今次嚟到位於尖沙咀嘅蠔埕，餐廳行日本居酒屋風格，好適合同朋友晚上去小酌幾杯。餐廳使用開放式廚房，坐喺旁邊可以欣賞師傅製作炭燒串燒嘅過程，並且聞到陣陣炭燒香氣。餐廳以高質日本食材為主打，包括日本和牛、牡蠣、阿波美雞肉同埋海鮮。最近踏入大閘蟹時令季節，餐廳以大閘蟹為主題，推出炭燒大閘蟹蟹粉雞湯金勾翅全宴，非常豐富。煙燻花雕熟醉大閘蟹海蝦海鮮拼盤一上枱煙霧瀰漫，儀式感十足。花雕熟醉大閘蟹同埋海蝦酒香濃郁，大閘蟹蟹膏濃郁甘香，生蠔帶有海水鮮味，每款海鮮都鮮味十足。火焰玫瑰大閘蟹蟹粉蟹肉雞湯金勾翅火焰效果震撼，蟹粉蟹肉同埋雞湯金勾翅完美融合，蟹粉味道鮮香濃郁，金勾翅口感軟糯滑潤，加上玫瑰露酒味道香醇，令人無味無窮。清蒸大閘蟹/炭燒大閘蟹餐廳用上五両大閘蟹，清蒸大閘蟹，蟹膏豐腴飽滿，味道鮮甜甘香；炭燒大閘蟹，充滿炭燒香氣，蟹膏同樣豐腴飽滿，滑嫩濃郁。蟹粉明太子醬炭燒珍寶蠔珍寶蠔肥美飽滿，肉質滑嫩，帶有炭燒香味，加上蟹粉明太子，鮮味十足。精選一蚊生蠔優惠餐廳最近推出一蚊生蠔優惠，好誇張，生蠔仲係嚟自日本兵庫縣，肉質鮮嫩，入口滑順，味道鮮甜。炭燒串燒拼盤廚師精選發板，師傅即場用心製作炭燒串燒，用上日本紀州備長炭，雞肉、牛肉同埋豚肉串燒帶有獨特炭香風味。鹿兒島A5黑毛和牛+雜菜盛盒涮涮鍋A5黑毛和牛油花均勻，用嚟Shabu Shabu一流，牛味濃郁，口感軟嫩，入口即溶；雜菜盛盒，各種蔬菜新鮮，吸收咗Shabu Shabu湯底，味道更鮮美。120分鐘Free Flow任飲項目Sapporo Draft Beer、House Sake、各款汽水、黑糖薑茶同埋大嶺三粒米（免費升級做任飲大嶺三粒米，去開居酒屋都要五六百蚊支，而家可以升級任飲，清酒愛好者必試。）…查看更多
