聚來車仔麵

營業中

休息中

網上睇到一個勁邪惡既流心阿華田，想去好耐架啦!今日就去一試。地址話係近深水埗的，其實都唔算近哦，出左地鐵仲要行10分鐘。好不容易揾到啦，係一間好家座式既餐廳。【爆醬阿華田西多士】加2蚊轉朱古力榛子醬，最期待的畫面出現了。切開流晒榛子醬出來，好吸引。食落去以為好甜好膩，點知唔會，好輕鬆就食晒整個西多士。【招牌鮮煎餃子】自家新鮮制作，有韭菜，椰菜同芝士粟米，可以雙拼哦~韭菜惹味，椰菜爽甜，煎得香脆，好多汁水。【車仔麵】有好款都好想食，今次就揀左幾款推薦既試下。滷水豬腳同豬肚。2款都滷得好入味，豬腳好淋有膠質，豬肚爽口。