甘棠燒鵝

營業中

休息中

我會形容係好普通嘅一餐，冇咩好食但又冇特別差嘅位，叉燒厚切係唔錯嘅，大大啖咁都唔錯，不過我覺得有少少乾身搞到唔係好好食，油雞就真係好食嘅，夠香夠滑可惜幾多碎骨，食到好唔舒服。份量都係好尷尬哋食一份例牌唔飽，叫多份就一定食唔曬嗰一種，好唔痛快。服務態度就可以嘅，正正常常咁。但可能做開熟客生意所以會預你好快就落到單，但其實我連有咩食都未睇到。總括嚟講我覺得如果你對食物要求唔高嘅其實都算好食，味道都係可以接受嘅程度嚟，整體嘢食同服務同我樓下啲茶記差唔多。