蘇杭冰室

營業中

休息中

食冰室最緊要係快靚正，哩間真係做到!放工黎到6點左右，本來一心係諗住試麻辣肉丁煲仔麵，點知今日冇😢所以轉食麻辣肉丁出前一丁麵配腸仔煎蛋奶油豬。肉丁唔係罐頭肉，而且量超多，仲有青椒洋蔥，食公仔麵配有營養的蔬菜，食落都冇咁大罪惡感😆雖然我唔食青椒，不過個湯有少少青椒味又ok wor！煎蛋腸仔奶油豬絕對唔係普通野，廚師腸同細個食既一樣，應該係半煎炸過，好香口，唔係用熱水焯熟個種。奶油豬都超脆，哩個餐滿分！老公叫左招牌蔥花滑蛋飯系列的三拼（少飯）三拼有牛肉，蝦仁和叉燒叉燒甜甜地，食到蜜糖香。牛肉似用瑞士汁煮過，蝦仁大大隻爽口彈牙。成個滑蛋真係好滑，冇一個位係煮老左。雙拼同三拼都係一樣價錢，第一次試的人可以叫三拼。流心西多士 上菜好快，麵都未食夠一半就到。但西多緊係要襯熱食啦！因為已經係奶黃流心，所以只係落左少少糖漿係面。一切開勁多奶黃流出黎，濃度剛好，好好味，食多一兩舊先肯停手。瑞士汁雞全翼其實已經好飽，不過佢雞翼煮得好腍好入味，係用浸煮方式先可以煮到肉唔鞋。紅豆冰差唔多有三分一杯紅豆好足料。中上環黎講絕對性價比高，啱晒打工仔去食。仲未試黑白多士，麻辣煲仔麵，有機會一定要再去！

今日機緣巧合之下喺上環收工, 見到呢間似係食傳統港式茶記食物，但又好似好有自己風格，就同個同事入左去食早dinner*招牌蔥花滑蛋三併飯*點解話佢有自己風格呢，蔥花滑蛋牛肉/叉燒/蝦仁就好多地方都有，第一次見有三併option, 岩哂我呢啲貪心想試多幾款既人。炒蛋夠滑夠嫰之餘，佢三拼每樣份量都唔細，仲要好好食。牛肉入味而嫰滑，叉燒唔un又夠香，蝦仁都算新鮮爽口。呢間野選擇都幾多，芸芸咁多款入面做得招牌菜係有料到。*麻辣肉丁出前一丁麵配腸仔炒蛋奶油豬仔包*佢另一個菜都好有風格，就係麻辣肉丁煲仔麵。不過又於我又係貪心，想試埋佢個奶油豬，所以叫左另一個餐，碗麵就唔係煲仔上既。個肉丁加入麻辣都已經令個味好特別好香口，值得一睇既係佢啲肉丁唔似一般茶記果種好硬好實既方粒肉丁，佢啲肉丁個口感係好爽滑，好似食緊粟米肉粒啲肉粒個口感，別樹一幟。我估煲仔版本會因為熱啲，感覺再辣啲，下次一定要試下。又咁講，佢個奶油豬都好正，新鮮熱辣脆口就大大加分，所以都冇話後悔既。*瑞士汁雞髀雞全翼*For食完餐都唔夠既人，我強烈建議佢地加埋呢個瑞士汁雞髀/全翼，因為呢度既瑞士汁整得好好味。我自己都識整瑞士汁，但問心要調到

去到上環想食個有特色嘅茶餐廳然後就入咗依間小店啦餐牌色彩鮮艷 一望落好似好多嘢食好多推介咁每一樣都好吸引 差啲有選擇困難症首先上枱嘅係叉燒滑蛋飯蛋同叉燒嘅配合恰到好處 呢啲飯我食晒唔單止叉燒十分香 佢嘅炒蛋生熟程度10分出色 差唔多係必點嘅餐點另外叫咗個五香肉丁米常餐首先上枱嘅係佢奶油豬腸仔同埋炒蛋炒蛋出色啲樣嘢就不在話下啦佢奶油豬亦都十分美味一入到口新鮮整起脆卜卜而且啲煉奶同埋牛油滲曬個包度入口鬆脆香甜另外佢好有心思嘅一樣嘢 佢嘅五香肉丁並唔係罐頭野呢樣野好抵讚第一次有茶記咁用心嫩嫩的五香肉丁 非常出色嘢飲停用經典嘅貼都去做保温 飲到最後都係冰冰涼涼㗎最後就係佢大大份嘅瑞士雞翼第一次見到有人用雞全翼去整瑞士雞翼唔單止飽肚佢嘅醬汁仲非常出色回味無窮兩個人食咗咁多嘢每人$100有找

朋友忽然想念奶醬多士的口感味道，她自問這麼簡單的奶醬多士也不會做，所以她寧願直接去冰室吃。至於我則回味瑞士汁雞翼撈公仔麵和麻辣肉丁這些道地冰室麵食，於是相約朋友去蘇杭冰室，一解我們的嘴饞。奶醬多士先將方包烘烤到如餅乾般金黃香脆，然後塗上花生醬與煉奶於多士上，濃郁的花生醬融合甜香的煉奶，讓多士口感更加滑順。紅豆冰整體分為兩層，上層為黑白淡奶，底部鋪滿紅豆及碎冰，攪拌均勻後堪稱人間美味，延綿細膩的黑白淡奶與紅豆融為一體，襯托出紅豆的香甜綿密。注意，麻辣肉丁煲仔麵非一般麻辣，吃時要有心理準備啊。朋友將熱煲內的肉丁攪拌出前一丁在一起，看著友人慢慢拉起麵條簡直是種酷刑，陣陣飄來的香氣，讓我不爭氣地猛吞口水。麻辣的肉丁緊密的跟麵條結合，形成絕佳口感，麻辣肉丁煲仔麵香辣極致，充份吸收辣汁，麵條甚有嚼感，條條分明不糊爛。肉丁不是罐頭那種，而是新鮮豬肉，故肉質嫩嫩的，是欲罷不能的滋味。芝士炒蛋及瑞士汁雞翼撈公仔麵是蘇杭冰室人氣餐點之一，原隻瑞士雞翼份量十足，一眼望去相當吸睛。雞翼煮得真棒，雞皮滑彈，雞肉細嫩，鹹甜入味，引人入勝。芝士炒蛋如瀑布，香滑「芝」味，也太療癒吧。出前一丁巴著瑞士汁，濃而不膩，重點

傳統港式冰室屬於不少香港人的集體回憶之一💖時移世易, 不同的新派菜加入了市場, 所以不少人的首選已經不再是冰室😢而今天小編要介紹的餐廳正正就是冰室😆尋找一番過往舊式香港的味道~🥰#黑松露炒蛋配牛角包(下午茶) $40一上桌已經感受到十分濃郁的黑松露香氣😍炒蛋仍然鮮嫩而且有不少黑松露醬, 喜歡黑松露的朋友不要錯過了😚而一旁的牛角包雖然體積迷你, 但牛油味道十分香濃😋味道小評分：😋😋😋😋😋/5#麻辣肉丁煲仔麵(套餐) $48💖小編推介💖由冰室自家設計的麻辣肉丁煲仔麵😍使用了傳統瓦煲上菜, 跟吃煲仔飯的概念十分相似🤣上菜時, 煲內的湯汁仍然跳動中😱真的要小心燙傷😥除了必有的麵條外, 也有不少青紅椒和洋蔥等配料, 麻辣味道濃郁, 整體偏辣😚不過辣得過癮🥵❣️味道小評分：😋😋😋😋😋/5#瑞士汁雞髀配沙律(下午茶) $40雞髀十分入味😋肉質不會太硬~ 瑞士汁帶甜而不會太鹹👍🏻可選配沙律或薯條, 而小編選擇了沙律~內裡有各式水果🍎是典型的茶餐廳沙律味道小評分：😋😋😋😋/5#傳統西多士(單點) $26西多士可算是必點之一🤪雖然真的十分邪惡, 但是總會令人忍不住想吃😛這份西多士的厚度十足, 中間塗滿了花生

平日lunch time時間行過呢間蘇杭冰室永遠都係大排長龍今日放假難得見到唔洗排隊，即刻衝入去試吓先嚟兩個小食先瑞士雞髀，瑞士汁味道調得岩岩好又入味，雞髀肉滷得都唔算好鞋。本身想試西多士但又驚太肥最後揀咗個特別少少嘅黑白多士其實係黑芝麻醬x煉奶厚多士烘得好鬆軟，配合個黑芝麻醬加埋個煉奶幾夾，又香又甜之後終於嚟主菜啦蝦仁蔥花滑蛋飯，滑蛋的確炒得滑溜又香，蝦仁份量都算多，碟頭都幾大。最有驚喜係呢個麻辣肉丁煲仔麵本身以為會類似茶記嘅五香肉丁味點知佢嘅麻辣湯底相當足料好辣之人一定要試吓終於明白點解間野咁受打工仔歡迎以中上環黎講，CP值確係高不過可能要節省人手，堂食都係用膠杯就唔太環保，希望只係因為疫情關係所以要用膠杯會方便啲

記得以前返part time嗰陣成日同一班同事黎蘇杭食lunch。自從呢幾年冇再返嗰份part time之後就冇機會再食。今次難得路過上環，就同朋友黎食個brunch，回味一番。招牌沙爹牛肉麵配火腿奄列豬仔包$40沙嗲味道濃郁，牛肉嫩滑，沙爹醬份量多，所以成碗麵都好夠味。公仔麵煮得軟硬適中，係一碗出色嘅沙嗲牛肉麵。呢度有得揀豬仔包或者多士，豬仔包好似比較少見，比較特別。火腿奄列幾大份，味道唔錯。自製麻辣肉丁米配火腿奄列多士$40本身以為會好似五香肉丁咁，但原來呢度嘅肉丁係自家製嘅，比較特別嘅。望落唔係好辣，但原來麻辣味十足。米粉都好索麻辣味，正。肉丁幾嫩滑，同平時啲罐頭五香肉丁好唔同，相當值得一試。多士烘得好均勻，唔錯。招牌蔥花三拼滑蛋飯$60三拼即係牛肉、蝦仁同埋叉燒，一次過滿足幾個願望。蝦仁大大隻，食落爽口彈牙。叉燒係半肥瘦嘅，唔鞋又彈牙。牛肉份量都幾多。滑蛋炒得好嫩，充滿蛋汁。豉油係另上嘅，可以自己揀落幾多，就唔使驚太鹹啦。凍檸茶+$3熱鮮奶+$8呢餐係滿足嘅一餐，好想快啲再有機會嚟食麻辣肉丁米。

今日約左同事去蘇杭冰室食早餐, Lunch就成日食, 早餐都係第一次, 我地0820到步, 餐廳未算好多人, 但坐低後5分鐘, 就滿座了. 果然係名牌荼記. 我地今日分別叫左: 醒晨早餐B: 招牌沙嗲牛肉麵 (轉福麵) 配火腿奄列, 轉牛角包 + 凍奶茶.另一個就係全日早餐配吉列魚柳 + 凍檸蜜招牌沙嗲牛肉麵果麵底爽, 唔會好林, D沙嗲牛肉香甜帶辣, 唔同其他地方O既沙嗲牛肉味, 幾特別. 牛肉又大塊又爽口. 招牌真係無錯.火腿奄列有蛋香, 有蛋汁. 唔錯. 牛角包先係一絕, 外脆內軟, 有淡淡牛油香味, 呢個正.全日早餐配吉列魚柳有腸, 蛋, 茄汁豆, 牛角酥, 煙肉. 真係見到都飽, 魚柳大塊, 又炸得香口, 肉身嫩滑. 精彩. 除左早餐外, 重有好多特式午餐, 下次要再試啦

好耐冇寫食評。今日晏出街想醫肚，行過見到呢間冰室竟然有少見嘅沙甸魚食，諗都唔使諗即刻入去試！😋😋好快，#沙甸魚蕃茄湯米粉 就送到嚟。首先單獨篤一小舊魚試下。嘩！好鮮！😮 啲沙甸魚嘅鮮味喺個口度盪嚟盪去，一啲都唔腥，仲竟然有好濃烈嘅魚味！跟住再夾埋啲米粉同湯一齊食，有少少微辣，蕃茄湯好濃郁，但又唔會濁。再配埋魚味突出嘅沙甸魚，簡直係極級嘅享受！好有驚喜！😍😍😍另外，跟餐叫咗杯熱咖啡。咖啡嘅味道就麻麻地，好杰，但又冇乜咖啡味，典型茶餐廳水準嘅咖啡，唔加糖會好難飲。

CP值：4.5/5價錢Price: - 招牌茶餐（叉燒湯意粉+蒜蓉牛油多士+火腿炒蛋+熱奶茶）Signature Tea Set (Char Siu Spaghetti in Tomato Soup + Garlic Butter Toast + Stir-fried egg with ham + Hot Milk Tea): $44作為喺中上環返工嘅貧友仔🤣常餐絕對係中午依肚嘅恩物亦都係平民版嘅all-day breakfast😂😂最近，比我係上環發現一個CP值幾高嘅常餐炒蛋一定係常餐入面嘅精粹！😙尼道嘅炒蛋夠晒滑，見到尼個顏色都知道蛋味濃郁🤤蒜蓉牛油多士蒜蓉味好濃，牛油勁多，嗰邊又好脆，唔錯👏🏻難得叉燒湯意粉外賣會分開湯同麵，值得欣賞👍🏻意粉仲煮到有少少彈牙😆但個蕃茄湯底就真係麻麻地，冇蕃茄肉，應該用茄膏煮成🥲所以扣左少少分奶茶唔錯，有茶味得黎亦好順口，唔會有一塊塊嘅凝結物

上環的蘇杭冰室又係大排長龍的名牌茶記，人龍勁長， 要入去坐都真係要比d耐性， 無它既，好食就自然多人幫襯， 呢個係自然定率黎。 今日大約等左15分鐘可以入座。 我就叫左出哂名的滑蛋义燒飯。好快好快，傳說中的蔥花义燒滑蛋飯就送到啦。 滑蛋同义燒比例配合得好好， 2者無搶到大家既吸引力， 先講滑蛋，滑蛋炒得剛剛熟，但又有蛋汁， 雞蛋味香濃， 顏色好靚，加埋啖啖香口蔥花， 真係食多幾碗都得。 义燒半肥瘦， 有咬口， 义燒味香口， 滑蛋义燒真係絕配。

位於中上環既蘇杭冰室有兩間分店，喺外面望落幾有特色，而且餐牌選擇較多。餐廳有最低消費，午餐每人最低消費為$40，上下午茶每人最低消費為$30。我地下午茶先過黎，本身食左少少野先黎，所以諗住叫一個招牌炒蛋及瑞士汁撈公仔麵$54，加一杯紅豆冰$9，兩個人share，就過最低消費。點知店員話唔過最低消費，逼於無奈加多一份奶醬多$15，賣單總共$78。招牌炒蛋及瑞士汁撈公仔麵+雞髀$54 （3/10)瑞士汁撈公仔麵啲公仔麵過淋，唔似食公仔麵，瑞士汁都唔夠。食落去蛋味仲重過瑞士汁味，好似食緊雞蛋撈公仔麵多啲。雞髀正正常常，瑞士汁唔夠濃。祥發茶餐小廚啲瑞士汁雞髀好味好多。奶醬多士$15 （5/10)沒有花生味，但是多士夠脆。紅豆冰+$9 （6/10)正常店內的冷氣開得太大，一邊食一邊吹住個頭，啲野食唔洗15分鐘已經吹到凍哂。食完野個人仲凍過未食野。唔推介

早餐時段，見佢外觀好似幾吸引同好似好多選擇就入去一試。一入去就有個阿姐叫住做安心出行，又要check手機，我明白疫情期間，大家都會做好本份，但可以態度温和d 嘅。時間關係已即坐即叫早餐，果位阿姐又慢條斯理仲話要先幫另一人寫完再過來，都算，我們就快快落完單靜靜地等。其實唔係好明，店內明明有四個工作人員就只有一人可落單，其他人就行行企企食早餐打牙教。等了一會見其他枱的餐都上齊，應該差不多到我們的餐吧，都好先上了飲品和奄列多士，但我杯啡走超難飲，像洗機水似的難飲。等了很久仍未見主菜的麵餐就問問剛經過的果位阿姐，表示我們有點趕可否看看出餐未，果位阿姐那靈利的眼神然後加句「d麵係要煮架」連行過去出餐部看看或問句都無這算，實在令我們開始有點氣憤。兩個麵餐終於到了，準備開開心心的食，結果d麵煮到過晒火，林到好似麵糊咁，我們食左兩口真的無法接受，食晒d餸便叫侍應攞走，快快埋單走便算。呢間冰室價錢唔係平，出品差！店員態度又差！食過一次就夠，無下次！免得貼錢買爛受！！！

今日有啲掛住呢度嘅蔥花叉燒炒蛋飯，二話不說就嚟食。一如既往嘅水準，蛋夠滑，叉燒用腍滑嘅梅頭，肥瘦適中，加埋有啲汁，令本身唔食蔥嘅我，都會愛上呢個飯。果然係招牌菜！另外，要重點讚一下呢間冰室嘅防疫措施。門口貼咗安心出行 QR Code，入店時店員會主動問客人掃咗碼未，呢啲係基本。其次，枱面上嘅餐具桶有用蓋冚住。而由於呢間係分店，食物係喺對面馬路嘅總店送過嚟，所以送餐時個餐會用蓋冚住，再連托盤一齊送過嚟。呢啲都係主動防疫，保持衞生嘅做法，絕不攬炒，抵讚！

因工作關係去開上環就黎蘇杭嘆個早餐之前已食過一次覺得質素唔錯平時普通到唔普通既茶記早餐黎到呢度每一樣都好味啲***今日嗌沙嗲牛面炒蛋牛油豬個炒蛋勁香又滑有北海道牛乳炒蛋既感覺但唔似人地有啲一啖食晒佢個份量好足👍牛油豬超多牛油，好脆沙嗲牛面個沙嗲好濃同平時食開果啲普通茶記冇得比牛肉普通但比一般好面我放左一陣林左少少但撈埋個超濃沙嗲汁真係冇得輸***最正係個奶茶係呢期飲既最高質既一杯有茶味有奶香***服務方面都算正常我個餐啲野陸續上齊不過見隔離阿姐坐左好耐面都食完杯奶茶追左幾次都未到***最後佢衛生都做得唔錯起碼眼見佢有人走之後即刻抹台又有用消毒野噴噴先抹上菜個盤又整多個蓋蓋住杯奶茶用紙杯又有杯蓋呢啲用心位抵讚會再黎食