蘇杭冰室

營業中

休息中

間野好似多野食咁就咁俾佢吸引左入去...但...個位真係好細...好窄...當時14:00點，冇乜人，但都唔俾人坐得闊d搞到食得唔舒服早餐到11:30完下午茶14:30開始我14:00到，下午茶又要等好耐所以揀左好耐終於揀到野食啦諗住食雙拼面餐7:30am-11:30pm$34 幾好，又唔洗食太多點知落單果陣阿姐話：冇呀，揀過個啦，佢依到印錯左時間咋要食就要$48嘩.....大佬，克店黎嫁.....餐牌寫到明嫁喎，如果係印錯就痴紙子改啦最後叫左all day breakfast 落單果陣我講左一次我要咩之後阿姐又好串咁話： 要咩呀講啦，要咩呀....點呀....我都只係想好好咁食餐野姐點解要受你氣呢...又唔係唔俾錢食...好不愉快既一餐....又坐得唔舒服...阿姐又串....仲要感覺俾人呃左咁...試過就好了...冇下次

最近疫情下 又限制每枱人數下 都沒有外出吃午餐， 蘇杭街一向很多餐廳亦有做各式外賣。。 蘇杭冰室其實已經吃過好幾次，今天叫了6個餐才$196包括了3麵餐2包餐1沙律餐~ 先提一下外賣自取””每一個餐””都減$5！減$5！減$5！ **好重要 要講3次！** 真係好抵吃！今個食評 介紹其中2個下午餐！下午茶由2:30開始！T14歡樂下午茶: 瑞士汁雞脾配薯條/沙律微甜的瑞士汁很惹味 雞脾肉還嫩的很滑很飽滿！ 口感一流 我選了併沙律因為想減澱粉質，當以為都是普通的薯仔沙律既時候 一開盒發現原來是雜果沙律(桃，菠蘿，新鮮蘋果) 真是興奮了好一陣子 完全沒想過呢~T13歡樂下午茶: 菠蘿包雙併有2個同事點了菠蘿包餐 招牌炒蛋是出名的滑蛋 還是濕濕的，同事形容完全係食到一手都係 🤣 一枱的菠蘿碎同濕濕的蛋汁！ 還有不得不提那的厚厚的午餐肉！不停讚 跟餐有一杯飲品，不過不失~左: 熱杏仁霜右: 熱奶茶

位於上環的小店 蘇杭冰室，門面鮮艷藍色相當引人注意，餐廳細細狹窄，坐位不多，裝潢懷舊滿有香港舊式茶餐廳風格。餐廳最出名最貝有特色菜是招牌叉燒滑蛋飯，我食過一次水準相當唔錯好香麻油香味，但是實在太油膩感。今次我來到食招牌沙嗲牛肉麵套餐，成個套餐包括一杯飲品、一塊火腿、炒滑蛋、厚多士及沙嗲牛肉麵。沙嗲牛肉好入味又腍，面煮得剛剛好完全吸收了沙嗲汁精華味道非常之不錯，炒滑蛋算滑溜，最差是厚多士可能是放太久或是隔了一晚變乾燥難入口。

Someone bought me afternoon tea and I chose 瑞士汁雞脾沙律 amongst other food from this 蘇杭冰室. 瑞士汁雞脾沙律The take-away medium-sized chicken leg was still warm when arrived. It was well seasoned with sweet swiss sauce. The meat was quite juicy. The salad consisted of peach and pineapple and was very rich in salad dressing. Quite a yummy and relatively healthy afternoon tea set. Hygiene was a pass. I have no idea about service and cost so I only gave a rating of 3 for these 2.

這一天早上，暫別工作，重拾樂趣，拿起相機，乘坐港鐵，來到港島，一心拍些滿意的作品。來到上環，看見這間外觀以藍色為主調的「蘇杭冰室」，想起有人寫過這兒有沙甸魚早餐吃，便入內吃個早餐。作為一間走懷舊路線的新派冰室，這冰室的裝潢陳設是到位和舒服的，紙皮石的階磚、滿載歷史風霜的汽水海報、許氏兄弟經典電影《半斤八兩》的電影海報，都能讓人感受到昔日的香港風味。冰室內的兩位中年女侍應，待客也相當有禮。不喜歡千篇一律的早餐，一心衝著沙甸魚早餐而來的我，在冰室中多款早餐中義無反顧地點了醒神早餐A中的「香辣沙甸魚麵」配「招牌炒蛋 + 牛油多士」（$36），伴以一杯健康走甜「凍檸水」（凍飲+$3）做早餐。這兒的麵是可選雞湯或蕃茄湯的，雖然我較喜歡蕃茄湯，但沙甸魚與蕃茄湯始終較夾，便取蕃茄湯而捨雞湯了。平日吃的麵材料來來去去都是那些，教人吃得乏味極了，香辣沙甸魚雖然難免是罐頭貨色，新鮮感已贏得一切，配以甜味重而酸味輕的蕃茄湯，都算是一個早餐的好選擇。這早餐的「牛油多士」是及格的，「招牌炒蛋」也夠滑溜，不過就要下點鹽才更好吃。這一天，雖然沒有甚麼靈感，天氣也實在太燠熱，照片拍得不多，滿意的就更加少，可喜的是，都

Lunch hour一定會見到好多人排隊嘅蘇杭。同事推薦。今日就同同事早啲去等位。有機會去試一試。雖然都比較多客。但服務態度都仲keep到幾好。等位其間會落單先。咁就可以方便一坐低就可以有得食啦。晒返啲時間。最後揀咗個常餐set。沙爹牛肉公仔麵。炒滑蛋。牛油多士。沙爹牛肉公仔麵係我鍾意嘅沙爹味。牛肉又唔會太”林”。覺得岩岩好。係幾唔錯。炒滑蛋。熟到岩岩好。有個滑度係到。同時都好香蛋味。牛油多士都幾香口。唔會好硬。都算軟身。

見你平日咁多人排，又係咁近都有三間舖，仲要愈看似平凡其實愈難整得好食(真相係窮……)，就試下你😛嗌左午餐只可以外賣既粟米肉粒飯，番去一打開估唔到聞到有香味(或者可能已經定性左頹飯應該乜都無🙈)，食落都唔會太鹹而且飯又唔太濕，所以更加想試埋其他😆不過…外賣再減3蚊，埋單33蚊個有杯野飲，我覺得係上環咁既價錢仲要食得落肚既真係唔易😛🤣p.s.好欣賞佢外賣個餐具包裝，因為可以痴番，用唔到既餐具都可以keep住唔洗浪費，幾好幾好😛

中環開工, LUNCH TIME時間比較充裕, 可以行去上環食。朋友推介呢間蘇杭冰室食义燒滑蛋飯。鋪頭好細, 食客坐得好埋, 有一張格仲要攞左去擺外賣, 外賣單都幾多, 應該都係疫情關係。咁我都跟朋友點义燒滑蛋飯, 熱檸水。上菜, 熱檸水冇咩特別, 都夠檸檬片, 切得唔會過薄。义燒滑蛋飯, 賣相還可以。面頭有D蔥花做點綴。义燒唔會太瘦, 唔會過咸, 份量都OK。蛋做得幾好, 夠滑, 送飯真係一流。相比係普通茶記, 我覺得呢間既义燒滑蛋飯係好食既。埋單好似$54咁上下, 都係果句, 係上環, 有飯連野飲正常都係呢個價。總結: 唔洗特登走入上環試呢間。如果係開附近,唔怕坐得逼少少, 又鍾意食义燒滑蛋飯既, 試下冇妨!

今日老闆請食tea，叫咗蘇杭冰室嘅下午茶，招牌炒蛋厚多士配餐肉+奶茶紅冰。外賣嘅賣相唔錯，用咗膠盒去裝多，奶茶走冰網絡都幾大杯招牌炒蛋厚多士配餐肉- 炒蛋香滑，餐肉都幾大塊，但奈何塊麵包涷咗，可惜奶茶紅豆冰- 奶茶味香，紅豆都幾大粒，食落好有口感味，道唔太甜，抵讚

上環食lunch有好多選擇，想食文青cafe有，想食平價大排檔又有，茶記更加數之不盡😀同事推薦呢度啲炒蛋，所以就一齊嚟食lunch😛叫咗個常餐嘅set,有炒滑蛋，蒜蓉牛油多士，同埋蕃茄湯通粉個炒蛋真係冇介紹錯，好滑好好食，同時又好香蛋味😋多士係出乎意料好食，平時啲多士多數都係少少牛油係面就算，呢到係蒜油牛油，搽到滿一滿，唔會有食食下好似食齋包嘅感覺😛蕃茄湯通粉都算足料嘅，但我覺得蕃茄湯一定要食蕃滿門😆😆上環做嘢不妨嚟食lunch 試下，雖然多人等位，但翻枱好快，等5-10分鐘就入到去㗎喇😀

沙嗲牛肉豬仔包 38蚊叫左個沙嗲牛包，個包咬落都幾脆，熱辣辣咁，個牛肉都好多汁，係唔錯的，但話好特別又唔算係，中上啦，奶茶都幾好飲，偏多奶。不過個d位坐得幾逼，都幾多人食，但比較正常下午茶，價錢略貴。

今早突然好想個香辣沙甸魚出前一丁麵早餐,香港啲茶餐廳或冰室其實真是比較難找到有得食,印象中蘇杭冰室應該有得食不過有掙扎了一陣去唔去食,因為坐位真的是非常非常擠迫現今疫情下真的有點怕怕地,所以走去餐廳門口看看怎環境才決定入唔入去食,見入面唔多人就入去食啦,侍應生都好細心會幫每個客人量體溫同遞搓手液俾客人用,我見重加了啲透明膠格住每張枱,佢個香辣沙甸魚出前一丁真的好好味豬仔包又夠脆,我見佢新出咗個all day breakfast有個牛角包, 下次lunch 唔太多人的話會去試試

肺炎疫情下人與人的距離太近容易受感染，門口見入邊座位好迫，原本都在考慮不進去比較好，擔心一個人進去吃很大機會要搭枱，門口阿姐游說我話不會搭枱還有透明膠版阻隔好安全，好啦自己又想食，聽咗佢講入去坐咗兩個連住四人座位的旁邊，有量體溫和酒精搓手一開始感覺是安全的，可惜開始吃的時候突然一堆人入來，就連膠板都被拿開跟一堆陌生人坐一起，有些還沒戴口罩，然後阿姐很好心在我奶茶旁邊噴酒精消毒枱面，我完全沒胃口再吃下去，不要問我食物好不好吃，我只用了5分鐘吞下食物就即刻離開，一定要賺最多錢一定搭枱的話就不要騙人進去吃！ 沒良心的餐廳！

何解叫佢做玻璃沙嗲牛肉豬仔包：好簡單，豬仔包十分之鬆脆，一咬落去嗰個麵包碎跌落地下嘅聲音就好似一塊玻璃跌落地下一樣、簡直係「雷雨」，沙嗲牛肉醬汁平衡，不會太鹹，牛肉也不會像坊間的沙嗲牛一係偏硬、一係諗到完全冇生命力，建議你食的時候要完全不顧儀態才有滋味的感覺，如果女士們想試的話，希望你能豁出去，這個包真是「太監騎馬」滑蛋叉燒飯：相比沙嗲牛肉包，這個飯可謂天淵之別，遜色不少，叉燒10分「柴」，一睇就知係隔夜叉燒或者係燒臘檔的下攔部位，但佢都好有heart，把叉燒輕輕煎香，值得一讚，雞蛋算不上是滑蛋做法，飯唔夠熱，豉油也沒有什麼特別，只是自行加多一點糖，可選合格之作

返工前食個早餐, 第一次來到蘇坑街的蘇坑冰室. 八點左右來到, 人唔算多, 八點三左右人開始陸續入座, 而家大部分是熟客仔. 看餐牌後, 最感興趣就係豬扒包. 侍應貼心地幫我一開二, 豬扒包大大個, 一開二, 剛剛好放入口. 豬扒薄薄的, 有厚厚的生菜, 蕃茄兩片, 包香脆, 咬落口不會難撕開. 這應該是薄豬扒的好處. 生菜蕃茄佔餡料7成, 不會感到膩. 奶茶不過不失. 另有多款面食早餐供選擇. 醒晨早晨A最多人選擇. 十分豐富. 面食特別在可選蕃茄湯底.