蠔埕

營業中

休息中

朋友考日文試成功，今次特登搵左間山林道小店同佢慶祝，餐廳setting 同omakase 一樣，師傅會係你面前燒串燒，特別有感覺😆前菜要左水母刺身配檸檬汁，第一次食覺得檸檬味好出，透明爽口；味噌牛舌好軟熟唔韌；蟹膏豆腐又滑又濃郁，極力推薦套餐仲包左時令生蠔一隻，非常清甜新鮮，入口creamy 仲有小小fresh 既海水味💯今次要左shabushabu套餐，鍋物湯底可以揀昆布/醬油，因為想清淡健康d就要左昆布，食到最後都唔會膩😆A5和牛盛盤，睇到隻色就知有幾靚啦🥺完全係入口即溶，餐廳話5成熟就可以了，牛肉嫩滑有鮮味另外我地追加左一份日本鹿兒島豚梅肉，口感特別清爽唔油膩野菜組合有冬茹，金茹，小白茹等，放埋落去鍋物更入味

尋日終於考完試，約咗阿媽嚟到佐敦呢邊食dinner慶祝🎉我哋揀咗呢間日式餐廳，感覺幾高質～我哋叫咗shabu shabu set!一個人$780,好豐富~季節前菜有三款前菜，包括水母刺身，螺肉同埋豆腐～好新鮮嘅前菜，食落覺得幾特別時令刺身有三文魚🍣帶子刺身，好新鮮～食落啖啖肉日本時令生蠔一大隻生蠔🦪好滑好Juicy昆布鍋物湯底一個火鍋配唔同嘅食材，湯底幾正日本產特選A5和牛盛合180 g一大碟黑毛和牛，雪花紋狀嘅和牛，職員教淥到5成熟，食落好爽口日本豚肉盛合有兩種唔同款式日本產嘅豚肉，食落覺得好新鮮，好好味😋配埋佢嘅柚子醬汁同埋芝麻沙律醬，好正野菜盛合有大白菜，金菇等等新鮮嘅蔬菜🥬配埋湯底好正稻庭烏冬一款稻庭烏冬，好爽口嘅烏冬，連埋昆布湯底，我哋食得好滋味～日本時令生果有新鮮香甜嘅哈蜜瓜，日本產，好多汁餐廳嘅職員服務態度超級好👍🏻好詳細咁講解每道菜式，好值得嚟幫襯～

之前都係尖沙咀山林道附近食過嘢嗰度開咗好多新餐廳今次見到呢度新開左一間專食日本和牛火鍋嘅餐廳。佢座位唔算好多，以bar 枱形式，但中間圍住個串燒廚房，有別一番風味。餐廳以shabu shabu為主，最特別係以廚師發板形式配上唔同日本蔬菜同海鮮。我哋要左款$580黑豚肉200g 套餐同$780日本A5和牛套餐，肉類份量好足料講明180g。每款套餐都包前菜、日本生蠔、一人火鍋、稻庭烏冬同生果。刺身都好新鮮日本空運到港，到最有期待嘅黑豚肉同日本和牛，每款上碟都好精緻賣相刀工一流，可以見到唔同肉類嘅紋路，配上昆布湯底啖啖肉汁，從沒有油膩感，一人食哂都好飽，再加上有唔同嘅蔬菜配搭，最後我哋兩人只食咗一份稻庭烏冬因為實在太飽食唔落。烏冬係日本原裝進口，好彈牙同較為點扁身。飲品要咗日本富士山果汁酒，來完美滿足一倘偽日本之旅。

前排係網上見到coupon做 promotion, 買左個shabu shabu 既買一送一 promotion同男朋友仔試下, 慰勞下佢今個月做野咁辛苦, 見餐廳咁新無咩reference, 都無話有咩expectation咁就去左  裝潢幾靚呀, 始終新開店好乾淨好舒服佢位唔太多, 我諗全場15,16位左右, 當日0630pm入座, 坐下坐下到7點都大約10個客度, 職員都好nice好helpful  個餐包左個前菜同日本蠔, 不得不讚個蠔真係好有層次好好味, 師傅話個啫喱係yuzi 味, 好岩我地口味, 再加埋上面有個花, 食落去好夾同埋好有後繼既甘甜蠔味另外仲包左3個燒物, 串燒真係好出色! 個燒雞肉同燒豬腸好味, 好juicy個汁/粉都好好味! 下次會黎試佢既串燒set, 串燒真係食過數一數二!之後係佢個shabushabu, 無限添食, 個鹿兒島豬好正, 質地同味道都不錯! 牛有3款, 好有質素, 牛味好香, 雪花牛係入口溶化既感覺, 真係無諗過呢餐既食物咁有驚喜中間男朋友仔要飲下啤酒食串燒, 佢有draft beer, 老細都有過黎飲下傾下計, 興師傅都成日過黎同我地傾計

尖沙咀 蠔埕 🫶🏻真係一間好高質既日本餐廳👍🏻 環境好舒適 師傅仲會係你面前烹調食物服務質素都好友善 成日主動問我哋岩唔岩食💕今次兩個人去食，就每人叫左一個餐：想食豚肉就可以叫＄580/位既套餐套餐包括有:⭐️季節前菜蟹膏豆腐 水母刺身 螺水母刺身係第一次食，好特別🥰透明 好爽口👍🏻⭐️ 時令刺身帆立貝 牡丹蝦 三文魚⭐️生蠔⭐️ 日本產黑豚盛合200g黑豚肉既量好多，油脂分布啱啱好，超好食！⭐️野菜盛合⭐️稻庭烏冬或雜炊⭐️日本時命水果係好好食既密瓜🍈另外，如果想食日本產特選A5黑毛和牛盛合180g，就可以揀780/位既套餐，有靚牛食😝肉汁非常嫩滑！所以我就忍唔住叫左呢兩個餐🤩覺得呢間餐廳都好啱情侶拍拖或者同屋企人/朋友慶祝既時候去🤩 食材真材實料，高性價比！ 蠔埕尖沙咀彌敦道176號The Nate2樓A號舖港鐵佐敦站D出口,步行約3分鐘

今次黎到呢間日本串燒。先食返少少前菜開開胃。店員建議由淡口開始食：水母刺身配檸檬汁，有D似海哲，幾爽口，同檸檬汁幾夾；味噌牛舌，同味噌夾埋味道有D似牛腩，唔韌；蟹膏豆腐既質感好滑，蟹膏既濃郁令整體有食芝士既感覺。食燒物前試少少刺身先，整體都冇雪味，劍魚腩唔腥，甜蝦好鮮甜，帆立貝都ＯＫ。室津生蠔相當唔錯，都幾creamy。開始食燒物喇。先黎一個炭燒日本時令牡蠣，雖然係燒物但都保持到Ｄ海水味，又有炭燒香。海膽醬燒龍蝦都幾好，有唔少海膽醬係小龍蝦上面，龍蝦肉都算容易分離。燒白鱔個皮幾脆，魚肉香口。月見和牛扒有D似山竹牛肉，啄碎再串起燒，配上蛋汁都幾好味。雞腎夠香又夠爽口，味道都夠濃。阿坡美雞翼個皮烤得好香，串起食得好方便。雞胸軟骨味唔濃但勝再在有咬口，加上七味粉都唔錯。粟米燒得香得黎又幾甜，調和一下之前既肉味都算唔錯。另外甜品有哈蜜瓜，夠清甜。飲品就分別叫左信州蘋果汽水同完熟白蜜桃梳打汽水，支裝夠哂汽配食串燒一流。

星期四晚同老公一齊食串燒Omakase，門面絕對係打卡位，服務態度又好，全程望住師傅燒野食。季節前菜: 味噌牛舌、水母刺身檸檬汁、蟹膏豆腐由淡至濃食，水母刺身爽口，牛舌軟嫩，蟹膏豆腐蟹膏味好出。時令刺身盛: 帆立貝、甜蝦、劍魚腩我最鍾意甜蝦，夠鮮甜，而且蝦頭啜到膏。日本時令生蠔柚子啫喱用上室津生蠔，鮮甜飽滿。炭燒日本時令牡蠣都係用室津生蠔，鹹啲又有另一番風味。炭燒時令海鮮海膽醬燒龍蝦有兩隻，龍蝦肉結實。備長炭串燒(六款): 燒白鱔、月見和牛扒、雞腎、阿坡美雞翼、雞胸軟骨、粟米。全部都唔錯，特別係最普通既粟米竟然好好食，清甜多汁又充滿牛油香。日本時令水果: 北海道雷電哈密瓜日本水果果然甜度十足，正。另外叫左信州蘋果汽水同完熟白蜜桃梳打汽水。

比omakase更好的選擇❤️‍🔥💝今日嚟到位於尖沙咀山林道既蠔埕🦪食飯，餐廳雖然唔係開咗好耐，但都已經有好多捧場客。呢度係以Shabu shabu 🍲為主嘅日式餐廳，客人肯等待嘅時候可以睇到師傅喺度煮緊嘢食，都幾賞心悅目㗎。🫰🏻前菜分別係蟹膏豆腐，水母刺身同牛舌。蟹膏豆腐入口柔軟，有好香嘅蟹膏味。水母刺身入口就比較彈牙，亦都有海鮮嘅鮮甜味。🫰🏻時令刺身分別有帶子，牡丹蝦同油甘魚。帶子都好大塊啊，又厚肉，入口好鮮甜。蝦肉新鮮，有蝦嘅甜味。油甘魚方面，入口有油脂香味，正呀。🫰🏻蠔呢隻蠔都幾大隻，蠔肉夠晒厚，仲有蠔肉嘅香味添。🫰🏻套餐野菜組合有齊菜，菇等等，岩曬用黎打邊爐。🫰🏻火鍋肉類方面，唔好睇好似好薄咁，但其實入口好滿足㗎，每一啖都充滿着肉香。肉亦都有天然嘅油脂香味，令到成個火鍋都食得好滿足。整體來講，咁餐嘅火鍋水準令我好悶意呀，無論係刺身定肉類方面有非常好嘅質素。🦪蠔埕 (尖沙咀)尖沙咀彌敦道176號The Nate2樓A號舖#尖沙咀美食 #尖沙咀好去處 #hkfoodie#beautifulcuisines#kolhk#foodstagram#nomnom#lifestyle#fin

又搵到一間炭火串燒🤩🤩🤩 上網見到有串燒Omakase買一送一優惠即刻 book 枱去試下先😍😍😍 一座底即刻有杯真"熱"茶飲下先！👍🏻👍🏻👍🏻因為有好多餐廳都忽略咗茶嘅溫度而比人hea嘅感覺🤷🏻‍♂️厘個位即刻加分唔錯👍🏻👍🏻👍🏻食串燒梗係唔會齋飲茶啦！整返杯冰凍嘅生啤係定律🍻🍻🍻🥰🥰🥰不過唔記得拍照🤣🤣🤣🙈🙈🙈- 季節前菜 海胆豆腐 滑滑嘅海胆同豆腐味道平衡唔會打交 😊- 時令刺身盛 分別有赤蝦🦐 劍魚腩🐟 帆立貝🦪 厘幾樣質素係成餐飯最差嘅😑😑😑 蝦頭有白點肉質梅😞 劍魚腩見到好多粗紋勁多渣無油香😞😞 帆立貝口感好膠唔知食緊咩😞😞😞 真心如果可以直頭唔好要叫師傅轉其他嘢好過🤗🤗🤗🤗🤗🤗- 日本時令生蠔(同燒生蠔冇影相😅) 蠔係新鮮😊 中等身材 爽身 加埋柚子啫喱好味😋- 備長炭串燒omakase (6 串)牛肉燒到好有炭香味肉味濃有汁唔會乾😋😋😋😋白鱔皮脆有油香 不過啲骨多過咗少少😋😋😋牛舌 有厚度 食得出係芯位冇渣 燒到外層焦香內嫩 😋😋😋😋食完鱔同牛舌有啲膩感🙈🙈🙈 所以之後叫師傅轉晒菜😅😅😅大葱 日本青椒仔 粟米😋😋😋- 日本時令水果 静岡蜜瓜😋😋😋三百蚊左右有咁多款式 除咗

平時聽壽司omakaaee同串燒omakase聽得多，但Shabu Shabu omakase真係第一次聽。而蠔埕應該係香港第一間有Shabu Shabu Omakase嘅餐廳。我哋分別揀咗一個$580同$780既omakase套餐，分別在於一個豬肉，另一個係牛肉。- 季節前菜前菜一共有三款，包括水母刺身、蟹膏豆腐同阿波美醬油雞肝。水母刺身晶瑩剔透，口感爽脆。蟹膏豆腐嘅蟹膏味好濃郁。至於雞肝口感細膩，不過女仔可能唔太鍾意內臟，包括我女朋友🤔- 時令刺身刺身方面有帆立貝、油甘魚同牡丹蝦。全部刺身都好新鮮，油甘魚味道甘甜，牡丹蝦亦好紺美，帆立貝就普普通通。- 日本時令生蠔生蠔上面淋上酸汁啫喱，加上食用花，味道層次非常豐富，生蠔本身亦都好鮮甜肥美。- shabushabu湯底可以選擇昆布或者醬油，我地揀咗後者✌🏻醬油湯底鹹度啱啱好，牛肉方面有肉質爽身既牛腱同油脂分布均勻嘅牛前胸，牛腱肉味香濃，後者有少少入口即溶嘅口感。至於鹿兒島豬肉一樣提供兩個部位，就係豚肉同腩肉。最後仲有稻庭烏冬！- 日本時令水果最後以熊本蜜瓜作結，真係又甜又多汁，而且果肉軟滑。人生第一次食Shabushabu Omaka

來到日本風味的餐廳，還是決定最喜歡的發板菜式食串燒最緊要係可以交比師傅發板，坐下呆呆已有美食享受日本的飲品外型已好吸引，綠色一支哈蜜瓜汽水，靜岡縣產蜜瓜特別香甜另外完熟白蜜桃梳打汽水，有氣的山梨縣長野縣產白桃果汁，入口特別清新前菜精緻吸引有透明的水母刺身，加了薄薄的西檸皮碎，入口煙刃刺身加了酸酸的西檸，意料之外的配合海膽豆腐入口有濃郁既味道，好滑溜而醬油漬黑梅貝就味道更濃味，帶有鮮味重點的日本室津生蠔，新鮮，入口先是Creamy ，之後帶有一點銅鐵味，配合梅子醬，味道多層新鮮的刺身，有日本帆立貝、劍魚腩及赤蝦入口鮮味，涼涼的，不錯串燒鹽燒牛脷，厚厚的，配合蒜蓉芥末籽做醬料，味道充實串燒脆皮燒白鱔，燒到外面金黃色又脆口，食落新鮮，仲保持juicy , 不會太乾串燒本地騸牯牛腩心，味道濃郁，又滑又林室津燒生蠔，燒好的生蠔保持海水既咸香，鮮味十足，咬落爽口串燒亞坡美雞肝，燒得剛剛好，滑流串燒青椒仔，辣辣的味道有一點清一清喉嚨既感覺串燒阿坡美雞翼，燒得外脆，但入面雞肉好滑最後，熊本赤肉蜜瓜，甜甜既蜜瓜做甜品，一流

為咗慶祝生日，千挑萬選，揀咗呢間有日式刺身、生蠔、同埋有shabu shabu食嘅日本料理來試下，估唔到餐廳雖然唔係開咗好耐，但係佢哋供應嘅食材相當有質素，而且服務員嘅服務態度非常優質，絕對值得推薦呀！！～餐廳環境唔算好大，不過私隱度都幾高，由於都幾受歡迎，建議預早book定枱會好啲。前菜海膽蟹膏豆腐：鮮豔橙色方形的海膽蟹膏豆腐，入口非常綿綿軟滑，帶有淡淡海膽的味道。水母刺身：顏色半白，帶透明感，入口非常爽滑清甜。海螺：廚師用上秘製醬油來醃製，入口帶有微香的醬油味道及海鮮的鮮甜味道。柚子有氣果汁白桃有氣果汁呢度供應嘅飲品果汁類都幾特別，兩款有氣嘅果汁，入口清甜，感覺清新，值得一試。<日本珍寶帶子、赤蝦、劍魚腩>三款刺身都非常新鮮，肉質鮮甜美味，由日本直送香港。配少少醬油，成個鮮味已經出曬來，絕對係必食推介。生蠔配有自家製啫喱狀的秘製醬料，還配上紫色的食用花，賣相非常特別。生蠔本身都幾大隻，肉質又綿又厚，而且帶creamy的口感，海水味道不算很濃，但帶有海鮮的清甜味道，非常好食呵！！～呢度既日本和牛shabu shabu都非常出色。今晚試咗牛肩脊及牛胸腹，牛肩脊入口牛肉味

見到開咗間新嘅小店，又見食評Menu 唔錯，就去咗試吓啦一上到去之後見到閃閃零嘅招牌再入去就見到一張吧枱，好似去咗日本店咁，都幾熱鬧，有好多人喺度飲酒飲啤酒，好chill我哋兩個人嗌左Shabushabu, 一個係鹿兒島豚肉 $580，另一個係日本產特選A5黑毛和牛 $780前菜有好精緻既水母刺身、蟹膏豆腐、響螺 - 啲蟹膏好濃味，配埋豆腐剛剛好😋之後有劍魚腩帶子赤蝦刺身然後每人有一隻時令生蠔 🦪 (有柚子啫喱襯托)主角就係醬油湯底既鍋 食A5黑毛和牛 &鹿兒島黑豚😌 店員好細心地介紹豬肉嘅品種，一款係豬腩比較肥的，另一款就係比較瘦的；和牛都一樣，一款較肥一款較瘦。店員會教你首先食左瘦先既，然後再食肥啲果款肉。我地覺得淥一淥 just right 係最好的👍🏼 尤其係啲和牛，啱啱好熟，就係最好味，好有牛味。醬汁方便有芝麻醬同埋酸酸地嘅醋，我自己其中二點醋，食落好好開胃最後食埋野菜、烏冬、日本哈密瓜🍈

🇭🇰Hong KongAverage expense pp: HKD$500-600+📍Address: 壕埕Wild Oyster, Tsim Sha Tsui星期四嘅晚上都人山人海。第一次食Shabu Shabu omakase。前菜幾精緻，分別係水母刺身配檸檬皮、海膽豆腐、黑梅貝。水母刺身爽口開胃，海膽豆腐味道濃郁，黑梅貝鮮甜彈牙。刺身盛有赤蝦、劍魚腩、帆立貝，個人特別喜愛赤蝦🦐，非常鮮甜！！！室津蠔配酸汁啫喱，配上日本空運食用花，入口creamy豐富，有紫蘇花嘅香氣。特選黑毛和牛盛盒分別有A5黑無和牛頸肉，肉汁比較多。而牛胸肉，油脂比較多，充滿牛油香氣，入口油脂爆發。鹿兒島豬豚肉丶豬腩肉，油脂比例完美，入口有餘香而不膩。個人最欣賞湯底（昆布混合豉油），味道簡單清新，完全冇一般和牛火鍋嘅油膩感，可以食得出係優質食材。特別係湯底煮完肉，層次更豐富，越煲越好飲！呢個湯底配搭稻庭烏冬，感覺一絕！組合中附有野菜盛合，分別有金菇、豆腐、冬菇、小棠菜同埋娃娃菜等，食完相當舒服。最後師傅送上兩碟靜岡縣蜜瓜🍈 冰涼爽甜，一個完美嘅結尾。

Happy Friday黎左依間位於山林道既日本餐廳慰勞一下自己～餐廳門外有好多發光波波，即刻影返幾張相打卡先ＸＤ食客圍繞住廚師們坐，類似Omakase咁~幾有feel餐廳主要提供Shabu Shabu套餐或串燒套餐，我就叫左一個$580既串燒套餐～另外仲叫左枝密瓜果汁~甜而不膩，密瓜味亦好香前菜係一件蟹膏豆腐，蟹膏味好香濃～豆腐嫩滑然後就送上左一隻新鮮既日本室津生蠔好大隻呢，而家鮮味十足，完全唔會腥！另外仲有柚子醬汁作調配，好味之後就送上左一個刺身拼盤，望落好吸引呀！刺身分別有紅蝦，劍魚腩同帆立貝。帆立貝夠晒大粒，劍魚腩食落口感充實，而紅蝦亦鮮味十足食完刺身就到串燒環節喇，師傅會係你面前燒架～淨係睇佢地燒都已經覺得佢地功架十足！是晚我最念念不忘既一款串燒 - 燒白鱔外皮燒得香脆，內裡食落嫩滑及彈牙，油脂係口腔內爆發，勁正勁正勁正！差Ｄ想搶埋男朋友果串黎食，哈哈依串係燒馬扇牯牛牛腩心，都係好好味。牛味濃郁，入口爽口彈牙唔會ｕｎ，肉汁及油脂同樣豐富依串係燒阿波美雞腿肉，入口勁juicy，肉質同樣爽嫩，特別既係有醬汁既調配下令到甜甜地，好味！燒青椒都好好味呀！唔好睇佢好似好簡單咁，其實要燒