蟹仙海鮮蒸氣鍋 (龍崗道)

營業中

休息中

蟹仙海鮮蒸氣鍋是一家以海鮮為主打的餐廳，以其新鮮的海鮮和蒸氣鍋聞名。首先是鮑魚，鮑魚肉質鮮美，口感爽滑。蟹仙海鮮蒸氣鍋的鮑魚選用的是新鮮的鮑魚，經過蒸氣鍋的烹調，保持了鮑魚的鮮嫩口感。其次是青口，青口味道鮮美，而且富含蛋白質和鈣等營養成分。珍珠蠔肉質細嫩，而且有著獨特的甜味。扇貝口感爽滑，而且含有豐富的蛋白質和維生素等營養。極其新鮮。蟹仙海鮮蒸氣鍋的特色之一就是粥底，這是一種非常獨特的烹調方式。粥底是用高湯融合而成，再加入海鮮等食材滴落去嘅汁，一起蒸煮，讓海鮮的鮮味都能夠充分釋放出來，同時粥底的口感也非常豐富，非常綿密。

果然在香港的九龍城很容易找到好东西吃～这样的蒸气火锅料理才是二百多块 算是很便宜啦！面包蟹很鲜甜 另外有鲜虾 扇贝 每一样食材播很有特色！香港的蒸气火锅海鲜很地道，最特别吃到尾声会提供粥底火锅 包保一定吃到饱！这一餐真的大满足！还有椰汁燕窝糖水吃，这一餐真的值回票价！要来香港吃好东西的朋友，不要错过哦！有兴趣的人一定要去内地的朋友我可以帮你代为预约哦份量完全足夠咁多人食 而家諗返起真係回味無窮 好想再返去食～～

今日黎到九龍城食晚餐，食好一點，黎到依到食海鮮。選左 “尊貴海鮮套餐”套餐包左九款海鮮跟蔬菜籃首先，最正係佢有店員幫手蒸，唔洗自己郁手，又唔洗顧佢幾時蒸好蒸幾耐，坐係到等食就可以，而且每樣海鮮蒸好，店員都會講解返樣海鮮😋海鮮方面，野生大赤蝦，大大隻蝦之餘，蝦頭多膏。珍珠蠔食落夠鮮味，九孔鮑魚則爽口彈牙。而轉左款既 大元貝跟蟶子 兩樣都不錯，每樣都蒸得岩岩好，鮮美好味。青口亦都夠大隻，一啖過，夠哂滿足。琵琶蝦 也不錯，而兩款蟹 則夠多膏，食落過癮。最後，食埋蔬菜跟粥底，又飽又滿足😁。

前排食蟹仙尖沙咀分店，post咗相出嚟之後，有朋友見到話好正好想去食，所以前日放工就同朋友去九龍城分店，再訪蟹仙🥳店員非常有趣友善，會講吓爛gag🤣笑爆咀🤣我同朋友揀咗尊貴海鮮套餐，每位$419已經可以品嚐好多款新鮮海鮮，抵食㗎！首先食嘅係大赤蝦，味道鮮甜，蝦頭有充滿鹹香而沒有腥澀嘅膏，一啜個蝦頭，勁滿足。台灣九孔鮑魚，蒸完超彈牙，一啲都唔韌，剛剛好。通常出面食青口因為係來佬急凍貨，所以冇咁Juicy，而野生新鮮青口帶點自然嘅海水味道，而且唔洗加任何調味已經感受到本身嘅鮮甜，不帶渣。仲有韓國珍珠蠔、加拿大翡翠螺、日本元貝🥹然後就食兩款蟹加一款龍蝦。野生琵琶龍蝦嘅外表好特別，肉質鮮甜彈牙，呢隻係靚貨，帶點蝦膏，真係錦上添花。然後食饅頭蟹，佢地成日懶郁，好似嚿石咁，所以雖然少肉，但啲肉比較嫩滑，好好彩又係靚貨，連饅頭蟹都有咁多黃。最後一款海鮮🦀爆晒膏又多肉，每一啖都係享受(圖片已說明一切)🤤海鮮嘅精華落晒去粥底，加上菜脯，好滿足🥹最後送上燉燕甜品，我至愛🥹滿足晒！

叫左個餐有得2 選一要魚定蟹，落左單就有店員話魚好食d ,蟹唔夠食，好細隻，就直接放低話要我地接受條魚，逼我地要左去，但係大部分朋友都唔食魚的，好反感。除左青口係新鮮，全部野食都唔太新鮮，粥底落左好多粟米增加甜味，但係都係唔好味。龍蝦4 人餐，龍蝦一件分3 份，我唔知其他蒸氣火鍋點分，我地就大家你推我讓，有一個無得食。一開始有招呼，但係兩個樓面去打理成個場，食左6 款海鮮食左3 個幾鐘，係後期忍唔住叫佢快小小佢先跟進下，因為老闆應該重點招呼台大陸客。終於食完我地係隔離麥當勞每人買多個包。

今日我同朋友去左九龍城食海鮮蒸鍋。有好多個套餐選擇，我地簡左個尊貴套餐，有赤蝦、饅頭蟹、琵琶龍蝦、日本元貝、野生青口同啲蔬菜，再加一鍋粥底，真係好鮮好味。首先，當我見到呢個海鮮拼盤全部都好鮮美，餐廳的侍應，每一款都會作一個簡單嘅介紹，又唔洗自己動手蒸。赤蝦係我覺得有驚喜嘅，平時都係刺身多，原來蒸的話，個蝦頭一咬開就可以感受到佢嘅鮮味同埋多汁。饅頭蟹就好滑好嫩，肉質唔會太緊，啱啱好，可惜細隻左小小，原來佢哋係生活係深海，岩時間產卵先捉到佢，唔係成日食到。琵琶龍蝦個肉好彈牙，嚼落好有彈性。日本元貝同生蠔就大大隻，野生青口味道清甜，同埋質感爽口，一咬開仲有海水的咸味。粥底都好好味，好香好濃郁，味道非常鮮美。加埋啲海鮮同蔬菜嘅香味，令味道更加豐富。啲蔬菜都好新鮮，口感爽脆。總括黎講，我諗我下次會試另一個有埋肉類的套餐。。相信個粥底會更吸引。

最近去左「蟹仙」點左佢地嘅專櫃海鮮套餐，裡面包括了日本大赤蝦、九孔鮑魚、扇貝、青口、琵琶蝦、饅頭蟹、膏蟹、翡翠螺、韓國珍珠蠔、粟米、生菜，最後有海鮮粥底。首先，令我覺得最驚喜係日本大赤蝦，帶有濃郁的鮮甜味，比起平時刺身食法好味得多。鮑魚同扇貝都非常新鮮，特別在蒸氣火鍋中，鮮甜味更加突出。青口和琵琶蝦都好唔錯，肉質柔嫩、口感鮮美。饅頭蟹和膏蟹的肉質好唔同，前者肉較少，食到海水天然嘅咸味，後者蟹羔豐富，一吃難忘。翡翠螺同韓國珍珠蠔嘅口感一爽一滑，粟米和生菜都好甜，能夠完美搭海鮮。最後，講下個海鮮粥，湯汁濃郁、米飯融合左海鮮湯嘅精華，吃起來非常滋味，唔會過於油膩或太重口味，讓人可以完全品嚐到海鮮的原汁原味。老闆仲送左碗糖水俾我地做甜品，完美！

蟹仙海鮮蒸氣鍋九龍城龍崗道2-4號地下/❣️ 尊貴海鮮套餐 $419🤪服務蒸海鮮係有專人幫我哋整，唔需要自己計時，一打開個煲蓋就可以食到生熟倒敘啱啱好嘅海鮮，而且店員會每一款海鮮好細心咁樣講解佢嘅獨特之處同埋好食嘅地方，成個體驗都好好，唔會食咗啲嘢都唔知自己食咗乜🥰嘢食呢個套餐有10款海鮮，全部都係精選知唔同地方嘅靚海鮮或者係好罕有嘅海鮮，包保你食到當做或者最新鮮嘅海鮮，以下幾款都幾深印象。台灣九孔鮑魚好大隻好鮮甜好彈牙，野生膏仔蟹都幾大隻，好多膏，而且好鮮甜，黃金翡翠螺第一次食，好易甩殼，非常彈牙煙靭，食到攞獨有嘅味道，韓國釜山珍珠蠔雖然細細隻，但係佢就非常鹹鮮，豐富海水味，比其他號好食。最後仲有一個吸盤海鮮靖華嘅粥，加入咗粟米同埋芋頭等等去報，別話得來又有口感，而且淡淡都係海鮮味，非常滿足

#九龍城美食 #小蓮星呑食九龍城🔻 蟹仙海鮮蒸氣鍋九龍城龍崗道2-4號地下/🔆 尊貴海鮮套餐 $419有10款唔同地方嘅海鮮可以食，有啲出面都好少機會食到，完全係靠靚嘅來貨，就咁蒸嚟食，食佢嘅鮮甜同肉質，豉油都唔使點/🧃日本野生大赤蝦赤蝦通常做刺身，攞嚟清蒸真係比較少見，食落口雖然唔係爽口彈牙，但係真係鮮甜過普通海蝦好多/🧃大西洋野生青口好大隻，好有海水味，非常鹹鮮/🧃太平洋饅頭蟹呢種蟹包實咗蟹鉗之後，就好似一粒饅頭咁，非常得意，長年居於深海，只有喺產卵嘅時候浮上海面先有機會捕獲，罕有又矜貴，估唔到幾厚肉，同埋好嫩滑/🧃野生琵琶龍蝦個樣一啲都唔似龍蝦，而且佢嘅外殼有一層絨毛，非常得意，又係唔係彈牙口感，但係就非常鮮甜/🧃粥底食晒啲海鮮之後，就可以食個粥底，吸收晒海鮮嘅精華，充滿海鮮味/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

朋友成日去食蟹仙，佢成日食過返尋味，今次同我出城，終於拉埋我一齊去試，一齊食左$419/一位套餐😋😋😋其實呢，我從來未食過蒸氣海鮮，真係大鄉里，好彩有朋友推介，先試到一餐咁正嘅海鮮😋😋［大鄉里內心Op: 原來蒸氣海鮮咁樣蒸？😂咁好玩嘅？］蒸氣海鮮係比較健康的烹調方式，最緊要可以保留海鮮的原始味道，所以好嘅食材非常重要。🦐🦞🦀而呢個套餐包括有野生膏仔蟹、太平洋饅頭蟹、野生琵琶龍蝦、台灣九孔鮑魚、日本野生大赤蝦、大西洋野生青口、紐西蘭刀貝蚌、黃金翡翠螺、韓國斧山珍珠蠔同埋有機蔬菜籃。🥗🥗我最鍾意野生膏仔蟹、野生琵琶龍蝦、韓國斧山珍珠蠔，仲有我自己加咗$48升級嘅八頭南非鮑魚。🦪🦞野生膏仔蟹，蟹膏非常多，味道非常濃郁，感覺好似有啲豐富咸蛋黃味，齒頰留香。🦀野生琵琶龍蝦，肉質非常堅實彈牙，口感爽甜鮮美，正正子😍😍韓國斧山珍珠蠔相信因為是野生生長，所以口感鮮美，肉質豐富，味道清甜。🦪至於南非鮑魚有著柔軟的質地和鮮美的海味，可以滿足我對鮮美海鮮的渴望，正呀👍🏻最後食返一碗由海鮮汁熬製嘅粥，yummy yummy🤭🤭蒸氣鍋，熱騰騰，最後飲返渣冰凍酸梅湯，食返碗附送嘅涼浸浸椰汁雪燕，又走過了一趟鮮美

食過一定番尋味😋又黎食蟹仙啦😋上次食完尖沙咀分店，食過非常難忘，呢日經過九龍城，晚飯時間，諗都唔諗，又揀食蟹仙，食每位$419套餐，因為總覺得呢度啲食材非常高級美味，值得一試再試😍野生膏仔蟹🦀🦀肉質鮮嫩，最鍾意個蟹膏非常香甜，食到舔舔脷，同時又不會有太多的膽固醇，食完好想再食。太平洋饅頭蟹蟹肉爽口具鮮味，肉質唔會過稔過鞋，爐蒸時間控制得非常好😋😋😋野生琵琶龍蝦🦞🦞肉質豐富，深紅色澤，感覺非常新鮮，令人食指大動。台灣九孔鮑魚味道鮮甜，肉質具彈性有咬口，散發淡淡清香，非常鮮。日本野生大赤蝦🦐🦐大赤蝦口感有嚼勁，且帶有一絲甜味。它的肉質豐富，食落非常健康。大西洋野生青口非常爽口，且帶有淡淡的海味，口感清新。黃金翡翠螺肉質彈牙，味道鮮美，令人喜愛。紐西蘭刀貝蚌🦪🦪食材非常新鮮，口感鮮美，肉質細嫩。韓國斧山珍珠蠔肉質豐富，口感嫩滑，很適合用來清蒸進食，體會鮮味有機蔬菜籃🥗🥗非常健康、天然，食落十分清甜。總體而言，「蟹仙」食材都是非常高品質且美味，真係食多幾多次都唔會厭😋😋蟹仙海鮮蒸氣鍋 (龍崗道) (九龍城)九龍城龍崗道2-4號地下

我今日去左喺九龍城嘅蟹仙海鮮蒸碢大公館食海鮮餐，佢哋嘅蒸海鮮真係好正呀！食材新鮮，煮法專業，每個菜嘅蒸煮時間都啱啱好，一口一口都好鮮甜好好味！佢哋嘅尊貴海鮮餐原價$898，而家特價只有$419，包括九款海鮮同一碟菜，真係物超所值。呢啲海鮮係嚟自日本、韓國、紐西蘭、印尼等地，可以試到唔同款式嘅海鮮。其中啲特別推介嘅海鮮包括日本野生大赤蝦，又彈牙又鮮又大隻肥美；台灣九孔鮑魚，蒸得啱啱好，口感鮮嫩得嚟；罕有嘅藻食綠膏蟹，香味獨特，肉質鮮美；太平洋饅頭蟹，味道鮮美，各有特色；印尼琵琶蝦，肉質豐滿，好好食；韓國釜山珍珠蠔，令你回味起韓國旅遊嘅美好時光；黃金翡翠螺，肉質鮮甜, 好香好好味。最後，佢哋仲有提供有機蔬菜籃幫助消化，蔬菜好新鮮甜美，同埋搭配海鮮粥就更加回味無窮啦。蟹仙海鮮蒸碢大公館唔止係美食，佢哋嘅工作人員都好出色。佢哋健談、細心、有禮貌，不斷照顧客人嘅需要，令整個用餐體驗更加愉快。佢哋介紹每個菜嘅時候都好詳細，令人對每個菜嘅來歷同特色更加了解。而且，佢哋都會主動幫手調整蒸海鮮嘅時間，確保每個菜都係最好嘅口感。喺呢間餐廳用餐，唔止可以試到美味嘅海鮮，仲可以感受到工作人員嘅用心同熱情。呢種

如果你係個愛食海鮮嘅朋友仔，咁蟹仙海鮮蒸氣鍋絕對是你的不二之選！😋佢哋出名食野生海鮮蒸氣石鍋，每日會由外地空運新鮮海鮮到港，絕對保證你食到最新鮮嘅海鮮美食！我之前食過其他分店，今次同朋友黎九龍城店再食尊貴海鮮套餐$419/位，已經包咗好多稀有品種，例如藻食綠膏蟹、日本野生大赤蝦、太平洋饅頭蟹，九孔鮑魚、珍珠蠔、野生琵琶龍蝦等。每一款海鮮都由店員專門蒸煮計時，仲會按照淡至濃嘅次序海鮮安排，你可以安心傾計又食到唔同嘅海鮮風味。最尾留肚食埋碗海鮮粥，粥底吸盡海鮮精華，真係好滿足！店員們都好健談、細心、有禮好好服務態度😁主動同你介紹每款海鮮嘅特色，令到你對每種海鮮有更深嘅認知😎 提升用餐體驗😋加埋杯Hoegaarden大白啤($58)，啱配埋啲海鮮食，真係一流啊！甜品仲有椰汁官燕😙蟹仙絕對係一個值得再訪嘅高質海鮮餐廳！!

九龍城呢間粥底火鍋真係超級大熱🔥啲海鮮又大粒又新鮮🦭而且店員仲要好好態度👍🦭直接一句：「味道就唔錯，不過份量真係少左啲🦭」今次肥豹試左🦭1. 精選海鮮套餐呢個套餐有膏仔蟹啦🦀虎蝦啦🦐大青口、大扇貝、鮑魚、生蠔等等🦭店員會長期stay係身邊服侍😂確保你每樣野蒸得熟既同時，又唔會老🦭肥豹最中意係佢隻蟹👍超大隻又多膏🦀蒸既話係特別甘甜。其次最中意就係佢個生蠔，大隻得黎，就算蒸過都同生既蠔一樣咁鮮兼爆汁👍整體海鮮都好正👍豹言豹語:8樣海鮮🦭(如果我無記錯既話🦭)每樣都唔錯，不過可惜既係每樣都係得一隻😢完全唔夠食😢就算食埋個粥底都仲係好肚餓😢

📌 蟹仙海鮮蒸氣鍋 (龍崗道)📍 九龍城龍崗道2-4號地下☎️ 23609718★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*之前生日，朋友們同我食過蟹仙後一直都想再去，呢日去咗佢九龍城分店再次回味清蒸嘅果份鮮😋。餐廳提供多款海鮮套餐，我地揀咗「尊貴海鮮套餐」，$419有9款海鮮🦀🦐🦞🦪🐚同一個蔬菜🥬拼盤。餐廳會因應來貨，為我地揀選當日最新鮮時令嘅海鮮，所以今日食咗呢個套餐，下次揀番相同嘅餐都未必係一樣嘅海鮮㗎！🦐蝦蝦蝦日本野生大赤蝦：先黎個刺身級赤蝦，入口鮮甜，爽口，吮埋蝦頭啲膏，甘甜到不得了。🦪貝類台灣九孔鮑魚：肉質肥美有嚼勁。韓國斧山珍珠蠔：珍珠蠔肉質飽滿，清蒸保留海水嘅鹹香味。日本大元貝：雪白嘅大元貝、口感爽彈唔韌。紐西蘭刀具蚌：多汁，無沙，蚌肉飽滿。大西洋野生青口：店家是日推介，話新鮮返貨，同埋唔好醮醬油，食落又真係好厚肉，鮮甜香滑。🦞類野生琵琶龍蝦：肉質爽口彈牙，啖啖肉，入口甘甜。🦀類太平洋饅頭蟹：外表好似饅頭仔咁細細個脹卜卜，蟹肉量唔多，主要食膏，啲膏好creamy。蟹汁好鮮有咸香味。野生膏仔蟹：開邊蒸，爆晒膏，好濃