聚來車仔麵

營業中

休息中

嚟到深水埗區有好多美食，亦都有好多文青cafe，但呢次我哋專登嚟呢間聚來車仔麵。佢哋除咗有車仔麵之外，仲有馳名嘅煎餃，當然唔少得係佢哋嘅爆漿阿華田西多士。車仔麵佢哋嘅湯底用咗豬骨湯，完全無味精，佢哋有好多不同嘅餸可以揀，我哋呢次就揀咗牛腩，魚腐。佢哋嘅牛腩唔會話好碎，大大舊夠哂有咬口，同埋好入味，魚腐就正常發揮。煎餃方面我哋揀咗最近新出咗嘅芝士粟米餃，呢款係素餃，無肉㗎，入面有好香濃嘅芝士同香甜嘅粟米，口感同味道都好豐富。最後嘅爆漿阿華田西多士，比預期嘅無咁甜，有好濃郁嘅阿華田味，亦都加咗花奶煉奶，入口味道變得更加豐富，而邪惡度亦都變得更高。