聚來車仔麵

營業中

休息中

之前黎開深水埗呢邊食cafe，經過呢間車仔麵見到都人流唔少，果次食完就過黎八下睇下有咩特別，見佢唔止有車仔麵食，仲有其他野，同埋都有d明星黎食過，就搵日再過左黎試啦😛餐廳環境幾乾淨，類似茶餐廳冰室咁既坐位，枱上有佢地自己整既辣菜脯比客人自己落😁車仔麵麵底（$12）牛腩（$14）豬大腸（$14）雞翼尖（$10）呢度既車仔麵配搭好多元化，無論麵底定餸，諗得出既都基本上有，湯底仲有多款醬汁選擇，我就揀左腩汁，三款餸我都覺得揀岩，牛腩肉嫩，豬大腸大大粒，最正係個雞翼尖，整得好入味🍜招牌煎餃8隻（$45）煎餃有3款口味，韮菜豬肉，椰菜雲耳豬肉，芝士粟米，我地揀左雙拼椰菜同韮菜，芝士粟米就要加$3，佢地個餃子好有驚喜，裡面充滿肉汁，真係用皮簿餡靚黎形容都不為過🥟爆漿阿華田西多士（$38）呢個西多士都係佢地既招牌，餐廳牆身貼既西多士相出黎，賣相好吸引，西多士既中間係滿滿既流心奶，好正，個西多士可以揀花生醬或榛子醬，榛子醬就要加$2，我地都照揀榛子醬，覺得咁先夾個西多士，佢佈滿曬阿華田粉，啖啖都食到香濃既阿華田味😋凍檸茶（跟餐+$8）就係普通一杯茶記凍檸茶，冇咩特別🍹呢間車仔麵店估唔到佢其他食物係咁有

依日係深水埗路過見到呢間聚來車仔麵，款式多元化，睇黎唔錯一於入去食下先～車仔麵嘅餸料選擇算幾多，有肉食、丸類、蔬菜等，湯底係猪骨雞湯，可揀麵食或換菜底，仲有多款特色小食同飲品。五款淨餸 (菜底)    $72依碗冇麵係菜底，5餸揀咗軟淋嘅牛筋同有少少咬口嘅牛腩、牛味香濃，湯汁入味清甜嘅蘿蔔，豆卜好吸湯，魚肉春捲口感軟身、帶鹹香味，鮮甜豬骨雞湯底加沙嗲汁，濃郁可口，菜底有生菜或菜心揀，生菜翠綠爽脆。四餸一麵     $58另一碗嘅4餸係厚肉同牛味香濃嘅牛腩，嫩滑雞中翼，鹹香嘅午餐肉同腸仔，豬骨雞湯好鮮味，油麵好吸湯汁，口感很好，加埋自製沙嗲汁，少少辣，特別惹味。凍檸樂(+$10)及凍檸茶(+$7)，茶底唔澀，檸檬清香，可樂爽口，清甜解渴。

在深水埗，「聚來車仔麵」真係本地食文化嘅瑰寶！呢度嘅招牌菜絕對令人食完回味無窮。***鮮炸豬肉丸*** 每次來都食！外皮香脆，咬開肉汁四濺，仲有新鮮碎洋蔥，真係無得頂！🤤***爆漿阿華田西多士*** 超邪惡但好值得試。外脆內軟，阿華田粉與朱古力完美結合，唔試就會後悔！❤️‍🔥車仔麵典配料推介：豬皮、白蘿蔔、魚肉春卷、豬大腸，滷水雞腎。上海中麵係呢度又係必試之選。記得加腩汁同秘製辣汁，會令味覺神采飛揚！飲品推薦凍檸茶，係車仔麵最佳拍檔。店鋪係家庭經營，服務貼心，畀人一種回家的感覺。💖裝潢溫馨，雖然空間唔大，但畀人感覺舒適。總之，「聚來車仔麵」唔單止提供地道港式美食，仲有超誘人甜品。每一口都係味蕾嘅盛宴，絕對要試！下次想試佢哋嘅咖哩雞扒飯同黑華田脆脆特飲～ 🥳#深水埗必食 #香港隱世美食 #香港美食指南

接皮姐放工 去咗深水埗食晚飯想當年飯堂 都唔記得第幾刷啦呢幾年一直想帶佢嚟 終於得咗地理位置夠晒方便 唔會盪失路之前喺度 食過最出名嘅車仔麵同流心多士 今次食下其他嘢先-咖哩雞扒飯 ($50)秘製咖喱味好香濃 雞扒食落香脆且肉質鮮嫩對於吃貨嚟講 如果雞扒嘅份量多番啲就更好-香煎豬扒飯 配腸仔煎蛋 ($52)賣相好吸引 面上有好多蔥油 撈埋甜豉油嚟食無得彈皮姐話隻蛋超好食 對於佢嚟講 整體嘅份量啱啱好呢-招牌煎餃 ($63/12隻)揀咗個雙併 分別係韭菜豬肉同椰菜雲耳豬肉外皮煎得好香脆 饀料好足而且咬落勁爆多汁

聚來車仔麵 今日去左一間深水埗區因每日新鮮制作餃子＆鮮炸肉丸而出名既米線舖試下，雖然店舖環境雖小，佢地另外仲有滷水小食，套餐(飯）＆特色西多士等～ 💫招牌鮮炸肉丸(10粒)$35即叫即炸因而金黃香脆，唔會覺得放太耐會好乾既口感。內裡包住多汁肉餡，咬落去充滿濃烈既洋蔥味。可能手工制作果然特別彈牙，沾埋佢個秘制醬汁更加惹味～ 💫招牌煎餃(8隻)$45我叫左雙拼(韭菜豬肉+椰菜雲耳豬肉)，兩者外皮都皮薄勻稱，餡料肉汁飽滿同新鮮，無多餘脂肪。個人比較中意後者，可能椰菜同雲耳比較爽口，食起上黎口感豐富啲。 💫煎釀三寶(5件)$27組合有青椒茄子各兩件＆豆腐有一件。整體上食得出材料新鮮，而魚肉彈牙煙韌無腥味。 💫三餸車仔面$48湯底叫咗濃郁既沙嗲汁唔算好辣，飲完因無味精而唔會覺得有口乾感覺。米線方面口感煙韌幼身。而豬頸肉燒身周邊脆卜卜，非常惹味。春卷入面既魚肉幾彈牙；外脆內軟既口感。芝士丸比一般食開既大粒；咬落去爆哂汁好過癮～ 📍深水埗基隆街172號地舖

好耐冇食過啦！一直對聚來嘅車仔麵同西多士念念不忘，最近終於有時間去食！三餸車仔麵套餐 $47呢排好鍾意食豬手，所以逢親食車仔麵都要叫返個豬手嚟食下。呢到嘅豬手炆得幾入味，食落骨膠原滿滿。另外蘿蔔都係食車仔麵時必定要叫嘅餸，蘿蔔非常清甜，食得好滿足！淨冬菇 $30朋友好鍾意食冬菇，所以我地叫咗個淨冬菇嚟試試。冬菇份量都多，食落好有香氣，口感爽滑。芝士粟米煎餃 $42超鍾意食餃子嘅我係絕對唔會放過任何一個食餃子嘅機會！呢到嘅芝士粟米餃真係好特別好好味。今次食嘅時候感覺比以前洋蔥味重咗。爆漿阿華田西多士 $40隔咗一排冇嚟食，今次食依然保持到水準！阿華田粉+榛子醬+花奶真係最佳配搭！建議大家真係一定要試！

最近去咗深水埗一間價錢非常親民嘅餐廳，主打香港地道味道——車仔麵同咖喱飯。餐廳乾淨整潔，座位寬敞，令人感到親切又舒適。🍜 *四餸車仔麵推介* ： - _腩汁湯底_ ：湯底濃郁鮮香- _幼麵_ ：幼滑爽口的麵條充分吸收湯汁精華，- _豬手_ ：豬手炆得軟糯入味，皮滑彈牙，膠質滿滿，每啖都係滋味。 - _咖喱魚蛋_ ：魚蛋外層吸滿咖喱汁，香濃而不辣，內裡彈牙- _豬皮_ ：豬皮煮得夠腍，入口q彈，吸收腩汁嘅濃郁味道，是不容錯過的選擇。 - _蘿蔔_ ：蘿蔔炆至軟熟，充分吸收湯汁，入口甜美且充滿層次感。

今日就同朋友去左聚來車仔麵店內裝修簡潔, 車仔麵有超多款配料選擇秘製蔥油豬扒飯配餐肉煎蛋 蔥油嘅比例啱啱好,豬扒夠大塊配搭燶邊嘅煎蛋, 超級邪惡另外揀咗3餸面豬手, 豬耳, 豬紅配撘油面 豬耳咬落爽口, 豬手炆得好腍身, 豬紅洗得好乾淨, 油麵彈牙, 咖喱湯底係店舖自家熬製, 好入味, 加上秘製中辣辣醬, 辣得過癮牛筋, 韮菜餃, 豬肚配蕃薯粉+沙爹汁牛筋膠質好重, 韭菜餃餡料滿滿, 豬肚份量好多,薯粉口感煙靭, 掛滿沙嗲汁, 旁邊仲有特色菜譜, 加埋落麵度, 辣辣地更加惹味

一直都好想嚟試吓呢個特別嘅阿華田爆漿西多士，今日週末專程過嚟食🥰店舖細細間，但係入邊乾淨企理。店主一家都好有人情味。平時多數做街坊生意所以食材唔加味精。做質量同口碑。**阿華田爆漿西多士**：呢個西多士真係超級好食，外脆內軟，多士面層灑滿咗阿華田粉，切開嘅時候中間爆漿。好特別勁好味呀。 **秘製蔥油香煎雞扒飯**：雞扒煎得啱啱好，外脆內嫩，蔥油香氣濃郁，配搭白飯同太陽蛋真係好開胃**秘製蔥油香煎豬扒飯**：豬扒嘅肉質鮮嫩，蔥油令味道更加出色，飯底吸收咗肉汁 。好好味。跟餐奉送：熱華田熱好立克

呢度煎餃子同爆漿西多士頗出名，果然值得一試😃。🥢爆漿華田西多士：✨推介✨西多士撒滿華田粉同花奶，中間夾着花生醬🥜，多士艰潤唔會乾，而且冇咁油膩，一人食全份都唔濟👍🏻🥢煎餃（椰菜木豬肉餃+芝士粟米餃）：煎餃juicy! 芝士粟米餃味道好濃蛋黃醬味道，有日式風味🇯🇵。🥢車仔麵、冬菇、辣水魷：冬菇炆得又淋又入味，水魷用腐乳醬煮過好惹味👍🏻，食車仔麵當然配爽口油麵。魚肉春卷既腐皮有豆香。👍🏻

聚來車仔麵以家庭形式經營，店內裝修簡潔，以乾淨、健康，食材絕不添加味精，務求做到最好吸引食客。車仔麵價錢又平民化，而且配料及湯底更可以自由配搭。豬手、豬皮、魚片頭、貢丸、煎蛋、清甜蘿蔔配幼麵，豬骨雞湯底配沙嗲汁。豬手口感軟糯，香氣濃郁，豬皮、魚片頭、貢丸爽口彈牙，煎蛋香口，蘿蔔香甜，全部都好入味，湯底夠味夠香甜，幼麵底掛湯後彈牙又美味。豬手、豬皮、豬紅，豬大腸配米粉，豬大腸清潔得好乾淨，冇肥膏同異味，林度啱啱好又入味，豬紅都好夠滑，爽口嘅米粉浸在香濃的湯底，爽口又鮮甜。熱華田、凍鴛鴦：香濃美味，每啖都細緻幼滑。

在深水埗這邊發現了一家不但可以吃車仔麵還有好多小食，尤其是好出色的爆漿西多士！### 爆漿阿華田西多士 好誘人的西多士，切開之後，朱古力榛子醬如同潤滑的河流流出，西多士中間幾層夾住朱古力榛子醬，一咬就瞬間爆漿，整個口感層次豐富！### 爆漿草莓西多士整塊西多士不單止中間是草莓醬，表層也是士多卑利粉，好吸引人的粉嫩色，簡直就是少女心爆棚！### 椰菜豬肉水餃米線椰菜豬肉水餃米線是一道充滿東方風味的美食，讓人一試成主顧。米線滑嫩，吸附了湯汁的精華，還帶有餃子中的豬肉和椰菜香味！跟餐加左瑞士雞中翼略帶甜味的醬汁，為雞翼增添了豐富的風味，散發著誘人的香氣！

聚來車仔麵今次要介紹喺深水埗一間車仔麵店叫「聚來車仔麵」，呢間車仔麵店都好多明星嚟過，入面空間唔算好大，都夠一部輪椅入去，不過門口有一級，輪椅人士入去食嘅話，就要自備斜板！1.車仔麵套餐（4餸）$55+凍鴛鴦$3（9.5/10）車仔麵四餸揀咗牛腩、豬耳、蘿蔔同芝士丸，牛腩有4舊，有少少韌，白蘿蔔有5舊，每一舊白蘿蔔都好甜，豬耳有7條，芝士丸有2粒，仲有生菜，麵揀咗幼麵，辣度揀咗小辣，唔錯！飲品揀咗凍鴛鴦，凍飲只係加$3，係套餐加飲品嘅優惠，呢杯鴛鴦偏酸少少，都好好飲！2.咖哩雞扒飯$50+黑華田脆脆特飲$12（10/10）（原價$20）呢碟咖哩雞扒飯個咖哩汁係有少少甜甜地，唔食得辣嘅你都可以叫呢個咖哩，雞扒煎得外皮好脆，肉質幾嫩滑，好味！飲品揀咗黑華田脆脆特飲，原價單叫一杯要$20，依家跟套餐價一杯只係加$12，華田飲落唔會好甜，面上仲有薄薄地嘅脆脆，唔錯！3.爆漿阿華田西多士（花生醬）$38（10/10）呢個爆漿阿華田西多士有得揀花生醬或榛子醬（+$2），我揀咗花生醬餡，一個西多士就有三個味道，第一個味道阿華田，第二個味道朱古力醬，第三個味道花生醬，簡直非常邪惡，必叫之選！2人總共價

★爆漿阿華田西多士★ $40內餡可以揀榛子醬/花生醬招牌必點♥️係邪惡max的配搭😈阿華田脆脆+朱古力醬+流心奶+蛋香西多士+朱古力榛子醬朱古力星人最愛，超濃厚阿華田衝入個口度！每一啖都有阿華田脆脆，包保持鬆軟又有蛋香！PS☆ 其實小編四五年前就試過呢間嘅西多！！當時都未有其他餐廳嘗試呢種配搭，應該算係原創品🥹★招牌煎餃6隻★ $37鴛鴦餃不用加錢！揀咗椰菜+韭菜超級推介🤍一定要點！！！～兩邊都煎到超脆(๑>◡<๑)點用左少少生粉煎，見到有微微雪花❄️餃子皮薄內餡好多汁，食落好實淨，特別推介椰菜餡好清甜！★自選車仔麵★・牛筋、魷魚、蘿蔔 (低脂高蛋白之選) $49牛筋同魷魚都係低脂高蛋白之選～份量都幾多，牛筋煮到好腍好入味！魷魚一啲都唔韌，好彈牙爽口（≧∇≦）蘿蔔推介☆感覺到係新鮮好清甜，完全冇筋，吾係煮到好攔個種♡又有膳食纖維同維他命C試左朋友嘅牛腩唔會全部都係肥肓，半肥瘦花紋好平均(//∇//)幼麵質軟硬適中，唔係超難咬斷嗰種★黑白華田脆脆特飲★ (跟餐) +$12$12真係超抵飲，白華田同平時嘅阿華田好似，不過白華田係牛奶麥精，阿華田會多咗朱古力味～面頭加左大量阿華田

今日去咗深水埗買電腦，行過見到有間車仔麵，決定入去試吓，叫咗五個餸： *雞中翼* 、 *牛筋* 、 *冬菇* 、 *魚肉春卷* 同 *魚片頭* ，配埋 *幼麵加腩汁* ，*雞中翼* 🍗：煮得幾入味，肉質嫩滑，完全唔會覺得乾。 *牛筋* 🐮：燉得夠淋，充滿膠質感，入口即化，味道一流！ *冬菇* 🍄：吸晒啲汁，香口又入味。 *魚肉春卷* 🦐：外皮香脆，魚肉鮮甜彈牙，口感非常好，值得推介。 *魚片頭* 🐟：口感爽口彈牙，簡單但美味。 *幼麵配腩汁* 🍜：幼麵煮得啱啱好，唔會太淋，腩汁濃郁，撈埋啲餸一齊食，真係好味！