蘇杭冰室

營業中

休息中

今日有啲掛住呢度嘅蔥花叉燒炒蛋飯，二話不說就嚟食。一如既往嘅水準，蛋夠滑，叉燒用腍滑嘅梅頭，肥瘦適中，加埋有啲汁，令本身唔食蔥嘅我，都會愛上呢個飯。果然係招牌菜！另外，要重點讚一下呢間冰室嘅防疫措施。門口貼咗安心出行 QR Code，入店時店員會主動問客人掃咗碼未，呢啲係基本。其次，枱面上嘅餐具桶有用蓋冚住。而由於呢間係分店，食物係喺對面馬路嘅總店送過嚟，所以送餐時個餐會用蓋冚住，再連托盤一齊送過嚟。呢啲都係主動防疫，保持衞生嘅做法，絕不攬炒，抵讚！