蘇杭冰室

營業中

休息中

今日黎到上環呢間蘇杭冰室試下佢啲午餐，點左份茄汁雞扒滑蛋飯，我覺得雞扒外皮爽脆有口感，雞肉味道香滑且鬆軟，滑蛋絲滑可口！58蚊黎講非常抵食，各位上環既打工仔平時諗唔到食咩都可以黎呢度食下！

📍 蘇杭冰室 人均消費: HKD53未夠鐘上堂，剛剛經過蘇杭冰室，順度食個晚餐！都幾容易找到，門面不顯眼，但招牌夠突出！ 😂 雖然都是茶餐廳嘅食物，但見到餐牌的確有點心動，因為有些食物配搭幾新穎⭐️辣味肉丁煲仔麵🍜$48一見到餐牌就已經想好了！出餐上枱已經聞到香味！一開蓋！咦！咁淺色嘅😂😂😂對不起，是我膚淺，我一心以為是五香肉丁🤣再加上麻辣，自以為是紅色火辣辣的，原來真的是細細粒的肉丁🙊 不要看湯底淺色，原來味道十分香濃，入口之後有陣陣辣味回香！越食越惹味

蘇杭冰室 地址: 上環蘇杭街3號地舖電話: 23527778=====================真係比天文台玩死，星期五大雨到又黑雨紅雨，不停彈出彈入令上班無所適從，到星期六又掛了一整天8號風。都不知有沒有餐飯開，好彩見到有簡直是救星呀點了一個常餐，五香肉丁加出前一丁公仔麵，仲會比包麻油自己落，我就當然成包落曬啦，成碗麵更香。嫩煎蛋，雞肉腸同奶油豬，個奶油豬好好食，脆得來唔會刮到口腔架，有足夠架煉奶香甜美味。另一入是黑松露炒蛋加迷你牛角包，炒蛋份量慷慨，加埋杯奶茶好滿足辛苦曬一班8號惡劣天氣，仍然工作為我們服務的人。店員好有禮貌架，出面勁大雨不停熱心提醒食客要小心注意安全。

最近見到鏗鏘集介紹旺角鬧市有很多新冰室，訴說冰室和茶餐廳的分別，冰室夠鑊氣，選擇比較多樣化，質素比較好，而且裝修華麗。茶餐廳來來去去都是差不多款式，今次朋友聚會就㨂了這間裝修光猛，冷氣十足的蘇杭冰室。草蝦凱撒沙律，有五隻五蚊大小的草蝦，底部是用橄欖油撈過的沙律菜，蕃茄仔麵包稅煙肉碎，側面灑了cheddar cheese芝士碎條。簡單健康的前菜。碳烤羊扒八成熟，先不說他的羊肉燒得剛剛好，羊味十足，黑椒汁非常惹味，他的配菜有烤蒜粒生葵，甜紅椒，蘑菇，少少翠玉瓜，黃瓜片。份量十足，有三大件，三個朋友分剛好。招牌蔥花滑蛋叉燒飯，瘦叉，滑蛋好滑，好明顯這真是招牌，看到每一台都起碼會叫一碟。椰菜花忌廉湯，上面灑了些香草，味道清甜，香滑，很用心的餐湯。看到他的甜品單，十分吸引，所以點了一個原味蜂蜜梳乎厘班戟，蜜糖點綴，鬆軟無比的梳乎厘，果然是人氣推介。今次冰室的體驗非常不錯，價錢可能是西餐廳的三分二，但是物超所值。餐廳的坐位也很舒服，也適合一班年輕朋友來聚聚。滿分為10分(1分最低，10分最高)食物：9環境：9衛生：9服務：9價錢: 9舒適度：9總分：9

下午時份又是覓食的好時機，因為上班一族就已經返了寫字樓 開工，而我可以靜靜地搵間餐廳享用我的下午茶，由中環行到去上環蘇杭街附近，就經過一間「蘇杭冰室」，其實之前都經過幾次看過餐牌，食物種類都很多，在我腦海中除了常餐之外，有招牌滑蛋叉燒飯、芝士撈公仔麵、流心西多士、黑白多士、蜜桃班戟等...... 想起都已經流晒口水，於是選擇了這裡食個Tea。幸好下午時份真是不會太多人，店中的裝潢都有點舊香港的情懷，用了紙皮石鋪了地板，牆身有懷舊汽水及香港電影的海報，鐵櫈木枱、卡位及灰白的牆身帶出了簡約的茶餐廳風格，也不失時代感。眼寬肚窄的我於是都只是點了兩份餐作罷，一場來到當然必食即製的班戟(因為只是2:30PM至6:00PM供應，把握機會)，此店有兩款口味的班戟，除了蜜桃班戟之外，還有紅豆朱古力班戟，於是我選擇了後者，由於是即製所以都要等10分鐘，等待期間我點了多一份麻辣肉丁出前一丁配炒蛋、腸仔及奶油豬仔包($55)，麻辣肉丁都是店中自家製，不是平時食開的罐頭的五香肉丁，此店的肉丁味道會較香辣，肉質都比起罐頭的肉丁較爽口，另外煮出前一丁麵條軟硬得宜，再加番包即食麵的麻油真是倍感滋味。而奶油豬仔包都烤

因為同事請食下午茶，就叫咗脆炸雞髀配薯條試下，好耐無食過邪惡下午茶🤓雞髀炸得剛剛好，香脆可口，炸粉加咗少少辣粉、胡椒粉，更好食薯條係粗薯，正👍🏻可惜外賣送到嚟有少少淋

早前品嚐過這間餐廳最出名的叉燒炒滑蛋飯，真的超好味！ （好樣到我掛住食忘了影相）今次經友人介紹就試下別的。招牌炒蛋+瑞士汁撈公仔麵+雞髀+熱奶茶 $54首先，雞髀很大隻，而且又滑又香瑞士汁味，啖啖肉。 在吃之前，大家要自己撈一撈，弄一弄散麵才吃。撈麵會有少少乾同硬，但我覺得這是撈麵應有的口感。如果真的怕乾，可以撈炒滑蛋一起吃，很好味的！（可能是本人喜歡蛋，只要有蛋，什麼都好味，哈哈）不過有人說炒滑蛋同撈麵不配，應配飯，大家可以去試試。

心血來潮好想食啲好邪惡嘅嘢食，一路行一路揾，比我見到蘇杭冰室個餐牌上面有芝士撈麵，bingo，exactly係我想揾嘅嘢。記得以前蘇杭冰室會兩間分店一間做中餐另一間做西餐，不過而家好似冇再分。餐牌上面仲有好多港式茶餐廳會見到嘅菜式，如果唔可以今日心血來潮嘅話，應該會嗌餐蛋飯，今次就要咗佢嘅招牌炒蛋及芝士撈公仔麵。個麵大概十幾分鐘後到，先講下塊雞扒，因為得塊雞扒冇岀事，唔錯嘅幾入味，而且煎得幾香。個麵煮過哂火淋晒，唔似公仔麵，淋到好似麵糊咁。最大鑊係個主角啲芝士，聞落雖然好香芝士味但食落隻味好奇怪，好化學嘅味道，有種唔似係芝士應該有嘅味道，食完個胃勁唔舒服，搞到成個下晝都做唔到嘢。後悔食呢間，橫掂附近大把其他好嘢食，呢間唔會返食。

一直都知蘇杭冰室MK位於上環，今晚路經旺角 豉油街枱頭一望，竟然見到蘇杭冰室於旺角出現！正好肚餓入去開餐！《炭烤羊扒 跟薯菜 $168》（配黑椒汁/蒜蓉汁/洋蔥汁）配忌廉汁，夠熱，亦creamy。羊扒火喉剛好，做到自選的7成熟，切開粉姣有肉香，軟腍不韌，配洋蔥汁提味。薯菜可轉飯/意粉。薯條鮮炸好香脆，配茄醬夠惹味。《跟餐蘇杭特飲 +$20》點了蘇杭滿滿水果茶，小甜不膩。《芝士汁原條龍利柳焗飯 $65》自選熱菜蜜。即焗夠熱，芝士汁香濃，飯用蛋炒過特別香口，炒得乾身不黏口。《瑞士汁雞肶撈公仔麵 配 招牌炒蛋 $54》瑞士汁雞肶大隻好味，公仔麵撈瑞士汁夠惹味。還可以加錢轉出前一丁。最後點了分店大熱的《士多啤梨梳乎厘班戟 $98》，用法國麵粉、日本牛奶及雞蛋製成，班戟鬆軟有空氣感，蛋香十足，但跟餐牌圖片有點出入 xd 最平 $68 起就食到。

家人話好肚餓, 見餐廳新開, 裝修唔錯, 座位濶落, 餐牌好吸引呀。於是走入去試左一個下午茶, 最後拉埋我入去!而家好多時 D 餐廳, 每逢假日, 星期六, 星期日, 係無下午茶餐供應架, 迫人散叫, 飲品另計。所以假期有茶餐供應嘅餐廳一定要支持, 難怪客似雲來, 全場滿座。屋企人 order 左鮮牛肉湯意大利粉, 鮮甜美味, 蕃茄湯濃郁, 有大大粒新鮮蕃茄, 而且食得出無味精。餐包太陽蛋火腿無影到, 因為好快食左!!! 這店是旺角豉油街新開的, 但 openrice 找不到旺角新店.... Anyway, 一定會再幫襯!

平日很少過香港區，蘇坑今次是第二次食，上次試過一次之後，成日心思思試其他款式，餐牌實在太多嘢想試😍今日放工趕過來食下午茶，很開心😚滿足，滷水雞髀公仔麵餐$41 另加 $6 沙甸魚，成日想食好耐，今日終於六點前趕得切到👍🏻

第一次寫食評就要比負評外賣員工態度十分差食物送到嘅時候已經凍哂豬扒又乾又硬，唔好食一直都有幫襯，唔知道係咪人多落order嘅關係，發現食物質素下降，有點兒失望。唔會再有下次。

一個人的晚餐，這已是第二次到上環的蘇杭冰室，第一次點的是蔥花叉燒炒蛋飯（$54）連飲品，這次加多$6點了雙併，加了蝦仁，下次還想加牛肉試試三併，價錢跟雙併一樣都是$60 。 這個滑蛋飯的靈魂其實是那個甜豉油，他們自家製的，淋在蛋上邊真是超絕配的，加上蛋是真的炒得剛剛熟，很滑，蝦當然是雪蝦，普普通通，但叉燒還是可以的，一份大大份的差點吃不完。服務方面，他們員工的效率真的是超高的，點餐後5分鐘內已有飯吃了。

在港島區工作超過10年,食飯係每一日既頭痛事下午時段係最辛苦所以晚上多數不願回家煮飯,同事提議係附近食晚餐,仲可以開會就去蘇杭冰室因為比較平民化而且種類又多入內既簡單懷舊裝潢之後同事最愛吃滑蛋雞脾飯.配黑椒汁,香脆雞皮, 雞肉嫩滑熱飯配上微辣黑椒汁.啖啖美味我自己就要餐肉粒煎雞蛋飯,好像好普通, 但厚切粒粒午餐肉好少這樣食加上甜豉油,佐飯超正,明知開會都要不少腦汁,所以叫多個魚柳豬仔包,厚身魚柳有生菜配蕃茄用香脆豬仔包,比較特別一開二, 對我地女生來說好方便食及分享自己都好LIKE雖然好飽,但都要食.因為個包包好好味所以再叫多個脆豬一定要快食飲品我要涷飲 菠蘿冰及熱朱古力簡單晚餐百多元,兩人享用. 超值。   

中上環不嬲都多高級商廈，連食店都較多高級食店，我地呢D打工仔過黎做野，可以都儘量避免係呢邊開餐。不過今次因為帶埋小朋友，做完野又已經下午2點半，驚餓親佢地都係食完先閃。好彩俾我係蘇杭街遇到佢《蘇杭冰室》，其實門口見到餐牌已經好吸引，好多都想食，最緊要價錢接受到。坐底左俾佢80年代既裝修吸引住，鐵皮屋頂加 半斤八兩同 玉泉忌廉梳打既舊poster邊會仲揾到？我地叫左招牌沙爹鮮牛公仔麵， 秘製麻辣肉丁公仔麵同埋 瑞士汁雞髀薯條三個餐。首先介紹秘製麻辣肉丁公仔麵，係樓面姐姐極力推介，佢地既肉丁分左2款，一款係平時食開 罐頭肉丁，而佢推介既就係佢地秘製既麻辣肉丁，其實我唔食辣，食麻辣真係一個挑戰黎，姐姐仲好貼心幫我，餸同麵另上。結果當然真心好味，麻辣，麻香小小辣，更加野味，我都食到絕對BB級麻辣，但就比罐頭肉丁好味好多。推薦，推薦！招牌沙爹鮮牛公仔麵，牛肉份量多，沙爹味香濃，同出邊食既沙爹牛麵個色係有D出入，相信都係自家制👍🏻最後 瑞士汁雞髀，夠晒入味， 皮香肉滑，一陣就瘋狂吸入，呢間冰室仲有好多好味既餸菜想試，下次要黎試下店員姐姐介紹既滑蛋叉燒先得。