阿叔泰麵 (積信街) (已結業)

今天放工路經大圍，決定在這區找尋美食，疫情之下，已經久違了泰式船麺一段日子，以前曾經為了飲到足料的冬陰公湯，會自己買香料，大頭蝦，配料、棷奶去煮出一鍋冬陰公。抱住期待的心情坐下，點了一碗冬陰公麺和泰式飲品。先品嚐一啖湯汁，咦？酸、椰香、辣味去左邊？立即加反枱上的調味自我安慰😌配料是雪藏青口，冇味蝦，同平日不會吃的麵粉蟹柳，咁蘑菇去咗邊？旁邊坐下的食客亦都跟各自我點了冬隂公湯底，食完湯後，亦重覆了自行調味的動作。食後感...三個字：頸渴、㐲

晏晝同朋友去食tea，揀咗間泰國船麵小店🇹🇭 小店裝修係泰國街頭嘅風格好特別🤩牛肉船麵湯底好濃，甜甜地有少少藥材味，牛肉係牛腩連少少筋位，有3大舊，牛腩非常入味，炆得好淋👍🏻 炸豬皮吸哂湯，煙煙韌韌咁好好味😋店家仲提供咗4款調味料，我加咗魚露同糖落湯底入面，加咗之後會蓋咗啲藥材味，如果唔鐘意藥材味嘅朋友可以試吓😆紅咖喱雞翼炸得非常香脆，好重香茅味👍🏻燒豬頸肉大大份，有少少焦香燒得好好👍🏻飲品方面推介泰式奶茶，超濃泰式茶味，加埋煉奶好泰式😍總括而言小店食物好食，裝修又有風格，非常適合放假嚟chill吓😋😋

最早只有元朗才有的店，最近開到了大圍，但是離地鐵站還是有一定距離的，豬手飯米飯份量不算太多，豬手皮有點多，但是全部膠原蛋白！肉鬆太陽蛋飯味道卻意外的好食，泰式奶茶味道也可以

今日同阿女一早去左大圍踩單車 🚴‍♀️踩到攰就周圍搵嘢食🤣 行過見到呢間阿叔泰麵🤩為咗睇住架單車 🚲揀咗坐向街嘅位置 一月嘅微風吹過黎特別舒服😌 呢碗係冬陰功河粉 裏面有好多海鮮好足料👍🏻冬陰功湯酸酸辣辣好開胃🤤 最正係個河粉好特別！唔係平時河粉軟林林嘅口感 而係咬落煙煙銀銀😌呢個係楊叔叔豬手飯 佢個豬皮真係好誇張，充滿骨膠原食落去黏黏滑滑但係完全冇油膩感😭好食到想食多碟❤️ 仲有呢個芒果糯米飯 糯米飯超煙銀啲芒果又甜🤤 阿叔泰麵真係好高質素！！！❤️好好食 一定要再嚟！！💪

#大圍 #阿叔泰麵 新開，經過過幾次，今次先入去試下，入面橙調裝修好靚，又有窗邊bar枱位，不過會同路人超近啦#牛肉船麵 我叫咗金邊粉，湯底係泰國食到嘅味，一飲個湯，好似去咗泰國咁牛肉係牛腩，正#豬皮 即炸，超脆身，個丸無咩特別，不過分量偏少#青咖喱牛肉飯 好辣但咖喱都香醇，椰味重，配菜好多，四季豆正都係一樣啦，分量偏少所以後尾再叫#粒粒雞棗 原來係越式札肉啲fd，只係入面轉咗雞肉，同埋上枱就feel到個即炸感，啲熱氣傳哂出黎，亦都非常之外脆內軟#泰式奶茶 超級泰式，茶底完全係泰國茶底，煉奶都好夠，我仲可以叫 #少冰 #凍檸茶 就一般般喇，個茶底用返奶茶個茶底，所以好濃味，同遮咗啲檸味，即使有半粒青檸係入面味道: 8/10味精: 7/10價錢: 6/10環境: 8/10服務: 8/10

泰國菜就食得多，但泰國船麵就未食過，可以今次同媽咪去撐枱腳試吓呢間新開嘅船麵🍜呢間阿叔泰麵位置唔係喺大街，不過都好容易搵到，我哋大概3:00左右去到，都陸陸續續有客人入嚟食，估唔到都幾受歡迎👏🏼餐廳內畫上泰國feel嘅璧畫，亦🈶️望住街嘅高身吧枱，感覺好舒服😌套餐包一杯飲品，價錢亦都好合理，咁我哋一人叫咗一個餐再加一個小食😋牛肉船麵🍜湯底🈶️香濃嘅香料味，仲要加埋店家準備嘅調味架上四款調味料先夠正宗😋牛肉係牛腩嚟嘅，份量好足之餘亦夠入味👍🏼最驚喜嘅係上面嘅炸豬皮，脆卜卜好好味😍泰式豬手飯亦都係好大份，雞蛋同豬手都好入味，豬手連皮炆得好淋，食落一啲都唔會覺得膩紅咖喱雞翼係微辣程度，炸香之後加埋紅咖喱嘅味道，好惹味～食完之後嘆番杯跟餐嘅熱青檸蜜，同upgrade左嘅菠蘿梳打就圓滿啦😌

入去叫左第一頁最頂果牛肉船麵（金邊粉）。通常枱面有4種調味料比你落，不過我就無落度，費事影響判斷力值得提既係牛腩幾好食，份量大、食落又唔硬。另外炸豬皮真係幾脆下，味道又唔錯。金邊粉索湯，不過就食落麻麻地，因為有D淋。牛丸不過不失咁啦。湯就偏甜，有牛味同有少少芽菜通菜味。不過牛味較少、飲完有D油。篤篤炸丸同泰式咖啡都只可以講係一般貨色，唔值得特登加錢黎食。講到咁其實好唔好食呢？其實唔叫小食既話係50幾黎講係好食既，不過味道黎講就唔太值得回頭品味。假日加一服務費既話就偏貴而且要加野飲同小食先可以算係飽（男人黎講），咁既話一餐就差唔多百幾，咁就真係算好貴。總而言之係合格水平，有特色但係唔夠好食，而且唔夠抵食。平日口痕可以食下（因為唔收服務費又跟餐真係幾抵食）。假日真係唔建議，想好味又飽既話百幾蚊大把選擇，我而D平民百姓就應該好少機會再食了仍需努力Ps：抵食原本係想比3星，不過考慮份量問題同假日價錢所以比1星

同屋企人出左大圍買野，想食個下午茶，見到新開左間鋪頭，佈置得幾有特色，天花掛住泰國油紙傘，牆上畫滿畫像，入都去見到有個大大既窗口位置，揀左黎坐。黎到食泰國野，緊係揀船麵同冬蔭功試啦，仲有酸辣鳳爪😍😚😚😚。冬蔭功金邊粉湯麵一上枱即刻飲啖湯先，酸味夠，同埋只係微微辣好岩我，材料豐富，有蝦、青口、蟹柳、豆卜，金邊粉爽滑，吸哂冬蔭功湯，但冇糊到！雞肉金邊粉船麵雞肉船麵湯濃，雞肉係雞鎚，雞翼入味易咬，非常特叫有炸豬皮，而且內藏左雞腎😍😍😍+$15 聖巴東無骨酸辣鳳爪小食這個無骨酸辣鳳爪麵頗辣，仲越食越辣。飲品+$8 青檸七喜（附送）泰式凍菊花

大圍一直都車房林立。小妹作為一位食家既今日去大圍捐窿捐罅搵隱世美食事緣今日突然有種思泰情懷記得有一次去泰國俾我最深刻既係見有小販係船上賣麵我咁為食當然有買一碗食一食...咦！！！出奇地好食...突然靈光一閃有次行過大圍油站附近有間食船麵我點解知！？因為佢係正路口位而且鋪外一大幅特色油畫，加上簡約設計一眼就睇到我當然諗都吾洗諗就即刻動身去大圍(小女住沙田區)一入店內已經充斥住舒適既泰國情懷我因肚餓無暇感受都急不及待我點左碗雞肉船麵而我同行朋友話一間泰國餐廳質素好與否就要試下佢個泰國肉碎蛋飯咁我倆各自追加香茅魚露雞翼同埋篤篤炸丸配午餐附送飲品泰式凍菊花茶和泰式凍檸茶當上碗船麵時有種身在泰國既感覺原因係佢用既匙羹及碗都好有泰國色彩當雞肉船麵來時我先試一口湯底味道適中不算太濃烈所以我明佢點解會包含配料 花生碎, 炸豬皮, 芽菜, 通菜去刺激你既味蕾雞鎚肉感軟又不散，感覺到用心製作。另外香茅魚露雞翼味道適中因一般而言魚露如太重的話味道通常太濃當我陶醉於美食之中我聽到同行朋友大讚佢碟香葉肉碎飯味濃而不膩，一淡飯一淡肉碎配合得岩岩好加上篤篤炸丸有埋咬口，口感都一流。讚最後我倆慢慢坐係吧枱，飲住清熱既

很喜歡到大圍尋食，有好多不同特色的小店，趁今日星期五，阿仔上完網上堂後，我哋來到這間，橙色窗框同信箱，讓你有一種很想入去的衝動，一於試試看小店格局，橙色窗框附設吧位，如坐這裏用餐，應該幾有feel。天花掛上泰式紙傘，充滿泰國風情我哋都鍾情食船麵，就一人一碗。我揀咗牛肉河粉，牛腩好淋，入口鬆軟，牛味濃郁，還有幾粒小牛丸。 湯底很濃厚，應該冇加味精，飲落唔會口渴河粉較我們平日食的闊身，索曬啲湯，又滑又好味。 每碗都有炸豬皮，芽菜，通菜，花生碎。主菜和配菜的份量非常足夠。阿仔叫咗雞肉金邊粉，有幾隻小雞槌和幾片雞腎， 雞槌和雞腎都好入味同樣加上炸豬皮，芽菜，通菜，花生碎，非常足料。檯面有張小貼士可以把魚露，白糖，白醋，胡椒粉加入船麵，但我覺得唔加都好好味。加$15有自選小食，當然加了。選擇了棟篤炸丸，有牛丸，豬肉丸各三粒，唔係話用炸醬炸嗰隻，唔怕熱氣又夠香口，加上甜酸醬，好夾午餐附送泰式凍菊花茶，泰式凍檸茶或熱青檸蜜。 熱青檸蜜，來到真係嚇一跳，個杯大到呢好似湯碗咁，青檸清新蜜糖又滋潤凍泰式綠奶茶，呢個平時比較少飲得到，泰式茶葉的獨特味道，有點點青草和薄荷的味道，值得一試休閒的吃了個午餐，原來

此餐廳於元朗區是有名氣的店舖，向來便從朋友們口中聽過不少次它的名字，一直想找機會去好好品嚐，趁著今天寶寶豬來到大圍探望閨密姊妹，便來大圍區分店光顧品嚐品嚐。餐廳門口使用搶眼鮮艷的橙色作元素，入內可見天花板掛滿各款泰國的油紙傘，牆壁上亦畫滿民生畫像，整體彩色又活潑的設計富有陽光氣息，予人一種渡假的休閒輕鬆感覺，富有泰式風味的裝潢讓人猶如置身泰國之中。牛肉船麵湯底用上多斤牛骨和大量藥材煲製而成，因而色澤較深，飲用時醇厚鮮香，味道有著淡淡藥材香。麵底我揀選了金邊粉，其外型幼身細長，口感煙韌爽滑，能夠掛上湯汁。配料方面所有船麵均包含有炸豬皮、芽菜、通菜、花生碎，額外用料還有牛丸、牛肉，可見食材豐富足料，炸豬皮脆嫩香酥，芽菜和通菜爽脆軟嫩，香濃的花生碎則令整體增添不少口感。主角牛丸爽口彈牙，帶有肉汁，牛肉則軟腍香甜，牛味濃郁，再配上自家製蒜蓉醬，味道鹹香滋味，讓人一試難忘，整碗船麵皆製作認真，可品嚐出富有泰式風味。粒粒雞棗雞棗便是使用雞肉製作的肉丸，師傅額外加入有泰式成份的香料作調味，食用時惹味鮮香，有著肉汁，入口近乎即化，有著微微雞香，味道製作適中，不會過於濃郁。泰式凍菊花茶色澤金黃亮麗的菊花

泰國船麵近年在香港冒起，香港都可以找到幾間是吃船麵。阿叔泰麵，由4位遠赴泰國布吉拜師學藝半年年輕人，到元朗開了第一間阿叔船麵，然後把湯底加以改良，迎合港人口味，以30斤牛骨加入藥材熬足12小時，絶對零味精，難怪開業以來，日賣300碗，如此得食客歡心。難得在大圍開上第二分店，當然也要前來好好品嚐品嚐，確實一吃，讓人喜愛。******************************來到阿叔泰麵，便見到泰文ASOK字，阿叔泰麵，就是來自ASOK，意思就是悠閒，食客可以悠閒地品嚐泰麵。店中裝潢都較為活潑又有生氣，特別牆身的公仔畫像，都有著泰國風味在其中。抬頭一望，天花一樣有驚喜，掛上了泰國的油紙傘，滿有泰國風味。下午時段前來，便有個午餐之選餐牌，除了這個午餐之選，其實還有主餐牌，但看著午餐之選，都已經很抵食，午餐收費由HKD55-HKD62不等。選上主食之後，便包指定飲品一杯，如選上其他飲品，餐牌中便會注明另需收。除了選上了指定主食，還可以加錢選上小食或甜品，午餐時段還有加一收費，單是午餐餐牌都已經可以吃到餐廳受歡迎美食。吃船麵，除了湯底，最重要是調味，泰國布吉當地人吃船麵，著重調甜酸苦辣4款

🍜路過發現又有間新嘅小店 餐廳主打泰式船麵裝修風格好色彩繽紛 望到個人都開心啲😆-牛肉船面 一嚟到發現原來除咗牛肉仲有好多配料面底揀咗蛋麵 食落同平時食到既生面差唔多口感湯底加埋枱面上面嘅白醋、魚露、辣椒粉、白糖大家可以自己調配份量 即刻再多左幾分泰國風味牛肉係兩大舊牛腩 同咖喱飯嘅一樣 肉質好軟冧食落肉味都幾濃 配埋熱辣辣嘅湯底同埋一啖麵好正🤩-青咖喱牛腩飯 配菜有洋蔥、番茄、四季豆個汁比較稀 咖喱味冇平時食開既咁濃郁 椰汁味會重啲個人覺得如果個汁澀身少少送飯會方便啲🤔牛腩有三大舊 每舊都大過個匙羹 份量幾足👍🏻-篤篤炸丸 係豬肉丸黎 每一份有六粒食落Q彈有肉汁 外皮香脆 配埋泰式甜酸醬就啱啱好-午市時間跟餐會有一杯飲品 熱飲個杯仲好有泰式風味我地嗌咗一杯泰式凍菊花茶同埋熱青檸蜜 兩杯都正常整體而言都幾好 如果大家住得近可以試吓😗好味評分😋：4 /5🌟🌟抵食指數🤑：5/5 🌟🌟餐廳環境 🤪：5/5🌟🌟價錢💰：牛肉船麵 $58 青咖喱牛腩飯$58 篤篤炸丸 $15地址📍：阿叔泰麵 大圍積信街31-51號安信樓地下Q號舖

很久沒有去大圍，大圍周邊環境已經改變了很多，有很多食肆進駐這區。行到每一處都有很多細小的食店，有些頗有風格。今次同朋友去了一間很特別的食店享受美味的泰國風情食物。行到店門口，被店舖的顏色吸引着，大大兩個窗口位很特別。踏進店舖即請殷勤地招待，很可惜遲來一步，我們被安排坐近大窗口的位置，如果不是，能坐在大窗口的位置，一邊享受食物一邊欣賞外出的風景，頗為寫意啊。我們點了兩款食物： 牛肉船麵- 所有船麵配料包括- 炸豬皮、芽菜、通菜 及花生碎。麵底選擇很多，有河粉、粉絲、米粉、蛋麵、金邊粉。我選擇了牛肉船麵，牛肉厚厚，香稔軟嫩 。粉絲底麵身煙韌 ，湯汁緩緩浸淋粉絲，湯底是靈魂所在。楊叔叔豬手飯 - 白飯分量相當不錯配上豬手, 稠密緻滑、香軟鬆綿，還有配上美味鹹酸菜及沾滿豬手汁的滷蛋，為味蕾帶來鹹香惹味，層次豐富。還有此餐奉上飲品！我們選擇了泰式凍菊花茶， 菊花味香濃，飲後很清甜及減少油膩感及泰式凍咖啡，泰式咖啡味道像似朱古力味道，很特別。

話說琴晚外賣船麵加芒果糯米飯做甜品先講船麵，湯又香又甜，足料好味，好有東南亞風味，可以再試。但芒果糯米飯一係一試難忘首先，糯米飯極硬，用匙羹點都分割唔到，入到口唔甜有少少咸。其次，芒果又酸又有根，食完有芒果渣黐牙，呢個係我食過既芒果糯米飯最難食之一，希望佢第時會有所改善啦！