餃掂手工餃子雲吞專門店

呢間餃子店已經食咗好幾次，真心覺得佢呢水餃好食。極力推介韭菜湯餃。每隻餃子都脹卜卜，好似一隻元寶咁。湯底叫做九鼎湯。其實我都唔知材料係啲乜，只係好似飲到有啲粉葛味。雖然味道比較清淡但係飲完之後冇味精口乾嘅感覺。除咗韭菜餃，佢嘅菜脯辣椒醬亦都深受我歡喜。本身我都唔係食得辣但係韭菜餃加埋少少菜脯辣椒油，份外野味。大少就通常食餃子麵，我哋會帶唔同嘅餃子，可以是多種口味。同中環其他餃子店比較，佢絕對係性價比高。