蘇杭冰室

經常係上環出沒的我，成日食這間茶餐廳，因為都幾快靚正通常我都係個度食早餐為主，因為暫時覺得其他茶餐廳嘅早餐冇佢咁正而我叫開這個鮑魚絲火腿通粉，大愛個湯底，因為鐘意個雞湯湯底金黃色得黎又濃郁醇厚，入口又鮮甜順滑，而通粉亦煮得恰到好處，軟而不爛，吸附了湯汁的精華。鮑魚絲雖細但彈牙，火腿增添層次感，整體鮮味十足，暖胃又滿足。若能多加幾片新鮮蔬菜平衡口感更佳，但仍是經典港式風味的暖心之作！…查看更多

雖是午餐時間，但店內仍有很多位置。店內沒有任何標示列明需要坐在同一邊，店員仍沒有提醒。其中一位女員工態度惡劣，跟我說話時還大力拍了我肩膊一下，用命令的語氣叫我們坐在同一邊，以後不會再去。…查看更多

第一次去，入去食下午茶，一入去係咁俾人老點，一位職員叫我地坐呢張枱，另一位聽員又叫我地坐另一張枱，唔知佢地想點，有吉位都要我地同其他人搭枱。全部職員都態度好差，短髮TB服務員態度奇差，一坐底就吹人落單，食完嘢，下午茶時間舖內有3張吉枱都話無晒位要趕人走，食飯期間亦都聽到佢對期他食客非常無禮貌，此餐廳已俾我blacklist, 不會再去受氣。後悔去之前無嚟open rice睇食評，原來態度差係一值有人講。食物質素非常一般，不值得去。…查看更多

今日約左幾個舊同事吃飯，大家不約而同甘揀左蘇杭冰室，因為以前成日一齊食，唔知依加質素仲keep 唔keep 到呢。蘇杭真係越做越大，依加已經有3個鋪位，但lunch 依然要排隊等入，好高人氣。餐牌同以前差唔多，本人最掛住佢既咖哩，因為好易入口，撈飯一流！叫左個咖哩雞扒飯， 雞扒勁大塊！表面既雞皮煎到香脆，食落有口感又有滿滿既油脂，好邪惡但我中意！雞肉都仲好嫩，好食！咖哩黎講係有少少濃，比較甜，似日本咖哩，用黎撈飯一流！成個餐先賣60 蚊，中環黎講係好平，怪唔得排曬大隊。…查看更多

以前當去過一啲唔好食（可能唔啱自己口味）嘅餐廳，最多同自己講，以後唔再去就算。但今次真係忍唔到手，雖然我係叫杯凍野飲，但冇諗過居然連份餐蛋治都係凍嘅，除咗凍之外，亦都終於體會到一份蛋冇蛋味，餐肉冇餐肉味嘅三文治。印象中可能係我食過其中一份最難食嘅餐蛋治。早知求期去7仔買份三文治食好過。成日聽到人話香港餐飲業生意唔好，講真，如果管理唔到出品水準，服務態度，不如唔好做好過，自己唔該認真檢討吓，希望唔好再有人中伏…查看更多

藏在上環的香港本地正宗冰室🇭🇰叉燒滑蛋飯、煲仔麵、炸髀、黑白西多士、人氣常餐、咖哩、豬仔包、菠蘿油、班戟、港式奶茶.. 選擇應有盡有！最出名是它的半熟炒滑蛋🍳🤤真的是在香港食過數一數二出色的滑蛋！超厚爆汁！仲使乜去排澳🐮😉服務態度都好好～可以慢慢坐嘆奶茶☕️【招牌叉燒牛肉滑蛋飯】 $58（連飲品）⭐️⭐️⭐️⭐️⭐️必食！超大份！勁多叉燒！半肥瘦！配埋招牌滑蛋🍳呢個組合超爆滿足！🤤【招牌炒蛋厚多士】 $38（連飲品）⭐️⭐️⭐️⭐️⭐️ 炒蛋好厚！一淡咬落去仲要爆汁🥹 一試難忘！下午茶一流😌…查看更多

尋晚想回味本地茶餐廳特色食物，豉油汁煎蛋餐肉飯，在網上已經看到有差評，睇到食物相片尚可，決定試試，到達蘇杭冰室，除咗女職員態度差，食物圖片和實物不符，質素亦十分惡劣1）招牌午餐：炒蛋餐肉雙腸飯跟店員要求更改做煎蛋，表示是特價餐不能更改，只好另上炒蛋，再加$6要煎蛋2）蔥花牛肉蝦仁滑蛋飯3）小食煎雞扒4）凍奶茶凍檸茶❌招牌午餐圖文不符，除咗味道欠佳，冇鑊氣，豉油汁淋在飯入邊‼️蔥花滑蛋飯不過不失，可以填肚❌煎雞扒過熟，柴口，比炸雞扒更乾❌凍飲沒有茶味經營不容易服務質素，食物味道十分重要，希望經營者做好自己…查看更多

芝士雞扒炒蛋出前一丁 + 凍奶茶，好食。次次都係食呢一個。（奉勸千祈唔好叫外賣，因為送到上嚟成粒鐘已經唔係嗰件事，現場食最好。）因為我好鍾意食芝士，所以成日去幫襯，唔係好多茶餐廳有芝士汁。奶茶OK。如果坐門口位附近，就唔係幾好坐。因為冇窗門位。最好就係坐入去入邊嘅窗口位，起碼有啲嘢望吓，同冇咁熱。食物送上嘅速度幾快手，但試過一次店員寫完單唔記得入機，其他時候都無再試過呢個問題。最近試過一次俾錢嘅時候，個阿姐問我做咩，呢一下覺得不禮貌囉。做咩？俾錢囉😅…查看更多

次次都食滑蛋蝦仁飯，覺得都可以，但一直未試過豬潤，今次叫了茶餐，鮮豬潤意粉，一級中伏，豬潤應該係冰鮮，好實好難食，加上個味好怪，有少少腥，雖然價錢不算貴，但如果咁差可以唔要呢個餐，之前食滑蛋蝦仁飯係ok! 見人哋义燒都ok! 有時不能試新嘢！ 不過同事食肉燥豬扒飯，她說好大塊但冇味！只可以用肉燥伴飯，，唯一熱咖啡很好的，但其他悪評如潮！幸好是同事自己提議去的，她帶著不滿離開，大家應該有一排不敢再提議去！…查看更多

今日去中上環返學，同學老師同行話想食飯，所以上OpenRice搵下有冇茶餐廳，搵到蘇杭冰室但有食評話態度惡劣，有少少驚 但都想試吓，去到有枱就直入卡位。當然2:15， 姐姐提醒2:30有下午茶，態度親切。我哋太肚餓，先叫2個飯，分別係滑蛋义燒飯同埋咖喱豬扒飯。到2:30先叫下午茶西多士加雞翼。滑蛋叉燒飯🌟🌟🌟🌟🌟叉燒好食，唔鞋，肉質鬆軟有咬口，加上滑蛋蔥花，炒得嫩滑，夠香，好送飯。下次要試滑蛋蝦仁飯咖喱🍛豬扒飯 🌟🌟🌟港式咖喱，唔辣，薯仔🥔好味，豬扒已切好4份，細心，但豬扒少少鞋但都ok 西多士雞翼 🌟🌟🌟🌟雞翼1隻，入味香口。西多士正常發揮唔錯總結：小平反，冰室整體態度良好，沒有不愉快經歷。食物不錯，有下次…查看更多

今日第一次幫襯依間冰室，唔駛排隊就有位。好多侍應記性好，唔需要用紙筆記低又唔會落錯單，幫我落單阿叔聽左一次，confirm左一次，再睇餐牌一次我要T1下午茶餐，我亦無見佢寫低我叫咩，最後黎錯左，我都有責任無check單，如果我check下就可以更改我叫左杯凍檸茶走甜，水吧係走左甜，但都走埋茶味，我見到一杯檸檬茶係茶色，但飲落去無茶味，依間冰室的茶葉係唔係沖到無晒味？冰室來說，依間沖的檸檬茶係我飲過其中一間最難飲總結：唔會有下次…查看更多

以前嘅蘇杭冰室，佢嘅分店就係開喺佢對面，所以成日都見到對面餐廳傳菜過嚟嘅情景，而經過疫情之後，佢隔離嘅舖頭終於頂唔住走咗，所以佢就租埋佢鋪位，依家終於唔使分開兩邊排隊，雖然大左少少，但係每一日過到嚟嘅時候都大排長龍，但係好彩佢上餐幾快，所以啲人好快食完就會讓比後面嘅人入去。今次我嚟到就叫咗佢個招牌叉燒蝦仁滑蛋飯，味道都還可以，啲蝦仁都幾大隻，鮮嫩彈牙，好好彩冇食到啲霉嘅蝦，叉燒就屬於瘦叉燒，冇乜肥肉，但係就每啖都係肉，滑蛋就好香，唔會炒到好老，如果你只係一般打工仔想搵間正常嘅茶餐廳，呢間可能就係你嘅選擇，但係建議大家早少少如果唔係就要等返30分鐘先有機會有位:)…查看更多

蘇杭冰室之下午茶帶埋bb 去食下午茶，入到去坐低，啲姐姐好nice，喺甘撩bb😄講返野食，一睇餐牌就覺得花多眼亂，實在太多選題。最後揀左雞扒包配薯條。個雞扒包大大個，雞扒亦煎得好香，但薯條就失色了，林晒，有少少凍。…查看更多

一丁麵完全冇攪開，上碗都係整個方形麵，理所當然係硬既！！唔明點解有咁多好評，大家都鐘意食硬既麵？！下午茶時段人唔多，侍應掛住傾計全程背住客人，叫緊都扮聽唔到，有人叫埋單又扮聽唔到！冇下次啦:(…查看更多

呢間上環冰室深受附近上班族歡迎💼價錢平 大大份 不過環境就逼夾左少少🤏🏻.➿蘇杭招牌茶餐➿個人超愛常餐 港式茶記必有🤘🏻.📌叉燒湯意粉 $50叉燒份量唔少 感覺多過澳牛🤫肉質偏瘦 但唔柴口 可以接受 冇豬騷味 淡淡叉燒香甜🐷意粉唔會太淋 爽彈有咬口 揀左雞湯底 配湯意好夾🍝.📌鮮豬膶湯意粉 $50豬膶都有幾多片 有厚度 爽脆唔粉 有咬口🐽不過腥味都重🩸食豬膶必配蕃茄湯 有茄肉 幾足料 但味道偏甜 唔夠開胃🍅.📌香煎豬扒湯意粉 $52豬扒雖然薄 但好大塊 鋪滿成個碗 肉質唔柴 冇豬騷味🥩轉福麵(+$4) 唔會太淋 正常發揮 就係好重味精味🍜.📌配招牌火腿炒蛋或煎雙蛋炒蛋夠滑唔老 蛋味幾濃 淡淡奶香 煎蛋外層焦脆 蛋味相對突出🍳火腿正常發揮 加蛋一齊夾包食 真係無敵🥓.📌配蒜茸牛油多士或豬仔包多士烘到脆卜卜 蒜香牛油味濃郁 香口唔油膩🧄🧈豬仔包搽滿牛油烘 金黃脆口 唔乾身🥖.📌熱齋啡📌凍齋啡+$3跟餐送熱咖啡或茶 凍飲加$3🥤咖啡偏重酸味☕️…查看更多