甘棠燒鵝

營業中

休息中

打完保齡球，於球場內食店晚餐，點了燒鵝瀨粉和桶子油雞瀨粉，燒鵝皮脆，油脂適中肉香，正，勝過不少名牌，而油雞入味不肥，好味道，總括黎講性價比高，必再光顧，試更多些小菜吧。

來到這間晚餐， 八點半冇訂枱， 很快就入坐了…燒鵝叉燒拼，這些燒鵝好肥， 脆香皮面夾著肥膏多過鵝肉， 還好沒有鵝的蘇味， 入口成口油， 附上甜酸汁一定要点， 起碼可分散那種油膩。叉燒們大舊切， 有豬肉味帶著很甜並沒有叉燒的調味， 肥瘦算是正常比例。以上的它們是坐著甜豆的， 這些甜豆比焼鵝同叉燒們還要好吃…菜遠炒斑球，菜心們鮮嫩的， 斑塊們肉厚帶有點腥， 配料的薑片；韭黃段要夾著斑塊一起吃可以阻擋一些腥味。同枱還有叫來白飯同啤酒陪伴。。

在電視節目中看到位於南華會保齡球場的「甘棠燒鵝」，心絲絲又食癮發作。正藉婆婆壽辰，遂相約品嚐。週末6時半，雖然店子尚未現人潮，但訂檯一早便已爆滿。婆婆、姑姑與影子姐姐先一步到達，咱倆則隨後趕上，還帶上一瓶紅酒。紅酒給放在車尾箱裡焗了整天，食家老闆立即發現溫度太高，提意幫咱們先雪雪降溫。有著食家老闆的指引，美酒佳餚當少不了。當甘老闆四處忙，收銀姐姐熱情地為咱們推介琵琶鵝，說本來必須預訂，但剛巧有食客取消了才有幸品嚐。其實老伴等都喜歡吃馳名的甘棠燒鵝，不過盛情難卻下便試一試新品。來過多遍，老伴早是識途老馬，毋須參考餐牌，招牌的「甘一刀叉燒」自然不可錯過。厚身肥滿的叉燒來自西班牙黑毛豬之梅肉，面層是一幅厚厚的肥膏，之後便為黏著脂肪的半肥瘦嫩肉，愈往下伸肉質便愈見乾瘦。甘一刀則是由上方橫切出來的第一刀，肥膏與嫩肉相雜。在火爐燒烤時大廚技巧地化脂肪為香膩的肥油，其中又精確地保留著些許肥膏，令肥肉與脂肪交繪共融，製作出完美口感。出菜時一客六件，方方正正的肥叉排列出鳯尾扇狀，賣相美侖美奐。姑姑和影子姐姐初次品嚐，驚為天人地讚不絕口。上次吃的滷水鵝肝讓小的回味無窮，今趟再度添食。這碟滷水鵝肝稍見乾身，

同老婆慶生，見棠哥係電視賣廣告。咪去試下。食的東西是 ok 的。金錢鷄，鵝血，叉燒，鵝腸，味道不錯。但服務。。。。九流。 環境已經好細連屋村酒樓也不如。我哋自帶酒，也自帶酒杯。一隻日本帶回來的手造金色清酒杯，竟然當酒樓餐具收咗😠😠。馬上叫部長去找，找咗十五分鐘，竟然同我講話找唔到。我當場爆 seed. 之後死死地氣去再找。再十五分鐘，終於找到出來😠😠😠😠。如果唔爆，成千蚊隻杯就唔知去咗邊。不知所為。廚房幾好食都無用。。

阿仔響南華會游完水，兩仔爺揾地方醫肚。行入去甘棠，我最愛燒鵝，阿仔係叉燒迷，可以日日食都得。咦，幾好生意，坐冇虛席。我地道名來意：兩位，門口阿姐要再問另外一位阿姐，先可以帶我地去一張已搭咗兩夥人嘅大枱。放低餐牌，佢加一句話晚市只可叫小菜，唔係好明咩意思，我估係話唔可以叫碟頭飯之類，但同個仔食飯都冇諗住叫碟頭飯，我地咪跟遊戲規則，可惜之後有個單身客坐低，只係叫咗碗鵝胸瀨，早知.......話題返嚟點餸，叫咗個燒鵝脾，炒菜心，叉燒有兩種：肥燶及西班牙豬，因為燶叉燒小朋友唔啱食，叫咗另外一種，但要半肥瘦，加白飯一碗。菜心好嫩，正，叉燒面頭係好肥好肥又燶，底下係好瘦好硬嘅所謂“西班牙”叉燒，原來半肥瘦唔係卡喇卡喇個種肥瘦，係肥叉放上面瘦叉放碟底咁擺。阿仔食咗幾舊話好苦同乾硬，話南華閣啲叉燒好食啲(聲明：我地同南華閣冇關，亦因服務差己被剔除考慮之列)，其實名店出身燒臘師父使乜搞綽頭嘢，西班牙叉燒只代表兩樣嘢：雪藏、貴，搞返好啲本地豬半肥瘦仲好，人地好多都做到。食完叉燒、菜同飯燒鵝脾都未嚟，追咗三次先嚟，又係傳統中餐廳，驚死俾師父鬧，一個推一個，最後先硬著頭皮問個繞埋手冇嘢做嘅燒臘師父，先肯開刀，

自問不是一個專業食家 （最多只能說是業餘愛好）， 但也喜歡到處找新餐廳去嘗試。當然，當中有一些餐廳也不是特別好，但我也沒有試過在openrice寫不好的食評，因為我相信人各有所好，我不喜歡的可能別人會喜歡。但這一次的經歷真的令我大開眼界，忍不住要馬上開一個帳戶跟大家說說我的經歷，實在不能相信這家餐廳的服務水平能差到如此地步。首先，說說這家餐廳的來歷。相信很多人也知道，這家餐廳的主廚是鼎鼎大名的鏞記酒家的棠哥，很多人也會慕名而來希望一嚐棠哥的手藝，而開在南華會的原因也是因為南華會非常親民，會費也不貴，讓普羅大眾也有機會一嚐棠哥的手藝。當然，這個普羅大眾也包括我 － 當我在網上看到有關這家餐廳就馬上打電話去訂。3天前我訂位時，那位姐姐說3個人不能訂，一定要walk in, 然後告訴我6:00pm到都ok。好，我6:15到，結果這個時候接待員說餐廳已滿，請我們叫外賣，還跟我們說下次打電話來訂位只要找她她一定給我們位子。由於當時十分肚餓，我們便叫外賣。當時我們在想應該叫一份燒鵝還是半份燒鵝，由於我們還想試其他小菜，於是我便問她們 “半份燒鵝有幾大”，一個正常人的答覆通常也是“夠X個人食甘啦”此

真係好好味！！懷舊金錢雞，第一次食真係正,肥燶叉燒，燒鵝真係食過番尋味。好多款都係第一次食，真係大開眼界價錢對比其他，真的不貴，仲可以一邊睇人打保齡球真係一個全新嘅體驗下次一定要帶屋企人去食前鏞記多年燒味主廚退而不休，開咗呢間，繼續整好嘢比大家食，每款都值得試甘棠燒鵝皮脆肉嫩，肥濃叉一試難忘，海蜇扎蹄得獎名菜，金錢雞回知無窮......太過太多菜都好想試，呢度真係可以變私家飯堂了今晚個個都捧住個肚啊！😁😁😁

全晚只拍了一張照片，因為只顧談笑風生。前菜來了滷水鵝腸，鵝翼，好吃入味，有肥膏的鵝腸。然後來了好吃的叉燒，焦香黏牙的外面，軟嫩而不會鬆散的肉質。乳豬普通，皮脆但不鬆化。金錢雞燒得不錯，但沒有溶為一體，少了豬肝，多了馬蹄，雞肝挺香。主角燒鵝真的有點失望呢，不是燒得不好，皮脆肉札實，是燒鵝沒味道，完全沒鵝香。西洋菜生魚湯，西洋菜都煲到溶掉，湯頭非常綠色和味道濃郁，不過就是味道濃一點的西洋菜湯。炆班翅，其實是炆魚的鰭，味道就還可以，魚肉外面的部分少少鞋，裡面的就嫩滑。大蝦煎米粉底，米粉煎不夠，獻汁太多。

經朋友介紹下到甘棠一試，環境寬敞，食材新鮮，味道一流，印象最深就是义燒瀨粉，湯底十分足料入味，冇味精。還有金錢雞，我係第一次食呢道菜，知道製作過程需時，但真心佩服甘棠師傅依然用心製作。值得一試！

經過朋友介紹，去咗「甘棠燒鵝」試試。聽講3月17日先啱啱開張。裝修非常舒服及High Class，好似入咗一間富豪飯店一樣。望一望個Menu，「依」⋯⋯價錢OK喎！再同我個朋友傾傾，原來發現老闆係食家「甘焯霖先生」，仲有「前鏞記」燒臘部主管棠哥重出江湖。食物唔算等太耐，叫咗碗燒鵝瀨粉，食到我津津有味。食完我已經好飽，但我仲想食多碗。佢哋啲湯底，瀨粉，燒鵝真係一絕，三個字「冇得輸」。水準已經超越中環嗰間多多聲！服務員非常有禮貌，個個都笑容滿面！我真係食得非常開心！成意推介「甘棠燒鵝」！

係公司附近有新餐廳我點可以唔黎試吓。佢就喺南華會保齡球塲隔離，中午時間唔算太多人，可能新開張冇乜人知道。環境不錯👍🏻👍🏻嚟到就梗係要試吓佢嘅燒鵝啦，點了燒鵝瀬粉，湯底好濃，燒鵝不會太肥，好好味，不過粉就少了一點。下午茶嘅話啱啱好👍🏻👍🏻👍🏻不過價錢就差不多$60，不包括飲品。所以抵唔抵食就見仁見智啦😁😁😁😁

食而優則廚，一個會吃的饕餮，自不然也懂得點點的廚藝。而一向識飲識食的美食世家螯服多年終忍不住技癢，實行開間餐廳自家經營。既可讓不世的美食功業得以承傳，又可慰勞一班同樣熱愛美食的同好，酒逢知己，樂不思蜀。繼西環「富寶軒」，甘生這次以大股東的身份全資經營，在他的地頭南華會會所聘來昔日「鏞記」的大廚開設「甘棠燒鵝」。一向廣結好友的甘生甘太在開幕當天高朋滿座，人潮節次鱗比，敬送祝賀的花束多得由餐廳直排到樓下的樓梯。當日所見窗櫥內的燒味滷水甚為吸引，適逢老媽壽辰，姨姨又從廣州來港，於是小的便在數天後的晚上特意帶同爹媽姨姨到南華會正式品嚐美食。從銅鑼灣走向南華會其實只須十數分鐘的路程，只是沿途斜坡，膝蓋不好的便會走得辛苦一點。咱們先經過南華會高座兼停車場入口，看到指示牌繼續往前走，沒多久便會見到保齡球場的入口，「甘棠燒鵝」便位於一樓。餐廳的裝飾簡約雅潔，高身天花設有精緻的滿天星吊燈。方形的桌椅供二人或四人享用。然而只要將一系列的方桌並排，便能組成一張碩大的桌席，可變作十多人一圍的盛宴，實在是變化多端，進可攻、退可守。餐廳新開張，甘生甘太都身先士卒地積極參與。難得見到老闆，咱們當然選用老闆的廚師發辦