蘇杭冰室

營業中

休息中

好耐冇寫食評。今日晏出街想醫肚，行過見到呢間冰室竟然有少見嘅沙甸魚食，諗都唔使諗即刻入去試！😋😋好快，#沙甸魚蕃茄湯米粉 就送到嚟。首先單獨篤一小舊魚試下。嘩！好鮮！😮 啲沙甸魚嘅鮮味喺個口度盪嚟盪去，一啲都唔腥，仲竟然有好濃烈嘅魚味！跟住再夾埋啲米粉同湯一齊食，有少少微辣，蕃茄湯好濃郁，但又唔會濁。再配埋魚味突出嘅沙甸魚，簡直係極級嘅享受！好有驚喜！😍😍😍另外，跟餐叫咗杯熱咖啡。咖啡嘅味道就麻麻地，好杰，但又冇乜咖啡味，典型茶餐廳水準嘅咖啡，唔加糖會好難飲。