甘棠燒鵝

營業中

休息中

今日同太太星期日嚟食午飯, 諗住叫兩個例牌燒味食豪啲. 叫咗鴨胸例牌, 點知嚟咗個 鴨背例牌 落單錯咗, 話即刻換畀我, 跟住就冇曬蹤影. 食完叉燒 食曬碗飯 同撈麵 都仲未到 同經理吹咗好多次. 佢都話吹緊廚房 落咗單 40分鐘 都斬唔到碟鴨胸例牌. 廚房好似好忙, 但係不停出啲外賣嘅單 其實係咪應該照顧咗 堂食嘅人 先至照顧外賣呢? 見到無了期等候 , 最後頂唔順 取消 鴨胸 埋單走人. 經理一啲唔好意思都冇. 好失望. 啲嘢係好食, 但收得咁嘅價錢, 服務水準真係不合標準.

OMGthe char siu is the best in Hong Kong so farI can eat this dish ever single day All the food taste really good 喺南華會入邊不過入去食飯唔使會費

💥鏞記師傅名不虛傳🫶🏻📍甘棠燒鵝｜銅鑼灣📍人均消費 $ 5 X X#CL銅鑼灣 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️同事聚餐最後揀咗去遠近馳名嘅甘棠燒鵝💗準備一齊膽固醇超標🤣🤣💟甘一刀肥窿叉燒 $180一人食到一舊🫶🏻真心好脆好肥同埋有bbq黑邊😝男同事話勁好食，女同事就覺得太肥膩，👧🏻就覺得好間唔中食一次係唔錯，係比平時嘅叉燒香口💟西班牙豚肉叉燒 $150呢個係薄切同上面既肥窿叉燒 好大對比😋呢款食落口勁淋身比較重豬味👍🏻女同事投哂呢個票😂💟滷水法國鵝肝 $100 （2片）平時鵝肝都係食開西式整法，呢度既鵝肝都尚算入口即溶，但比起西式就有啲失色🥹💟燒鵝全隻 $630估唔到會有由棠哥送上獅頭鵝整隻過黎比我地影相打卡先😝跟著再拎番入去切😍隻鵝少肥啲皮好香好脆，淨係食肉又唔會鞋口痴身，大推薦👍🏻💟枝竹火腩炆斑頭腩 $280呢個係喜出望外嘅，估唔到除咗燒味之外，魚都咁出色😎班頭腩炸得脆卜卜，汁夠乾身，仲有勁滑豆腐同吸汁腐皮😊🤟🏻不負責任點評好味道🌕🌕🌕🌕🌑性價比🌕🌕🌕🌑🌑回頭率🌕🌕🌕🌑🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

朋友話好食，所以四個人約了今晚去食晚飯。當然有食叉燒，也有食燒鵝，又叫了炸豬大腸，肉碎四季豆，肉片雲耳勝瓜。試過燒鵝，不覺得有什麼的特別，不值這個價錢。其它一碟招牌菜，便是叉燒。兩者的價錢，我都覺得是高價，但叉燒比燒鵝好食。我朋友介紹一定要飲那西洋菜豬踭水魚湯，如細窩的要680蚊，大鍋的便要980蚊,我們只叫了一碗去試.可以講是好飲,但其實只是一碗好普通的湯,為何要那樣的貴呢？坐的地方,也不是太高級,有些嘈，因出外便是南華的保齡球場，如要付這個價錢食一個晚飯,又覺得不太值！因為只講到這樣的出名,一生人一次,便要去試？食完晚飯後,反而最好的,便是免費送上的紅豆沙,足料。

真心覺得佢冇心做鵝分燒鵝髀鵝背鵝胸同普通鵝肉分別係$160/75/75/60我叫一個碟頭燒鵝飯俾埋D雜碎，另外太太叫燒鵝瀨結果都係一Q樣。鵝皮同鵝肉分唔開連藍店祺哥都不如，都幾失望It’s been awhile since I’ve visited this place. Boy how much it went downhill… I was completely turn down by their regular roast goose. Much to my surprises I was given these tiny bit and pieces of goose meat, which is quite apparent they are the left over from more premium cut. It wouldn’t be so disappointed if they at least taste good, but sadly it’s not. Picture speaks a thousand word!

依間嘢喺港島區都算係出名，加上有老師傅打點所以食物質素都叫有保證，唔少人都應該係慕名而嚟，而確實一開始嗰幾年都好好生意，不過近依幾年質素真係回落咗好多，燒鵝肉質比起上次去食乾咗好多，而且有啲雪味，唔知係咪嚟貨唔同咗啦，但真係明顯食得出有分別。加上間嘢本身地理位置都唔太方便，以前就會肯特登入去食嘅，但而家咁嘅質素就真係需要考慮一下，間唔中一次經過去食一次半次就勉強可以接受嘅。但就唔值得我山長水遠入去嗰個位食燒鵝囉。

兩年前同屋企人食過一次，印象中水準算唔錯，肉汁豐富又夠香，配埋白飯幾好食下，之後一直心思思想嚟多次可惜一直冇機會。最後過咗咁耐先有機會食多次，所以本身我期待，點知原來質素差咗咁多，完全唔係之前嗰隻味。隻燒鵝乾身又柴，畀我感覺係雪咗好耐搞到冇曬肉味。而且隻鵝都瘦咗啲，個背真係一啲肉都冇幾令人失望，價錢唔平嘅情況下真心唔太抵食。唔知依兩年發生咩事搞到啲質素突然間變差咗咁多，可能係依兩年食肆營運成本高咗，不過咁樣嘅話我應該唔會再嚟食喇，同價位仲有好多質素比佢好嘅燒鵝可以食。

Many have talked about this great roast goose restaurant in South China Athletic Centre, Causeway Bay. The restaurant nestled next to the bowling alley, one needs to enter the bowling alley to reach the restaurant. Kamcentre Roast Goose restaurant was started by the grandchildren of the famous Yung Kee’s Restaurant pioneer (1942). Attained 1-star Michelin for numerous years. We tried some of their popular dishes. Honestly I wasn’t that impressed given the hype and the Michelin Star status; which

我會形容係好普通嘅一餐，冇咩好食但又冇特別差嘅位，叉燒厚切係唔錯嘅，大大啖咁都唔錯，不過我覺得有少少乾身搞到唔係好好食，油雞就真係好食嘅，夠香夠滑可惜幾多碎骨，食到好唔舒服。份量都係好尷尬哋食一份例牌唔飽，叫多份就一定食唔曬嗰一種，好唔痛快。服務態度就可以嘅，正正常常咁。但可能做開熟客生意所以會預你好快就落到單，但其實我連有咩食都未睇到。總括嚟講我覺得如果你對食物要求唔高嘅其實都算好食，味道都係可以接受嘅程度嚟，整體嘢食同服務同我樓下啲茶記差唔多。

最推介炒粉絲！微微辣。臘腸炒介蘭，亦唔錯！用料高級！鵝紅，滑滑，有味！不過貴啲！2件要＄30！總是感覺係下價嘢！滷水鵝腸＄100，仲貴，不過仲好味！法國鵝肝要＄100兩片，味道普通！可能煎香層皮好味啲！佢嘅做法係滷水切片！點解唔用自己嘅鵝肝？反而佢啲雞肝好好味，＄48！酸薑皮蛋，糖心！黑白义燒！好味！唔知食咁燶對身體有冇問題！可能祈望太高，半隻燒鵝，冇食到最嫩嘅鵝脾，感覺其他部位普普通通！出面高檔酒樓一般都食到！唔夠深井好！可能唔係即秒出爐關係掛！上次去深井食，人家係計算時間，講明幾點幾分出爐！環境：細，茶餐廳格局！坐得舒服！冇白枱布！衛生：不過衛生唔錯！食具清潔！服務：不錯！總體來說不會有問題！可以重複光顧！

燒鵝得死咸同淋皮，一般燒味舖都可能好食過佢，但個價就同質素有好大落差，咁嘅食物點對得住個價錢，其他燒味舖都可能可以食到兩份啦。其他嘢食嘅份量都係少得可憐，唔講以為去咗非洲冇飽飯食咁，唔明一間都算出名嘅餐廳點解可以做到咁。至於服務就更加失望，基本上係零服務可言，由入座到落單到埋單都係冇人想理你，千呼萬喚先得仲要睇人臉色，基本上當係快餐店咁當咩都要自己嚟咁成個觀感就會好好多，唔好對服務有期望就可以。結論就係食咩都好，揀依一間就等如自己攞苦嚟辛，真係完全搞唔掂。

甘棠雖然個位置都算少人知，但係都算係香港比較出名嘅燒味嚟，以前都有試過幾次覺得唔錯，不過時隔咁耐再去試發現已經冇咁好食，都有啲可惜。甘棠燒鵝話用咗唔同啲嘅方法嚟切可以大大啖肉食開心啲，不過今次去食就明顯發現有唔少碎骨，真係或多或少有啲掃興，而且隻鵝燒到有啲乾冇咩肉汁，要好靠個酸梅汁去帶味先食到，明明係招牌菜嚟都搞成咁。而且啲店員都有啲唔同咗，唔知係放假定係已經冇做啦，啲服務態度都冇以前咁好，以前佢哋會好樂意教你應該點樣食先最好食同有咩特別位要注意，但而家就冷漠咗好多，總係覺得冇咗之前嗰個感覺，真係好可惜。

燒味fans嘅我大大話話都食過唔少香港出名嘅燒味，早掛網上見到原來銅鑼灣南華會入面有間好好食嘅燒鵝幾隱世下冇人知，咁一定要去試下啦，中午時間去到人唔算太多，等咗幾分鐘就已經入得去，一睇menu發覺都唔算平，燒鵝例牌165蚊，雖然味道都唔錯，但炭燒味唔夠未算得上好好食，而且份量都唔太足夠，兩個人食絕對唔飽。另一個招牌菜肥燶叉燒都係唔夠炭香，令到個肥肉個part嘅味道有啲太重，都幾可惜下。同埋員工嘅態度都可以好少少，想同佢反映返食物質素嘅時候可能佢以為我想投訴所以有啲黑面，搞到我都廢事講落去，總結嚟講食物可以做好啲，服務態度都可以改善，一般啦。

佢d燒鵝同蜜豆真的冇得輸，已經是第3次來。但每次都系一肚氣，完全沒有服務意識，任由D客企系門口唔理，企系門口收銀嗰位阿姐，問乜都話唔關佢事，最搞笑就系叫左杯凍檸茶，拎嚟時問左佢一句系唔系走甜… 位阿姐居然答唔系佢沖… 咩嚟㗎😤😤😤。飲食業出現咁，就算燒鵝真系好食過米🐷連嗰間都冇用啦…佢碟頭飯嘅性格比高，瀬粉，飯都唔差，希望佢真系可以系服務上改善下。

🔍 香港有三大出名燒鵝：鏞記燒鵝、甘牌燒鵝以及甘棠燒鵝。呢三間燒鵝嘅主廚都是由鏞記燒鵝出嚟。甘牌是鏞記後人細佬開鏞、而甘棠燒鵝就係本身在鏞記工作嘅主廚，所以三間燒鵝都是很出色。至於我，就很喜歡嚟甘棠食，除咗環境寬敞，食物亦多選擇；佢其中一個皇牌—— 甘一刀叉燒簡直百吃不厭！ 而今次唔係見客嘅關係，我只叫咗簡單飯餸醫肚。1️⃣2️⃣3️⃣0️⃣ 午飯時間🥘蕃茄蛋煮牛肉 $128 ⭐️⭐️⭐️⭐️正常家庭小菜，蕃茄夠濃味，牛肉嫩口，送飯一流。🍜燒鵝雙拼香雞瀨粉$75 ⭐️⭐️⭐️⭐️⭐️鵝一向出色，唔會騷，雞件滑，先將薑蔥落入碗瀨粉食，更加香。🍖脆皮腩仔 $80⭐️⭐️⭐️⭐️⭐️好夠鬆脆，肉質唔會變左瘦肉果種硬，點芥末醬非常惹味。