯 $108+$1壽喜燒牛肉餃 $74/10只 +$1元貝餃 $62/10只 +$1餃子皮厚薄餡豐富，全部完整沒有一點破爛，味清肉香，至尊松茸灼餃口感帶著菇菌的柔韌，與別不同。元貝餃添鮮，相比略有不同。煎餃比較香口，尤其揀了壽喜燒牛肉，咬落有肉的質感，又有肉汁，相比豬肉更香，煎的做法最能發揮其肉香。至於龍鳳蛋，特色在黑白松露醬，口味獨特。不過，全部外賣每款加$1，需留意，唔知道自己帶盒得唔得呢！店舖細細，間隔得企理舒適。

上星期下班後,順便買晚餐回家吃,在公司附近有一間吃餃子的餐館,餐牌上餃子款式頗多,我點了龍鳳松茸雙煎餃和壽喜燒牛肉餃子煎餃,龍鳳松茸餃混上不同食材,再配上了松茸散發著清幽香氣,令人一刻迷上了在餃子裡,不容遺忘。壽喜燒牛肉餃子,原隻餃子渾圓肥嘟嘟,餃子皮軟軟綿綿,柔柔韌韌,當你輕輕咬破,肉汁源源湧進口腔,會令人吃得非常開懷。大廚處理蜜餞雞翼,都有一手,外皮蜜甜滑溜,肉質幼嫩,加上獨門秘製醬汁,齒額留香。還有2款四川涼食,都不遑多讓,一款是四川涼皮,口感爽脆,添上一些bb辣,更是錦上添花。另一款是四川涼麵,同樣出色,麵質爽口煙韌,出自大廚手藝,味道恰到好處。

平時一諗起餃子，當中其中一間一定會諗起呢間餃掂。特別天寒地凍如果食到熱辣辣嘅餃子真係相當滿足。今次因為中環工作完就去到佢其中一間分店順路幫襯。當中餐牌有多款不同餃子及小食選擇，相當豐富。但因為疫情關係所以今次只好外賣返屋企食啦。四川涼皮材料相當豐富，特別表面有大量花生碎增加每一啖口感，而且涼皮爽口彈牙相當出色，而我個人非常鍾意佢煙韌質感，而且食完之後相當開胃。麻辣松花皮蛋松花皮蛋非常好食，最重要就係有糖心質感，而且麻辣味剛好，唔食得辣嘅朋友都接受到，食完之後真係好滿足。大滿貫素餃大滿貫素餃今次就揀咗煎餃，當中包括有菇菌、菜粒、瓜類等相當豐富真係好似大滿貫一樣。煎餃帶脆口，蘸上辣油一起更加惹味。惹味唐芹伴豆筋呢個真係一個唔錯嘅小食，豆筋配上爽口唐芹真係好出食，加上辣油等調味，更加食唔停口。至尊松茸豬肉餃配狀元九鼎湯九鼎湯果然每次去到都必飲，濃濃粉葛味，啖啖魚湯觧味，真係令到個人全身暖哂。加上佢個至尊松茸豬肉餃皮薄餡滿，食完可以安心冬眠。

疫情關係去邊都冇得夜晚堂食，肥妹仔去咗買餃子食。肥妹仔揀咗煎松露餃子，因為會外賣回家。佢嘅松露餃子好好食，入邊有好香濃嘅松露味，仲有豬肉餡，外皮煎到香脆，就算返到屋企都仍然脆卜卜，而且佢嘅松露有黑松露同白松露醬，味道非常之豐富。另外肥妹仔嘅家姐好鍾意食佢嘅煎芝士豬肉餃，呢一個亦都係肥妹仔嘅大愛！所以肥妹仔今次亦都揀咗嚟食，水準同以往一樣爆多，會拉絲，同豬肉好夾。另外肥妹仔叫咗兩款皮蛋做小食，一款係麻辣皮蛋，麻辣味唔算好勁，食唔到太辣嘅人可以一試！另外一個就係佢嘅松花皮蛋，完全唔辣，但係好香，食落去一啲都唔肥膩，好好食。最後肥妹仔仲叫咗一碗麻將冷麵同埋一個四川涼皮！因為係晚餐怕唔飽，所以叫咗兩款麵食。肥妹仔好鍾意食呢兩個涼麵，因為佢嘅麻醬好香濃，麵條煙韌，而佢嘅四川涼皮可以揀辣度，肥妹仔嗌咗微辣，涼皮非常之爽口彈牙，醬汁好香濃。

平時常常食白米飯,今日轉下口味食下餃子,呢間係中環幾出名嘅餃子店,價錢同食物質素都不錯。我點了兩款餃子,一款龍鳳松茸雙煎餃,賣相已經好吸引,皮薄餡靚,松茸散發陣陣幽香,龍鳳配兩款材料,更勝一籌。另一款壽喜燒牛肉餃子,皮薄柔韌,牛肉汁液滿滿,濃甜馥郁,令人吃不停口。一款甜蜜餞雞翼,自家調製香甜醬汁,別有一番風味,色澤亮麗,肉質幼嫩,時間控制得非常到位。仲有佢有兩款四川食物,一款四川涼皮,滑捋捋非常清爽,配搭bb辣,非常開胃。食埋四川涼麵,麵質幼滑爽口,調味功夫一流,份量啱啱好,日後必定再來惠顧。

自從幾年前吃過餃掂的餃子， 像發現了新大陸，喜歡煎餃香口而不膩，灼餃子的老火湯底十分鮮甜，時不時都光顧不同的分店。限聚令未升級前的周末下午和幾個朋友來了中環威靈頓街的分店吃下午茶。灼餃子配狀元九鼎湯是必點項目。餃掂每家分店都有一款不同的招牌湯，共通點都是火候十足而沒有味精的滋陰湯品。餐牌的說明狀元九鼎湯是"不惜工本古法煉製絕無味精" 。這店的湯料有粉葛、順德鯪魚球、 活鰂魚、紅蘿蔔、扁豆、赤小豆、新會陳皮、蜜棗、鮮排骨等。很夠火侯，粉葛加上新皮的湯頭甘甜鮮味，立即增進食慾！ 至尊松茸豬肉餃 (中碗) $73 ~豬肉嫩滑多汁，松茸香而爽口。龍鳳松茸雙灼餃，配狀元九鼎湯$86~分别配了黑白松露，咬開流出熱烘烘的肉汁，渗出黑松露香，十分美味!元貝豬肉餃(中碗 )$53 ~韭菜豬肉餃 中碗(煎餃) $47~芫茜豬肉餃(中碗) $46~幾款豬肉餃加了不同的配料，各有千秋。豬肉配芫茜，香氣夠吸引，元貝將豬肉提鮮，加韮菜添了惹味，灼或煎都很美味。回味手拍青瓜$25~青瓜酸甜爽脆微辣又入味，十分醒胃!龍鳳蛋 /只$18~溏心燻蛋下面鋪了青瓜絲，上面分別放了黑白松露醬，非常細緻， 風味獨特。蜜餞雞翼 (

打咗幾次邊爐，好油膩今日想清清地，食餃子啦。至尊松茸豬肉餃煎餃～ 非常香口，餃子底煎得脆脆的，另外配一碟白松茸同黑松茸醬料。 夾黑白松茸醬一定要試吓，味道濃郁可口。元貝豬肉餃灼～ 真真正正嘅鄙薄餡靚，餃子皮真係薄到透光。內裡餡料滿滿的，豬肉非常新鮮， 而且食到粒粒元貝，豬肉和元貝配搭起來更加鮮甜。元貝豬肉餃灼 附送的 高湯🥣， 湯底濃厚。 竹昇米線～ 湯底清清地， 配煎餃食幾好。 蜂蜜檸檬薏米水～ 薏米煲到林生，可以食埋。自家製山楂雪梨水～清潤解渴