甘棠燒鵝

營業中

休息中

第一次嚟南華會入面食飯以為要做會員先入得 又唔洗門口登記個counter都無開就直入竟然主動問你有無安心出行無就要留低個人資料一上枱以為嚟錯 似燒鵝飯多啲好彩都有舊腳骨睇到肉唔算太多，調味同皮燒得幾好條生菜都唔同啲 加埋環境招呼 對得住價錢仲有鵝汁餸飯勁好味但唔知點解啲枱布好似洗得唔太乾淨一撻二撻咁

嗰日睇電視見到蔡瀾介紹，即刻好想食了，此位於南華會保齡球場裏面的甘棠燒味，佢哋有鏞記燒鵝嘅班底所以呢度嘅燒鵝非常出色，因疫情關係，佢哋只可以做外賣，唔可以堂食。但係估唔到打開外賣盒，燒鵝依然十分漂亮，有油香和外皮依然脆身，非常好味，最緊要托底的豉油豆豆是本人的最愛，因為大部份燒味店都冇做了。甘一刀叉燒，用上梅頭肉最頂部份，非常有油香，平時會比燒燶，但係切咗出嚟燒比較少見，到佢黑漆漆的，但一啲都冇燶味，又香又有肉味，外皮麥芽糖好吸引，色澤晶瑩通透，係本人最愛帶甜味的叉燒。蝦子札蹄，傳統嘅小食，用上腐竹皮包住蝦子製作，味道好清爽，唔油膩，最緊要新鮮做，所以唔會有種有油益味。懷舊札蹄，傳統做法，做工非常繁複，用咗豬蹄皮釀肉，風乾之後切片，味道非常之不錯，真係唔講都唔知嘅功夫菜！滷水拼盤味道都不錯，滷水味有陳香，唔會死鹹！驚唔夠飽，再叫咗個螞蟻上樹，有少少花椒辣味在內，所以非常惹味，會越食越上癮。糯米飯亦非常乾身，臘味夠美，下料非常多。其實仲有好多餸想食，不過因為只做外賣，所以要等一次。每人都係$300，今時今日咁嘅價錢，提供咁嘅懷舊菜，真係不可多得，所以有機會吃多幾次，希望疫情之下唔會受到太

原本好期望這一餐. 専登打電話給甘先生訂位因為有個好朋友在instagram post 了好正的食物相. 但可能我訂的時間在下午2:00pm 太晚所以去到想吃2隻鵝髀和甘一刀叉燒都話賣晒....都算數了因為都係自己錯了怕多人所以訂2pm. 但介紹我加炒個菜....上湯蒜子豆苗收我$198...我就覺得過份咗⋯⋯在那个环境的餐廳??? 原本想晚上特登再去吃甘一刀叉燒都立刻取消念頭. 我們那碟燒鵝和西班牙豚肉叉燒都好一般還平過碟豆苗!!!

需要是南華會員才可以進去食飯，因此又要麻煩人去訂位啦！還是4人令時吃的。今次叫餸菜的是朋友安排，所以之後才發現有兩款叉燒，朋友介绍這裹的紅酒是經濟又靚的，亦叫了一枝品嘗下，$380元2010年法國酒，看這些資料已覺不錯，我不太會喝，只知不用唞氣太久就可渴，易入囗不算貴。今晚叫了出名的甘一刀肥膿叉燒例牌，介绍說用西班牙豬，制法同傳統的不同，較為膿香味道亦無傳統的甜味，因大件及有脂肪位，所以吃兩件已足夠。燒鵝胸合不喜歡吃骨的人啖啖肉，肉質幾好，但如果選吃燒鵝背應多分甘香。菜遠抄斑球很多地方都會煮得較老，但斑球雖然厚但仍然很滑菜很翠嫩因吃了很多肉又些肥膩，叫了一份松花皮蛋半隻配酸薑大家不妨一試都係30元，可惜無影相。

鏞記自從家族糾紛之後, 以鏞記之名開的新餐廳並不少, 例如甘牌燒鵝及甘飯館, 前者質素大不如此, 後者已經結業, 而這家甘棠燒鵝也是其中一位甘家後人, 以及前鏞記燒味部總管棠哥主理, 也就是”甘棠”這名字的由來. 位於南華會會內, 租金消費較低, 所以菜式價格比鏞記便宜. 來到這裡當然要點其燒鵝, 新鮮燒起的燒鵝再在上面淋上鵝汁, 和鏞記味道有90%以上相似, 尚算滿意. 最驚喜的是甘一刀肥叉燒, 以梅頭肉的第一刀做叉燒, 脂肉層次分明, 上面皮脂部份燒得焦香, 內裡瘦肉火候恰到好處, 肉質保持嫩滑, 肉汁和油香豐盈, 厚切的外表更令人垂涎欲滴. 另一道鏞記名物鵝油撈麵就有點令人失望, 梘水味太重, 重得蓋過了鵝油的香味, 吃下去味道有點苦澀, 和一般粉麵店沒甚麼分別, 這就有點失望.

論燒鹅，鏞記，甘乜，甘物，深井各店都有試過，今天有空特去甘棠試試，在南華會保齡球埸內，地點很不方便！因是自己一人，所以簡單的點了一客义鵝飯+一碟豉椒鵝腸，價錢OK，份量頗大，味道不錯，是數間中較好的一間。不知是否心理作祟，還是現時要求高了，始終覺得燒鵝的味道不如最早期的鏞記！

7月期間，去試下佢啲燒味，一入門口只見座位迫迫夾夾，1.5米都冇，ok fine。咁$70叫佢個叉鵝飯，一講就把幾火，啲叉燒片到有幾薄得幾薄，啲燒鵝有幾細舊斬到幾細舊，完全體現出師傅既刀功，放落口都唔洗點咬，唔講以為正常份量要另外加錢咁，孤x寒！我食完先知呢間水準同茶餐廳出品冇分別，其實叫自己做燒味起家，反而都冇心機做，咁小菜啲嘢水準會好得去邊？一間野好唔好食從來唔係靠牌頭，不如唔好叫自己師從鏞記喇，影衰人。

「邊個話我儍儍儍，我請你食燒鵝鵝鵝。」不知何時學會這首歌！來到「甘棠」，是被請食燒鵝的一個晚上，高興啊！我不太愛吃燒味，不過在云云的燒味中，燒鵝的確是我的心頭好，更何況是前鏞記燒味部總廚馮永棠的出山燒味，不愛燒味也得去試試！友人們一早寫好菜單，先來幾款燒味前菜，包括金錢雞 HK$60 (兩件)、滷水鵝肝 HK$80 (兩件) 和蝦子扎蹄 HK$70 。金錢雞大抵放涼了，不見得怎樣脂香和甘口，反而喜愛屬瘦物的蝦子扎蹄，帶著點到即止的蝦子鹹香，與及的千層腐皮的豐富口感，蝦子扎蹄意外的好吃，加上價錢又划算，份量足，一定要吃！滷水鵝肝似乎比預期遜色多了，質感不夠鬆化，在沒有肝香下，風味淡然，有點失準！繼蝦子扎蹄後，甘一刀肥叉 HK$150 是當晚的大驚喜。烤得焦黑的甘一刀肥叉，看起來不怎吸引，但一經咀嚼那厚切的「烏卒卒」，即時呈現出從未有過如此鬆化與嚼感的完美融合，輕重得宜，口腔仿似被按摩似的舒泰，口感的確無與倫比， 不經意肥叉又滲出潤而不膩的脂香，快哉快哉！如果不喜愛叉燒上黏著厚厚一層麥芽糖，甘一刀來得清爽利落，絕對值得一嚐。記得甘一刀肥叉是限量供應，提前預訂較穩妥！蝦子扎蹄和甘一刀肥叉是我

2020年的院友生日飯聚在7月終於一次過可跟三位院友一同慶祝！嘴刁的占占和院長吃過南華會內的甘棠燒鵝也覺得非常不錯，那就在這天到來慶祝兼相聚還請來車爸爸和沉大師兩位吃得之人來幫口呢！ 為何老遠走到保齡球場來吃頓晚餐！皆因甘棠燒鵝乃是鏞記老闆甘健成的遠房親戚甘生和店內頭號燒臘師傅棠哥合伙開設，光是這個賣點足以令我追隨到來吧！ 位置保齡球場同層可邊欣賞人打保齡邊吃飯的感覺又挺特别！ 甫進店內眼睛已被大大隻的燒鵝、燶邊叉燒和邪惡的金錢雞勾引著！還有潮式鹵水也相當吸引啊！不枉我只吃了丁點早餐來品嚐這頓豐足的盛宴。 先上檯的是蝦籽紮蹄＄70！一層與一層之間有點空隙不會紮得太實，意味著可藏有更多的蝦籽而味道亦調教得恰到好處好吃，不過吃起來我覺得質感似素鵝多過紮蹄多些！ 鹵水鵝肝＄320/4份口感嫩滑沒帶一絲惱人的筋膜，鹵水味幽幽的未夠我喜歡的重口味！但為肝死為肝亡為肝跳上無情磅也是心甘情願的！ 甘棠懷舊金錢雞＄240/4份，山雞可變鳳凰窮人恩物金錢雞亦可變上菜！將雞膶、冰肉梅花間竹的層層串起來燒製而成，吃下那麥芽糖的香甜味非常突出，最正當然是那不油膩的手工

久仰甘棠燒鵝大名，由前鏞記燒味部總管主理，隱身於南華會內，開業短短一年，已經有大把fans，非常旺場。這裏的燒鵝只用4斤12到5斤的鵝，皮夠厚，燒出才夠脆口。燒鵝擺盤非常有氣勢，以「大鵬展翅」之貌先聲奪人。師傅說全鵝斬出來需要72刀，切好再拼回，真係少啲功夫都唔得。再倒入秘製燒鵝汁，為鵝肉保持濕潤及提鮮。仲有一款琵琶鵝也值得大家試一試。同普通燒鵝相比，琵琶鵝的皮更香脆，皮下脂肪亦非常少，鵝肉雖不及普通燒鵝豐嫰滑，但鵝香十足，也是另外一種食法。除了燒鵝， 甘棠的叉燒個人認為更出色，這裡的「甘一刀肥燶叉燒」選用「天下第一刀」的脢肉最頭一段部位，肉質特別軟腍。師傅將肥膏位燒焦，吃來肉質鬆化，亦減少了油膩感。除咗燒味，一定要吃的還有金錢雞、蝦子紮蹄、滷水墨魚、滷水鵝腸及滷水鵝紅。

Actually I have been visiting this restaurant for so many times as it is in my neighborhood. Regardless I dine in or order takeaway, their food is always yummy. Here are the items that one cant be missed:1, 金錢雞2, 豉椒炒鵝腸 。他們選用的是新鮮我腸連鵝肝3, 粉絲蝦煲4, 燒鵝5, 甘一刀叉燒可以睇得出佢哋全部都用心製作！限聚令解除咗可以約三五知己嚟食啦！因為太好食，所以我成日都唔記得影相😆另外一提：雖然他們是免收服務費，但是餐廳經理及服務員態度非常友善！i love them!

新型冠狀病毒肆虐全球，當中國公佈的感染數字稍見緩和，然而其她國家卻出現了社區爆發。在疫情未有消退的勢頭，人們其實很應該多留在家中，減少外出、聚餐與及大型公眾活動。然而生活在這繁華的都市，香港人就是悶不得。乖乖地留守家中一、兩天，沒多久便叫苦連天。在疫情爆發的初期，街巷商場端的少了人，可是隔了幾週，似乎市民都安耐不住爭相外出抖抖氣。星期日假期，食癮引不住發作，咱們一行四人毋懼風雨出發到南華會的「甘棠燒鵝」吃飯去。在這高傳播的病毒底下，零售食肆可謂雪上加霜。經歷前一陣子社會運動牽起的寒冬，現在的肺炎疫情更導致進一步的百業蕭條。失業、減薪、無薪假⋯⋯為了支持香港，這天一於盡情消費！在人流減少下，「甘棠燒鵝」午市堂食並不滿人，反而外賣相應地增加了。咱們四個人坐上餐廳中央的八人圓桌，地方寬敞之餘，各人相隔亦有一定距離，加上每人均有自己的一對私筷與一對公筷，即使飯聚也盡可能減低感染的風險。食燒鵝這樣濃味的食物，最適合配搭紅酒。這支2014年法國波爾多的紅酒味道均衡，酒體中厚，柔和的單寧正好混融燒鵝的油脂重膩，令食物與紅酒均得到盡情發揮。滷水鵝肝色澤清淺，鵝肝之中央尚保留著鮮嫩的粉紅。毛毛叔驚訝於出

保齡中的甘棠燒鵝早排去左位於南華會保齡球場的「甘棠燒鵝」食飯！今日就來一個Review!金錢鷄金錢雞係中國的傳統食物！今次係我第一次試食「甘棠燒鵝」的金錢雞！雞肝外圍微燶！入口時，肥豬肉與雞肝馬蹄 及蜜汁調和得很好！加入馬蹄令金錢雞整體上減少油膩感👍🏾招牌叉燒厚身既叉燒，面層是一層厚厚的肥膏，黏著半肥瘦的肉。雖然食落好邪惡，但呢個叉燒真係必點！西洋菜生魚湯西洋菜都煲到溶哂，連外貌都見到個湯深綠色！飲落味道非常濃郁👍🏾👍🏾👍🏾甘棠燒鵝燒鵝肥瘦適中，但温度略差，冷掉了！整體來說，味道是可以的！蝦子札在腐皮卷中包裹著蝦子，味道很鮮！這個菜真的很特别！值得一試！潤腸和皮蛋我向來都不愛吃，雖然有食，但就不加評論了！鵝腸墨魚比較普通！鵝腸有肥膏！墨魚沒有什麼味道！整體來講，間中一次就好，食材都是三高之選😅😅😅 但味道是可以的！不喜歡食內臟的人就未必太多選擇了！

呢一日嚟到南華會練習哥爾夫球，練習之前食返餐飯先有氣力打。同事帶咗我嚟依間燒鵝餐廳，就喺南華會嘅保齡球場隔離，食完可以即刻去打番場保齡球，唔使行嚟行去，都幾方便。我哋叫咗半隻燒鵝加兩碗白飯兩個人分，燒鵝嘅質素高，兩個人分價錢亦都相宜，睇住人哋打保齡球食燒鵝，都係一個幾特別嘅體驗

轉燈揸車去南華會食， 因朋友介紹我嗰度開咗一間， 所以專程去食 ， 因印像中鏞記後人軒尼詩道嗰間都好好食， 一去到餐廳二話不說 就叫燒鵝瀨，食完後， 最終食淨一半燒鵝 ,令我第一次，還要係即塲寫食評，因真係好嬲，出名係燒鵝嘅地方，但燒鵝竟然唔好食，好鞋，咁難食， 首一路食一路起喳,無味，燒鵝汁唔得， 瀨粉一般正常唔係突出 ， 另外小菜牌係小菜廳價錢但茶餐廳裝修，不過唔收加一可以接受， 其實初初一入去見到冇乜人幫襯， 都只係覺得可能喺南華會應該冇乜人知 ，点知香港人嘅答案從來都唔會錯，總結：唔會再來