金凱小廚 (已結業)

天氣轉涼啱食雞煲, 今次就去左有好多正評既金凱小廚一入到去睇餐紙, 可以選擇3個set, 最平又198起包每人三個串燒, 加$20可以轉烤魚, 不過今次就想食雞煲多D串燒有好多款選擇, 最推薦就係燒扇貝😬有孜然同埋好多蒜蓉😛雞煲係少辣 🌶 如果怕辣要事先同職員講, 雞煲比較吵得乾身所以雞件都好入味👍🏼食完雞煲諗住叫職員加湯打邊爐, 點知原來職員會好細心咁幫你換另一個煲而且仲可以揀另一個湯底🙊呢一點我覺得非常好一來可以試多一種湯底 二來又唔驚雞煲會搞到癡底最後我地揀咗花膠雞湯 竟然仲真係有花膠😹打邊爐一定要試下佢呢隻安格斯肩胛牛肉, 肥瘦均勻之餘仲要好有牛肉味, 第二樣值得推介就係手打丸, 牛丸同蝦丸都幾好味唔係一般凍肉舖貨色😌其實落完第一次order得已經八成飽第二around 叫左蝦串同埋雜菜盤, 兩者都非常新鮮👍🏼👍🏼最後埋單每人198 加一 包左汽水啤酒任飲😎總結雖然位置唔係十分就腳, 但係你$200左右價錢可以食到雞煲+串燒+邊爐 性價比係非常之高, 而且職員服務態度友善, 值得將來再去😌P.S. 今日雖然係平日但係個場都有7成full 建議下次去要先訂位😉

今日同幾位朋友去食金凱小廚198 + 10% 任食 一開始有個麻辣雞煲 辣到啱啱好又帶有麻香味 好鍾意見到成煲嘢咁多芫荽！ 料都足既 食到咁上下店員都好細心問我哋需唔需要準備打邊爐 湯底我哋叫咗花膠湯 豬牛雞樣樣都齊 牛好重牛味 必食！佢嘅特色係可以一邊打邊爐可以食燒烤 燒烤方面我地冇食哂甘多種 我地揀左蒲燒雞泡魚 鹽燒牛柳粒 雞翼 蠔 仲有蒜蓉帆立貝 有落下眾喜愛既孜然粉 燒得好香口 不過三串以上就要另外加錢 打邊爐方面海蝦 龍蝦丸 響鈴 豬肉丸等等 正正常常飲品有嘉士伯啤酒 Coke Zero 鍾意健康飲食嘅朋友可以揀烏龍茶 解茶 如果有揸車嘅朋友唔使泊去商場嘅停車場 可以泊喺餐廳門口 有三個顧客車位 一落車就係！

最近天氣開始轉涼，又想食雞煲暖下肚，去左大圍美田邨樓下呢間金凱小廚。門口見到雞煲+串燒+火鍋，一個價錢仲免加一，又幾鬼抵。決定好坐低之後，店員好快已經上雞煲俾我哋，仲話已經煮好八成熟，再翻炒一下就食得。呢啲天氣最緊要嗱嗱聲有熱野落肚！👍🏻個雞煲有少少麻辣，好惹味。好快俾我地KO左，期間仲上左D串燒。牛油蒜蓉扇貝係最好味，不過我想試下其他野， 先無叫多一份😊，串燒雖然係送嘅但味道都唔差ow 。下次會再嚟試， 一定會試串燒放題。之後到火鍋，都有3張紙嘅食材任叫,有成30幾款選擇，而且有啲仲係海鮮類，都幾抵。我就好欣賞佢個蚌片，新鮮爽甜🤩仲有D手打肉丸，好有咬口，幾正👍🏻最後食埋個韓國面，完結美味又飽肚嘅晚餐🤤

今次約咗朋友踩單車，還車後見有啲時間就同朋友係大圍搵下野食晚餐。行到去冬菇亭果邊食到呢間任食三合一好似唔錯就入去試下~師傅本身已經將雞肉煮到七至八成熟，麻辣雞煲上檯後炒多兩炒就食得。醬汁有少許辣味，雞肉醃得都夠入味。$198價錢包每人四款串燒，香草牛油燒扇貝燒到金黃色，有淡淡香草味~燒五花腩燒得啱啱好，啖啖香甜肉汁味，肉質又夠鮮嫰。店員見雞煲食得七七八八就會開始準備火鍋，今次揀左花膠雞湯底，入邊真係有一片片花膠，十分足料! 豚肉片肥瘦合適，少有係任食邊爐有嘅靚肉級豚肉!除左各式各樣嘅肉，最欣賞就係各種蔬菜，生菜同油墨菜都洗得好乾淨唔見有黃。咁嘅價錢仲包埋汽水啤酒任飲，真係超值!! 下次又可以踩完單車嚟食餐飽!!

朋友之前介紹過呢間話幾抵，今晚見涼左好想打邊爐就諗起呢間！我地揀左$198呢個餐，會先上雞煲😍雞件有好多舊仲好多都啖啖肉，味道好濃，小辣都好夠辣😂辣得好過癮，非常惹味👍🏻呢個餐包左每人三串串燒！串燒都好出色！蒜蓉扇貝同生蠔都超級蒜🤣🤣又唔會腥！燒菠蘿同雞軟骨都值得一試👍🏻之後就可以揀湯底打邊爐，我地要左花膠雞湯底，真係有花膠架，湯料份量都唔小😱牛肉都有幾款，我地就試左安格斯肩胛牛肉同牛板腱，油脂唔太多但牛味搭夠😋有好多款手打丸類😍全部都好彈牙！要大讚佢個鵝腸洗得好乾淨，新鮮爽口！仲有蔬菜拼盤，食物都有好多選擇👏🏻呢個價錢黎講好超值啊！最正係食到咁多樣野🤩🤩

10月16日，同幾個兄弟嚟打邊爐，食雞煲，個waitress 問我揀邊個餐，198/269，198食美國肥牛，268就食Angus，肯定係268啦。先來一個雞煲，麻麻哋，少辣，啲雞好削，無乜肉食。跟住嗌串燒，叫咗幾款，都唔記得食咗啲乜嘢，有印象嘅就係雞軟骨。之後正式入主題，打邊爐，點左兩款貴牛，不錯👍其他火鍋料，冇料到！另外，比較欣賞嘅就係任飲，金裝青島啤酒，好飲👍C類食肆，可以食到11點，都幾好！

天氣凍左好多，同老公想食雞煲暖下肚，去左大圍，見到呢間雞煲+串燒+火鍋任食任飲，都好抵。入座後店員好快上雞煲俾我哋，上菜速度非常好，咁凍天氣嗱嗱聲有D熱野落肚，正！👍🏻個雞煲有少少辣，好惹味。每人仲有3款串燒可以揀，我哋揀咗蒜蓉扇貝，雞軟骨同墨魚仔，雖然係送嘅但味道都唔錯🤤火鍋食材可以任叫，2款牛肉1款豬肉，仲有其他手打肉丸同少量海鮮。店員仲俾左一大碟菜我地，話唔夠可以再要。總結呢間價錢唔貴，嘢食飲品選擇都幾多，推介👍🏻

店員話佢地新推出左烤魚, 建議我地試下, 我見好多人都將雞煲轉烤魚, 但我男朋友唔食魚, 所以就食返雞煲. 雞煲都幾濃味, 雞肉新鮮, 但醬太多所以有小小咸, 有洋蔥, 原條辣椒等, 整體都係好味既串燒方面, 每人可揀3串, 我地叫左麻辣雞翼, 安格斯牛肉粒, 燒汁特上牛肉, 辛辣味五花肉, 司華力腸. 上菜速度快左, 唔洗等好耐已經燒好, 仲好JUICY, 好香~ 個人最中意係五花肉同埋燒汁特上牛肉, 燒得岩岩好, 肉質又好! 而雞翼就好脆皮, 唔錯!火鍋方面, 我地揀左沙嗲, 其實叫沙嗲湯底都唔洗去攞調味料, 因為好似熔岩咁濃~ D肉完全入哂味~ 推薦佢第一板既肉類, 牛肉好新鮮! 唔係千年肉~ 黑毛豬都好食, 好欣賞佢呢到既肉唔係雪藏肉, 仲有汽水, 啤酒任飲, 呢個價錢真係好OK!

好耐都無食雞煲， 見天氣涼涼地， 出去食下雞煲我見佢有三種（有串燒， 雞煲， 打邊爐）。我抱著試野既心態去挑戰一下😂😂…. 結果，有真功夫出現🤣（5⭐️最高）首輪-特別串燒精選(4-5⭐️）有蒲燒雞泡魚乾， 扇貝，牛舌，牛脊肉，牛粒都有，就連羊架都有都有， 我覺得特好食係魚乾， 除咗特別之餘, 燒汁仲甜甜地， 食落煙煙韌韌， 又爽脆。 另外好食係牛粒，入口即溶化， 超滑口。 只可惜每人得4串可選擇， 齋食串燒都抵。 次輪-火辣辣野味雞煲（5⭐️⭐️⭐️)小薇辣的雞煲最野味， 冇想到入口嫩滑嘅雞煲竟然在大圍出現。 連我唔食得辣嘅人都不停咁食。 🤣， 其實食完都已經有一半飽，😳但仲有個邊爐未食😅👍🏻👍🏻最後來過-滾下滾下😂（4-5⭐️）我選擇胡椒豬肚雞湯底， 整體選擇大約有30款選擇, 但係其實我自己喜歡質素大於一切, 通常一般打邊爐都只係普通牛肉. 但佢今次就用咗牛嘅不同部份（有肩胛、脊）同埋用了西班牙梅肉片。 梅肉片真係值得推介，非常好食同埋滑口， 仲非常香豬肉鮮香味飲品- 任飲有新款飲品（我之前覺得某茶新出，價錢太貴我唔捨得飲😂😂）， 而家可以試下👍🏻👍🏻

8號風球唔洗番工你地有咩節目?食個雞煲放題都係唔錯選擇😋任食2個鐘，同朋友吹下水淥下野几咁relax😂冬菇亭宜家真係好少見，大圍冬菇亭既金凱小廚出名雞煲放題，仲要好抵食添🥰為食餐單: 雞煲串燒火鍋放題套餐🥘 $198/位(8點前入座)入座起計任食兩小時😋首先先選每人4款串燒，我地就揀左香草羊架3件、安格斯牛粒串4串、特上牛脊肉1串😋羊架唔會羶好香，牛粒串好香口惹味，牛脊肉口感味道都一流啊😋坐低無耐就有大煲雞煲上枱，香噴噴，雞件整得香口又好味，雞煲果然係同網上好評一樣咁正😋然後就揀選火鍋湯底，有多種選擇，愛美養顏既選擇當然就揀左花膠雞湯la😋當我地食曬雞煲既時候就有職員即時換上花膠雞湯for打邊爐la😋愛牛既我當然叫左好多牛食，有安格斯肩胛牛肉、安格斯牛板腱、廚師發辦靚牛肉😋款款都咁新鮮咁有肉汁😋另外都有海鮮類、蔬菜款、麵食、丸類等😋我好仲意海蝦同廣島蠔呢，食到係海水既鮮味😋雪櫃有多種飲品供選擇，有汽水、啤酒等，如果想健康d仲有最新口味既無糖coca cola添😉

朋友推薦大圍呢間屋邨雞煲，話幾好食，一于試試佢。Book左3位晚市8點，一開始入座見到無乜人，心唸係咪中伏？！點知唔夠五分鐘，已經瞬間入滿左客，好彩有book位😅一入座就會提供任食雞煲，味道好香，D雞肉一望就知係完整一隻雞🐔上，而唔係出面果D急凍雞比肉。雖然雞煲唔係任食，但係三個人食既份量啱啱好。🤔食完個雞煲就可以轉湯底啦，揀左豬肚胡椒湯底。。個湯底胡椒味好濃郁，正🤪鍾意胡椒既人真係唔好錯過。牛肉羊肉豚肉都係任食，每樣叫左一盤，其實份量都好夠，可能我地三個人食量算少，肉質睇相得啦，應該都唔洗再介紹😏其他火鍋配料都好新鮮，唔會有雪櫃味。成晚食得最多應該係蝦🦐🦐🦐，上黎都係好新鮮仲識郁，我地三個人起碼食左一打，已經值回票價😎每位可以自選4款串燒，三位可以選12款。串燒我地主要叫左海鮮，扇貝生蠔多春魚都燒到啱啱好，用黎餸啤酒🍻就perfect啦。羊架原本無乜期望，點知上到黎勁大塊，完全超越任食水準。💯串燒如果四串唔夠食，可以另外單點，價錢都唔算貴。埋單每位$198唔洗加一 真係可以再end call👌

依家入夜天氣開始無咁熱，正當同朋友仔兩個人行完新城市廣場，就突然靈機一閃想去打個邊爐，咁打開邊爐就緊係食埋任食放題，貪佢夠飽又唔使太貴呀嘛！諗法一起，我地就上網搵左呢間大圍既金凱小廚試一下佢既$198任食放題。唔好以為$198無咩野食，呢個套餐都有好多野食，除左有招牌麻辣雞煲（半隻），四款串燒，仲有四種可以無限encore既牛肉類，而且包食包飲，有無限提供到汽水同埋啤酒，都可以算係物超所值。串燒黎講，作為餐前小點都不錯，我地點左燒生蠔，燒扇貝雞泡魚干，海蝦同埋牛舌。牛舌都燒得幾嫩滑，有肉汁。生蠔同扇貝加左蒜去燒都燒得幾好味，雞泡魚干就稍微燒得比較死實，有d爛咬 , 但係任食任飲場有雞泡魚干都算少見，所以都有分加！雞煲（半隻）我地叫左小辣，店員同我地講炒幾下之後就可以開波食得。食落呢個雞煲水準唔差，醬汁惹味，雞身爽脆。而且唔會過熟，雞煲一過熟就會鞋，而呢個雞煲肉質嫩滑，證明師父掌控火喉都相當唔錯！食完成個雞煲後，其實已經有少少飽，店員叫我地加湯，咁我就揀左胡椒豬肚雞湯，正當我諗住剩係加湯既時候，原來係成煲雞再黎過，即係再整個半隻雞加埋個胡椒豬肚湯，咁咪即係半隻加半隻。變左做一隻雞，個下覺

今日同媽咪去大圍買嘢，夜晚就食呢間好抵食嘅串燒＋雞煲＋火鍋放題😍三樣享受都只係＄198首先雞煲係小辣，我地兩個人所以都有半隻雞。雞煲一上枱就熱辣辣，仲有好濃嘅香料味。翻炒多幾分鐘就已經食得，每一件雞都大小適中，而且沾滿雞煲醬汁，食落口唔會太鹹太辣，但都十分惹味。店員其後俾張串燒紙我地揀串燒，試咗牛舌串、牛串、香草羊架都係好濃味，而且燒得啱啱好，有焦香同時又保留肉汁，最啱一邊飲酒一邊食肉類嘅串燒。燒蠔同扇貝外表都好靚，滿滿的蒜泥鋪滿燒蠔表面，但食落口依然有蠔同埋扇貝嘅鮮味，好好食。至於強烈推介佢地嘅雞泡魚乾，真係原塊燒好剪俾你，係一個絕佳嘅送酒小食🤤🤤跟住就係進入打邊爐環節👀估唔到最平嘅套餐都有三種唔同嘅牛肉任食，我三種都有叫，感覺上三種都係好好食，只係我感覺上牛板腱係比較瘦，而肩胛牛較多油脂位，可以根據返自己口味選擇🙈另外仲有豬梅肉同雞件都可以任食。另外都有超過三十多種火鍋配料可以任食，所以都可以食到好多好多自己鍾意嘅嘢食，食得好滿足啊！飲品櫃入面嘅凍飲好多元化，汽水、茶類、啤酒一應俱全，自己行去拎，夠哂方便，飲品溫度夠哂凍，而且注意到員工都會keep住refill，絕對炎炎夏日加上打

大圍一向多嘢食㗎喇 ，美林邨旁邊的金凱小廚推出咗$198 串燒放題套餐， 已經有一段時間啦，趁住放假同朋友試下先。金凱小廚嘅放題套餐分別有雞煲串燒同埋打邊爐， 一次過滿足你三個願望 。雞煲食材好新鮮 ，雞肉質鮮嫩， 沾滿濃濃嘅醬汁，配料有紫洋蔥，蒜頭，芫茜，蔥，辣椒蒜頭等香料，炒得既香又入味。串燒 每位可自選四款，我哋梗係要食香草羊架，同埋安格斯牛肉粒。鹽燒多春魚，燒雞泡魚魚乾。燒雞泡魚魚乾一定要叫，送酒一流，教人大快朵頤。串燒即叫即燒，雖然要等待，但係可以食住雞煲先，食物質素有保證。打邊爐海鮮一定要食廣島蠔同海蝦。牛肉方面都有好多選擇，其中我最中意就係安格斯牛板腱。啤酒方面，有2款，分別係青島啤酒，藍冰，食住串燒同雞煲，少少微醺，同朋友晚上談心。

屯馬線超抵$198食晒雞煲、16串串燒同兩小時任食火鍋放題😛 麻辣雞煲唔算太辣 唔食得辣都冇問題👌🏻 個醬汁好惹味 撈埋落大大舊嫩滑雞件 食到唔停口 連洋蔥都清晒🤣食緊雞煲嘅同時 自選嘅16串串燒都上埋枱☺️ 印象最深刻一定係燒五花腩、安格斯牛粒同雞泡魚乾🤤 燒五花腩超香口 肥瘦各半 勁邪惡 私心推薦必試🔥🔥最後就係火鍋放題 湯底估唔到有好多選擇 我哋今次揀咗花膠雞湯👅 湯底都係真材實料 花膠都有唔少 有驚喜‼️ 火鍋配料方面 我哋叫咗廣島蠔、原隻扇貝、鴨血、同各類豆製品 牛肉方面有三款 廚師發板靚牛肉牛味最重 食落都唔鞋口👍🏻 最後叫咗差唔多5碟😝😤餐廳係近年買少見少嘅冬菇亭 環境唔差 $200有咁多嘢食都算幾抵 就算地方偏遠都值得一試嘅～