阿叔泰麵 (積信街) (已結業)

呢間餐廳需要門外排隊等位，裡面嘅座位唔算太多，裝修都幾有特色。.「牛肉船麵」牛丸、牛腩 $58🍽：原本我都好想叫個船麵，但唔太想食牛腩，所以就試咗幾啖。😛😂呢碗麵嘅湯好濃郁，唔會覺得好味精，好鍾意食炸豬皮，簡直係精粹！好掛住泰國啊🇹🇭.「粉紅船麵」$55魚蛋、魚片頭、豆卜、雲吞皮🍽：落單時店員已經溫馨提示過因為呢碗嘅湯底係紅腐乳豬骨湯，會有少少辣。我第一次食呢隻湯底嘅船麵，會比較重口味，腐乳味好出，但配搭返一啲無味精嘅魚蛋、豆卜等都幾夾。另外，兩碗船麵都係揀咗河粉，呢度嘅河粉係闊身啲、薄啲同埋滑身啲，我覺得好味。😋不過如果呢個配搭係牛肉船麵個湯底我會鍾意多啲！「凍泰式奶茶」$24🍽：味道無喺泰國飲嘅咁甜，唔錯，不過真係太多冰，基本上飲完都成杯冰。🤦🏻‍♀️

大圍呢間船麵裝修型格十足，行過路過都忍唔住望多眼。疫情次下好耐都無外出晚餐。今日同男朋出外撐枱腳，今餐就食泰國野啦聞說呢度既招牌係豬/牛肉船麵，不過見到餐牌有個粉紅船麵。。為左滿足好奇心就叫左。。原來係湯底加左南乳。顏色幾特別。。不過南乳太濃，好鹹蓋過湯底鮮味，有d失色。魚蛋爽口彈牙好好味。加返少少分！雞棗外型同扎肉相似。外層炸得香脆，裡面軟熟有肉汁。出奇地juice 真係估你唔到叫左青檸梳打同泰式綠奶茶梳打味道正常，泰式綠奶茶少甜就有驚喜因為唔想飲太甜叫左少甜。飲落甜度岩岩好。茶味之中有班蘭香味。好夾好清新。好飲呢餐最滿意係飲綠奶茶💕小食同中都唔錯，價錢合理。可以一試！下次要試一試佢地既招牌係豬/牛肉船麵先🤣

在迷惘緊今晚唔知食咩好時，在街頭聞到陣陣九層塔和香濃的泰越湯底味道，腳步被吸引住，並逐步走近餐廳。行近時，發現都幾多人等緊位同外賣，所以我都立即去試試佢！🍜<牛肉船麵 $58 (牛丸、牛腩)><豬肉船麵 $56 (豬肉丸、豬肉片)>兩碗麵既牛骨湯底都好濃郁，金邊粉熟得啱啱好，不太𣺉或太生硬。在同一湯底下，牛丸豬肉丸味道都差不多，只是牛丸較為爽口少少。相比之下，牛腩比豬肉片入味，其他都差不多。。。每碗船麵都配上芽菜、通菜、花生碎、炸豬皮。正！平時比較少地方有炸豬皮，而且份量剛好。🧆<阿叔拼盤 大$98>（酸辣無骨鳳爪、香茅魚露雞翼、紅咖哩雞翼、精選糕點）個人感覺無乜特別，價錢定到進取，下次會省下這份錢😌🍍<香茅菠蘿特飲 $28>大伏！飲落口有陣魚腥味🥴 唔知會唔會只是個意外，或是呢個組合既特色味道？

#阿叔泰麵 • Asok Thai Noodles佢地嘅裝修風格係以🟠橙色同🔵藍色作為主調再加上牆上面嘅壁畫同天花板嘅裝飾令人感覺由如置身泰國🇹🇭而音樂就係播住一d好輕鬆嘅泰文歌雖然唔知唱咩但係感覺好舒服😌好chill另一個重點關於咧間餐廳就係......佢地其實係一間 #黃店所以請大家多多支持佢地💕嗱!!依家講翻食物先今次我同男朋友總共試咗2樣嘢-牛肉船麵 - $58船麵嘅配料包括有 : 炸豬皮、芽菜、通菜同花生碎麵嘅選擇有：金邊粉、河粉、米粉、粉絲同蛋麵我今次就揀咗金邊粉湯底非常濃郁飲落甜甜地🤤同埋有少少藥材嘅味道牛肉有3大嚿部位就係用牛筋腩炆得好淋同埋好入味-楊叔叔豬手飯- $62咧個飯非常之咁好食😋真係無誇張豬手個皮完全充滿住骨膠原食落去個嘴唇係可以痴埋就好似飲完花膠湯咁😳D肉仲要係好嫩一絲絲咁食哂成個飯都唔會感覺好油膩反而係想encore食多一碟😍鬧市中的一間小店令依家無得去旅行嘅朋友仔可以止下渴食物質素絕對係要俾like👍🏻餐廳嘅用心製作係令人滿意同一定會再翻去食😍

大圍舊區發展美食越嚟越多元化 ， 終於都有泰國船麵， 聽講呢間店係排隊人龍店， 今日去完拜車公順便去試一試呢間人龍店， 拜完車公大約五點零鐘嚟到呢間舖,好彩時間上早唔使排隊, 一行4人，坐低先點飲品抖抖，1)點了兩杯((青檸梳打)),唔夠青檸味，最後店員解釋如果沖得太酸，杯嘢飲冇得救，如果唔夠青檸味可以同店員攞青檸， 2)((玫瑰荔枝特飲))估唔到佢咁好味不妨一試， 好重荔枝味，如果係荔枝控， 一定要試， 3)((熱龍眼茶))好重龍眼味，飲完好舒服， 之後開始人多見到門口開始排隊 我哋就點餐 4) 點了兩個 ((豬肉船麵)) ， 好多豬肉，湯底濃郁5) ((紅色船麵)) 有少少辣 ，味道比較濃味 ，有少少南乳味, 如果唔食牛可以點呢個， 因為完全冇牛，6) ((牛肉船麵 ))湯底同泰國食嗰啲味道一樣 ,好似去咗泰國一樣，正呀， 7) ((馬拉盞炒通菜))， 四個人分量好足 通菜好嫩滑 好味

間中都會去大圍，呢間都經過過幾次，但大圍真係太多野食，未有機會試呢間，終於試到啦！估唔到tea time都咁多人，我地坐低之後冇幾耐就坐滿左，不過因為佢d野都上得快，所以turnover rate都高。 menu入面唔算好多選擇，叫左個船麵同冬陰功粉。 我本來怕冬陰功會好辣，但佢話冇得揀小辣，但佢話我可以試左先，如果覺得太辣就可以加d椰奶俾我，不過我試左都覺得ok, 有杯凍野飲下ok. 估唔到幾多海鮮下，都幾大隻👍🏻船麵唔係傳統細細碗嗰d, 湯底幾好味，不過男人反映食完唔係好夠😛 另外叫左個小食拼盤，有無骨鳳爪，雞翼，甜品，2個人食啱啱好。仲有個泰式奶茶都唔錯，夠茶香奶香，但冇平時d泰式奶茶咁甜。服務：d staff幾nice, 反應快衛生：一入去已經叫探熱，枱面睇落去都乾淨泊車：附近街邊基本上冇咩可能泊到，通常都泊大圍富嘉花園，但呢個有人話係地獄場，係d彎位急d窄d, 車位ok既

-{黃店💛大圍泰式船粉🥘}原本係想去另一間但係俾個網上時間呃左 原來12點先開。。所以去左隔離食泰國船麵😋🤤牛肉船麵🤤 ($58)嗌左店員推介嘅金邊粉覺得幾彈🤪有三粒牛丸同埋兩大舊嘅牛腩 牛腩好入味有咬口又冇乜筋👍不過2嚿唔夠咁🥲牛丸普普通通 同埋偏細粒👀另外個豬皮幾脆浸湯食好有炸魚皮feel咁 湯底少少甜甜地但食晒先醒起要落嗰幾隻調味料😭所以冇試到🥺👖褲評: 7/10🤤燒豬頸肉飯🤤($58)豬頸肉有8塊咁多！覺得酸酸哋有辣少少幾開胃😋而且燒得幾好味 豬頸肉油脂味幾出😍但係可以燒燶啲啲👀飯嘅份量偏小💁‍♀️中間嘅時候係鹹鹹地嘅但係唔係好食得出咩味🤨👖褲評: 6.8/10🤤芒果糯米飯🤤($25)份量係一人size🙌飯嘅質地啱啱好而且椰漿有分潔身啲同埋稀啲嘅 💁‍♀️芒果唔算好甜但都唔酸👖褲評: 7.3/10總括嚟講午市套餐嘅性價比幾好👍份量正常 服務態度唔錯 個環境都幾泰國feel😂想食船麵嘅話依間好食嘅😚性價比: 8/10服務: 7.5/10環境: 8/10🚩阿叔泰麵🚩地址: 大圍積信街31-51號安信樓地下Q號舖元朗西菁街20號益輝大廈地下3號舖

一個套餐$60~70左右，足料抵食。經常午餐諗唔到食咩就會過黎食，亦會在家中叫food panda，最鍾食係佢既冬蔭功湯船麵，湯底非常正宗，有蝦味香茅同椰香，少少辣，適合愛辣又食唔到大辣既人。配料有海蝦有青口同蟹柳豆卜等，麵可以自由選擇，我揀左米粉，蝦有味應彈口，好有誠意。另外雞肉船麵亦係我常揀的選擇，湯底有少少似肉骨茶既藥香，配料非常多雞腎，肉全部都係雞槌，非常足料，再有少量肉丸，超抵食！加15蚊小食就有小食，我非常鍾意佢既無骨鳳爪，酸辣非常開胃，唔同香料配搭適合，次次都叫埋～最後我仲加埋25蚊試埋個芒果糯米飯，椰汁好足夠撈晒成個糯米飯，芒果熟透好香好甜，但只有三片，多d就好啦

元朗阿叔船麵係一間2019年初已經好早表態嘅黃店，當時未有國安法舖頭可以一直聽住香港國歌食飯感覺良好💛💛而積信街呢間係一間新鋪所以裝修都會比較新淨。閒日都係有set Menu比較抵食而且仲可以加小食，但係當日去到已經有好多款嘢食sild out🤐🦐冬陰功湯河粉-Hkd58先講湯底我覺得比一般嘅冬陰功都偏辣同酸但係個味道就唔夠濃郁，海鮮份量還好但都係急凍嘅海鮮所以要求都唔可以太高，佢嘅河粉比較得意係一個比較闊嘅透明河粉，而係我哋出邊牛腩麵食嗰種白色河粉，但都幾得意。🐔雞肉船麵-Hkd55因為當日牛肉賣晒，只可以食雞肉（雞鎚同埋雞腎，所有食材都吸晒船麵嘅深啡色顏色，而且佢嘅湯底同貫徹平時嘅好味，阿叔船麵係我覺得香港少有船麵接近泰國嘅味道。☕️泰式奶茶-Hkd10(跟餐）佢嘅泰式奶茶同泰國飲嘅完全味道一樣，但要留意返如果你嗌少冰嘅話佢真係得個杯份量嘅七成左右！🥭芒果糯米飯-Hkd25(跟餐）另外跟餐加咗個芒果糯米飯，份量唔多但係芒果同糯米飯個甜度都啱啱好。如果兩個人食我都會建議嗌返一份做飯後甜品🥳💛💛💛💛💛🖐🏼☝🏼💛💛💛💛

《🤫Lunch 去左🇹🇭泰國食碗麵》座落於大圍角落頭既小店，無論裝修定環境都好泰國～（包括埋氣溫都係，好熱下今日🥶）網上都見好多人話唔錯，但本身我就對船麵一般般，但都Try try la~點知⋯⋯⋯嘩！🤗有驚喜喎！比我係泰國食既更啱我口味，唔會太甜既湯底，但牛肉又好入味～👍尤其杯奶茶，夠哂濃香，的確唔錯～👀眼見隔離枱既豬手飯都好似唔錯，下次都可以試試～******************************偶爾係lunch轉下口味，果真係個不錯既選擇😚

今日來到大圍逛逛看看買買，梗係要搵好嘢食啦，於大圍村附近搵到間食泰式湯麵，位於轉角位橙色窗框好搶眼。店內擺設令人好舒服，店長花了不少心思選購不同款式的椅子，幾扇窗望向街，視線開揚，加上牆壁繪上大壁畫，感覺自然。另外一提，店內播放著輕鬆泰文歌，就當自己去了一轉泰國旅行吧。牛肉船麵(金邊粉)，船麵配料包括：炸豬皮、肉丸、芽菜、通菜、花生碎，麵底可選擇金邊粉、米粉、河粉、粉絲或蛋麵，重點：這個湯底一試難忘！牛肉麵選料用牛筋腩，炆得勁淋，好入味~炸豬皮脆卜卜，不是周圍食到~肉丸彈牙~金邊粉比想像中爽口~另加$15可自選小食一客，香茅魚露雞翼(2隻)，香茅味唔算好濃，炸得香口~特飲：凍泰式綠奶茶，有一個特別的清新味道，是泰式吧，唔會太甜，好飲，推介。都值得一讚的是，店員友善地介紹餐牌上各船麵。

好耐冇落大圍😆竟然俾我發現大圍竟然開阿叔泰麵😍之前喺元朗已經食過幾次佢嘅船麵真係冇得頂😍湯底濃郁女仔食份量啱啱好👌🏻二話不說lunch喺呢度搞掂😎舖頭就比元朗嗰間面積相對細少少，好彩我around 2:30去到都唔使等位👍🏻今日決定試吓啲新嘢🤟🏻叫咗個冬陰功船麵主要以海鮮做配料，個冬陰功湯底做得出色唔會好辣！但係充滿椰香，蝦同配菜都係新鮮👍🏻不過個面底份量如果可以再多少少就Perfect去食泰國嘢梗係唔少得酸辣鳳爪😎仲有呢一個必食推介嘅青咖喱牛腩飯🤩牛腩炆得好琳又入味一啲筋都冇🥰青咖喱撈飯唔使5分鐘全碟清晒🤣真係好正嘢飲叫咗杯泰式奶茶同泰式咖啡☕️奶茶偏甜咗少少🤏咖啡就出色有少少似越南咖啡🤩💛唔使講同路人必食之選💛老闆超級Nice💛

依間#黃店 嘅店面以橙藍色做主調🧡好似置身係泰國某個街道咁🇹🇭店內嘅裝修同牆畫都好泰式！至於船麵總共有5款麵質可以選擇✋🏼而且食船麵記住要加埋四大調味：魚露，白糖，白醋，辣椒粉，可以令個湯更加惹味😆💛.① 牛肉船麵🐮 ($58)// 總共有5款麵質可以選擇✨今次小編就揀咗河粉，河粉屬於寬河粉🤏🏼爽口得嚟又掛湯😚至於主角牛肉湯底幾濃，食嘅時候加埋四大調味更加惹味🌟//Food：🌕🌕🌕🌕🌕🌘② 冬蔭公湯麵 ($58)// 海鮮份量都幾多🤩有青口，豆卜，蝦🦐 蝦好新鮮而且幾彈牙🤏🏼湯底都幾濃，酸酸微微咁幾開胃🧡//Food：🌕🌕🌕🌕🌕🌑③ 凍泰式奶茶🥤($24)// 飲落就係正常嘅泰茶但記住叫少甜🤣好甜但好飲🥰//Food：🌕🌕🌕🌕🌕🌑④ 香芧魚露雞翼 ($46)// 依個價錢有6隻雞翼都幾抵食💛魚露香頗重✨ 雞翼熟度都啱啱好😚但略嫌香茅味唔算好濃//Food：🌕🌕🌕🌕🌑🌑.🎗阿叔泰麵 (積信街) (大圍)大圍積信街31-51號安信樓地下Q號舖（📍元朗另設分店）🍮#aiiifoodie #aiiifoodie_大圍 #aiiifoodie_taiwai#大圍 #taiwai #阿叔泰麵 #a

今日去到呢間餐廳 晚上入座 叫左個牛肉面同紅咖喱雞翼 但係坐左半個鐘都無來野食覺得奇怪 點知有一台客人入來 野食即刻上台 我就問職員點解禁耐無來 佢就扮幫我跟單 後來賣單時發現落單時間係30分鐘後原來成張單都無落到 呢間店完全唔細心 個客人坐左半個鐘都無來野食 就無來問過 寫都無寫底個食物 完全不能接受 個陣間店十個客人都無 點會發生呢個錯誤呢講食物質素紅咖喱雞翼咸同乾牛肉面湯底都勁咸 食完好口乾 仲話好鐘意香港人 但食物質素同服務一般 做好呢樣野先值得我地去支持

#大圍 #阿叔泰麵 有日趕時間，要食個快飯，又黎咗阿叔泰麵 都係咁好食#牛肉船麵 今次試咗米粉，都係金邊粉好味啲，唔似泰國米粉#飛天通菜 叫咗少少辣，都算嫩，又好惹味，不錯味道: 8/10味精: 7/10價錢: 6/10環境: 8/10服務: 8/10