172
26
10
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
食家推介
和朋友行經大圍一帶，發現沒有那麼旺的小街，有好多特色食市小店，揀咗一間裝修好有心思，充滿泰式陳設的餐廳。豬肉船麵必試店內招牌船麵，第一次食，可跟牛肉或豬肉。原來傳統船麵要加魚露、糖、辣椒粉和白醋，當然悉隨尊便啦。我就每樣加咗少少，感覺唔錯，不得不提豬肉片，煮得好淋身爽口，麵質比較幼細，綿滑。香芒蟹肉炒飯芒果分開上，好清甜熟透，蟹肉鋪在炒飯上，有兩塊炸豬皮伴碟，賣相好靚。炒飯好乾身唔會有肥膩感，值得一讚。阿萊燒豬頸肉熱辣辣香噴噴，外皮鬆脆，肉質爽口，做得唔錯。肉碎生菜包我最喜歡肉碎可以揀辣度，我揀咗走辣，加咗金不換一起炒，好香好入味。生菜新鮮，推介之列。
繼續閱讀
泰國野不嬲係Soy Egg 🥚同9 Flag 🏳️心頭好😋係大圍行行下見到間橙色超sharp 🧡既泰國餐廳 就咁俾佢吸引左😍必試: 阿叔船麵⛵🍜是但食評🌟💬✰環境😍超級colorful🌈未食已經好joyful 😍裝潢colorful 用色好大膽 用橙色做主調🧡牆身畫左好似泰佛既畫 色彩繽紛 充滿泰風🧘♂️未食野已經覺得好開心 好放鬆😍坐位安排上都唔會好逼 都舒服😋✰阿叔船麵 牛肉 金邊粉 ($72) 🍜🐮 牛骨湯好濃郁🐮 好味😍入邊有牛腩、牛丸、炸豬皮、通菜、芽菜同花生碎 都幾多料 份量都剛好🐮食麵最緊要飲啖湯🍲個湯好濃牛骨味 唔覺有咩味精味 非常出色花生碎味都幾出🥜但佢唔似係泰國食既船麵咁加左好多豬血落去🐖🩸所以睇落會清澈D 食落都無咩內臟味如果唔食內臟既朋友可以一試😋如果想食傳統好濃郁 超深色既可能就唔岩lu牛腩片都有牛味既 都幾腍滑 可吃🐮牛丸夠彈牙 都有牛肉既鮮味 都幾好食🐮佢枱面有張紙仔介紹4大調味 - 辣椒粉🌶️魚露🐟白醋🍶白糖🍬我食到一半都好乖咁跟住落係真係有唔同晒 辣椒粉幾香幾辣下 建議唔食得辣落小小去🌶️魚露就提升左D鮮味🐟 白醋有解到D油膩感🍶 白糖令個湯頭更解甜🍬我覺得食到中間 想多D層次 可以跟落小小😍✰香葉肉碎蛋飯 ($68) 🌿🥚🍚 香口惹味😋蛋既黃串左 唔夠流心🥚 有DD唔開心但肉碎都炒得幾香口惹味🥩香葉獨特既香氣有融入到肉碎到🌿有小小酸辣味 愈食愈開胃食食下就食晒😋
繼續閱讀
大圍不嬲出名多美食， 要係呢個地方爭一席位絕對唔容易😆 阿叔泰麵主打泰式船河， 泰式麵食和泰菜。 店內嘅裝修好玩味， 走休閒風格， 牆上面有好多大型嘅graffiti， 幅幅都係藝術品 牛肉船麵必食推介✨✨ 牛骨湯味好香濃， 混合咗多款泰式香料， 湯頭層次豐富。 牛肉炆得入味又夠淋😋 記得要加上四大調味 -- 魚露，白糖，白醋，辣椒粉一齊食， 咁先食到真真正正泰國風味👍 泰式椰子雞湯麵椰子雞超大份量，椰子味好香，又濃又滑。 金邊粉完全吸收了椰子雞湯， 咬落啖啖爽滑😍😍 追加飛天通菜通菜幼嫩👍馬拉盞味道突出惹味， 再加上乾蔥乾蒜一起炒， 好味到唔停得口😋泰式奶茶Thai tea 嘅精髓係要茶味絕對濃郁， 煉奶和茶嘅比例要恰到好處， 一唔小心好易過甜。呢度嘅泰式奶茶就達到完美平衡👍👍 阿叔泰麵係一間有水準嘅泰式麵食，睇得出店主用心嘅經營， 無論店舖裝修， 食材用料都落足心機✅ 而且價格相宜， 絕對係泰式麵食嘅首選😋
繼續閱讀
🥢青咖喱雞烤餅💰$78+15青咖喱一啲辣味一啲香味都冇雞有啲韌，亦都唔夠入味反而個烤餅幾好食，有奶香味，亦都夠脆🥢阿萊燒豬頸肉 💰$68肉既味道正常，但係燒得燶咗，有啲韌🍜冬陰功湯麵 💰$68完全唔係泰式冬陰功嗰回事香料味唔出、辣度唔夠，搞唔掂🥤凍泰式檸檬茶 💰$24唔識形容好古怪嘅味😅總括嚟講食一次就夠
繼續閱讀
香菜肉碎蛋飯 (HKD 68) 8/10 ⭐️佢嘅肉碎偏肥，少辣，啱晒啲食唔到辣嘅朋友，另外佢嘅煎蛋係半熟狀態，蛋汁撈飯一流冬陰功湯麵 (HKD 68) 6/10 ⭐️冬陰功湯底味道較淡，食得出佢個麵，餸，同埋湯底係分開煮嘅，個金邊粉完全唔掛湯，而啲蝦亦唔夠新鮮，食落去有啲”梅”。飛天通菜 (HKD 62) 8/10 ⭐️通菜辣辣地，炒得好惹味香茅魚露雞翼 (HKD 58) 7/10 ⭐️雞翼啱啱炸起就上枱，香口入味，但食落就比較似南乳雞翼，無咩香茅味，亦食唔出有魚露味。香茅菠蘿特飲 (HKD 30) 6/10⭐️如果鍾意嘗試新穎，香港少有嘅飲品，不妨可以試吓呢個香茅菠蘿特飲，香茅味幾突出。椰青(HKD 48) 6.5/10 ⭐️椰青好難唔好飲，呢個椰青飲落都好清甜，可惜嘅係開椰殼開得唔係咁好，飲到落底有好多椰殼碎。Service: 普普通通。環境: 地方細，枱凳都較窄，坐得唔係咁舒服。裝修有泰國風格，花左d心思。📍阿叔泰麵 ASOK Thai Noodle🚇大圍 Tai Wai🕑 My Visit: 星期六晚上⭐️Food: 6.5/10💲ard HKD 180/person
繼續閱讀