今晚同阿仔二人行，跟他吃最愛的火鍋放題搵到呢間位於大角咀的餐廳，2.5小時任食雞煲火鍋放題，價錢由二百頭到五百幾，我哋揀咗中價嘅C餐National美國Choice牛小扒套餐 $388餐廳寬敞，坐得舒服，我哋兩個人都係坐四人卡位


坐低先來一個前菜四小碟，精緻開胃然後再來泰式串燒拼盤，泰式風味，香口惹味自選特色湯底有六個，較特別的有海膽白麵豉湯底，我鍾情清香的椰子湯底，淡淡清香椰子，不霸道，好啱我口味。睇返menu，呢度仲有$10隻無限追加，全日供應的愛爾蘭生蠔， 好抵喎。呢個套餐包埋一隻芝士焗龍蝦，約有一斤重，芝士的力量使龍蝦肉更加鮮嫩，口感柔軟雞煲惹味，醬汁濃還可以無限添加，呢度每張枱有兩個爐，一邊放雞煲，一邊放火鍋，唔使食完雞煲先打邊爐National美國Choice牛小排，自然牧養，多汁嫩口。安格斯牛板腱，油花分佈均勻，肉質柔軟還有好多火鍋配料，海鮮類的蝦滑，吊桶仔，花膠仔，鮑魚仔都非常新鮮好味。另外還有北海道豚肉片，紐西蘭羊肩卷肉，也非常高質還有自助的火鍋配料好似蔬菜，響鈴，各式丸類等等，種類繁多。也叫了一些小食例如鹽酥雞，吉列帶子，蝦餅，炸得香口，而吉列炸蠔非常之有質素，裏面的蠔還很嫩除了很多樽裝，罐裝飲品在自助區，還有特別飲品例如珍珠奶茶， 乳酸特飲，奶蓋，還有咖啡師手沖即磨咖啡很多放題都有甜品供應，重點這裏的甜品是餅師即叫即制，當然要試下，叫了香蕉朱古力牛角窩夫，北海道牛乳雪糕球。也有包裝好的雪糕雪條，任君選擇。這裏五點前九點前入座，可享有八折優惠，好抵喎

假日打算去上水大水管拍照在上水乘搭51K小巴在總站落車。行咗幾分鐘左右，右手邊見到有間食豆腐花舖頭，好奇入去一看，原來唔止豆腐花，還有好多小食，於是乎先在這裏坐坐 最特別呢度有豆腐花任食$15，不過只限於熱食，而我哋食咗凍嘅，每碗$10，豆花香濃豆味，讚 買咗一支一公升不加糖的豆漿兩份飲$12，非常抵飲，同樣香濃豆味見到佢其實出面有幾間舖頭都有得賣，不過就唔知係咪同一個價錢。 煎豆腐 $15（5件） 即叫即煎，買咗之後有一張飛仔畀你，你要睇住螢光幕同佢會有廣播提你出去攞。新鮮熱辣煎出嚟 ，外面香脆而裏面好嫩滑 當天搭小巴之前喺上水廣場食咗嘢，又驚太陽落山影唔到大水管， 所以匆匆食咗少少嘢就走了 擇日重賽，我哋依然食凍豆花，不過今次一黑一白，黑色即是黑芝麻豆腐花，但係我覺得白色比較出色， 可能我鍾意白色豆味重少少。 上次冇食嘅煎釀豆卜$18 (8件)，應該釀咗少少魚肉，呢個必食，外面好香脆 煎素鴨$15 (6件)，相比自己在家中煎的，香脆好多，又夠乾身 今次拎定環保大袋，買咗支竹，扁腐皮，豆卜，腐乳返屋企 呢度地方寬闊，雖然喺室外，但係有帳篷，一啲都唔曬。呢兩次都係假日去，唔係話好多人，我仲揀同一張枱坐，感覺好舒服

同媽媽去完花展睇花，跟她去利舞臺酒樓飲茶入門口見到旋轉型雲石樓梯，華麗奪目的水晶燈，氣氛一流見到個精緻雀籠點心幾特別，叫咗一個 $1983層點心最上一層係天鵝酥，鮑魚酥。天鵝酥栩栩如生，成隻天鵝咁，鮑魚酥就成隻鮑魚鋪喺面。兩款都好香酥中層係蝦多士，蝦多士炸到金黃色，非常香口。紅蘿蔔造型的流沙奶皇餡，香甜軟糯底層係蝦餃同燒賣，大大粒蝦餃， 晶瑩剔透，燒賣足料雀籠啲點心每款兩件，一人一件剛剛好。欣賞佢哋將創意融入傳統，中式酒樓都有去酒店食下午茶的感覺

牛油果鮮蝦雪茄春卷 $48在別處未食過，一共有三件。成支雪茄型好有趣，裡面有牛油果同鮮蝦，春卷好香脆還叫了媽媽喜歡吃的點心，老乾媽蒸鳳爪 $30鳳爪好淋好入味

招牌胡椒濃雞湯灌湯餃 $58香濃胡椒雞湯


化皮腩仔 $108食腩仔最緊要塊皮香脆，腩肉肥瘦均匀，入口即化又唔油膩，呢度做得好好這裡環境唔錯，交通方便，除咗擺喜酒婚宴，平時同家人朋友聚餐，都非常適合

龍華酒店於1951年開業，當其時下層是食肆，上層是客房，所以稱為酒店。當年粵劇界紅伶如紅線女，任劍輝，武俠小說作家金庸，武打巨星李小龍等等，都喜愛入住龍華酒店，皆因其地方寧靜，環境幽美80年代因政府發展沙田新市鎮，擴闊大埔公路，火車改為電氣化。龍華酒店的停車場被逼拆掉，少了停車場的方便，入住的客人也減少，被逼停辦酒店業務

大家提起沙田乳鴿，也不禁想起這裏，今天跟女兒一起來品嚐去到黃昏時候時份，天還未黑齊， 見到招牌，走上小斜路，兩旁掛上紅色燈籠，非常有氣氛。另外還有不少酒店的設施，如遊樂場，工藝室等等當然叫返隻乳鴿$98，煮法有很多種，我哋叫了紅燒頂鴿，一開二，一人半隻。乳鴿肉質嫩滑多汁，皮香聽聞他們只用不大過26天的嫩鴿烹調因為鴿大，肉質便變韌。枱面已有手套提供，用手拿著食，非常滋味金銀蒜蒸扇貝6隻$168
金銀蒜，粉絲鋪滿扇貝上，非常惹味，加上扇貝大隻厚肉芙蓉蟹肉炒桂花素翅 $198
呢個份量好大，雞蛋，蟹肉加上素翅等等食材，多種層次，炒得香口兒時爸媽經常帶着我們幾兄弟姊妹到龍華酒店食乳鴿看孔雀，每次重遊舊地，都有滿滿的兒時回憶

上次經過上環，給這間咖啡店嘅外表吸引，決定找天來拜訪懷舊地磚，木枱木椅，彌漫著日本昭和風裝飾，舒服寫意。牛柳壽喜燒蓋飯 $148
外表非常吸引，牛柳側面微微燒過，中間粉嫩色，吃落嫩滑，還打了枚生雞蛋，撈埋另上的壽喜燒汁，相當惹味酥炸墨魚咀 $88
好香口，吃下每顆都充滿墨魚的鮮味，而且份量也不少呀豬頸肉 $88
爽口彈牙，香口又惹味用餐時是12月尾，見還有聖誕特飲，就order了 

Christmas Matcha Latte $58
滿滿抹茶香味，最特別都是杯邊嗰個忌廉圈，增添不少聖誕氣息Christmas Little Girl $58
原來係覆盆莓荔枝特飲，酸酸甜甜，上面鋪有爆炸糖，幾有驚喜在上環地鐵站一出口的鬧市有這一間小店，為繁忙的都市製造一個 令人喘息的空間

白鷺湖互動中心，環境優美，有中西兩間餐廳，今次同老公去食中菜 門外大片空地，餐廳一層過，樓底高，坐位闊落，加上落地大玻璃， 非常舒服寫意 這裡主打精緻中菜，先來一個明太子釀蟹蓋 $168 造型相當吸引，應該是將蟹拆肉，然后釀回落個蟹蓋裡，很有趣，配上明太子，非常鮮美京蔥孜然五香小羊肉 $268 羊肉配上京蔥和孜然烹調，羊肉辛辣味濃郁，開胃之選 鮑汁關東刺參 $288刺參營養價值豐富，滋陰補腎。肉質肥厚又細嫩，口感軟滑 鮮竹蕃茄魚湯浸菜苗 $138 有多種蔬菜供選擇，我哋揀咗津白，魚湯清甜，加上鮮腐竹同蕃茄，好清新一碗白飯兩份食 $30

臨近聖誕，湖上已放上了聖誕樹， 我們用餐處正正對着，非常有氣氛我們特意提早去到，行行湖邊，看到湖上反映建築物的倒影，閃閃發光，賞心悅目，很有在外國的氣氛這裡還設有免費穿梭巴士往來大埔墟火車站，不一定要自己揸車或乘的士

大埔直街好多食肆，今日試吓呢間火鍋店金柒招牌，餐廳裝修到好似古代宮廷咁樣，入門口仲有張大龍椅。我們一貫作風，做到早享受，趁早人少少，打咗一輪卡先湯底頗多選擇，叫了個新品推介，龍躉木瓜魚湯鍋 $298嚟到非常吸引，煙霧迷漫，木瓜插在鍋中間，木瓜上面捲起好多龍躉片。店員很識做等我哋打完卡先落手把龍躉片一片一片放回鍋中，然後就用刀切開木瓜。識食嘅梗係先飲咗兩碗湯，食埋龍躉先打邊爐，啖湯好清甜，龍躉片也鮮嫩大滾友牛肉拼盤 $418包括安格斯牛小排，手切牛頸肩， 和牛金錢展，肥牛，牛黃喉，牛肉粒，牛舌。擺盤已經花過心思， 牛肉雪花分明，味道濃郁伊比利亞橡果豬 $168肉質肥美，味道可口手打鵝肝墨汁墨魚丸 $72

烏卒卒的墨魚丸，裏面藏咗一粒鵝肝，彈牙，香濃墨魚味蟹黃餃 $78蟹黃餃淥熟之後表面層黃色，非常吸引雜菜拼盤 $98非常多品種有油麥菜，生菜，窩筍 ，粟米，金菇，木耳，還有成條薯條嘅紫薯，食完咁多肉都要食菜平衡吓叫咗一瓶竹蔗茅根，清涼解喝，紫砂壺仲好靚臨尾附送個火燄豆腐花，成桶豆腐花上枱，加啲糖同洒後點起火，有焦糖嘅效果。以為食到好飽，點知 又食得落成桶豆腐花吃飽後，要走出宮廷，返回現代了。

呢度一向出名食燒味，有時都會買啲返屋企加餸 朝早做完運動去到11點幾，仲有早餐食喎，（早餐食到11點半）早餐由A1至A9，叫返個推介的王牌叉燒忌廉湯意粉，包括西煎雙蛋 或炒滑蛋，牛油多士，飲品1杯 $41 叉燒保持一貫水準，瘦瘦地又淋，滑蛋炒得好滑，多士唔使加錢最重要個忌廉湯，唔會話好咸果隻，想飲多佢兩啖意粉軟硬適中，凍凍地加返杯熱菜蜜。 做完運動，食埋個豐富早餐，唔使食晏晝啦 缺點就係餐廳實在太細喇，座位唔多，長期門口有人攞住飛等位。

聽講呢間餐廳有大閘蟹放題，這晚同閨蜜去試下餐廳頗寬敞，我哋心急，未夠6點已去到，到7點左右，已經座無虛席，好彩有book到位至尊大閘蟹晚市放題2小時 $499去到梗係先點大閘蟹，因為需時製作，即叫即蒸，蟹膏肥美甘香，蟹肉亦甘甜，我喜歡沾醋提升蟹鮮味見有升級版，加$138有生蠔，海膽帶子。生蠔有海水鮮味，帶子夾海膽，帶子肉質柔軟又肥美，海膽甘甜，呢個抵加另外多款刺身，有赤蝦，三文魚，油甘魚，希靈魚，冰山蚌，八爪魚，鮑片，馬刀貝，螺等等，珍寶赤蝦大隻到，全部都好新鮮甜美。除咗刺身，還有壽司，軍艦，卷物，天婦羅，燒物等等，我哋仲點了個泰式飛天通菜，又炒得幾惹味。一口豆腐也香口有好多細細件的甜品，有驚喜喎，尤其是個榴蓮糯米糍，好香榴槤味，喜歡吃榴槤的一定不要錯過汽水，啤酒，飲品很多選擇，唔想飲凍的，都有茶包同熱水供應。除了想食的大閘蟹，也有非常多食物品種供選擇。

一鍋堂一向是邊爐之友的心水選擇，久唔久就要食返餐呢間地方好大，入門口左邊已經成排凍櫃擺滿蔬菜同飲品右手邊就擺咗一啲已熟的食物，例如豬手，雞腳，鴨血，凍蝦，等等。還有些冷盤，可以打邊爐的丸類和腸仔午市100分鐘火鍋放題，價錢由$138起，朋友揀咗澳洲和牛套餐$248有15款湯底供選擇，選擇了杏汁豬肺湯，此湯養顏潤肺，止咳化痰朋友熟手地用QR code下單，一次過剔曬餐單的靚牛，澳洲和牛，美國安格斯牛肉，封門柳，牛脊，牛舌，牛板腱，牛肉滑，件件上乘之選，肉質有光澤，紋理分明。放落湯底，滾兩下就食得。肉質鮮嫩多汁，帶有濃郁嘅牛肉風味，感受到肉汁在口中爆發，味蕾滿足爽彈牛丸同爆漿瀨尿牛丸，唔講得笑，尤其是爆漿瀨尿牛丸，真係要小心食，一咬落去，滾熱嘅漿即時爆出除了靚牛之外，西班牙的黑毛豬，紐西蘭羊肉，花雕醉雞等等，都不要錯過。平時出街買西班牙黑毛豬都唔平，喺呢度食番夠本，肉質細嫩，味道濃郁而香甜手工丸好彈牙足料，仲有次次嚟親食嘅胡椒麵，香濃胡椒味，煙煙韌韌再點多一轉靚牛，食埋雪糕，滿足的一餐