聚來車仔麵

營業中

休息中

想食車仔麵、又想食多士、又想食飯😅都幾難揾到一間餐廳可以有齊咁多選擇😔😎記得啦❤️喺深水埗嘅聚來車仔麵有齊咁多選擇架Yeah🎊🎊自選車仔麵清甜蘿蔔、咖哩魚旦、菜心加腩汁配油麵加六蚊仲有杯凍檸茶添😋😋嘩！好大碗仲好足料添喎，腩汁味好清甜，蘿蔔爽中帶甜喎👍咖哩魚旦勁惹味呀🧊👍雞翼尖、貢丸、牛柏葉、山根加秘制辣汁配油麵，Woo好足料好大碗之餘，窩心在秘制辣汁用匙羹分開上💯我食得喇嘅梗係加埋呢度嘅機制辣菜脯啦😁😁辣辣地先至惹味㗎！雞翼尖超級入味好味👍牛柏葉爽呀！貢丸同山根入味💯💯加多個下午茶餐❤️係我想食好耐嘅爆漿阿華田西多士加三蚊仲有杯凍檸檬茶架👍👍嘩！不得了好用心嘅制作好靚好多阿華田粉係西多上面，而中開好多漿汁，一切開裏面d仲有好多漿汁流出泥添呀💯💯食落去好正😋阿華田包住花生醬好好味，而且甜度啱啱好，唔會太甜，非常好味！呢個係必食推介❤️❤️聚來車仔麵 地址: 深水埗基隆街172號地舖

呢間都因為西多士而網上有推介既係創新 爆漿阿華田西多士有得揀 朱古力 定榛子吳知係我吳好彩，定咩😅表面都脆既但中間咩都無咁我諗 朱古力/榛子加左邊到😅面頭見到咁多阿華田粉加白白地既應該煉奶都食吳到有味結 :今次係第一次食甜品無味既經歷既🙈ps.個姐姐見到我食吳曬問我點解我有如上解釋過一次因為人地問咁就好心俾下意見諗住幫下手改善對方俾個結論係吳夠甜🙊首先甜品吳一定要好甜可以有不同既味配搭而整到有多層享受才先優先吧😅#阿華田西多士 #第一次甜品唔甜體驗#聚來車仔麵

端午節連續有三日假期，又唔去得外地旅行，咁啱朋友去深水埗影懷舊相片，我一於去趁下熱鬧，影完相，再去食懷舊車仔麵，我哋去咗基隆街聚來車仔麵，朋友話餐廳食材絕不添加味精，衛生又健康。車仔麵和餸份量足，整齊地排放在麵上，廚師好有心思！值得一讚！朋友揀自選車仔麵，有魚腐、豬皮、豬大腸、龍蝦丸、幼麵，配沙嗲汁、秘製辣汁小辣。豬皮爽口入味，豬大腸清洗乾淨冇異味，而且非常入味，幼麵彈牙，掛上湯底好好味，老闆話湯底係用豬骨和雞熬製，當中絕無添加味精，食得健康，再加上沙嗲汁和特製辣汁，辣辣哋好惹味！我也揀自選車仔麵，雞中翼、豬皮、豬大腸，幼麵，沙嗲汁、秘製辣汁小辣。雞中翼肉質嫩滑入味。幼麵夾埋湯底食，既爽口又香甜，因為冇味精，食完都唔會好口渴！凍鴛鴦凍華田，味道方面都夠濃，不會太甜！招牌鮮煎餃子，韭菜餃拼芝士粟米餃，餃子即叫即煎，趁熱食非常香脆，尤其係芝士粟米餃係最適合煎黎食， 餃子內嘅芝士呈半溶狀態，真係芝味十足超好味！

朋友係深水埗地膽。今日帶我食好西多士🤪。餐廳點只食車仔麵甘簡單。原來西多士係招牌菜⭐️。車仔麵我鍾意食車仔麵。可以點多多餸😛。滿足我心多多😎。揀咗九餸一麵。即係十全十美🥰。比較出色有雞腎。豬手。滷得淋身且入味。香辣魷魚辣得勁😮‍💨。爆漿阿華田西多士西多士食得多。唔係黃色嘅西多士真係第一次食😮‍💨。一切榛子朱古力空湧出來。非常澎湃與吸睛👀。邪惡度爆燈💡。凍檸檬茶(走甜）解下膩幾正❤️‍🔥。

深水埗呢邊有好多充滿人情味的小店，而這間小店除了車仔麵外，還有好多其他選擇，餐廳環境都好乾淨企理，坐得舒適，而且價錢都好抵。.🥟湯餃 8隻 $38選了鴛鴦餃，可以一次試晒椰菜餃和韭菜餃。湯餃就冇咁熱氣，🥬韭菜餃的韭菜和肉的份量很平均，食落好Juicy；而椰菜餃入面有黑木耳、椰菜、肉，食落較爽口；兩款各有特色，而且人手每日鮮製很不錯，食落皮薄餡靚。下次要試下個新煎餃🧀芝士粟米至得。.🍜爽脆豬耳、芝士腸、炸魚皮配番薯粉 $41車仔麵有好多配料和湯底選擇，真係選擇困難。豬耳🐷夠爽口；🧀芝士腸就啱晒芝士控；🧀炸魚皮好香脆。番薯粉感覺很特別，食落煙煙韌韌又彈牙。而湯底選了腩汁，車仔麵經典之選。.香辣魷魚、牛柏葉、清甜蘿蔔、蟹柳、黑木耳、雞翼尖、芝士腸 $62朋友就點了淨餸，因為可以食多幾款。香辣🦑魷魚彈牙惹味；牛柏葉夠爽口；蘿蔔🥕清甜又無渣；蟹柳正正常常；黑木耳係健康之選；雞翼尖🐥就煮得入味，加上惹味腩汁很不錯。.🥦油菜 $22份量都不少，而且都新鮮，食返個菜，感覺健康啲！.🥤汽水 跟餐+$7有多款飲品選擇，價錢合理。

未食過咁難食既車仔麵， 個湯有怪味， 沙嗲汁完全唔似沙嗲， 淨係得陣蒜味個雞腎梅既， 一陣萬年大陸凍肉味魚腐係一般交嚟貨色， 但俾個怪湯攪到完全唔想食肥牛無咩特別成碗最正常竟然係條生菜果日已經係肚餓，唔存在飽肚要求高真心我呢世人未食過咁難食既車仔麵同行既朋友揀左瑞士汁， 佢話完全無味，但好彩佢果碗無怪味， 所以佢仲食得落， 我就完全食唔落。本身想食家煎餃後， 唔記得左佢例休星期3諗住車仔麵都唔會差去邊點知勁伏d 笑都唔知係咪買返嚟貼錢都唔會再食

車仔麵店竟然有甜品食??起初我仲以為朋友為左叫我黎食車仔麵竟然作d咁既藉口點知呢間車仔麵店真係有甜品叫仲要咁出色 - 爆漿阿華田西多士呢間車仔麵店雖小, 樣樣俱全鋪頭係家庭式經營，入到黎特別溫馨除左車仔麵仲有11款小食可以選擇想像唔到唔緊要，牆上面有圖片，選擇困難症既我表示好困難呀🥲今日試左雙拼煎餃芝士粟米餃拼韭菜餃煎得好香口！芝士仲可以拉絲添呀！個店名叫得車仔麵,黎到當然要試下啦車仔麵足料第一碗 - 豬紅，牛柏葉，招牌秘製辣魷魚🦑第二碗 - 豬紅，雞翼尖辣魷魚同埋牛柏葉都係爽口的！雞翼尖非常入味！！今次食小辣（平時食開四小辣既我）覺得剛剛好，小小刺激但都食到壓軸登場爆漿阿華田西多士，有得揀花生醬或榛子醬餡

上次同媽咪喺深水埗街市買完餸 就嚟咗呢間茶餐廳到食佢個招牌爆漿阿華田西多士 ！望落賣相真係超吸引！面頭鋪滿晒可可粉 切開個吐司即刻流晒啲爆漿阿華田醬同榛子醬出嚟🍞係幾甜 但真係好好食😋

夠鐘食午餐，想食濕少少咁就去聚來車仔麵食啦!有少少餓叫兩個車仔麵就爭少少，叫多兩個小食就夠啦招牌鮮炸肉丸十粒肉丸，好抵食，一口SIZE岩岩好配上甜酸醬好好味秘製辣魷魚秘製汁味道好特別好惹味，有點點沙嗲味，配上魷魚真係勁好食，食到停唔到口車仔麵點選▶️▶️炸魚皮魚片頭魚蛋油麵 魚皮頭外層厚皮香口，內裏肉質結實，炸魚皮脆卜卜▶️魚蛋豬紅豬耳油麵配沙嗲汁沙嗲汁好香，魚蛋入味，豬紅無腥味，豬耳咬落卜卜聲，油麵軟硬度適中加2杯飲品凍奶茶同凍檸茶

位於深水埗基隆街的「聚來車仔麵」，主打港式地道車仔麵及招牌餃子🥟店內燈光明亮，座位舒適招牌鮮煎餃子餐廳自家製的招牌鮮餃子，可以選擇雙拼。餃子每隻都煎到金黃色的～椰菜餃外脆內軟，裏面有豬肉、雲耳及椰菜，充滿鮮肉香！芝士粟米餃，咬開後芝士便湧出來，芝味香濃🧀餡料當中有粟米及洋蔥粒，增添口感車仔麵套餐C可選四款車仔餸+麵底。揀咗蘿蔔、豬紅、咖喱魚蛋、牛腩配幼麵🍜湯底濃淡適中，充滿家的味道。牛腩啖啖肉；蘿蔔煮得好腍，清甜入味；豬紅頗鮮嫩四餸車仔麵韭菜餃、菜心、紫菜、牛筋配米粉🍜另加秘製辣醬，可選大/中/小辣，香辣惹味！牛筋炆得好腍，入口彈牙富膠質。韭菜餃飽滿又大隻，皮薄餡靚，滿載韭菜香港式熱奶茶&熱咖啡

一直好想試呢間茶餐廳嘅阿華田多士🤩加上知道佢係一間以家庭式經營，冇加味精嘅小店就更加想試，依家終於可以試到勒😋💠爆漿阿華田西多士有3種味道可以選擇今次就試咗榛子朱古力醬賣相幾靚仔，多士面頭鋪滿阿華田粉🤩但食落唔會好漏，平時食西多好驚太油，呢個不單只唔油仲好鬆軟，讚👍🏻💠煎餃子🥟揀咗椰菜餡料，餃子熱辣辣上枱，煎得香脆金黃，入口鮮美多汁，口感好正，唔怪得都係招牌菜🤩💠3餸粉麵套餐腸仔、冬菇同咖喱魚蛋配烏冬加腩汁咖喱魚蛋大大粒好彈牙，冬菇大隻軟腍，仲送埋生菜🥬💠香辣豬紅豬紅口感嫩滑入味，味道唔會過辣👍🏻

三母女出動揾食，走左去深水埗尋找家庭式經營小店✨聚來車仔麵✨ 舖面好企理好乾淨小店主打無味精，煮出住家味道，夠哂真材實料自選車仔麵可以選醬汁，好多選擇✅魚片頭魚蛋炸魚皮油麵豬骨雞湯好清甜，無味精飲完唔會好口乾，魚蛋彈牙，魚皮頭炸到岩岩好，皮索左湯汁好滋味油麵質感岩岩好✅豬耳魚蛋豬紅油麵豬骨湯底加埋沙嗲醬汁好惹味，豬耳好爽脆，豬紅唔會一夾就散，油麵軟硬度適中▶️自選車仔麵可以加錢配飲品熱飲+$3，凍飲+$6✅凍檸茶茶味香配檸檬好清新✅凍奶茶茶味奶味岩岩好✅招牌鮮炸肉丸 肉丸炸到金黃色，外層好脆，入面係豬肉同洋葱碎，好JUICY，食落好香口✅秘製辣魷魚 魷魚滿佈醬汁，秘製醬汁好濃稠，頂頂有蒜粒同芝麻魷魚好爽脆，食落鹹鹹香香混雜辣味，好刺激，大推

網上睇到一個勁邪惡既流心阿華田，想去好耐架啦!今日就去一試。地址話係近深水埗的，其實都唔算近哦，出左地鐵仲要行10分鐘。好不容易揾到啦，係一間好家座式既餐廳。【爆醬阿華田西多士】加2蚊轉朱古力榛子醬，最期待的畫面出現了。切開流晒榛子醬出來，好吸引。食落去以為好甜好膩，點知唔會，好輕鬆就食晒整個西多士。【招牌鮮煎餃子】自家新鮮制作，有韭菜，椰菜同芝士粟米，可以雙拼哦~韭菜惹味，椰菜爽甜，煎得香脆，好多汁水。【車仔麵】有好款都好想食，今次就揀左幾款推薦既試下。滷水豬腳同豬肚。2款都滷得好入味，豬腳好淋有膠質，豬肚爽口。

成日Ig見到爆漿西多士既相，特登為左佢而試下小店🤣小店係家庭式經營，主要做車仔麵，但好似最多人討論係西多士同餃子🥟，所以就試埋🤣。-💕 爆漿阿華田西多士 $33(榛子醬+$2)全日供應❗️夜晚先得閒去，原本以為冇得試🥺西多士塗滿榛子醬，面層灑上可可粉，再倒上花奶同阿華田，切開就有流心效果🤣，見比較多街坊幫襯，小年輕人，應該迎合番街坊口味，味道唔太甜，年長小小既都會輕易接受到。🤣-💕 煎餃子 (韭菜) 半打$32外賣既話可以叮番熱佢！煎得好香口多汁😋韭菜餡滿滿，調味剛好👍🏻即食一定更正！-💕 車仔麵(牛腩$13｜豬大腸$12｜麵底$10｜瑞士汁)(上湯花膠$13｜蟹籽丸$9｜麵底$10｜腩汁)牛腩口感軟腍，豬大腸入味爽口👍🏻花膠好抵食😆有成三大塊，口感彈牙❗️汁方面建議瑞士汁，比較濃味，初頭試左當撈麵咁食，也不錯喔🤣🤣

嚟到深水埗區有好多美食，亦都有好多文青cafe，但呢次我哋專登嚟呢間聚來車仔麵。佢哋除咗有車仔麵之外，仲有馳名嘅煎餃，當然唔少得係佢哋嘅爆漿阿華田西多士。車仔麵佢哋嘅湯底用咗豬骨湯，完全無味精，佢哋有好多不同嘅餸可以揀，我哋呢次就揀咗牛腩，魚腐。佢哋嘅牛腩唔會話好碎，大大舊夠哂有咬口，同埋好入味，魚腐就正常發揮。煎餃方面我哋揀咗最近新出咗嘅芝士粟米餃，呢款係素餃，無肉㗎，入面有好香濃嘅芝士同香甜嘅粟米，口感同味道都好豐富。最後嘅爆漿阿華田西多士，比預期嘅無咁甜，有好濃郁嘅阿華田味，亦都加咗花奶煉奶，入口味道變得更加豐富，而邪惡度亦都變得更高。