最近見到開咗間新嘅素食貓Cafe 店內環境同平時食嘢嘅Cafe類近 有養開貓就知好多植物貓咪都敏感 所似店內全是假花假綠植點綴下 一入去已經見到有個玻璃貓櫃 店內有提供逗貓棒同貓咪互動 店內貓咪大部份都係緬因 亦都有隻黑色家貓 我幫襯嗰日我數過有六隻貓出嚟陪客人玩 其中已有五隻都係緬因 緬因出名好乖得個樣凶狠😆 有啲小朋友瘋狂追擊貓咪 隻貓行到邊佢就去到邊 但係啲貓咪都冇發脾氣👍🏻👍🏻 坐低第一件事要做就係點餐先 依間餐廳QR code落單好方便 🐱63度溫泉蛋韓式泡菜煙燻新豬肉 絲意粉(含蛋奶五辛）$128 泡菜味道加埋溫泉蛋冇咁酸 意粉擺盤賣相都OK靚 成個意粉嘅味道出乎我預期之外好 開頭仲諗住有貓咪玩嘅餐廳嘢食未必好食 點知啲嘢食都OK喎🤤 🐱熱榛子鮮奶咖啡 ＄21.00（跟餐半價） 咖啡有水準 而且有拉花 有heart 🩷 🐱馬來沙嗲素雞串燒配鮮菠蘿粒(純素）$28 我阿媽食完雞串睇單先知係齋🤣 所以味道幾可亂真 唔錯唔錯 👍🏻 間餐廳而家試業中 冇人頭收費 我哋兩個人點兩杯野飲兩份食物就ok 星期一至四有下午茶餐 假日就無下午茶餐 但係假期有勁多細路 有啲小朋友真係BB嚟㗎 仲細粒過隻貓😂

最近成日想食芒果撈同飲西瓜汁 成日等車見有間新甜品店開張 作為長沙灣地膽又要試試新嘢 個日係用OpenRice 個自取外賣 方便我唔使去到現場先叫嘢食 咁就唔洗又等多陣 香芒紫米蘆薈撈 $37 好足料 我覺得味道仲好過松記 芒果味好香甜 又夠多 紫米煮得夠濡 加埋蘆薈口感豐富啲 成碗野唔會浠流流 西瓜汁 $25 西瓜汁係原汁原味無加糖 依個就要睇個日入既西瓜🍉靚唔靚 但有得喺長沙灣唔洗行好遠都有得飲鮮榨果汁 我已經好開心😁 間舖好長 入面有個芒果燈 幾趣緻 我入去拎外賣見到好似入面仲有好長條走廊 下次試埋啲中式甜品 睇吓好唔好先

冬季季候風搞到最近連續幾日都凍冰冰， 喺屋企凍到打開水喉洗手都要勇氣😮‍💨 約埋我爸一齊去牛大人（旺角荷李活分店）打邊爐任食火鍋大量吸入熱量去驅寒一下🍲 依間分店啲位都幾闊落 ， 啲卡位用二十四節氣去命名，我地坐［穀雨］ 「牛大人」有三個唔同Level既120分鍾吃到飽套餐，我哋揀左「澳洲極上和牛」套餐，咁就可以無限量食齊澳洲和牛同美國特級安格斯牛肉🤤依個套餐每位會送2粒限定既澳洲M9和牛牛丸 湯底都有10款可以揀，全部都台灣味十足， 我揀咗最啱老竇口味嘅《阿嬤養生濃湯鍋》 材料有大骨、黨參、紅棗、枸杞等，味道幾唔錯👍🏻 除左牛肉選擇好多，仲有羊雞豬😋 有齊晒以下唔同種類&唔同部位嘅肉品🫶🏻 -SRF美國黑牛後腿肉（期間限定） -牛胸爽（期間限定） -澳洲和牛M5牛肩卷 -安格斯牛小排 -安格斯特選牛板腱 -手切封門柳 -美國Prime極級肩里肌 -安格斯一口牛柳粒 -花雕醉雞件 -羊肉片 -西班牙豬梅肉片 -豬雪花肉 個人覺得最好食係牛小排同埋美國黑牛後腿肉，牛肉油脂分布均勻真係好嫩好有牛味🤤 全部肉類都係用QR code落單，其他仲有唔同嘅丸類同海鮮， 蔬菜都可以係QR code度order到 🦞海鮮類 海蝦大大隻鮮甜肉爽 花膠大塊夠厚 脆肉鯇片亦都爽口彈牙 仲有拳頭咁大粒嘅沙白同順德鯪魚球🤭正 🇹🇼台灣直送既食材大推，全部都好好食，依幾款必點 -台灣鯛魚片 -黑松露海鮮漿 -手打旗魚漿 -澎湖花枝漿 -章魚珍珠漿 🍲自助火鍋配料區 環境都乾淨，衛生企理 蔬菜選擇亦都好多，要試均晒都要行幾轉 我就鍾意食水蓮同埋皇帝菜 飲品🍸 除咗一般放題有嘅無糖茶同埋罐裝果茶，汽水等， 仲有得叫一杯杯嘅特飲 有冬瓜茶，柑桔椰果，烏梅汁，酸梅汁 今次我仲叫咗一杯Hangry Donut 洛神花小麥啤（$68/400ml）美式小麥啤味道清爽，有少少酸甜易入口，配埋打邊爐啖啖肉， 真心正😋

自從上次食過之後 成日心心念念再去食 今次旺角開咗分店 咁近我終於可以帶埋屋企人一齊去食🥰 餐廳以韓式洋輕食為主 裝潢暖木色簡約風 座位坐得都幾舒服 有好多好靚嘅花花裝飾 打卡位都唔少 店員服裝好可愛 有頂柑橘帽 服務也不錯 🍊餐前拌餐有兩款 韓式魚糕同粉紅蘿蔔漬物 魚糕微辣配黑芝麻 加上 蘿蔔既酸甜 開胃得很 🍊酥脆雞胸軟骨$62 雞胸軟骨脆香 配埋 蛋沙律當醬咁點泥食 依個餐前小食真係不得了 一啖接一啖 🍊韓國螄蚶拌飯 $192 螄蚶幾大粒配上辣味既炒飯 仲可以好韓國咁用紫菜同紫蘇葉 包住啲飯嚟食 味道超級有層次 🍊炸大魷魚拌炸醬麵$195 呢個造型冇令我失望 大大隻金黃酥脆嘅魷魚 加韓式炸醬麵 每食一啖都好似見到oppa 咁有韓feel 🍊濟州柑橘乳酪$68/熱情金菠蘿沙冰$68 柑橘同乳酪好fresh 味道微甜 而菠蘿沙冰甜甜酸酸 有食到菠蘿果肉配埋沙冰好解渴 兩杯飲品嘅造型都好吸睛 🍊柑橘窩夫雪糕$135 一上台就覺得勁靚 窩夫熱辣辣有蛋糕嘅口感 上面有濟州嘅柑橘果肉🍊 配上少少玉桂粉加埋雲呢拿雪糕 依間餐廳真係每次食都冇令我失望 每一次都好食 而家仲要開喺旺角咁方便 Good

最近睇到人哋介紹＄588 可以食到鐵板燒套餐 餐廳喺佐敦 隔離就係佳佳甜品 大門入口幾神秘 店面睇落幾氣派 店員主動介紹多款鐵板套餐可選 我哋就揀返今次嚟嘅目的 要食Primer Omakase 入門廚師鐵板燒套餐 有齊沙律、鐵板料理高質素海鮮、肉類、炒飯及甜品 前菜係 魚子醬煙三文魚沙律 作為今餐開胃菜 配上黑醋汁 酸酸甜甜 好食 🍶餐酒 我地點左 月桂冠甘濃梅酒 (300ml) $128 食鐵板燒配梅香味甜嘅梅味酒唔會搶咗海鮮嘅鮮味 梅酒杯用咗十二生肖小酒杯 幾靚幾特別 係豬豬同蛇 食到中途店員怕我地既酒回溫左 helpful 地為我哋又換咗大冰杯 海鮮泥啦🤩 我朋友揀佐南非鮑魚,帶子 我就揀咗永不敗既燒鱔同東星班 可以試晒四款海鮮 食鐵板燒一定要點魚 東星班同鱔肉 兩者肉質鮮嫩 東星班無骨啖啖肉 鱔皮脆香肉彈牙 鮑魚同帶子Size都幾大 鮑魚上面用秘製蒜蓉醬調味 肉質彈牙夠口肉 帶子黑松露味好香 下面係意大利黃瓜 再配埋蝶豆花海鹽泡泡 點埋海鮮一齊食，鮮味好出 配埋食用花又靚又特別 鐵板澳洲牛柳 配香脆炸蒜片同造型似磨菇既櫻桃蘿蔔 師傅自己手磨嘅wasabi仲有竹炭鹽 我地叫咗5成熟 口感非常軟滑 配料亦恰到好處 餐廳連餐具同擺盆都睇得出勁花心思 大蝦炒飯 鐵板燒必食既炒飯呀😚😚 蝦🦐夠大粒 加咗甘筍粒 炒到又香又乾身 黃金炒飯👍🏻 甜品我哋叫左焦糖多士 依個甜品係脆口既 配埋手打檸檬忌廉 味道真係唔錯👍🏻 仲有套餐既豆腐雪糕 去配埋紅豆爆珠 意想不到咁夾🤤 唔使過千食到咁豐富嘅鐵板燒 我覺得物有所值

木系日式風 店員服務好好 一入座有介紹下餐牌 於是我地兩個人點 二人套餐$408 個餐好豐富咩都有 有沙律🥗有餐湯🥣 仲包埋小食三選一 有煙三文魚沙律，水牛城/柚子雞翼 同埋焗蒜香/芝士生蠔🦪4隻🤤🤤 我哋選🧄蒜香焗生蠔 每人兩隻啖啖肉🦪 而主菜我地揀左 ・西京燒比目魚伴黑松露意大利飯 ・美國安格斯牛肉眼扒 比目魚獨特嘅魚香味配上廚師用煎嘅手法 魚有少少脆邊但肉質鮮嫩 配上黑松露飯味道調得恰到好處 魚肉餐廳分量俾得好足好厚切 真係啖啖都肉每啖飯又食到菇菌😋 🥩牛扒七成熟上枱 切開入面仲有少少血紅 肉質唔鞋肉汁豐富 有芥末醬同埋黑椒醬 就算食嗰時無點任何醬汁 牛肉本身嘅味道都好香 加少少錢就食到靚靚甜品（🍮+$38） 就食藍莓芝士蛋糕&提拉米蘇 其實一入門口已經見到display櫃入面嘅甜品 下定主意💡無論食到幾飽到叫埋甜品 好靚好吸引🤩 大角咀真係越來越多好嘢食 希望佢可以好好保持而家嘅水準 下次同朋友食嘢一定會再嚟呢間🥰

約朋友去利東街影中秋節燈飾 之後去船街搵下有咩特色小店 偶然間發現依間餐廳 即刻OpenRice 下睇有咩食😂 餐廳裝修保留以往建築嘅特色 有樓上樓下兩層 店仔細細復古得來氣氛幾warm 一入去店員見我哋第一次泥 推介反今日有咩special menu 餐廳食物係中西合璧嘅Fusion菜 🥗鹹蛋黃醬凱撒沙律 $158 見到幾特別所以叫咗 呢個鹹蛋黃醬整嘅凱撒沙律 味道相當唔錯 幾開胃芝士味又夠濃🤤 🐖21 日熟成厚切豬扒 $338 豬扒肉質夠淋比想像中容易切開 真係煮得恰到好處 本身豬扒賣相同香味俱全 點埋醬汁食酸酸甜甜 令人不斷想繼續進食😜 我試埋唔點醬汁 個豬扒一樣好好食🤤 連啲配菜都好好食 🍝特色卡邦尼意粉$238 呢個意粉加咗金華火腿同埋臘肉 雖然整體同傳統做法差唔多 但意粉煮得幾好👍🏻醬汁夠Creamy 同埋多咗中式食品金華火腿同臘肉嘅鹹香 冇諗過呢兩樣嘢同芝士味咁夾🤣 依間店位置好入 唔細心留意真係會miss 左依間咁高質既小店 而且佢嗰種復古氣息 真係好啱帶外地泥嘅朋友感受下舊香港 👍🏻🤓我會再約朋友泥食嘢 幫襯咁有heard嘅小店

依排見到人哋去左依間京都鐵板燒食嘢 覺得間餐廳環境幾唔錯 不過我同朋友最近迷上食串燒🤣🤣🤣 所以我哋揀呢間餐廳係去食串燒🤪 🍣刺身五點 $368 食日式料理必點刺身 坐吧枱可以睇到師傅由魚生切片到擺盆上枱 對食物多咗份期待 吞拿魚分兩款 每片都好厚切同好鮮 特別係吞拿魚腩魚油香好足 由左邊白身魚開始至右順序去食 最後就會令帆立貝同馬刀貝嘅鮮甜更特出 魚生部份相同新鮮好味 🍺Suntory 啤 $48 /香脆鱈魚乾 $38 叫左杯啤酒配香脆鱈魚乾 😚爽 🐟油甘魚鮫 $138 魚鮫肉肥美有彈性 油香味配上鹽燒好正😋 今日重點係串燒所以叫左好多 每串價錢都唔算貴 最緊要好食🍢 想食唔同嘅雞🐓部位叫左： 大蔥雞肉串，汁燒雞肉，手羽先，燒雞軟骨，燒雞胸軟骨（每款$28/串） 每一串都好好食😋我覺得最好食係燒雞胸軟骨同埋手羽先 ，雞胸軟骨食落勁有口感，而手羽先即係燒雞翼，雞翼個皮香脆，食到雞肉部份又唔會好乾，微微辣其實食一串唔係好夠🤤 白鱔 $88 鱔肉飽滿味鮮 表面燒到略帶金黃 鮮鱔香咬一啖肉質結實有彈性 魚皮有鱔獨特既魚香非常好食😋 鹽燒黑豚腩肉$32 腩肉串因為有油脂所以食落爽口 而燒烤將部份油脂逼出 所以食落唔會好油膩🤤 燒飯團$38 我鐘意食嚿飯先似晚餐🤪於是試埋飯團🍙 飯外表燒到香脆 紫菜微辣 好惹味 食串燒我多數會叫少少蔬菜類 燒冬菇$18 日本大蔥$18 燒翠玉瓜$18 日本青椒仔$28 燒秋葵$22 一口甜番薯$28 每一次上枱店員都好好會介紹返邊你食緊邊一款串燒，亦都有店員主動問吓我哋食得開唔開心，依間餐廳氣氛唔錯👍🏻見到其他熟客同店員一齊飲下酒

揀左間燒烤店食串 依間餐廳環境幾唔錯 夠闊又唔會油煙味好重 最過惹係啲紙巾吊住 開頭離遠睇以為係抽風系統🤣🤣🤣 藤椒魚皮$38 少少麻對我嚟講一啲都唔辣 魚皮夠爽脆 叫涼拌小食等串燒期間可以食 冇咁dry 🐂牛肉串（2串） $36 配上孜然粉 未埋口都已經聞到好香 🐖皇牌薑汁薄切小豬頸肉（5串）$42 大嚿啲會再好食啲😋😋 每一啖都充滿肉油香 🐓雞皮、雞腎、雞軟骨(各2串）每款都係$22兩串 每次食燒烤 一定會點晒雞皮雞腎雞軟骨🐓 雞皮燒到香脆 雞腎 雞軟骨 識落索索聲 好鬼正😂 🦪烤生蠔(2隻）$38 生蠔🦪永遠不敗😋 足量蒜蓉加上辣椒配上鮮味 連殼上枱仲要夠大隻 咁既價錢真心覺得物有所值😋 🦑烤原隻魷魚 $34 魷魚肉厚彈牙 啖啖肉 😚必點之一 🍆香辣蝦米臘腸燒茄子 $52 平時食開燒烤一定會點燒茄子 食得多係蒜蓉 今次揀過special Edition燒臘腸蝦米版🦐 成條茄子上鋪滿臘腸非常好味 豆豉嘅香味都幾明顯，所以好香 🥬錫紙娃娃菜 $34 叫返碟菜感覺好似食嘢均衡啲🤣 娃娃菜居然有粉絲鋪底😍 加埋蒜蓉喺上面調味 好好食👍🏻 🥯炸饅頭 $18 就咁嘅齋食串燒梗係唔夠飽 😂我太大食 於是我哋叫咗個炸饅頭 有煉奶點 炸到熱辣辣金色 賣相好好 燒烤真係好適合同朋友一齊 一路攞住食一啖又可以停低講吓八卦嘢🤣

喺中環區食完晚飯 之後食甜品🍧 食甜品🍧 去間格調何蘭正既地方 我book mark 依間好耐啦 依間有甜品當然都有酒飲 仲有fusion 菜👍🏻🥰正 🍉咸梅西瓜沙冰 $68 最近我激想食西瓜 點杯西瓜沙冰 西瓜+咸梅粉係絕配 令西瓜個味飲落再甜啲 我點依杯真係可以頂到我想食西瓜嘅癮🤤 啖啖都係透心涼☀️ 開心果露小丸子🍡 依個係是日special 開心果味好好味🤤 小丸子都夠煙靭 🍫 白松露黑朱古力（甘納許醬漬車厘子） 配雲尼拿雪糕🍦 是日special👍🏻 黑朱古力醬有白松露香味再加一啖雪糕 何蘭正囉🤣 個碗好鬼重 依間餐廳最正係對住雲咸街 坐窗邊影相，真係一流 依間真心下次要食埋飯 啲店員仔仔勁細心仲要幾型😂 教我落單同主動幫我們換窗邊位 氣氛good 服務又好 三個字 ． 何蘭正