聚來車仔麵

營業中

休息中

話說今日原本約咗同事食飯可惜佢唔舒服而被放飛機啦唯有自己一個人享受下午吧呢間舖頭雖然細 枱數唔算多繁忙時段 要同其他人搭枱食但地理位置方便 唔會盪失路聽講呢度最出名嘅 就係流心多士身為甜品達人 當然要即刻出動啦放飯急不及待 衝咗過去食好西呢-爆醬阿華田西多士 ($33)單睇賣相已經流曬口水 食落幸福感馬上提升全塊嘅西多士 都係滿滿嘅阿華田粉同埋醬喔一切開塊多士 啲阿華田好似瀑布咁流曬出嚟食完真係好有罪惡感 甜品達人嘅強烈推介啊-招牌鮮煎餃子 ($42/8隻)叫咗一半韭菜饀 同埋一半椰菜饀餃子外脆皮薄 饀多且咬落好多汁-P.s. 又一個列入Encore名單❣️❣️❣️

💥深水埗必食西多士📍聚來｜深水埗📍人均消費 $ 7 X#CL深水埗 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️忍唔住食完要即刻出post🤣去完黃金買嘢，跟住就搵呢間打卡名店😍門面唔太起眼但係入面就坐得好舒服，好想試佢嘅招牌阿華田流心西多士‼️💟三餸車仔麵 $ 4 2好少有竟然可以揀薯粉，配埋豬手雞腎同埋豬耳，索晒啲湯好入味💗仲有自家辣辣菜寶，一定要試吓👍🏻💟咖喱雞扒飯 $ 4 5想不用好似茶餐廳咁連咖喱雞扒飯都有得食，仲要食落去真係足料唔差㗎喎，雞扒即煎唔鞋口啖啖肉😝咖喱甜甜地唔會太辣🌶️💟蒜泥白肉 $ 2 8同譚仔有得fight😈十數件白肉，配埋大量蒜蓉，連埋醬油同埋醋食唔會覺得好肥膩，反而一件接一件想食晒佢😂💟 阿華田流心西多士 $ 3 3超抵食😌佢係即叫即整，中間我哋揀返傳統嘅花生醬，估唔到同花生醬同埋朱古力係咁夾，切開之後會見到瀑布流心，店埋阿華田粉一齊食啱啱好，唔會太甜👍🏻🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

@gather_again｜驚艷西多士+抵食車仔麵✌🏻🥢食物：爆漿阿華田西多士 (HK$33) 配朱古力榛子醬 (+HK$2)- 厚厚一層阿華田粉蓋滿西多士面，夾心係薄搽的朱古力榛子醬，輕輕一切，中間的花奶緩緩流出，治愈極了~！😍😍😍- 要讚炸得香脆得來又無油味，淋上阿華田粉的表面帶點微微沙沙的口感，側邊的西多士則是金黃香脆，底面沾上花奶帶點濕潤，一啖落去多重口感真心滿足。❤️‍🔥- 而味道亦極為豐富有層次，先係阿華田的濃郁香味、咀嚼中會嘗到屬於西多士的獨特蛋香，再係朱古力榛子醬中的順滑和甜味。🫣- 兩人分食一個就係一個完美的飯後甜品！恰到好處的朱古力餡同阿華田粉的份量令人居然大塊朵頤后覺得甜而不膩~！👾👾- 雖然用膝頭哥諗都知呢個組合一定好食，但依然覺得在車仔麵店可以食到如此有水準的西多士，真心非常有驚喜~！❤️❤️車仔麵套餐連熱飲 🍜 4餸 $48 /3餸 $42- 真心抵食，幾款餸都正常入味，但最值得表揚就係分量十足！🙌🏻樣樣餸甚至豬紅、鷄腎都至少四五舊，好少見如此足料的車仔麵，仲連埋野飲！🤧🤧良心價！❤️📝家族生意而店員都超級親切，食物選擇極多而味道非常不錯，絕對的平靚正，在深水埗附近

今日好想食車仔麵, 就搵下網上有邊間好食, 就搵到呢間深水埗車仔麵, 咁多間唔搵搵呢間,  係因為我比佢個阿華田西多士所吸引, 而且見到座位唔係果D好迫又一張圓枱分4邊果D, 於是就放工去試下呢間, 6點9左右到呢間店, 唔需要等於, 一入到去最尾張枱坐, 隔離有位著校服既小朋友坐係度畫畫, 相信係呢度老闆個女, 放學黎幫手。 講返食物先, 我一黎就揀左個油麵配咖哩汁+ 餐肉+炸魚皮+牛腩,  另外朋友叫左淨餸豬頸肉+菜+阿華田西多士+2蚊要榛子朱古力醬, 個車仔麵份量都算岩岩好, 牛腩唔夠淋要改善一下, 豬頸肉同咖哩汁都幾好, 老闆好細心, 問我地阿華田西多士後上得味, 我地話食多陣先, 佢地真係唔上住, 呢個幾好, 因為出面好多你叫左就即到, 如果你同時食緊咸野, 又黎左個熱既西多士, 你都知唔食咩好先。 終於等到個阿華田西多士上, 成個西多士都鋪滿阿華田粉上面仲有熱溶溶既榛子古力醬, 當你一切開D醬就流入西多士, 咁西多士就可以吸哂D古力醬, 個味道係真好幾好味, 充滿阿華田既朱古力味, 但因為真係幾甜, 最好唔好一個人食哂, 2個人分享會幾好既選擇。題外話係, 前題講個囡囡畫畫

那天4點幾先肚餓，就來呢度食咗個下午茶單拼麵餐 (HK$27起)，可以從餐牌上的9款餸、9款麵、5款湯汁和10多款飲品選擇，真係好多選擇👏🏻店內環境都坐得好闊落和乾淨，店員都係長者，好友善。單拼麵餐 (HK$33)．最後揀咗雙拼餃子、瑞士汁、米粉配凍檸茶．餃子可以雙拼，一次過食晒椰菜餃 (黑木耳、椰菜、豬肉) 和韭菜餃 (韭菜和豬肉)．餃子皮薄餡靚和新鮮，菜和肉的比例平均，我食到爽脆鮮甜菜和軟彈多汁的豬肉😋．米粉也好味，不過捻不過硬，煮得剛剛好，米粉會掛汁，吸晒啲瑞士汁，正呀😋．凍檸茶，4片檸檬，茶香濃零澀味，爽😄

最近有啲電腦用品要去深水埗買所以特登過咗去行到肚仔有啲餓就去咗附近搵咗間餐廳簡單食番餐係一間食車仔麵嘅舖頭入到去舖頭店面好乾淨企理 燈光光線充足入到去最吸引我嘅竟然係佢有一個特別嘅甜品食咗正餐後一定要叫一個邪惡嘅甜品食下賣下關子先佢哋個餐牌係用白板筆寫完再擦走 好環保呀招牌鮮煎餃子 $42可以揀雙拼 當晚嘅芝士粟米餃子就賣晒所以就叫咗韭菜餃拼椰菜老闆好貼心一坐低就問我哋使唔使要煎餃子因為煎餃子要煎一段時間所以佢嗱嗱聲幫我哋落咗單先餃子有八隻 大小適中 皮薄餡靚食落去熱辣辣 仲爆汁添 真係好正 好足料椰菜餃仲包住左木耳 配埋豬肉韭菜餃嘅韭菜豬肉份量都好多秘製辣魷魚 $35魷魚好爽脆新鮮 份量都好多配上秘製嘅辣醬 令到魷魚嘅鮮味都出晒嚟四餸車仔麵 因為怕食得太飽 食唔落西多士所以叫咗個淨餸嘅車仔麵有豬大腸 $12 - 洗得好乾淨 非常入味牛柏葉 $12 - 好爽好新鮮炸魚皮 $10 - 分湯上好脆口黑木耳 $9 - 好爽口（本來想試吓個手打魚肉不過賣晒）叫左沙嗲汁小辣 味道真係唔錯餐枱上都有佢哋秘製嘅辣菜甫 唔夠辣可以再加最後就到signature 甜品了就係佢嘅爆漿阿華田西多士 $33可

“手打魚肉、豬頸肉、貢丸、生菜油麵”魚肉唔錯夠彈牙，豬頸肉應該有炸過。湯底加左腩汁同鹵水汁幾好味，唔會太鹹。“招牌鮮炸肉丸”幾得意嘅肉丸，口感唔係彈牙係偏淋嘅。應該係加左啲菜絲係入面但係食唔出係咩黎，不過係好食嘅👍🏻。“招牌鮮煎餃子” 一入到去已經見到佢哋有人係度不停咁包餃子，今次揀左椰菜同芝士粟米雙拼。餃子煎得幾好金黃色，兩邊都係脆嘅仲唔會好油。咬落好多汁，芝士個款啲芝士溶哂超正😋。“爆醬阿華田多士”可以揀花生醬或者榛子醬，今次揀左榛子醬。西多士新鮮炸起，面頭有啲好似奶咁嘅汁，仲有大量阿華田粉。加埋全部一齊食係好好味😍！唔好問甜唔甜，咁多野加埋一齊一定甜，但係好食好滿足。雖然鋪頭嘅名係車仔麵，但係其他小食都好有質素，仲有甜品食，正！

本身想喺另外一間食餃子，但係大排長龍，所以去咗呢間，因為見到佢都有餃子食，所以一於試下！叫咗個四餸車仔麵，配料款式好多。湯底要咗沙嗲湯底，另外仲叫咗魚蛋餃子麵筋同埋魚腐。我覺得咁多樣配料入面，椰菜餃子最好食，幾鮮甜，有少少驚喜。另外個面底揀咗油麵，油麵質感有啲似拉麵，同平時食到嘅有少少唔同。另外因為我本身鍾意食辣，所以仲加埋啲菜甫一齊食，都幾正。可惜今次食唔到太多嘢，如果唔係都幾想試吓佢嘅西多士！聽講好多人會去食！

#好味港式車仔麵 #跟住我食唔中伏 😇心心為咗朝聖 #士多啤梨爆漿西多士 #媽媽捨命陪女女 上星期五一放學即刻換衫，衝去深水埗，幸好地鐵站行幾分鐘就到，都方便🫶🏻咁特別嘅甜品，竟然係由一間車仔麵小店出品🥳勁～［士多啤梨爆漿西多士］一切開真係爆士多啤梨漿，大人細路都頓時勁興奮🤣面頭有超多士多啤梨味糖粉，以為會好甜但原來又OK比普通西多士好食，反而無咁乾&漏 #推介必食 #爆漿阿華田西多士都勁吸引 #但係我猜輸咗所以俾佢揀士多啤梨除咗特色甜品，車仔麵都好食，特別個湯底！好清甜😳入口好舒服，無味精👍車仔麵餸都係水準之作，唔錯～小食有勁多選擇，花多眼亂全部都好好食咁🤣最後揀咗［招牌炸肉丸］第一啖咬落去真係估佢唔到，唔係全球都係肉仲食到勁香甜嘅洋蔥絲，估唔到配洋蔥又幾夾，咬落好juicy🤩價錢貼地，店員又好有人情味🥰去深水埗搵食list一定有 #聚來車仔麵 #ca師奶餐廳_深水埗

📍 @gather.again in Sham Shui PoChinese #聚來車仔麵 Food: 💛💛💛🤍🤍Décor: 💛💛💛🤍🤍Service:💛💛💛💛🤍Price Value: 💛💛💛💛💛Price Range:💰 $50-$100Favourite:💖 Cart noodle ------------------------------- A restaurant run by 2 elderly, feels at home - Good food at affordable prices, a wide range of choices- Nice place for a quick meal- The menu offers a wide variety of delicious and mouthwatering choices , you can choose signature cart noodles or change it into rice - The soup broth is light - Servers are also great and a

有緣相聚 歡迎再來 聚來車仔麵招牌鮮煎餃 煎餃喺呢度嘅名物之一‼️因為想試晒三款，所以叫咗兩份😽韭菜煎餃 $42餃子煎得兩面金黃，而且脹卜卜咁，齋睇都覺好正～果然冇估錯，餃子係正嘅‼️餃子皮煙煙韌韌，外層煎得酥脆，夠晒香口！入面嘅餡好足料，滿滿嘅韭菜，鮮嫩多汁👍🏻芝士粟米煎餃 + 椰菜煎餃 雙拼$42估唔到芝士粟米餃最有驚喜🤣之前都食過其他店嘅芝士餃，但係就比較漏，好快會食滯，本來對佢冇乜期望😂芝士粟米餃入面有好多甜粟米，面芝士係偏水質地，食落完全唔會覺得膩👍🏻下次可以自己食晒一碟都完全冇問題😎椰菜餃入面加咗木耳絲，口感爽脆，椰菜鮮甜，都好出色👍🏻招牌鮮炸肉丸 $30呢樣都係呢度嘅招牌，之前見到相都覺得好正～一定要試！即叫即炸，每一粒嘅表面都炸到脆卜卜，外脆內軟，仲加咗啲洋蔥所以食落好香口，隨碟半上泰式甜酸醬，味道都好夾！自選三餸車仔麵揀咗牛腩、豬頸肉、肥牛、油面車仔麵餸嘅份量幾多～牛腩炆煮得好入味，好易就咬得開豬頸肉炒過，食落好香口肥牛有3大片，比一般嘅較為厚身揀咗沙嗲湯底，有別於一般嘅沙嗲湯底，呢度嘅加咗大量嘅蒜，所以係勁香濃秘製辣醬都幾辣下～但係真係好香好惹味‼️餐廳座位闊落，坐得好舒

📍聚來車仔麵深水埗基隆街172號地舖———————————————招牌鮮煎餃子 (8隻) (可雙拼)(💰: 42 hkd)煎到金黃色嘅餃子一睇賣相已經好吸引😍 仲可以揀雙拼添!今次揀咗韭菜餃同椰菜餃，每一隻都煎得很均勻，內餡亦好足料，隻隻都咁飽滿🤤 餃子咬開好juicy，韭菜餃一咬落去爆汁，有啲食緊小籠包嘅感覺🤣 椰菜餃裏面就加咗啲木耳絲，味道好鮮甜👍🏻 最欣賞佢啲餃子煎得香口但又唔會油膩～招牌鮮炸肉丸 (💰: 30 hkd)肉丸熱辣辣新鮮炸起🔥 外皮酥脆香口，內餡除咗有豬肉仲加咗洋蔥，特別得來好有口感，令肉丸唔會太乾身又可以消除油膩感，配埋甜酸醬一齊食超惹味！我幾乎食到停唔到口🤤套餐系列- 套餐B：四餸車仔麵牛腩+豬紅+咖喱魚蛋+蘿蔔+油麵(💰: 48 hkd)車仔麵可以揀套餐系列，贈送熱飲，凍飲或者汽水就加多少少錢～不過套餐可以揀嘅餸種類就固定左，例如豬手同牛腩只可以二擇其一😛 今次揀嘅配搭係「牛腩+豬紅+咖喱魚蛋+蘿蔔+油麵」🍜 牛腩炆得好淋，豬紅亦都好入味，蘿蔔清甜冇渣，唯一係咖喱魚蛋唔算太入味同彈牙🙈 但呢個價錢包埋嘢飲仲有咁多個餸，完全係物超所值🥰自選三餸車仔麵咖喱魷魚+魚

🥟🥟🥟今次要介紹嘅呢間聚來車仔麵位於深水埗基隆街好多人都慕名而來但佢地最出名嘅竟然唔係車仔麵 而係甜品⁉️爆漿阿華田西多士 （$33）深水埗名物之一 😌西多表面灑滿大量阿華田粉 中間裝滿煉奶同榛子醬一切開勁流心 超級邪惡👿招牌煎餃子🥟（$40 / 8粒）餃子可選擇韭菜餃、椰菜餃同芝士粟米餃想兩樣都試晒嘅朋友可以叫雙拼🤭每樣四隻餃子個皮又夠薄 煎到金黃色 一咬落去d汁即刻爆曬出嚟 好Juicy招牌鮮炸肉丸 （$30 / 10粒）肉丸以豬肉同洋蔥製成炸得香脆 彈牙又有口感👍🏻秘製辣魷魚🦑（$35）魷魚上面沈左小小芝麻食落幾爽口👍🏻配以秘製嘅辣醬令到水魷非常入味 辣得黎超過癮

星期日下午，經過這間平民小店，發現餐牌都幾多選擇，一於試下。 我哋兩個人一人一碗車仔麵。我叫的三款餸係魷魚、炸魚皮同蘿蔔。老實說，麵底同湯底不是很特別，但個辣醬係好味嘅配魷魚一流！另外，蘿蔔亦很甜，感覺上唔似普通街市買嘅蘿蔔🤔🤔炸魚皮不過不失，一大碗，兩個人食都夠！ 重點來了！係煎餃，佢有三種味，我叫的是韮菜豬肉餃。店主好有心機煎，隻隻金黃色，皮脆，饀又夠多汁！ 期望下次試埋其他味！還有甜品亦很吸引，只可惜已經食唔落。

高手在民間 深水埗下午茶之選去左深水埗行下諗住買Game，但真係好熱🥵🥵行到四點幾已經無咩能量同個人溶解左，要差差電，呢個鐘數係時候食個下午茶🤗入左呢間車仔麵店，俾佢門口既爆醬阿華田西多士吸引左入去。入到去發現原來有唔少小食😍我即時兩眼發光，叫呀🙋🏻‍♀️叫左兩個茶餐加三個小食，CP 值超高，佢地亦到好細心上七咸既先上甜既😆肉丸上台熱辣辣，外脆內軟，重好香洋蔥味，配左泰式甜辣醬俾我🥰炸雞翼薯條，一定無走雞，佢地炸物水準一流。炸餃子雙拼，可以一次過試晒兩種口味，外皮好脆，入面有流心芝士粟米🌽，另一款椰菜口味又夠爽口。蒜泥白肉$28 咋，蒜味好足重有芝麻香，薄切好好，夠晒易咬。主角黎啦🤟🏻爆醬阿華田芝士，重有花生醬同榛子醬選擇，我梗係揀咗邪惡嘅榛子醬啦真係無得輸🤩🤩滿滿既榛子醬，再加流心，再加密鋪平面面嘅阿華田粉你係今日既主角🥳🥳推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7.5⭐️賣相（10⭐️滿）：9⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：7⭐️［聚來車仔麵 (深水埗)］地址：深水埗基隆街172