蠔埕

營業中

休息中

之前都係尖沙咀山林道附近食過嘢嗰度開咗好多新餐廳今次見到呢度新開左一間專食日本和牛火鍋嘅餐廳。佢座位唔算好多，以bar 枱形式，但中間圍住個串燒廚房，有別一番風味。餐廳以shabu shabu為主，最特別係以廚師發板形式配上唔同日本蔬菜同海鮮。我哋要左款$580黑豚肉200g 套餐同$780日本A5和牛套餐，肉類份量好足料講明180g。每款套餐都包前菜、日本生蠔、一人火鍋、稻庭烏冬同生果。刺身都好新鮮日本空運到港，到最有期待嘅黑豚肉同日本和牛，每款上碟都好精緻賣相刀工一流，可以見到唔同肉類嘅紋路，配上昆布湯底啖啖肉汁，從沒有油膩感，一人食哂都好飽，再加上有唔同嘅蔬菜配搭，最後我哋兩人只食咗一份稻庭烏冬因為實在太飽食唔落。烏冬係日本原裝進口，好彈牙同較為點扁身。飲品要咗日本富士山果汁酒，來完美滿足一倘偽日本之旅。