嗰日係附近游完水肚餓，就係巴士站附近搵嘢食，地圖推介我行去冬菇亭，竟然有間是是正正的魚蛋粉麵店。 𥚃面高樓底，坐得闊落，幾舒適。 🦐🥟 鮮蝦雲吞魚片頭湯米粉 (HK$43) ．魚片頭好好食，我覺得比較多魚肉 ．雲吞的鮮蝦肉和豬肉比例平均，味道不錯👌🏼 🐟🍢 炸鯪魚球 (HK$18/2粒) ．即叫即炸，啖啖鯪魚肉，肉質好彈牙 ．點埋汁好鹹香，惹味十足👍🏼 🥬 生菜配腩汁（跟餐 +HK$10) ．綠油油嘅生菜，好新鮮，清甜 ．腩汁惹味不太鹹，呢個價錢抵食呀 🍋☕️ 熱檸茶 (跟餐 +HK$7) ．4片檸檬配靚西冷紅茶，正是港式風味😋

嗰晚放工同朋友去銅鑼灣行街街輕鬆吓，諗起我已經有一段時間無飲手搖茶，就行去呢條茶飲街 (我覺得係)買杯茶飲。咁多間之中，呢間新開嘅手搖茶嗰裝修最吸引，因為店內的畫風好日系，有個得意又酷酷哋嘅動漫女子做吉祥物，與其他茶店好不一樣！ * 餐牌上有好多選擇，店員分享自己的喜好，也貼心提議甜度和冰量，100%配合香港OL怕太甜又怕多冰嘅難搞要求。 呢度啲杯特別肥，用外賣杯套差少少就裝唔落。朋友就要咗個外賣袋，是可以重複使用的冰袋。杯面也是與別不同，先放上一張牛油紙，可以防漏，杯蓋是特別設計，好好用。成杯飲晒之後，除咗牛油紙是垃雜，其他洗一洗可以重用或拎去綠在區區回收，正👍🏼 🍵 玉茗抹茶小Q粿 (HK$42) ．呢杯與平時飲嘅宇治抹茶鮮奶有啲不一樣，因為茶底係由2種不同茶調昧出嚟 — 山茶花和宇治抹茶，所以飲嘅時候會多咗啲山花花香，比較特別！ ．除咗飲茶，仲會飲到口感爽滑又煙韌嘅台式粉粿，令口感豐富 ．宇治抹茶本身是偏甜，所以店員建議走糖是正確的👍🏼 🍑☕️ 肉肉水蜜桃 (HK$32) ．紅茶係由錫蘭及阿薩姆2種茶調配出茶香味 ．每一啖有紅茶之外，仲有切到一粒粒嘅白桃果肉，甜度好高 ．店員也建議定少少甜令紅茶冇咁澀口就是啦～

那天約咗朋友上去呢度食墨西哥菜，門口是比較隱蔽，但係便利店隔離見到餐廳嘅燈箱，就行上樓梯去一樓，抬頭就見到大大個綠色牌和門口。餐廳𥚃面嘅環境與大廈太不一樣啦！𥚃面是深綠色主調配木枱和白色牆，特色燈飾和2面是光猛大玻璃，環境幾舒適。 🌶️ 🪽Mild Spiced Hot Wings 墨西哥香烤雞翼（微辣）（6隻） (HK$85) ．食雞翼一定係食醬汁，微辣嘅辣度啱我呢啲怕辣又想食雞翼嘅人，調味得好惹味 ．雞翼烤得香口，雞肉嫩滑多汁👍🏼 🛸🍔Mobin ‘UFO’ Crispy Cheese Burger (HK$115) ．用芝士放在漢堡包上烤焗到脆片咁，令外表好似頂大墨西哥帽，好特別！ ．芝士脆片下面有隻日本煎蛋，雖然影影下相個蛋黃已經流咗出嚟，但味道很好👍🏼 ．之後就有好出色的自家製傳統香脆煙肉和濃味嘅酸椰菜，煙肉厚切令口感豐富，酸椰菜，又鹹又酸，但可以減膩 🫚🍹 Spiced Ginger Fizz 香料蜜糖檸檬薑汁氣泡水 (HK$60) ．鮮薑榨汁，加入蜜糖、檸檬汁和氣泡水，甜甜辣辣微酸的多層次味道，好特別喎！ 🍑🍹 Peachy Iced Tea 蜜桃冰茶 (HK$60) ．鮮蜜桃果汁味好甜蜜，配搭冰紅茶，涼快～ 🍓🍰 Strawberry Cheesecake with Strawberry Jam and Vanilla Ice Cream 士多啤梨芝士蛋糕配士多啤梨果醬和雲呢拿雪糕(HK$68) ．芝士蛋糕上面加一層士多啤梨果醬一起焗，所以蛋糕是微暖的，然後淋上一些士多啤梨醬令果甜味更突出 ．冰凍的雲呢拿雪糕令口腔有一暖一凍的感覺，好正👍🏼 📌提提你：此餐廳堂食會收取10%服務費喔！

復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁 🥚🥧 熱辣蛋撻 (HK$10) ．呢度出品嘅蛋撻是街坊推介的招牌菜之一 ．填滿滿的蛋漿，口感奶滑，甜度適中，不過蛋味比較淡 ．暖暖哋嘅撻皮厚身，但層次不太分明，但口感有啲酥脆嘅 🍗🥧 雞批 (HK$13) ．呢款好少見，只有某啲茶餐廳有出品，所以見到餐牌有就叫嚟試下 ．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔 🥛☕️ 熱奶茶 (HK$22) ．叫蛋撻食又怎可以不配搭一杯熱奶茶呢？ ．厚身嘅奶滑口感配香濃嘅紅茶味，味道不錯👍🏼

平時行呢個商場都係行週末市集，但係4日的復活節長假期中，被我碌story見到呢2個復活節限定版兔兔蛋糕，好可愛，吸引我衝過嚟食當正餐❤️ 🐰Bunny 荔枝紅桑子蛋糕 (HK$52) ．白雪雪和粉紅面頰，好可愛，食落原來係荔枝味嘅慕絲 ．內涵就有紅桑子味和荔枝味啫喱糖，一酸一甜好特別，底下有層薄薄嘅海綿蛋糕 🐰 Black Tea Mochi 紅茶黑糖麻糬蛋糕 (HK$52) ．啡色的錫蘭紅茶慕絲外表，帶埋頂紅茶生巧克力帽，造型好可愛 ．內心有黑糖麻糬和朱古力海綿蛋糕 ．估唔到這個配搭好美味呀😋 ☕️ Irish Cream Coffee 愛爾蘭咖啡 (+HK$36) ．雖然叫蛋糕加錢飲啡比單買咖啡平$10，不過加錢價錢也不是特別平，比較期待杯咖啡有拉花圖案，可惜是機沖零拉花，比較甜而不覺得有愛爾蘭咖啡酒味，有啲扣分😬 蛋糕店門面唔大，點餐及付款，之後要自己取蛋糕，咖啡需時製作，所以店員會拎過嚟。

元朗國有很多特色小店，而走入呢間小小的8人座位咖啡店，被我感覺好像走進日本昭和時代的場景，時間在這𥚃是不重要的，我可以以自己的步伐去花自己時間。店舖小小的原因，每位食客都坐喺吧枱，望住店主們在開放式廚房煮鬆餅和烹調飲品。座位後面有衣架，可掛上厚褸/外套，座位旁邊有個小籃子，可以承載包包們，多貼心。 是日餐牌，主要是糕點和手調飲品。 🥞+☕️ 熱香餅配飲品 (HK$85) 一份即叫即做的熱香餅，可配任何$40以內的飲品 🥞 熱香餅 ．熱辣辣的又香噴噴的，完美的圓形，配有一層焦糖色面，質感比較厚實，但入口鬆軟、綿密，有點像食蜜糖蛋糕；其楓糖漿吸力高，所以要小心調味，不建議一次過落太多楓糖漿喔！ ．上面的牛油，是店主特別煮燶佢，帶出個焦糖、拖肥香，然後加海鹽和楓糖漿作調味，所以有先鹹後甜的味道，配熱香餅很夾，不過如果可以俾多一舊就好啦～ 🍵 抹茶牛奶 ．入口奶滑，有甘香抹茶味，而抹茶與牛奶係100%融為一體，完美🍵

今次去咗葵廣隔條行人天橋的街坊商場，𥚃面原來有很多餐廳美食，也有我喜愛嘅台灣料理。呢間台灣餐廳似乎是最近新開的，靚靚的粉木系配搭粉灰色，簡約設計同而坐得舒適。





餐牌上有很多不同種類的食物和飲品，梗係各種叫啲試吓啦😄







🍗🍚 嘉義雞肉飯 (HK$42)
．好耐無食過咁出色嘅雞肉飯啦，因為佢多醬汁，又有煎蛋的蛋黃汁，撈勻啲飯食，濃郁濕潤，口感超好
．雞肉嫩滑唔柴口，醬汁鹹香惹味，下次必點👍🏼



🥩🥪 牛肉沙威瑪 (HK$38)
．我以為是一小件刈包咁，但其實係一大份台式open toast！
．底下係2個打開咗嘅刈倉包，上面放咗生菜絲、牛肉、沙律醬和一隻煎蛋，配搭紫花苜蓿草做裝飾
．整個組合切開一口大小食，口感豐富、多汁，味道很好👍🏼



🥩🍜 紅燒牛肉湯麵 (HK$58)
．生菜和紅蘿蔔令湯麵顏色鮮艷，令湯頭多一些鮮蔬甜味
．多件牛腩肉，肉質鮮嫩，又軟又腍，入味可口
．個麵很好食，是飽滿、Q彈口感，很掛湯令我一咬有爆汁嘅感覺





🍳 九層塔蛋餅 (HK$32)
．九層塔的香味十足，入口滿口芝士和嫩滑蛋餅，好出色👏🏼



🍹 白桃愛玉烏龍 (HK$24)
．我叫咗少甜，可以突出白桃的果甜味，烏龍茶的清醇味道
．愛玉，在杯裏看不見，但飲得到，是厚身的多份量，軟滑Q彈口感，好味呀



🍡 烤年糕 (HK$28)
．甜品壓軸登場
．白色的年糕似日本嗰種煙韌度剛剛好，不太黏，甜度只係微甜，係上面淋上朱古力醬，出奇地好食，連不好甜品嘅朋友都話好食😋

位於元朗國的咖啡店，以型格工業風設計和高質素菜色吸引到一眾街坊的喜愛。在周末，是需要等位的。近門口的位置是寵物友善區，方便街坊都帶同毛孩來一齊食飯。行過吧抬後面，就見到左右2排枱，坐得都幾寬敞、舒適的。不得不讚係店員的友善和禮貌嘅服務，很好👍🏼 🥩🥗 M7和牛烤肉、柚子胡麻汁粟米野菜沙律 (HK$88) ．牛肉有好多件，肉質好嫩好軟，調味很好味 ．沙律菜爽甜清脆，柚子胡麻汁酸得嚟好醒胃 🥃 Pineapple Espresso Tonic (HK$50) ．這是其中一款coffee signature，也是坊間比較少見嘅飲品 ．微酸偏甜的菠蘿汁配果香味嘅咖啡豆，攪拌，我覺得味道調得幾好飲喎！ 🧀🍟 三色芝士焗脆薯條 (HK$60) ．原來不是一般的三款醬汁配薯條，而係三款芝士與啤酒炸粉嘅薯條一齊焗，好特別，好正 ．三款芝士似乎係車打芝士、金文拔芝士、瑞士芝士，焗到軟身半溶，黐住薯條食好好味 ．食焗薯條係比較健康之外，用啤酒炸粉包住薯條令口感比較豐富，調味也很好，不知不覺就食晒啦😄 📌 提提你：餐廳下午5點至6點會休息一下

最近發現呢間小食店，由原本中式米漿腸粉轉咗手做泰國菜，而家由泰國人主理。泰國人老闆娘很友善，會親自推薦美食。我幫襯過幾次，見識到老闆娘對食物嘅品質有要求，凍咗放太耐嘅糯米飯會換過新嘅暖暖糯米飯俾我，炸得太燶嘅炸雞會掉咗佢，重新炸過，因為咁樣，我對佢地嘅食物有信心。 🍗🍚 泰式海南雞雙拼炸雞飯 (HK$40) ．雙拼雞件已經是其他店的2倍，但價錢比其他店平 ．海南雞好軟滑，雞皮薄薄的，零fat ．炸雞炸得比較大火，好易炸燶，但而件炸得啱啱好，外脆內多肉汁，雞肉仍是嫩滑 ．相中油飯已經係老闆娘的少飯，但其實也很多，不過我覺得飯唔夠油香，但口感不錯👌🏼 ．仲有冬瓜湯飲，湯清晰，有估唔到的濃郁味道😋 🍗 炸雞中翼 (HK$22) ．雖然拎到返屋企已經凍咗，但炸得好香口，雞肉入晒味，很好食😋 🥭🍚 芒果糯米飯 (HK$28) ．老闆娘換咗個啱啱用保鮮紙包好的糯米飯，仲暖㗎，口感軟糯十足 ．配有差不多3/4個芒果肉，甜美、無根㗎～ ．唯一係個椰漿比較’杰’一啲 🍮 斑斕千層糕 (HK$25) ．方形嘅糕件有看得出有7層 — 3層椰奶和4層斑斕汁，花花造型都有4層滋味㗎 ．是濃郁嘅斑斕味，煙韌口感，我鍾意食，不過我覺得係偏甜一啲，泰國人喜歡的甜 🥥 椰青 (HK$20) ．青甜又多汁，飲晒啲果汁可以用匙羹刮啲椰子肉食，啲果肉好軟滑，好似食緊椰子布甸咁 ．呢個價錢真係好抵飲

上個週末，我去完鐘樓影小肥心之後，我本來想去商場地下嗰層外賣蛋糕，驚訝發現佢已經唔係度 (上網搵原來係今年一月底已全線撤離香港)🙀 行入啲啲，俾我發現呢間從韓國仁川來的咖啡店，主打刨冰和手作蛋糕。店內環境有柔和的燈光配搭暖色的復古色調和格仔瓷磚牆，幾有格調。





細睇睇餐牌，令我好好奇，一件手作蛋糕才$5X仲寫話配一杯自選飲品，包咩飲品咁抵呀？問店員，佢話除咗signature drinks右邊嗰2款唔包之外，其他都可以揀。咁又真係好抵喎！





🖤 Black Sesame Cake 黑麻麻之戀蛋糕 (HK$58)
．人人都跟風食粟米蛋糕，我就麻麻哋粟米，所以叫我比較想食嘅黑芝麻蛋糕啦～
．黑芝麻蛋糕嘅賣相好靚，好吸引，仲有4層滋味！
．第1層— 釉面柿子乾，果肉甜美，多肉，煙韌似食緊啫喱糖😍
．第2層 — 芝麻味香濃的黑芝麻慕絲，好奶滑
．第3層 — 奶滑的奶油忌廉中有柿子果肉，好有驚喜！
．第4層 — 黑芝麻味嘅蛋糕，軟綿、綿密、濕潤度剛好，甜而不膩
．另外仲有朱古力餅碎伴碟，配奶油忌廉層食可多一個風味㗎
．一次過食到不同口感和質地嘅黑芝麻，真係好好食😋👍🏼











🤍 Five Grains Latte 五穀鮮奶 (單點價 HK$45)
．五穀為「稻、黍、稷、麥、菽」，含多種維生素和含花青素，是養生飲品喔！
．飲落，微甜的美味，配搭上面的脆米粒，好豐富的口感～



📌提提你：此餐廳堂食另收10%服務費！