為了補慶祝生日，和朋友去麗晶軒，前身欣圖軒。服務質素和之前一樣咁高，想去洗手間一企起身就會有人行過嚟帶你去，因為佢哋連你話去洗手間已經一早聽到了😆。 已經來過幾次用餐，轉了麗晶軒就第一次。但今次的餸菜比較深刻。尤其第一度柚子脆香鱸魚，每件魚上有一片脆卜卜的黃金魚皮，個汁掛得好靚，超好味！ 講返個前菜和小食先。 琥珀合桃鬆脆可口，但好似之前好食啲，今次先無咁甜。 這個書美味的前菜，好似係白蘿蔔漬。 第二度菜好特別，西班牙火腿雞片，係炸子雞用片皮鴨的食法，片皮炸子雞！配西班牙火腿片和蜜瓜絲。個皮炸得好脆。 之後兩度菜之前已經食過但今次想encore. 　分別係竹笙卷和鰹魚茄子西蘭花。 個汁微辣的。 最後有他們送的美點雙輝。有合桃酥、黑芝麻卷、煎堆等。好吃的。 如果一定要挑剔的話，有留意到餐具有水漬。因為是數一數二的頂級食肆，不會expect 會見到這個情景。 必須以上的情況，整體是非常滿意的👍🏻

和朋友相聚，想揀個靜啲嘅地方傾計。這裏是個好選擇位於海港城的海威中心，位置方便。 當天叫了滷肉飯、水蓮、蛋餅、炸甜番薯、熱冬瓜茶、 這個滷肉飯比我想像中好味，肥瘦適中👍🏻 水蓮亦是想像中好味，只需要少少醬汁便可以了。 反而這個帶着期待的髒髒鹹蛋黃芋泥蛋餅有些少失望，又甜又咸，唔知佢想點😅。我們覺得一係甜、一係咸會更好。 這個甜番薯都有點失望，以為話梅係有話梅粉，但原來喺醬汁度。味道一般，不過不失。 叫了蘋果汁和冬瓜茶，都好飲的。 整體是坐得舒服的。

和朋友慶祝生日，她建議這𥚃。 侍應們有禮貌及有效率。 試了安格斯牛肋骨、牛柳、黑毛豬、雞軟骨、炸池魚、燒菠蘿、韭菜花、魷魚鬚、燒鱔、墨西哥薄餅芝士雞、雞肉腸等。 水準非常高！自己最鍾意係牛柳，濃牛肉味之餘仲好冧。👍🏻 菠蘿多汁又香！我哋最後再encore。韭菜花比較油。 有埋工具，食得方便，好貼心！ 朋友超超超鍾意呢個炸池魚！炸得好乾身。鬆脆可口。 呢個墨西哥薄餅雞肉，雖然細細份有些少貴，但有幾好食，雞肉唔柴，皮仲脆，芝士唔蘇。 燒鱔肉質靚，醬汁夜魅。魷魚鬚夠冧，汁都香口。雞肉腸，平時食開嗰啲，OK 的。 坐得舒服，一邊食一邊傾。推介！

之前去過沙田嗰間，覺得好味，今次試旺角的分店。 環境舒服，座位寬闊，服務很好。 同行三人，點了三個午餐set. 極上吞拿魚腩丼飯及壽司拼盤包茶碗蒸和紅麵豉湯。鰻魚丼，就只有麵豉湯。 茶碗蒸的蛋夠滑的，但瑤柱過淡。 超開心飲到紅麵豉湯！是我的最愛！通常日本餐廳只用白麵豉做湯。 眼闊肚窄，壽司食唔晒，要打包。水準都偏高的。 極上吞拿魚丼飯，超好味！除咗有些少筋之外，都很肥美。推介推介！ 燒鰻魚丼飯大份又好食👍🏻 雖然午餐平均$200一位，豪咗啲😝，但比足料，是有水準的。

之前行過見到好多人，好奇之下，自己也來一試。 Cafe 咖啡店來講都不細，但坐位就比較窄。 Staff 好friendly. 電話點餐。上餐時間都算快的。 點了一杯dirty. 選擇了nutty 因為怕酸。好好飲，眨吓眼就飲晒😝。 還叫咗份portobello poached egg. 個麵包底有乾果，仲以為唔好食，但成件事又好夾。南瓜薯蓉帶點檸檬汁，好清新！Portobello 菇和火箭菜同水煮蛋一齊食，比我想像中滋味😜。尤其初初見到總體賣相是很好的，但水煮蛋看似偏乾，但其實與其他配菜一起吃，是沒有問題的。

評價甚高的咖啡店，特登來一試。 剛剛是lunch time, 要搭枱，但每張枱很大，沒有問題。坐得舒服的。 叫了一份Parma ham all day breakfast. Parma ham 配juicy melon 好好味👍🏻。焦糖香蕉好特別，味道都唔錯。但要趁熱食，否則焦糖會溶化成水。牛角包偏乾、不脆又無味。其他都不值一提。真係有啲失望。加$3有杯earl grey hot chocolate. 聽落好有趣！但飲落朱古力味淡，Earl grey 味不出。再一次失望。 叫了杯double shot espresso, 好酸！已經選擇了nutty, 不是fruity😅。如果fruity會否咁算嗎？第三次失望。

不是第一來但係第一次來試他們的點心。 是貴的，但物有所值，尤其出面普通點心地方都不是太平。 蝦餃大粒爽口： 叉燒包不太肥、味道不太甜，我鍾意！ 雞扎好名貴，有鮑魚、花膠和海參： 平時飲茶，係越飲越濃，要加滾水去冲淡，但又會變得無味。 今次不例外。待應幫我斟茶，我話不需要。因為已經好濃，但我又費事講咁多嘢。佢望咗我半杯墨汁茶一眼，然後攞走個茶壺。回來時話「呢壺淡啲」。我試咗，仲有茶味的。好醒目和貼心的服務！令我好難忘！

初二晚經過，想食啲嘢，叫咗份原味雞蛋仔。等咗接近15 分鐘。以為主打係賣雞蛋仔，等嘅時候先見到有pizza賣的。 味道方面，都可以吧。$20 一份，新鮮滾熱辣，外脆內軟，標準一半蛋糕一半空氣，但蛋味可以再出些。

和另一半準時6點上去攞位，當時只有幾枱客已經坐低咗等食。我們齊可以直入坐底。 叫咗個自選丼set, 我哋揀咗大腩、魚蓉和海膽。個set 還有茶碗蒸、麵豉湯和漬物。另一半覺得海膽好好味！是北海道海膽。我自己覺得大腩切得太薄，有啲到喉唔到肺嘅感覺。所以之後追加多一份吞拿魚中腩刺身。終於咬落去有輕微幸福嘅感覺😝。食魚生真係要厚切先好味😆。 當日侍應話仲有兩份慢煮三文魚頭鮫，我哋叫咗份。我竟然覺得好食過塊薄切大腩😅，肉質好滑，每一啖都有一浸浸魚油香。 甜品叫了一份富士蘋果芝士蛋糕。喜歡芝士香味的朋友可能不喜歡，因為食不出芝士味。但我超超超鍾意！因為我對奶蘇有點抗拒。再加上有蘋果的甜酸味道，好清新！ 雖然坐位有些窄，但總括食得開心，服務貼心。雖然好忙，但侍應都會頻頻幫我們加水。其中一位侍應超醒目，佢望我一眼，我還未開口，佢已經知道我想追加，抵讚👍🏻😆

Google 介紹這間小店，決定去試吓。 Salmon egg Benedict 好有水準！我超鍾意食egg Benedict, 周圍去試，這間是 one of the best ones I’ve tried! 個包底keep 住脆，難得👍🏻。個醬味道適中，帶出水煮蛋的香。 Angus Beef linguini with balsamic vinegar sauce，酸味味，好好味！牛肉粒well done, 我喜歡。 杯Americano 有點酸，喜歡acidic coffee 的話可以一試，我自己就麻麻…. 座位有些窄，但都可以的。 服務很好👍🏻