影片
更多
2021-07-20
93 瀏覽
之前聽過朋友嘅介紹呢間係大圍冬菇亭入面嘅放題火鍋好好食，性價比高，湯底都唔錯。天氣雖然好熱，都會偶然想去淥一淥，打個邊爐。咁就同朋友一齊黎左呢間金凱小廚。地理位置唔算好難搵，基本上沿住條路直行就到。坐低左發現位置都好寬敞，員工亦都非常好客，仲俾左張卡位我地，卡位係遠離煩囂嘅角落，可以安靜食野同傾計。我地嗌左198個任食套餐，唔單止有雞煲，仲有串燒同打邊爐，啱曬啲大胃王，認真抵食。一開頭俾我地嘅開胃涼菜係一個亮點，我地一上枱就俾左酸辣海苔絲同青瓜，酸辣滋味令胃口大開。等咗一陣好快主角雞煲就上咗，雞煲份量對於兩個人黎講真係啱啱好，唔會太少都唔會太多。啱上嘅雞大約七成熟到，要翻炒一陣先可以食，好處係保證咗雞鮮嫩嘅口感。重點講下味道，首先雞肉非常入味，而辣度絕對係大多數人可以接受到嘅程度，可以話係恰到好處。而麻辣味亦都無蓋過佢本身嘅味道，反而令雞件嘅嫩滑同香味更加突出。值得一提嘅係雞煲用到嘅香料。入面用左白扣/香菜籽、蒜頭、乾辣椒、洋蔥、芫荽、芹菜再加少許花椒粒，香料比例適宜，令成個雞煲口感更加豐富，又將雞肉嘅鮮味全部提左出黎。要留意要定時翻炒一下，唔可以炒燶，否則啲香料嘅香味會變苦。雞煲味道
坐低左發現位置都好寬敞，員工亦都非常好客，仲俾左張卡位我地，卡位係遠離煩囂嘅角落，可以安靜食野同傾計。我地嗌左198個任食套餐，唔單止有雞煲，仲有串燒同打邊爐，啱曬啲大胃王，認真抵食。
一開頭俾我地嘅開胃涼菜係一個亮點，我地一上枱就俾左酸辣海苔絲同青瓜，酸辣滋味令胃口大開。
等咗一陣好快主角雞煲就上咗，雞煲份量對於兩個人黎講真係啱啱好，唔會太少都唔會太多。
啱上嘅雞大約七成熟到，要翻炒一陣先可以食，好處係保證咗雞鮮嫩嘅口感。重點講下味道，首先雞肉非常入味，而辣度絕對係大多數人可以接受到嘅程度，可以話係恰到好處。而麻辣味亦都無蓋過佢本身嘅味道，反而令雞件嘅嫩滑同香味更加突出。值得一提嘅係雞煲用到嘅香料。入面用左白扣/香菜籽、蒜頭、乾辣椒、洋蔥、芫荽、芹菜再加少許花椒粒，香料比例適宜，令成個雞煲口感更加豐富，又將雞肉嘅鮮味全部提左出黎。要留意要定時翻炒一下，唔可以炒燶，否則啲香料嘅香味會變苦。雞煲味道小小麻，入面嘅芫茜、豆蔻、香菜籽增加咗雞煲嘅香味，而洋蔥、西芹嘅甜進一步減低咗辣味，增添咗爽脆嘅口感同清甜嘅味道。
而到左串燒嘅部分，佢嘅燒蠔海水味濃，每一啖咬落去都有鮮甜嘅汁水溢出，放上蒜蓉燒過之後同燒蠔係絕佳配搭。
除此之外，安格斯牛肉亦都入口即溶，肉質非常柔軟，食落都有啖啖肉汁，真係啱曬食肉獸去大快朵頤。之前聽朋友講一定要試下燒羊架，今次梗係有order啦。不出所料，陣羊肉味真係好出，肉香味十足，將啲羊肉撕落黎嘅爽快感令我回味無窮。燒烤方面最令我難忘嘅亦都有燒雞泡魚乾同娃娃菜。雞泡魚乾邊緣燒到焦香，但中間就意外地好軟熟，一啲都唔輸日式居酒屋嘅質素。
娃娃菜係直接成半個咁燒，表面係孜然嘅香料味，但咬落根莖位非常清甜多汁，完全保留到娃娃菜本身嘅味道，值得推介。
食完雞煲就開始打邊爐，我地揀咗花膠湯底，湯色濃白，打邊爐之前直接飲咗一碗。花膠好足料，配上娃娃菜、枸杞、紅棗，鮮甜濃厚得黎又養生。其實淨係食雞同燒烤，兩個人已經有啲飽，所以邊爐呢度我哋淨係嗌咗油麥菜、豆腐、芋絲、蝦同少量牛肉。呢啲食材同嗰湯底幾夾，同埋從味道同賣相都睇得出係啲靚嘢。
尤其推介啲蝦，肉質緊實彈滑，體形唔算細，蝦味突出，食得出係啲新鮮靚蝦黎，本身飽肚都忍唔住嗌多幾隻黎食。飲品方面都有唔少選擇，紙包飲品有柑桔檸檬、巨峰提子，罐裝飲品有可樂、檸檬雪碧、zero同埋芬達，亦都有兩款罐裝啤酒可以一路打邊爐一路飲。講真，198呢個價錢，話多唔多，唔過二百之餘又可以無限時任食，係咁寬敞嘅地方同朋友打下邊爐、吹下水，都咪話唔舒服，呢間火鍋店真係值得再幫襯。
張貼
