金凱小廚 (已結業)

金凱小廚係大圍美林邨巴士總站, 真係一跳落車就可以醫肚啊! 佢係舊式冬菇亭設計好有懷舊FEEL. 唔洗等位就入到去~ 店員會問你揀咩PLAN~再介紹上菜流程我地揀左$198個任食火鍋配料,首先黎左雞煲, 2個人半隻係好入味, 個醬汁調得好惹味! 有芫茜, 洋蔥, 辣椒, 如果份量多返D就好啦~ 真係好好食~ 肉質唔錯又大啖肉揀串燒~ 一個人可揀4串, 我地揀左雞軟骨, 牛柳粒, 雞泡魚乾, 燒汁牛肉片~ 我覺得佢串燒燒得唔錯, 有心機燒, 唔會好燶, 仲好有肉汁~ 不過就等得耐左小小, 串燒係推薦既!! ^^火鍋湯底有幾款可揀: 花膠雞濃湯、懷舊沙嗲濃湯、四川麻辣湯、胡椒豬肚雞湯煲、懷舊醉雞煲。 我揀左花膠雞濃湯, 足料花膠, 好養生哈哈!! 食完咁濃味既野, 食返淡小小都好~ 肉類都好新鮮, 丸類正常,無咩特別, $198 食到攬住個肚走=抵!

今晚放工打算回家煮飯仔，不過在回家途中，又唔係太想煮飯😅仲要洗碗...途經見到有啲冬菇亭，雖然時間尚早，但輪到我地時已差不多滿座。坐低後店員即奉上餐牌介紹店內任飲任食套餐，有主打雞煲，串燒，和牛，火鍋。套餐分別有兩款選擇(仲免加一添)：$268~所有食物(冇限次數)包括和牛及飲品任飲任食。$198~雞煲，串燒就可以柯打一次性後，便可揀火鍋湯底繼續任飲任食，視乎個人食量及喜好選擇，不會做成浪費。雞煲相當野味，有大中小辣，非常吸引，啱哂喜歡食雞煲既我地。串燒款式真係算好多款😯蒜蓉燒生蠔，扇貝，蝦，同雞翼...等等跟住我地點了個花膠雞濃湯底，飲落湯味都幾濃郁，先喝一碗，另外火鍋材料非常新鮮。飲品有多款啤酒，汽水，有我喜歡嘅解茶👍呢個價錢...性格比真係好高好高！抵食好食✨

大圍其實係沙田區黎講都算多美食，但係食下食下，都好似食勻晒，係時候試D新野了。朋友住係美林果頭，話冬菇亭有間雞煲可以一試，所以我決定去會一會佢啦!如果係大圍站A出口行過去，首先沿大圍道向油站方向行5分鐘，之後轉左往美林巴士總站走大約5分鐘就到了...鋪頭坐位不算太多，但勝在卡位數量足夠! 圓枱有10數張，卡位有4-5張，早D到就有機會坐到卡位享受享受XD晚餐主要有2個雞煲價 ($198同$248)……雖然餐牌寫明有咩分別，不過我都好懶咁問侍應有咩分別算，佢地都好耐心咁解釋比我聽，服務態度不錯$198 套餐 包雞煲+4款串燒+特選肉類火鍋配料飲品任食任飲叫咗花膠雞湯底，好滋潤，至少有6塊花膠👍👍任食配料📚雞煲：無得自選辣度，不過唔係太辣，應該大部人食到。雞件調味出色，數量都充足，唔會話太多/太少 (因為仲可以任點牛肉同配料架嘛!) 🐤🐤串燒：Feel到係用心燒，所以食完有D唔夠喉feel(大食朋友仔可以㨂$298餐，串燒無限refill)特選肉類：唔會話好多肥膏，肉味都濃郁飲品：大部份汽水都有，盒裝飲品就比較多款，啤酒就只有2款，一路飲一路HOTPOT，都幾梳乎迷你蔬菜盤：一點都不迷你，

下雨天濕冧冧，朋友建議去食雞煲暖下胃啦，我就帶佢去呢間bookmark咗好耐嘅金凱小廚，198雞煲+任食火鍋雞煲我地叫咗小辣，上到黎喺超過預期嘅好食！！係好正宗嘅麻辣味，底下有好多香料，雞又滑又有雞味，好惹味！呢兜雞煲我地真係清曬，今晚mvp~之後食火鍋啦，叫咗懷舊醉雞煲。哇一上黎勁大酒味，懷疑係成樽花雕倒咗落去做湯底，未飲過真係可以當酒飲嘅醉雞煲呢，特別係我地最後碌曬肉同菜，個湯底啲酒精差唔多蒸發曬啦，無一開始咁有酒味，不過好似老火湯嘅味，好飲！其他火鍋底料就無咩特別推介，都係正常質素串燒方面，每位限4款，羊架同鯖花魚好好食！鯖花魚燒到脆脆地，反而比其他燒肉出色。總括黎講雞煲同火鍋湯底唔會令識食之人失望嘅~

估唔到屋村冬菇亭都會有抵食雞煲，兩個人嚟到有得坐卡位都幾舒服，我哋叫咗個雞煲串燒火鍋放題套餐，一似個滿足三個願望都幾抵食。首先個雞煲佢得一個辣度，辣辣地都幾滋味，而且啲雞都好嫩滑，份量都唔少。食完個雞煲佢有得揀湯底，而且最好嘅係成個煲會換，啱晒我哋呢啲唔鍾意打邊爐咁油嘅人，而我哋就揀咗花膠湯，湯底勁多花膠。推介呢度嘅安格斯肩胛牛肉，超滑，油花靚。另外比較大塊嘅就係美國極上牛頸脊，呢個就牛味比較重啲。其他火鍋配料，配料方面都好多選擇，幾鍾意佢啲份量唔會太多啱啱好，但個迷你時令蔬菜籃勁大盤。串燒方面推介蒲燒雞泡魚乾，唔會燒得太乾身但係又甜甜地，好有咬口送啤酒一流。

屯馬線開通後去大圍方便左好多, 今日來美林邨冬菇亭試試平民價雞煲，這裡店員親切，一口價每位$198免加一可以食齊哂雞煲、串燒、打邊爐,，兩小時內任點任食真係物超所值。 麻辣雞煲上枱時已煮至八成熟，只須加熱兩三分鐘就食得，雞煲醬汁夠辣，肉質嫰滑又入味，伴上大量洋蔥、芫茜等香料更添惹味。串燒每人可以選4款，燒雞泡魚乾味道鹹中帶甜, 嘴很饞的時候特別喜歡這充滿嚼勁的零食，蒜蓉燒生蠔和蒜蓉牛油燒扇貝都伴上大量蒜粒肉碎，安格斯牛粒串牛味濃郁，醬燒雞腎爽口有嚼勁, 秋葵味道香甜，鹽燒海蝦連殼上保留海蝦鮮味。食過雞煲串燒後，店員再上火煱，火煱湯底選了矜貴既花膠雞湯，大大塊花膠配搭滋補既紅棗杞子。火煱料有多款任點任食，安格斯肩胛脂肪分佈均勻，肉質鮮嫩不油膩，廣鳥蠔肥美口感柔滑，蟹柳棒大件又香甜，香脆炸魚皮和吸汁響鈴必不可少，迷你時令蔬菜籃有黃芽白、生菜和秀珍菇, 粟米粒飽滿又清甜, 高纖低卡芋絲夠滑溜，牛柏葉爽口又唔靭，墨魚丸和陳皮魚旦夠彈牙。自助調味醬區有蔥、蒜、辣椒粒和燒汁。自助飲料凍櫃有多款汔水、啤酒及涼茶，我們選了馬蹄爽清涼潤喉又解渴。

上網睇到有沙嗲湯底打邊爐，真係幾吸引。仲有串燒/雞煲任食。滿心期待去到食198點知198唔系任食串燒 一人只有4串，一串份量好少 全部都系辣椒味同孜然味。但都好食。雞煲 唔夠入味到重點沙嗲湯底打邊爐勁勁勁容易燶底 已經開到好細火抵左30mins左右個火鍋底煮咩都有陣燶味😂😂😂你煮乜野都充分吸收晒陣燶味。但個沙嗲湯係幾好食，唔怕油膩。打邊爐款式好少選擇，但一分錢一分貨。198可以一試，258有更好選擇🤝Ps 餐廳環境一入到去勁大陣煙，抽風系統好有問題🤨。

不限時，免加一，的確吸引是新式有冷氣冬菇亭環境保留著傳統大排檔的感覺服務也是貼近大排檔呀串燒和火煱料也有漏單情況八點後入座平$20食咁多野就趕左少少🤏早入場不限時，就食得鬆動d八點後抵食！第一次來食左個$178雞煲和串燒為一次性火煱任食！飲品任飲，包啤酒🍻第一步。雞煲要自己煮一煮雞剛剛熟，最好自己煮熟少少四個人，先俾左半隻雞佢話唔夠可以加多半隻，但非任食！我地沒有加第二步是串燒串燒選擇多，一次性每人包四串，足夠了有羊架，生蠔，雞泡魚乾，牛粒串都好抵食串燒整體ok雞泡魚凍左，就少少硬羊架幾正！安格斯牛粒好食😋第三步選湯底食🔥火煱胡椒豬肚雞湯底，一般火煱料不過不失幾款牛都ok的埋單$712四位。每位$178自行到柜面埋單八達通暫時未庒好⭕️進店前量度體溫 ⭕️全店職員戴上口罩 ⭕️提供酒精搓手液

我同朋友食飯，因為朋友比較吃得慢而家喺香港搵冇限時嘅任飲任食都唔容易輾轉之間搵到呢間，上網 YouTube 見到食評都唔錯，咁嗰日上網book左位之後，17:45就去到去到嘅時候一個人都冇跟住揀咗貴嘅套餐HKD 268就所有嘢都有得食雞煲，串燒，肥牛，各樣海鮮都有我就一定揀唔食雞煲先嘅，因為我覺得冇理喇沙食半隻冰鮮雞落去，食過濃味之後，食咩嘢都發覺係會淡味左，而且飽咗個肚，成件事性價比就會降低咁當然有好多人鍾意食雞煲啦但係如果你係一個食牛嘅人我非常介紹你喺呢間千祈唔好食雞煲因為呢度啲牛質素好高留返個肚食牛好過叫咗個四川麻辣湯底麻辣湯底足料嘅，不過就等咗成好似都有半個鐘個麻辣湯底先到，之前係食串燒等先講普通串燒部份入座嘅時候都講到明所有串燒即叫即燒不過好明顯係應該用熱力爐黎燒，唔係炭爐不過當然咁鬼平價錢，我都唔會有要求雞翼好食雞，軟骨唔係脆口嘅，都咬到不過牛脷以前好似係厚身嘅，而家轉左薄身，有啲咬唔動燒秋葵好食，娃娃菜好食，燒翠玉瓜好食主要都係孜然，辣椒粉，蒜味燒粟米原來真係原條燒，都係好食嘅雪藏丸就係我朋友鍾意食，另外雞泡魚乾淨係咁咬有啲硬，放返落個邊爐煲到滾一滾林左仲好食燒多春魚佢隻

港式的冬菇亭，香港的特式之一。環境比以前的大排擋更好，且非常地道和親民。整個店舖都充滿左佢地店內的香氣（雞煲味）💛即炒麻辣雞煲麻辣雞煲用辣椒🌶️、薑蒜🧄、洋蔥🧅、芫荽炒得香噴噴。食落惹味和香濃，肉質嫩滑，份量適中。值得讚嘅係店員服務態度好好，見我哋苦惱緊揀邊個套餐，即刻過嚟為我哋講解兩種放題嘅分別，上咗雞煲後，更不忘提我地要邊食邊翻炒啲雞，定時定候都望吓我哋個雞煲有冇燶咗💛食完雞煲之後，可以選湯底再打邊爐。平時的店舖會直接將湯底倒入原本的雞煲，但呢間會收起煲再拿出來，這個食法都幾好。因為有個朋友唔食辣，咁樣湯底就唔會辣👍🏻我地最後揀左花膠雞濃湯，有大大舊花膠😍和牛火鍋放題和牛選擇都算多，每款各有特色，識食一定要食安格斯肩胛牛肉，油脂豐富但食落唔覺肥膩，肉質嫩滑牛味濃，衝擊味蕾，相當吸引串燒串燒款式多，海鮮類、肉類、菜類、丸類等應有盡有，岩晒有選擇困難症嘅人。串燒即叫即燒，用孜然粉、辣粉做調味，夠晒惹味。蔬菜類，如翠肉瓜、娃娃菜等，燒完唔會乾爭爭，仍然保持蔬菜嘅水份。最多人推薦嘅燒蠔同扇貝燒得岩岩好，上面鋪滿蒜蓉，鍾意重口味嘅客人飲品飲品櫃飲品任飲，客人自己行去飲品櫃拎，唔洗經侍應落單。飲

金凱小廚，細細無聽過呢個名🤭一個住大圍好多年嘅friend話冇聽過，反而係我呢個為食先鋒搵出嚟拉佢去，佢都估唔到略有名氣。呢度係雞煲連打邊爐，超豐富。如果揀再貴啲級別，啲雞仲可以無限食。一開始見佢寫麻辣都有啲嚇窒咗，好彩食得到，有麻香而不太辣，個醬有少少辣，小小甜，夠哂惹味😋，上枱嗰陣仲有提醒要炒耐少少先夠熟，雞煲俾幾高分🐔！打邊爐嘅材料以茶記黎講都幾多，夠哂揀黎食😉，當然大家都係最關心牛🐮，有三款牛任叫， 同行嘅食牛專家分辨到有兩款牛值得覆桌：安格斯肩胛牛肉 & 極上牛頸脊！前者相對軟、嫩👍。而後者重牛味，口感有彈性👏。可以參考下，一盤雖然得兩至三塊，但係每一塊都有接近手掌咁大，食咗三四盤之後都開始覺得夠。另一個比較吸引之處就係有數款海鮮任食，例如蠔都夠淋同滑，size也不會很迷你，松葉蟹柳 都比麵粉蟹柳普通有味，鴨血拍得住譚仔，打邊爐同樣值得畀高分！最後試埋佢嘅串燒，羊架同扇貝梗係串燒必食啦😎扇貝夠哂多蒜，呢個值得叫多幾個。金凱小廚以街坊雞煲黎講真係幾抵食，平民價錢食到滿意水準👍

和朋友去了大圍美田路30號美林邨熟食亭的金凱小廚食飯，這是一間任食雞煲店，餐廳裝修實而不華，是一間專做街坊生意的餐廳，很喜歡幫襯這種做街坊生意的餐廳，因為食品都是貨真價實，真材實料，價錢親民。枱櫈擺放合理，讓人坐得舒服，而且店員服務相當殷勤有禮，也很主動，讓人感覺有親切感和賓至如歸。晚餐有$198/位的雞煲火鍋放題，並奉送串燒。首先每位可以選四款串燒，我們選了羊架，燒廣島，蠔扇貝及牛肉粒。雞煲上檯時已經是七至八成熟，鍋面鋪滿了芫茜和洋蔥，香氣四溢，引得人流口水。再煮多三分鐘左右，雞肉就已經完全熟，雞肉軟滑多汁，好惹未。食完雞煲之後，就可以轉湯底食火鍋，我們點了花膠湯底，火鍋配料選擇都幾多，我們點了有牛肩胛，美國肥牛，響鈴，牛百葉等等。美國牛肩胛質素很高，肉味香濃。至於飲品方面選擇都很多，有十款飲品左右，有含糖的汽水和不含糖的茶類，可以適合不同人士的口味。總站：金凱小廚是一間專做街坊生意的雞煲放題店，食物真材實料，價錢親民，值得推介😉👍👍

呢度既雞煲~串燒~火鍋放題套餐真係$198就可以任飲任食，有3大類食品: 1.         雞煲 : 雞煲會最先上，1-2人半隻雞，3-4人1隻雞，可以按自己喜好選辣度。雞煲上枱炒2分鐘就食得，好入味。2.         串燒 : 每人可選4款串燒，揀左秋葵、鮮冬菇、多春魚、特上牛脊肉、雞軟骨同海蝦，串燒加左孜然粉調味，香辣惹味。3.         火鍋 : 揀好湯底就可以開始打邊爐，我地揀左花膠雞濃湯，花膠好厚身好大塊，仲加左紅棗、蟲草花、娃娃菜，味道好鮮甜好濃郁。火鍋配料有肉類、海鮮麵食同其他一系列鍋物，食物選擇 。我地就揀左牛頸脊、安格斯肩胛牛肉、鴨血、豆腐、響鈴、陳皮魚蛋、 、墨 、午餐肉、廣島蠔、 松葉蟹柳。食物選擇真係好多好豐富，$198/位免加一仲要汽水啤酒任飲無限時，真係超級抵!!  ' 、 ;

每個禮拜嘅happy Friday又到喇，當然要同同事食返餐好喇，知道美林呢間金凱小廚有雞煲、串燒同打邊爐放題，咁邪惡嘅嘢三合一，一定要試試佢🤣金凱小廚係舊式屋邨嘅冬菇亭，夠晒地道，而我都係第一次係冬菇亭食嘢😍🚩雞煲串燒和牛火鍋放題〰️8點前入座：成人（$268/位）小童（$218/位）〰️8點後入座：成人（$248/位）小童（$198/位）放題套餐價錢同出面餐廳差唔多，不過勝在可以一次過食晒雞煲、邊爐同串燒上雞煲前，店員會先送上前菜，麻辣涼拌青瓜雲耳🐓即炒麻辣雞煲雞煲加入紫洋蔥、乾辣椒、薑蒜炒，一上檯嘅時候已經超香，食落去亦都好惹味😋食完唔夠食仲有得再添✨火鍋自選湯底：花膠雞濃湯食完雞煲，就可以開始打邊爐☺️ 呢道嘅邊爐並唔係好似出面餐廳咁，加湯落雞煲再煮，而係揀完火鍋湯底，拎一煲火鍋比你，我地揀左花膠雞濃湯，湯底唔似味精湯，飲得出用雞、花膠煲出黎，建議打邊爐前飲返碗😋火鍋配料：🐖肉類🐄：美國黑毛和牛肉眼安格斯牛小排安格斯肩胛牛肉美國牛頸脊安格斯牛板腱西班牙豬梅肉片火鍋配料選擇多，特別係肉類，都有7款選擇，以呢個價錢黎講唔好期望肉嘅質素好好，肉質正常，呈鮮紅色🐟海鮮及麵食🍜廣島蠔、原隻扇貝

今日突然想打邊爐😋聽朋友講大圍呢間餐廳都幾出名就一於嚟試吓雞煲火鍋放題。我發現平日六點來講都算幾多人，好彩有預先訂座，如果唔係walk in都唔知要等幾耐😮‍💨一踏入門口我見到餐廳好光明同埋寬敞，枱與枱之間都有適當嘅闊度，坐得舒適👍🏻打邊爐最重要嘅當然係湯底啦🥰 我私心最鍾意佢嘅沙嗲湯底，味道非常濃郁👍🏻另外佢仲有幾張菜單紙🤩食物方面多款式之餘，仲幾高質添。不得不提點嘅就係佢嘅安格斯牛柳粒串，食落口仲熱熱地而且唔會太韌🥩海鮮來講都算新鮮，食落口唔會有腥同冰鮮嘅味道👍🏻最驚喜嘅就係時令蔬菜籃每次都會送唔同嘅菜式款🤩唔使次次都食同一款菜式咁dry 😋整體來講呢個雞煲火鍋放題都幾抵食！店員態度都非常友善👍🏻值得一讚，食得舒適又食得開心😋下次一定會再嚟食！