影片
更多
2021-06-21
298 瀏覽
今日機緣巧合之下喺上環收工, 見到呢間似係食傳統港式茶記食物，但又好似好有自己風格，就同個同事入左去食早dinner*招牌蔥花滑蛋三併飯*點解話佢有自己風格呢，蔥花滑蛋牛肉/叉燒/蝦仁就好多地方都有，第一次見有三併option, 岩哂我呢啲貪心想試多幾款既人。炒蛋夠滑夠嫰之餘，佢三拼每樣份量都唔細，仲要好好食。牛肉入味而嫰滑，叉燒唔un又夠香，蝦仁都算新鮮爽口。呢間野選擇都幾多，芸芸咁多款入面做得招牌菜係有料到。*麻辣肉丁出前一丁麵配腸仔炒蛋奶油豬仔包*佢另一個菜都好有風格，就係麻辣肉丁煲仔麵。不過又於我又係貪心，想試埋佢個奶油豬，所以叫左另一個餐，碗麵就唔係煲仔上既。個肉丁加入麻辣都已經令個味好特別好香口，值得一睇既係佢啲肉丁唔似一般茶記果種好硬好實既方粒肉丁，佢啲肉丁個口感係好爽滑，好似食緊粟米肉粒啲肉粒個口感，別樹一幟。我估煲仔版本會因為熱啲，感覺再辣啲，下次一定要試下。又咁講，佢個奶油豬都好正，新鮮熱辣脆口就大大加分，所以都冇話後悔既。*瑞士汁雞髀雞全翼*For食完餐都唔夠既人，我強烈建議佢地加埋呢個瑞士汁雞髀/全翼，因為呢度既瑞士汁整得好好味。我自己都識整瑞士汁，但問心要調到
*招牌蔥花滑蛋三併飯*
點解話佢有自己風格呢，蔥花滑蛋牛肉/叉燒/蝦仁就好多地方都有，第一次見有三併option, 岩哂我呢啲貪心想試多幾款既人。炒蛋夠滑夠嫰之餘，佢三拼每樣份量都唔細，仲要好好食。牛肉入味而嫰滑，叉燒唔un又夠香，蝦仁都算新鮮爽口。
呢間野選擇都幾多，芸芸咁多款入面做得招牌菜係有料到。
*麻辣肉丁出前一丁麵配腸仔炒蛋奶油豬仔包*
佢另一個菜都好有風格，就係麻辣肉丁煲仔麵。不過又於我又係貪心，想試埋佢個奶油豬，所以叫左另一個餐，碗麵就唔係煲仔上既。個肉丁加入麻辣都已經令個味好特別好香口，值得一睇既係佢啲肉丁唔似一般茶記果種好硬好實既方粒肉丁，佢啲肉丁個口感係好爽滑，好似食緊粟米肉粒啲肉粒個口感，別樹一幟。我估煲仔版本會因為熱啲，感覺再辣啲，下次一定要試下。
又咁講，佢個奶油豬都好正，新鮮熱辣脆口就大大加分，所以都冇話後悔既。
*瑞士汁雞髀雞全翼*
For食完餐都唔夠既人，我強烈建議佢地加埋呢個瑞士汁雞髀/全翼，因為呢度既瑞士汁整得好好味。我自己都識整瑞士汁，但問心要調到個咸味同甜味最佳平衡，仲要夠香味一啲都唔易。要做到有品質保證，仲下下要搞一大輪既話，我會prefer簡單啲直接落黎食啦講真
餐牌：
張貼
