金凱小廚 (已結業)

今日去咗大圍搵朋友。佢話樓下有間食雞煲串燒唔錯嘅。咁即管去試下。嗰間餐廳個名就叫做金凱小廚，佢有幾個價位嘅，我哋去嗰陣時已經係八點之後，所以每個人收198蚊唔使再加一。佢另外仲可以加多70蚊食埋和牛但我哋就唔使啦。一上嚟就食咗個雞煲先，我估應該都多過半隻雞，香味麻味都較得啱啱好。呢個煲我哋冇揀辣度但我諗應該係小辣。 食完雞煲我哋叫咗醉雞嘅湯底 初初我以為佢會就咁加湯落去雞煲度就算，點知佢畀左成個新嘅湯底，醉雞湯底味道好香好濃，雞有花雕味，花雕又有雞味，好正。打緊邊爐嘅時候我哋叫嘅燒烤都嚟咗，燒烤質素唔錯，可惜只係可以選四款可以黎食， 少咗啲啫之後都有叫丸類，魚同其他各種肉類。198包咗三種牛肉三種牛肉個質素都相當之高 絕對唔係平價嘅肥牛可以比較。 特別推薦美國極上牛頸脊，好香好滑牛味濃郁！ 唔好以為街坊餐廳就冇好嘢，我哋嗰晚喺餐廳都見到好多街坊喺度食飯一路食一路睇電視都好熱鬧好開心

今日叫咗個$198嘅套餐，可以食到雞煲，打邊爐同埋串燒😋 雞肉入口覺得好嫩滑😙雞件亦都斬得大小適中，加埋香口嘅配料真係好惹味😋$198可以選擇嘅火鍋肉類配料分別有安格斯肩胛牛肉，牛板腱，美國極上牛頸脊，西班牙豬梅肉片同埋酒釀雞件。當中覺得比較喜歡嘅係牛肉類，牛味突出，肥瘦均勻，絕對係打邊爐嘅好材料😁 而海鮮類比較推薦嘅會係廣島蠔，每隻蠔都肥嘟嘟，脹卜卜，又夠鮮味😁另外都好鍾意打邊爐個湯底，花膠雞湯，入面有4塊又厚又大嘅花膠，真係超級驚喜😍串燒方面嘅質素都唔錯😋特別鍾意嘅會係蒜蓉燒生蠔同埋蒜蓉牛油燒扇貝😋蒜蓉夠晒多，重口味得嚟又無蓋過海鮮本身嘅鮮味😁蒲燒雞泡魚乾都幾特別，入口唔會係乾柴柴嘅 ，仲會覺得有d咬口，係一個幾好嘅送酒小食😊

冬菇亭係沙田友嘅回憶，黎到大圍美林邨見到有咁懷舊既冬菇亭，仲要有火鍋放題，就一於試試佢😜！店舖都算乾淨，有電視睇，員工友善。呢間放題有兩個價錢，$268係雞煲、串燒、火鍋任食；$198係火鍋任食，而雞煲、串燒就有限制～首先上左雞煲先，個味好好，唔會太咸/淡，雞肉嫰滑，有啲辣椒、洋蔥🧅吊下味，幾好👍🏻😋之後就上串燒，我中意佢個雞泡魚，有咬口😛 牛肉粒都好林，唔錯❣️最後就到火鍋，食完雞煲佢會收走個煲，再換個另一個煲，唔同出面倒湯落去既做法～ 湯底都有幾個選擇，我哋揀左胡椒豬肚湯🐖 個煲係有好多豬肚～ 偏淡味，但我哋覺得ok,因為始終食完雞煲咁濃味既食物～ 啲牛肉都好新鮮，見到佢係入面即切佢野飲都有好多款～有紙包烏龍茶、汽水、啤酒，重點係任飲🤣

朋友住喺大圍，去完佢屋企打麻雀，晚餐佢就帶我哋去附近美林邨熟食亭食雞煲火鍋放題，每人二百幾蚊，任飲任食，果然係街坊親民價，非常抵！▪️◾️雞煲串燒和牛火鍋放題◾️▪️⋄🕗8點前入座：💁🏻‍♂️成人（$268/位）👦🏻小童（$218/位）⋄🕘8點後入座：💁🏻‍♂️成人（$248/位）👦🏻小童（$198/位）⋄🌶即炒麻辣雞煲🐔雞煲已調教好辣度，不能走辣，唔食辣嘅朋友好可憐，但佢都忍唔到口食咗幾件雞，因為味道真係好濃郁，好惹味！⋄▪️任食▪️選$268的價錢，就可以任食以下肉類：美國黑毛和牛肉眼、安格斯牛小排、安格斯肩胛牛肉、美國牛頸脊、安格斯牛板腱、西班牙豬梅肉片⋄▪️自選湯底▪️🐓花膠雞濃湯湯底散發香濃雞湯味，滋補又美味。⋄▪️火鍋配料▪️🦐海鮮及麵食：廣島蠔、原隻扇貝、鯇魚片、鮮柏葉、松葉蟹柳、海蝦、讚岐烏冬、出前一丁、韓國麵、生雞蛋、迷你時令蔬菜籃⋄🍢鍋物：芝士丸、龍蝦丸、墨魚丸、貢丸、牛丸、腸仔、鴨血、午餐肉、豆腐、枝竹、響鈴、即炸魚皮、陳皮魚蛋、韭菜餃、芋絲⋄▪️串燒（海鮮類）▪️蒜蓉燒生蠔、蒜蓉牛油燒扇貝、鹽燒多春魚、鹽燒海蝦、蒲燒雞泡魚乾、鹽燒鯖花魚⋄最吸引嘅莫過於蒜蓉帶子、蒜蓉焗蠔！⋄▪️串燒（野菜類）

香港餐飲，選擇多多，可以好平，又可以貴到飛起，今天在大圍食了個超抵食，cp值高的198🐥煲、串燒、火鍋全包晚餐 餐前冷凍小食，青瓜雲耳，用黑醋辣醬調味，青瓜爽口，雲耳入味2人份量雞煲，加熱之後，芫荽香氣四溢，雞件用特制醬汁烹調，好好食2人可以叫8款串燒，羊架、牛舌、海蝦、鯖魚、牛柳粒、扇貝、蠔 ……，份量唔多，羊架最出色，肉質軟綿，醃得入味揀了個不辣的花膠火鍋湯底花膠大件又腍，意外驚喜，要讚蔬菜籃肉類只叫🐂，因為之前已食了雞煲，不再重覆，安格斯牛小排、肩胛肉，牛頸脊任叫，覺得牛頸脊口感最好，特別滑溜，雖然較為肥火鍋料鴨血、蟹柳、嚮玲、魚丸、生蠔、海蝦、九菜餃……款式不少，海蝦唔算大隻，但新鮮彈牙，呢個價錢真係抵到爛還有無限量飲品供應，飽到上心口，各位一定要去試

趁疫情穩定，即刻約咗幾個朋友聚一聚，最好莫過於就係任點、任食、任飲。今晚去到大圍美林邨熟食亭(金凱小廚)食雞煲串燒火鍋放題，地道火鍋，大排檔風味出曬嚟。街坊生意，$198/位一個價錢，仲免收加一，依家出面好多餐廳同飯店都要限時90分鐘，喺度就可以食到捧住個肚，真係好抵。雞煲叫咗小辣，鑊氣十足，雞件不會老，配菜夠多非常惹味。每人可叫四串串燒，梗係要叫牛肉及羊架，送酒一流。蒜蓉生蠔18蚊隻，多蒜蓉，肉質肥美。任食安格斯肩胛、安格斯牛板腱、美國牛肩脊，啱曬牛魔王的我，淨係食牛都值回票價。生蝦新鮮彈牙，午餐肉厚切。最尾用番個沙爹湯底加個公仔麵食，滿足感出哂黎。

同朋友到大圍覓食。非常豐富的晚餐。又有雞煲、又有串燒、又有得打邊爐。抵食8點前入座：成人（$268/位）小童（$218/位）先食雞煲，雞煲惹味。再食就係串燒。蒜蓉燒生蠔、蒜蓉牛油燒扇貝、鹽燒多春魚、蒲燒雞泡魚乾、香草羊架、安格斯牛粒串、燒麻辣雞中翼、雞軟骨燒翠玉瓜、燒迷你番薯、燒牛油粟米、燒鮮冬菇、燒娃娃菜、燒菠蘿。食完串燒，再點打邊爐的配菜。我地揀左花膠雞濃湯。肉類點左美國黑毛和牛肉眼、安格斯牛小排、安格斯肩胛牛肉、美國牛頸脊、安格斯牛板腱配料點左豆腐、枝竹、響鈴、即炸魚皮、陳皮魚蛋、韭菜餃

visiting my friend living in taiwaishe brought me here next to the very famous desert store “大飯糖”they first serve you starters (very spicy but tasted good)then chicken potand every customer can hv a choice of 4 skewers!! forgot to tell them i can’t eat too spicy so they added a lot of spices but its still goodddbest dish of the night - honey chicken wingsmy favourite part of this restaurant is thatthey serve u a whole new pot of your own soup choice for hot pot instead of adding randomsoup into

最近發現屋企附近有間舖係食雞煲火鍋！ 仲要免加一 無限時！ 雖然未知食物質素如何 但呢兩樣已經吸引到我去試下～ 同埋平日都幾多人 坐滿晒 所以去之前都要book定位先！雞鍋串燒•火鍋放題套餐 $1981-2 位就半隻雞 3-4位就一隻雞～ 坐底無耐就即刻有得食雞！ 滿滿芫茜鋪面 但無人中意食就即刻夾起晒🤣 調味方面 唔算太辣不過就偏麻～ 雞都好入味 好嫩滑！ 洋蔥就吸晒精華 正！串燒每位4款！我地揀左16款試下～ （燒羊架 安格斯牛粒串 雞軟骨 雞腎 牛舌 五花肉 翠玉瓜 燒菠蘿 雞泡魚乾 蒜蓉燒生蠔 蒜蓉牛油燒扇貝）勁推薦： 牛舌 燒菠蘿 雞泡魚乾 蒜蓉蠔扇貝！菠蘿好甜好juicy ~ 蒜蓉勁多勁香！不過部分食物調味落重手左 偏咸～ 火鍋就轉另一鍋食～ 有幾款湯底可以揀！ 最後揀左特濃沙嗲湯！ 真係好濃郁！ 放牛肉落去覺得好似食梗沙嗲牛咁～ 湯底有勁多花生碎 好足料！ 雖然 $198套餐得5款肉類 但勁推薦酒釀雞件～ 好入味 酒味勁濃郁！ 好滑牛肉方面 一齊上關係 真係唔係好分到唔個打邊個 不過都唔錯既！最後！ 朋友話爽涼粉好好飲😆 飲左4 5罐😂

今日突然想食雞煲，朋友話如果有埋串燒就好了.突然諗起之前經過一間叫金凱小廚，平時經過記得有任食雞煲加串燒.由於時間有限我哋就冇選擇串燒任食揀咗198嘅套餐串燒每人四串.第一round 雞煲半隻，味道香濃嗌左BB辣但係辣味都好足夠.雞肉滑而不柴.足夠嘅芫荽.3個人嗌左兩轉雞煲，我唔會跟住食嘅中間串燒都嚟咗.我哋嗌左生蠔、扇貝、牛脷、五花腩、羊架等.羊架肥膏太多，牛脷吃薄切嘅不過都幾爽口，生蠔扇貝中規中矩，值得一提係雞泡魚乾 點沙律醬真係送酒一流.食完雞煲我哋揀咗花膠鍋裏面嘅花膠大件又彈牙，牛的質素都正正常常.唔收加一感覺都抵食，店舖不支持碌卡，相對來說唔係咁方便.

作為一個打邊爐嘅擁躉，周不時就會搵新地點去食打邊爐，有時惹味嘅雞煲更加係首選。今日呢我嚟到美林邨，唔好以為呢度係屋村就冇嘢食呀，其實呢而家佢啲冬菇亭嘅餐廳都有好嘅雞煲食。今日就嚟到呢一間餐廳去食佢嗰個雞煲串燒．火鍋放題套餐。價錢係＄198一位，一至兩個人呢就包半隻雞煲，串燒每人四串，而打邊爐呢就任食。嘢飲都係任飲添。佢個雞煲一上到嚟呢其實已經好香，望落呢個色比其他舖頭較為淡，以為佢會冇乜味啦，點知有驚喜喎！其實啲雞嘅全部都好入味，而且個汁整得好香，唔係好難但係呢夠曬麻，啲雞肉又好嫩，就算係雞胸肉都唔會柴皮，超級好食，一舊接一舊冇停過。🤪之後呢食完雞煲，佢就可以揀湯底打邊爐，今次呢我就揀咗個醉雞鍋。最貴鍋呢就分開雞同埋湯底上嘅，見到呢佢藥材湯底呢都幾夠色，都幾足料添！雞呢都好香酒味，迫不及待就將佢哋一齊煲起啦。飲咗一啖湯頭，都真係好香花雕味，唔會太過鹹，有少少酒甜，好開胃㗎。火鍋配料都好多種選擇，淨係牛肉都有三款，分別係安格斯肩胛牛肉、安格斯牛板腱同美國極上牛頸脊，同埋仲有西班牙豬梅肉片同酒釀雞件叫添！而一般嘅火鍋配料例如芋絲、午餐肉、腸仔、韭菜餃、唔同嘅丸類、炸魚皮、響鈴等，應有盡有。

🔸雞煲串燒和牛火鍋放題🕗8點前入座：👨🏻成人（$268/位）👦🏻小童（$218/位）坐落於大圍美林邨嘅串燒🍢雞煲🐔火鍋任食餐廳🍲無限時免加一💰飲品任拎選擇多🧃一定要多多支持良心小店💕🌟足料BB辣惹味雞煲🌶香氣韻味渾厚🥰雞肉份量多🐥肉質嫩滑有嚼勁👄配合芫荽🌱洋蔥🧅蒜頭等炒🧄雞肉完全吸收晒香料同醬汁嘅精華✨🌟至於串燒👀餐廳以海鮮🐟肉🍖丸🍡野菜分門別類🥬大愛蒜蓉燒生蠔🦪同蒜蓉牛油燒扇貝🔥表面微焦💫內裏肉汁飽滿😍香口滋味💋除咗海鮮👉🏻香草羊架都好值得推介🐑孜然味突出😚肉質嫩而不膻✅鍾意食羊嘅朋友絕不能錯過💁🏻‍♀️🌟食完豐富嘅雞煲🥘梗係要嗌番個健康養生嘅花膠雞濃湯湯底中和番🍲一般餐廳都會直接加湯落雞煲💦但呢間係換過個新煲😍火鍋唔會吸咗雞煲嘅油份👏🏻值得一讚✅湯底用料實在💁🏻‍♀️一撈就見到大大片嘅花膠🐟仲以杞子👉🏻蟲草花👉🏻紅棗等慢火熬煮👨🏻‍🍳湯頭甘醇鮮甜😽滋補美顏🧏🏻‍♀️🌟重點推介🔥廣島蠔🦪新鮮飽滿好creamy✨口感滑溜🎖而且海水味唔太重🌊突顯出蠔嘅甘甜😋🌟牛肉方面🐮一共有五款任君選擇🙆🏻‍♀️每款都切到好薄🤏🏻個人偏好安格斯肩胛牛肉🏅肉味最濃😃而且肥瘦適中食落最有口感👄美國牛頸脊都唔錯🐄油脂

放工同同事黎左呢間麻辣雞煲，原來大圍有個好出名既冬菇亭都幾易搵，係巴士總站一落車就係，198蚊吾洗加一，有雞煲又有得打邊爐仲有串燒，飲品啤酒任飲，真係好岩一大班朋友同事去，坐位闊落，當日6點去食已經好多人建議大家訂位喔先上左個麻辣雞煲，勁多芫茜超正！雞煲有原本已經醃製，員工話炒熱四五分鐘已經可以食得，雞好滑好嫩，配埋麻辣涼瓜小食，好夾，仲有串燒，每人可以揀4款，串燒落左孜然粉好配搭，仲有燒蒜蓉生蠔，好鮮味，好快就上打邊爐，叫左花膠湯底，好濃味，好足料，花膠好大塊，有埋紅棗超養生，而且花膠有四大塊，好抵食！仲有廣島蠔好鮮味好大隻，另外特別要講下牛頸脊同牛板腱，好林身一d都吾鞋口，仲有推薦台灣鴨血，好好味同湯底好襯198蚊一次過雞煲串燒打邊爐食哂，真係無得輸，keep住同朋友同事聚餐真係好好選擇

之前聽過朋友嘅介紹呢間係大圍冬菇亭入面嘅放題火鍋好好食，性價比高，湯底都唔錯。天氣雖然好熱，都會偶然想去淥一淥，打個邊爐。咁就同朋友一齊黎左呢間金凱小廚。地理位置唔算好難搵，基本上沿住條路直行就到。坐低左發現位置都好寬敞，員工亦都非常好客，仲俾左張卡位我地，卡位係遠離煩囂嘅角落，可以安靜食野同傾計。我地嗌左198個任食套餐，唔單止有雞煲，仲有串燒同打邊爐，啱曬啲大胃王，認真抵食。一開頭俾我地嘅開胃涼菜係一個亮點，我地一上枱就俾左酸辣海苔絲同青瓜，酸辣滋味令胃口大開。等咗一陣好快主角雞煲就上咗，雞煲份量對於兩個人黎講真係啱啱好，唔會太少都唔會太多。啱上嘅雞大約七成熟到，要翻炒一陣先可以食，好處係保證咗雞鮮嫩嘅口感。重點講下味道，首先雞肉非常入味，而辣度絕對係大多數人可以接受到嘅程度，可以話係恰到好處。而麻辣味亦都無蓋過佢本身嘅味道，反而令雞件嘅嫩滑同香味更加突出。值得一提嘅係雞煲用到嘅香料。入面用左白扣/香菜籽、蒜頭、乾辣椒、洋蔥、芫荽、芹菜再加少許花椒粒，香料比例適宜，令成個雞煲口感更加豐富，又將雞肉嘅鮮味全部提左出黎。要留意要定時翻炒一下，唔可以炒燶，否則啲香料嘅香味會變苦。雞煲味道

今次特登入大圍食好西，對我黎講唔算就腳，但其實冬菇亭響正美林巴士總站旁，由大圍站行過去大概只係十分鐘。到底呢度有咩吸引我山長水遠去食？除左我同事住響大圍就番佢，就係$198「無限時，一口價，免加一」的「雞煲，串燒，打邊爐」！即炒麻辣雞煲四個人份量有一隻雞，上枱開火炒一炒就食得，雞肉嫰滑，每件雞都有醬包圍住，個醬好好味，雖然店員無比我地揀辣度，食得出少少麻香，唔係好覺辣，正！除左雞肉，煲內洋蔥都好正！串燒每人可從28款自選4款，我地四個人總共選了十多款串燒！燒菠蘿好多Juicy，同事一篤落去啲汁就噴左落我條褲度！乜料阿… 蒲燒雞泡魚乾幾特別，唔太硬身，好香口，份量亦都唔少。燒生蠔同燒扇貝鋪滿蒜粒，燒到金黃色，唔錯！不過串燒有少少漏單，同店員追單串雞腎同羊架，但後來上多次扇貝，同番店員講唔係我地，佢都摷唔返屬於邊枱，然後同我地講話「請你地食啦～」哈哈，多謝。食完雞煲同串燒其實都半飽，所以火鍋放題都唔係食到好多。而平時食完雞煲就直接加湯打邊爐，這裡是另外換一個湯底，五選一選了特濃沙嗲湯底，好香濃，仲有花生碎粒。肉類食材選擇有三款牛，一款豬及一款雞，酒釀雞件好香濃酒味，有驚喜，正喎！之後仲有廿