甘棠燒鵝

營業中

休息中

外賣買過好幾次，今次即興堂食，試吓他的真功夫。點了幾個小菜，當然有燒鵝啦。燒鵝新鮮熱辣，比起外賣真是好吃很多，皮脆肉亂，而且肉汁豐富，係值得一試。因為太好味，令到大家都想飲番杯，現場點了紅酒。紅酒配燒鵝，真是人間美味。我們也點了燒腩仔，也是送酒之選，但就沒有燒鵝般出色。還點了蝦子扎蹄，是古老傳統菜，很久沒有吃了，也覺得很美味。也點了其他小菜例如紅燒豆腐，粉絲蝦煲，等等。但始終都是燒味比較出色，已經約好朋友，下次要自備紅酒，再把他的名菜，例如琵琶鴨等等試一試！

第一次品嚐甘棠燒鵝的招牌「甘一刀肥農叉燒」是在今年一月份。當時沒有堂食，買了一份招牌叉燒及燒鵝下庄。叉燒控的我簡直瞬間愛上了份叉燒：肥瘦適中，簡直無懈可擊的味道！前幾天推介朋友一起在這裏用餐，還極力推介他們的叉燒。點知….份叉燒一到，見到黑蚊蚊，同上次有出入，即刻攞返舊相出來做對照。另一半提我這個叉燒是用了黑豉油的。最後我們的舌頭發現燶味較多，黑豉油被燒焦了😣。朋友亦覺得叉燒太肥。反而伴碟的蜜豆水準和之前一樣咁好味。燒鵝方面，今次四人叫了半份，還叫了瀨粉及甘棠撈麵。都算過得去，但肉質比起上一次沒有那麼嫩滑。本人喜歡滷水鵝肝，入口即溶，但當中有朋友不太欣賞，喜歡硬身些的鵝肝。（份量較細，一碟兩件 $100，沒有影相）懷舊紮蹄比我想像中好味，用了玫瑰露去製作。招牌叉燒及燒鵝的水準如果可以穩定一些就好了，這方面甘棠可以注意一下⋯⋯

Starving. Dinner in the private room, which was aptly named the “bowling room” cos of all the decorative pins stuck on one side of the walls.Stuffed myself with the 皮蛋 whilst waiting for the late ppl. Not bad.The Char Siu came next. There were 2 plates- one consisted of very fatty ones and one was thickly sliced. These gotta be the best char siu I’ve had. Sides were crispy; black but not too burnt; meat was so tender and juicy. Yum yum yum 💯Everyone has high expectations for the 燒鵝皇 (they said t

It has been some time since my last siu mei feast. Siu mei is usually classified as starter instead of main. But as a siu mei lover, I am more than happy to have a feast with just siu mei. If you ever visit Kam Centre, you might also want to have a full table of siu mei for the meal. They are the protagonists here and you would not dare to miss it😆甘一刀肥濃叉燒 𝐒𝐢𝐠𝐧𝐚𝐭𝐮𝐫𝐞 𝐁𝐁𝐐 𝐏𝐨𝐫𝐤The char siu here is legendary, arguably the best I have ever tried. Their appearance has significant difference compared wi

香港所謂燒鵝名店之一，咁岩出開銅鑼灣一心諗住去打卡當然要試試。睇廣告就好似好吸引咁又刀法又點驚天地泣鬼神，食落其實沒有想象中好味。先講價錢，一碟飯都挨近一百蚊，但係份量就細，燒鵝都係零丁幾舊，蔬菜也只有兩三條，都唔緊要，有乜理由連碟飯都過份地細， 正常人真係點夠飽定係專登要人再嗌多個拼盤食? 認真有懷疑！講番主打既燒鵝，一點都不好吃，又凍又碎的，肉又柴又乾到不得了，根本吞不下去，同廣告完全係兩回事， 真係中伏！還話要加收服務費，明明服務態度也不是很好！

一間看似不起眼的燒鵝店，更加需要是南華會會員才可進入。即場入會都是可以的，如果住附近或者覺得可以再食，都不防做會員。$100一年，我們一行4人，每人除開都係加少少錢。食物方面，一萬個可惜我們去到時沒有叉燒，佢既叉燒超吸引，侍應話要等下一輪，要食就要等個半鐘。結果我地食飽飽時就出爐了。叫了半隻燒鵝，蝦子扎蒂，滷水墨魚拼鵝腸。燒鵝好食，唔會太油，多肉！蝦子扎蒂都好食，不過略嫌有少少貴，件數不太多，可能係蝦子貴，上菜時仍然是微熱，這樣很重要。滷水拼盤墨魚同鵝腸都係比較貴，佢哋話係用新鮮墨魚，所以比較貴，口感同味道真係有分別，爽口但淋身，貴少少都接受。整體來講都係好食，下次一定要試到叉燒！

放假都要搵好嘢食啦！今日又去咗甘棠燒味坐低第一次食堂食，好多人都冇寫過佢哋的燒味，其實呢度嘅滷水做得幾出色，今日叫咗個滷水鵝腸拼墨魚，鵝腸十分爽脆，脂肪亦清潔得好乾淨，冇躁味，入口好彈牙，墨魚爽口，又彈牙食得出係新鮮貨。之後叫咗甘一刀，係叉燒最肥嘅位置，非常之柔潤，外層好香口，睇落去好似好燶，其實入口剛剛好，雖然感覺好邪惡，但係食一兩件都OK。燒鵝处皮香脆，肉多汁又夠香，四個人食半隻啱啱好。點一條清蒸海黃花魚，老闆話唔係成日有，仲要係新鮮游水嘅，咁今日嘅要試吓啦！魚上枱果然夠滑，有魚味，上枱啱啱夠熟，加上豉油同埋蔥絲，非常之好味。其實甘棠燒味真係從來唔會失手，可惜係位置有啲吊腳，喺南華會保齡球長旁邊，但係為咗好嘢食，我都都唔介意。

今天第一次踏足南華會，但不是做運動而是跟朋友去吃午飯。今次是專程去食甘棠燒鵝。我們一行四人，所以只點了一碟例牌燒鵝，四件金錢雞，一碟蝦子扎蹄，一碗叉燒瀬粉，一碟燒腩仔撈麵，再加一諜雜菌炒蓮藕片。先來金錢雞，吃進口的第一感覺是”甘味”，甜蜜豐腴的雞肝加上冰肉，腦海裏有兩三秒停頓，只為想留低口腔中美味的記憶。跟著期待的燒鵝到了，第一件吃了帶骨的鵝背肉，入口非常軟熟多汁，燒鵝皮的豐滿油脂在口腔中散發，只能用一句”非常正”去形容，繼續再吃了兩件比較多肉的鵝胸肉，都不會覺得”鞋口”。繼續再食叉燒瀨粉，叉燒應該喺普通豬梅頭肉，但都燒得啱啱好，肉質嫩滑，叉燒醬料味道不會太鹹，蓋過肉質鮮味，另外一碟燒腩仔撈麵，燒腩仔是正常燒腩仔，但我是非常讚賞個撈麵，它是我們平常吃的雲吞麵幼麵，麵質爽滑，再跟一碗上湯，湯是用大地魚熬的湯，非常順口，不會覺得有太多味精，感覺到㕑房工作人員用心製作食物。忘了一提在燒鵝肉下面的蠔油豆，非常入味，下次要另外單點一碟用來”送”啤酒😋這是我人生第二篇食評，希望繼續有動力寫多些食後感，只為自己留下多些美好回憶！

一場黎到, 午餐時段試左佢地既燒味飯, 嗌左個叉鵝飯, 價錢都唔算太貴啦, 話哂都係銅鑼灣食飯, 但係碟飯一黎到個陣打左個突, 唔知重以為有人食淨, 個份量少到呢... 燒鵝姐..又唔係貴到曉飛, 個size會唔會少左啲, 問左個侍應佢地話一向都係咁.. 我真係X左出黎... 正常男人起碼要嗌兩碟飯加多碟燒味例牌先夠飽。燒鵝亦都偏咸, 如果嗌半隻都肯定頂唔哂, 水準認真麻麻, 估唔到自稱出師於鏞記的師父既水準都係咁, 真係恥辱，燒味係本業但係又做唔好就真係不如唔好做。

打完波諗住落甘棠食下燒鵝, 一心諗住連場激戰食番餐高水準的晚餐,畫上一個完滿的句號。嗌左佢最出名既甘一刀叉燒同埋燒鵝。叉燒表面火侯未免太燶了, 我地重嗌左半隻燒鵝, 友人話之前睇廣告話睇落好吸引, 所以先嗌半隻試一試, 一黎價錢都偏貴, 二黎我本身唔係燒鵝的fans, 見到佢斬完出黎我第一印象係甩皮甩骨 支離破碎咁, 賣相認真麻麻, 友人都覺得貨不對辦, 重識講笑鬼叫我地唔係食家咩 另外都試左個蝦子扎蹄,一個坊間比較少見的菜式, 味道都正常,但食唔出咩特別。

入去南華會，除左打波就一定來食甘棠。兩個人叫了碟燒鵝下莊，想吃甘一刀可惜沽清了....唯有點西班牙個種义燒再加個爵士湯。先說個湯，$80一碗真係有點貴，但的確存在厚身帶鮮甜，我心中個價$50都好進取了。之後义燒半肥瘦夾著濃厚焦香，肉質唔算好柴，係80-90年代义燒有燶燶地既味道，相比而家只係一舊染紅瘦肉只係燒過的，已經唔係個回事。精彩的燒鵝果然名不虛傳，汁香馥郁肉偏肥而不柴，點梅醬很好吃。可惜二人同行未能試其他菜式已經很飽了。最後一致認為燒鵝味道比起新界西的，真係相差遠矣。

在疫情之下零售業慘不忍睹，以前人流興旺旅客不絕的銅鑼灣、尖沙咀如今吉舖處處。過了春節假期，相信會有更多的商店關門結業。面對著蕭條的大環境，香港人唯有咬緊牙根堅忍地撐過這個牛年。然而，儘管百業待舉，咱們卻依然發現許多的逆市奇葩。窮則變，變則通。即使在艱難的歲月，只要有勇有謀夠資本，再加上不可劃缺的運道兒，有些豪傑甚至可承勢而起，大幹一番事業。為控制疫情，政府禁止會所、卡拉OK、美容中心等娛樂場所作業，位於南華會的馳名廣東燒味「甘棠燒鵝」被受牽連，有一段日子全日只提供外賣服務。及至疫情有所緩和，餐廳終在新春期間重開午市，讓一眾飢渴已久的老饕終可親臨「甘棠」品嚐她們的經典菜色。襯著春節假期的最後一天，倆小口子於大年初四闖入「甘棠」以解五臟相思之苦。午飯時段來到南華會，由於會場依然關閉，門外烏燈黑火，緊密的鐵閘中只開了一扇門，要不是識途老馬絕不會毅然闖進。入閘後咱們還要攀上樓梯才能抵達保齡球場，只是保齡球場仍是黑壓壓的，唯有座落一旁的「甘棠燒鵝」燈火通明。以為這樣的佈置會令餐廳之人流減少？識飲識食，懂得轉洞尋隙的饕餮其實多的是。未夠一時餐廳幾近座無虛席，老闆表示是日訂檯已滿，幸好咱們預先通知，

聞名已久，除傳媒力讚之外；友儕間的風評也大好，早前到銅鑼灣午膳，就一於預訂幾味以作晚膳。南華會停車場入口附近是交收點，來之前再和食肆確認時間，所以也不用多等。甘一刀肥燶叉燒(例)～$150外表黑蚊蚊，完全唔吸引；誰不知內裡鬼咁銷魂！為求完美，選用脢肉最頭一段部位，肉質鬆軟卻不過腍，層次分明，內層煙韌有肉香，中層半肥瘦肉質鮮嫩，最外層也最肥美、富脂香；表皮燒至微脆帶焦糖化，厚切更突顯其邪惡，令人垂涎欲滴；以蜜糖豆伴碟，夠懷舊，加多碗白飯就更好。蝦籽扎蹄～$70樹記出品，也是信心的保證，帶濃厚的腐竹香，加入斗門蝦籽，不但味鮮醇厚，又帶鹹香，不錯吃。滷水掌翼及墨魚～$150墨魚鮮爽彈牙，要追著吃。掌翼就由老婆一口包辦；她説都不錯呢。價錢不平宜，但用料上乘、味道佳，是值得一再幫襯的優質食肆；市況回復正常後，一於call齊人馬搞番一局。甘棠燒鵝地址: 銅鑼灣加路連山道88號南華體育會1樓電話: 35802938

第一次嚟南華會入面食飯以為要做會員先入得 又唔洗門口登記個counter都無開就直入竟然主動問你有無安心出行無就要留低個人資料一上枱以為嚟錯 似燒鵝飯多啲好彩都有舊腳骨睇到肉唔算太多，調味同皮燒得幾好條生菜都唔同啲 加埋環境招呼 對得住價錢仲有鵝汁餸飯勁好味但唔知點解啲枱布好似洗得唔太乾淨一撻二撻咁

嗰日睇電視見到蔡瀾介紹，即刻好想食了，此位於南華會保齡球場裏面的甘棠燒味，佢哋有鏞記燒鵝嘅班底所以呢度嘅燒鵝非常出色，因疫情關係，佢哋只可以做外賣，唔可以堂食。但係估唔到打開外賣盒，燒鵝依然十分漂亮，有油香和外皮依然脆身，非常好味，最緊要托底的豉油豆豆是本人的最愛，因為大部份燒味店都冇做了。甘一刀叉燒，用上梅頭肉最頂部份，非常有油香，平時會比燒燶，但係切咗出嚟燒比較少見，到佢黑漆漆的，但一啲都冇燶味，又香又有肉味，外皮麥芽糖好吸引，色澤晶瑩通透，係本人最愛帶甜味的叉燒。蝦子札蹄，傳統嘅小食，用上腐竹皮包住蝦子製作，味道好清爽，唔油膩，最緊要新鮮做，所以唔會有種有油益味。懷舊札蹄，傳統做法，做工非常繁複，用咗豬蹄皮釀肉，風乾之後切片，味道非常之不錯，真係唔講都唔知嘅功夫菜！滷水拼盤味道都不錯，滷水味有陳香，唔會死鹹！驚唔夠飽，再叫咗個螞蟻上樹，有少少花椒辣味在內，所以非常惹味，會越食越上癮。糯米飯亦非常乾身，臘味夠美，下料非常多。其實仲有好多餸想食，不過因為只做外賣，所以要等一次。每人都係$300，今時今日咁嘅價錢，提供咁嘅懷舊菜，真係不可多得，所以有機會吃多幾次，希望疫情之下唔會受到太