金凱小廚 (已結業)

已經係第3次嚟到呢度食😋侍應服務好好，非常之有禮貌，揀咗$288呢一個plan!有好多串燒食,燒蠔、燒扇貝、燒盡蝦🦐！任叫任食，非常美味。另外仲有微辣雞煲，食完仲可以轉換另一個湯底，我哋揀咗蕃茄薯仔湯，跟住再打邊爐🍲！啤酒汽水任飲！非常之優惠👏🏻…查看更多

依家入夜天氣開始無咁熱，正當同朋友仔兩個人行完新城市廣場，就突然靈機一閃想去打個邊爐，咁打開邊爐就緊係食埋任食放題，貪佢夠飽又唔使太貴呀嘛！諗法一起，我地就上網搵左呢間大圍既金凱小廚試一下佢既$198任食放題。唔好以為$198無咩野食，呢個套餐都有好多野食，除左有招牌麻辣雞煲（半隻），四款串燒，仲有四種可以無限encore既牛肉類，而且包食包飲，有無限提供到汽水同埋啤酒，都可以算係物超所值。串燒黎講，作為餐前小點都不錯，我地點左燒生蠔，燒扇貝雞泡魚干，海蝦同埋牛舌。牛舌都燒得幾嫩滑，有肉汁。生蠔同扇貝加左蒜去燒都燒得幾好味，雞泡魚干就稍微燒得比較死實，有d爛咬 , 但係任食任飲場有雞泡魚干都算少見，所以都有分加！雞煲（半隻）我地叫左小辣，店員同我地講炒幾下之後就可以開波食得。食落呢個雞煲水準唔差，醬汁惹味，雞身爽脆。而且唔會過熟，雞煲一過熟就會鞋，而呢個雞煲肉質嫩滑，證明師父掌控火喉都相當唔錯！食完成個雞煲後，其實已經有少少飽，店員叫我地加湯，咁我就揀左胡椒豬肚雞湯，正當我諗住剩係加湯既時候，原來係成煲雞再黎過，即係再整個半隻雞加埋個胡椒豬肚湯，咁咪即係半隻加半隻。變左做一隻雞，個下覺得好震撼，如果以呢個價錢黎講，一隻雞仲有唔同風味（麻辣+胡椒豬肚），簡直係超值！再砌完呢半隻胡椒豬肚雞，其實我地已經飽左了，但都叫左一轉四款唔同牛肉，不過因為飽既關係，其實無咩點真正品嘗，不過印象中有一款廚師發辦牛肉係好食既，一送上黎牛肉肉質都好靚，睇得出係一款靚牛，問返師父話係牛頸脊，建議鐘情食牛既朋友可以多多點呢款牛。去到呢一刻我地已經完全飽哂，最後叫左d菜同埋叫左佢既蝦黎食。估唔到蝦既質素又係ok ! 試左佢地咁多樣野都有驚喜，可以講佢性價比真心高！食完埋單後，出面就有巴士站直出返去沙田，我地因為太飽既關係，所以慢慢沿路行返去屯馬線上車返歸，問返朋友感受同我幾乎完全一樣。以呢個質素係會令我返轉頭再食，期待天氣再凍d , 到時再返黎試多次！…查看更多

除了牛肉之外其他都不要叫,因為不好食及凍一樣的。飲品選擇少/無乜醬料可選/也無乜特別多人/環境像街頭大排檔/桌子及座椅不潔/餐具也是/食物不行/應該無下次/只有無限制時間上可取。洗手間環境一般/啤酒有幾種/雞煲的雞肉好生要炒好久,雞肉味道一般,湯底選了特濃沙嗲,味道不夠濃好淡,海蝦也OK,韮菜餃是(來貨那種),蟹柳像冰條(味道一般),炸魚皮ok嘅,墨魚仔都ok,串燒就凍的非常難食,隔離枱叫咗串燒但係完全冇食過。…查看更多

諗住嚟任食燒蠔🦪🦪，點知原來冇咗已經一星期了⋯又唔一早訂位時通知我哋. 如果唔係就唔嚟啦，一場嚟到唯有幫襯佢啦，三百幾蚊一位冇🦪🦪只係得扇貝同其他燒物任食…認真唔抵啦🤔🤔…查看更多

雞煲、串燒、火鍋，一次過滿足3個願望先上雞煲，小朋友食所以叫唔辣，好夠味，小朋友都食到停唔到口。留肚食串燒（都可以備註唔辣），叫左：司華力腸，大大條燒到脆卜卜牛肉粒，易咬好味蜜糖雞翼秒速俾小朋友食晒雞軟骨、牛舌、菇……都好正燒海鮮：蠔：一般啦，都ok既扇貝：好味，蒜香好香蝦：一般，少少梅火鍋，叫左花膠湯底：肥牛有4款，個人感覺牛小排最正，其次安格斯炸魚皮：香脆其他叫左牛筋丸、鵝腸、鴨血、餃子、生根響聆…… 大滿足的邊爐菜：紙仔冇菜，但問職員有既，自己寫個「菜」字x1，就上一份，有生菜同油蜜菜，乾淨清甜飲品：汽水啤酒任飲，仲有清涼爽同馬蹄爽，紙包茶…查看更多

今日係呢間餐廳食早午飯，叫左個午餐枝竹火腩飯；凍奶茶走甜。我亦都多次同該名落單店主確認係凍奶茶走甜。店員落單後將張單放低係枱面，我習慣都會對一對以防出錯。誰不知，凍奶茶走甜變左凍奶茶多甜。我立刻向店員表示落錯左單，店員立刻勁大聲發脾氣話同我再三確認左係凍奶茶多甜佢先落單。我表示已經多次講明係凍奶茶走甜，隔離枱相信都聽得非常清楚。店員最後換左杯（正常）既奶茶，而不是（走甜），並大大力放左係枱到就走左去。…查看更多

早一天在openrice訂位，餐廳地方不大，職員服務態度有禮，雞煲味道不錯，火鍋料的質素一般和選擇不多。最大賣點是放題沒有時限，可跟友人傾偈慢慢品嘗。整體用餐感受滿意!…查看更多

平時成日見啲餐廳有雞煲加邊爐任食，估唔到美林有間可以串燒、雞煲加邊爐任食嘅餐廳，同朋友去開美林一於試吓！我哋4個女仔去大家都唔係好大食，所以嗌咗個$208餐，有三串自選串燒、一around雞煲同冇限時任食邊爐！串燒我揀咗生蠔、扇貝同燒菠蘿，生蠔同扇貝仲有得揀芝士定蒜蓉燒𠻹，我就揀咗蒜蓉燒，味道好唔錯，燒菠蘿甜甜酸酸勁開胃！之後就開始食雞煲喇，個姐姐好好，上菜時會提醒我地幾多分鐘就食得，我哋幾個女仔掛住傾計佢又會提我哋細火啲，個雞煲我哋嗌咗小辣，都好惹味！ 平時好多餐廳，食完雞煲會直接加湯俾你打邊爐，依間係換個新湯底俾你打邊爐，咁就唔洗咁油膩，值得一讚！個邊爐我哋揀咗花膠雞濃湯，真係有花膠㗎，唔錯唔錯！配料方面都有成30+款，好鍾意佢有啲係以粒／件去嗌，咁就唔怕浪費！個人好鐘意食佢個西班牙黑毛豬，一個人食咗三碟有多！朋友們就好like佢個安格斯肩胛牛肉，唔會好似肥牛咁肥～另外，佢個手打紫菜丸係出面都比較少見，粒丸都幾彈牙，仲有啲爽爽哋嘅紫菜，都幾特別～打邊爐嘢飲都好緊要，依到都有好多款嘢飲任拎，連罐裝啤酒都有！…查看更多

只係需要$208就可以食到惹味麻辣雞煲 + 無限時任食邊爐‼️‼️無限時喎!!!!有成30款配料任點😍我就最鍾意食佢嘅<<安格斯肩胛牛肉>>!油脂分布平均，唔會好似肥牛咁多脂肪😊<<酒釀雞件>>都有驚喜! 花雕酒味濃厚🐔<<松葉蟹棒>>帶少少海水味，幾鮮甜~狂encore ar🙌🏻最欣賞佢雞煲同打邊爐分開兩個鍋👍🏻冇咁油之餘又可以試到佢其他湯底嘅味道!<<花膠雞濃湯>>都唔錯啊! 啱晒想美顏補身嘅女仕們🥰呢個價錢仲可以每位客人喺23款串燒之中自選三款😳唔止肉類同蔬菜類㗎~~~海鮮都有!!! 1d 都唔hea~無論蒜蓉定係芝士燒嘅生蠔同扇貝都好食👍🏻嫌得三款唔夠?加$80就可以任食串燒喇🦾包你飽到攬住個肚走🤭佢哋嘅服務又好又快手! 真係要特別讚一讚👍🏻…查看更多

大圍街坊有福了！雞煲烤魚串燒❤️火鍋放題任食安格斯肩胛牛肉、安格斯牛板腱、西班牙豬梅肉片(每人只係$208）雞煲屬優質食材，雞肉非常嫩滑同惹味，醬汁唔會太鹹，上菜後主3分鐘炒熱佢就得啦。8點前結賬或8點後入座都一律減$10，兩個人黎仲可以揀6款串燒，任飲啤酒汽水🥤真係超值！幾款牛都有牛香味，牛板腱最嫩滑，入口溶化。安格斯肩胛牛肉比較滑，牛味重。這兩款各有特色我都很喜愛。值得一提，佢地肉類串燒肉味都比較香濃，入口有好香嘅豬油香味。燒雞軟骨就做到好有咬口，中間食到粒粒嘅軟骨。食完雞煲同串燒，仲有得轉火鍋湯底打邊爐（可以自選花膠雞湯、蕃茄薯仔湯、沙嗲濃湯、四川麻辣湯），我就揀咗花膠雞湯，清甜養顏☺️之後就有得encore火鍋配料、海鮮、麵食，佢哋嘅手打丸類非常出色（手打牛筋丸、手打豬肉丸、手打蝦丸、手打紫菜丸），食咗兩個幾鐘，非常滿足嘅一夜！🤩金凱小廚 (大圍)大圍美田路30號美林邨熟食亭1-4號舖…查看更多

餐廳位於大埔美林邨附近，外圍以冬菇亭建築物搭成🍄 主打任飲任食唔限時嘅雞煲🐔 串燒🍢 同打邊爐🍲 放題😌 雖然地方偏遠但價錢親民而且食物高質，一次過滿足你三個願望😍 極力推介三五知己過嚟傾偈食包佢👍🏻🍲 雞煲串燒火鍋放題套餐 兩個人去會有半隻雞嘅雞煲🙈 上枱時已經係八成熟，焗幾分鐘就食得啦！雞肉件較細但好入味而且唔嚡口，醬汁夠惹味，唔係死鹹，鑊氣十足😚 另外配上大量芫荽同洋蔥片令到成個香氣更濃郁，十分滋味🥰串燒點咗必食嘅蒜燒蠔、芝士蠔🦪 同海蝦🦐 生蠔係中等size，完全無沙而且好新鮮，超級厲害😌 海蝦都唔輸蝕，爽脆彈牙夠juicy😝呢度嘅火鍋唔係食完雞煲後再加水，而係用另外一個煲再揀湯底🤩 想健康啲可以叫花膠雞濃湯，有大大片嘅花膠😉 而且仲有紅棗、杞子、蟲草花等食材熬成，真材實料，味道鮮甜得嚟夠滋潤😍 幸福感滿滿的🥰 配料方面有成30幾款任君選擇😋 肉類包括安格斯肩胛牛肉🐮 黑毛豬🐷 同酒釀雞件🐔 最推薦安格斯牛板腱🥩 牛味重，肉質軟腍得嚟帶點咬口，係幸福嘅味道呀😜 另外仲有海鮮類、丸類、蔬菜類、麵食等😋 不過建議大家都係留返個肚食回本嘅肉同海鮮啦🤣飲品裝滿兩個大雪櫃😆 除咗有汽水🥤 紙包茶之外仲有大家喜愛嘅啤酒同比較特別嘅清涼爽，超級齊全，值得一讚😝…查看更多

金凱小廚📍大圍美田路30號美林邨熟食亭1-4號舖抵食雞煲火鍋✨👍🏻真心推介❤️雞煲+火鍋任食 連3串自選串燒$198位雞煲有得簡辣度😃同行朋友唔食得太辣所以簡左小辣～好重麻香～辣醬好惹味✨配埋九層塔、芫荽、蒜頭香料雞煲味道層次好豐富包自選3份串燒～好多款簡另外可加錢轉+任食串燒試左以下幾款🫶🏻❤️好高質蒜蓉烤生蠔、安格斯牛肉粒、特上牛隻脊肉、燒麻辣雞翼、燒雞軟骨、牛脷平時食串燒都十幾甘蚊串🙌好抵食👏🏻仲要味道唔錯之後到火鍋🍲有幾款湯底可簡😝簡左沙嗲湯底超濃郁🙌配料選擇多海蝦、墨魚仔、螺片、海鮮都好新鮮手打牛丸必須encore😜😋牛肉係俾啲靚嘅牛肉👍🏻兩款都係安格斯牛肉👏🏻酒釀雞件好入味酒味好濃～雞件肉質幼滑仲有多款配料😀炸魚皮、烏冬、時令菜藍份量好足✨值得一讚❤️服務一流👍🏻店員會不時巡視睇睇你有咩需要🥳野飲仲要任飲🤣啤酒 🍻汽水🥤茶任飲食物好味😋Cp值高…查看更多

今日放工之後同同事去咗位於大圍嘅金凱小廚 聽朋友講這間好多好評 所以即刻帶同事嚟試吓🤚佢地有雞煲，燒物同埋火鍋 滿足大家唔同既需要 ，先講我最愛既雞煲味道夠辣，又十分野味同入味，唔會太咸 雞肉好嫩滑 咬落去麻麻辣辣咁🤪🤪燒物我地都點左唔同款 😝蒜蓉生蠔同扇貝好香蒜蓉味，火喉剛好，正 燒牛舌同牛脊肉既牛味好濃 好食😏😏😏而之後就轉火鍋 🍲 我地簡左沙嗲湯底，沙嗲味濃，仲有好重花生味好香😎😎蝦好新鮮的，有蝦味又彈牙😍🥰 魚皮夠脆 牛柏葉夠彈牙配沙嗲湯底好入味 粟米超甜，菜夠新鮮😈 整底都好正 一定會encore 呀！！👅👅…查看更多

美林呢個地方係小時候既回憶黎, 今日再去就係想睇下有咩唔同為左美食😂🥘 雞煲·火鍋放題 $208/位本身有3款唔同既放題, 我地就只係雞煲同火鍋放題, 先食雞煲, 有辣有唔辣可以揀👍🏻 試左少辣, 雞件都多肉而且嫩滑!! 而且鹹度適中, 為呢個火鍋放題揭開序幕😎 😋: 🌟🌟🌟🌟/5🥘湯底：沙嗲濃湯果然無揀錯好濃郁之餘好大量, 而且佢係等你食完雞煲直接換個湯底比你, 咁就唔會撈埋雞油落個湯度啦🫶🏻😋: 🌟🌟🌟🌟🌟/5🍢串燒串燒方面23款自選, 揀左雞翼, 腩肉, 多春魚, 芝士燒蠔, 蒜蓉扇貝, 真係即叫即燒, 所以都熱辣辣上枱😋: 🌟🌟🌟🌟/5🥩🥬配料有3款牛同豬肉, 多款海鮮, 蔬菜同麵食比我地任叫, -安格斯肩胛牛肉肉質較滑而且無咩雪味👍🏻-安胛斯牛板腱肉質較實配上沙嗲湯底一流另外我地食完哂蝦, 蚌片, 松葉蟹柳, 即炸魚皮, 同蔬菜盤就梗係要加返個出前一丁做結尾!!! 呢個真係最濃既沙嗲牛肉麵😂😋: 🌟🌟🌟🌟🌟/5野飲(除枝裝啤酒)任飲, 佢仲好貼心有無糖茶可以解油膩再食多啲😂😂…查看更多

金凱小廚-大圍今次黎到大圍美林村，選擇左一間雞煲火煱連任食串燒任飲任食既一個餐廳。今次就簡左一個288既套餐先先會上個雞煲，雞煲味道非常濃郁，又多雞件又強肉，辣度不會太強但很野味，由於任食，所以雞煲可以再點的接住點了一堆堆的串燒，串燒的款式非常多選擇，就連司華力腸都有。值得推介的一定係燒生蠔香甜新鮮加上芝士/蒜香非常出色，見到身邊的食客都一盤盤咁叫，另外其他的海鮮串燒都唔錯，例如海蝦，扇貝等等。另外，肉類串燒當中安格斯牛肉粒都很香牛肉味就，雞翼就一般，可能已經在雞煲滿足左食雞既慾望。丸類及蔬菜類的串燒都是正正常常不是特別出色，但都好食。燒菠蘿都很甜很香濃郁的菠蘿味道。另外，打邊爐方面由於今次選擇左288$套餐，最為特別的一定係美國SRF黑毛和牛肉眼，勁重牛味，其他邊爐材料道一般正常總結，呢間屋邨餐廳任飲任食質素來講非常優越，又抵食，值得推介一下…查看更多