甘棠燒鵝

營業中

休息中

燒味fans嘅我大大話話都食過唔少香港出名嘅燒味，早掛網上見到原來銅鑼灣南華會入面有間好好食嘅燒鵝幾隱世下冇人知，咁一定要去試下啦，中午時間去到人唔算太多，等咗幾分鐘就已經入得去，一睇menu發覺都唔算平，燒鵝例牌165蚊，雖然味道都唔錯，但炭燒味唔夠未算得上好好食，而且份量都唔太足夠，兩個人食絕對唔飽。另一個招牌菜肥燶叉燒都係唔夠炭香，令到個肥肉個part嘅味道有啲太重，都幾可惜下。同埋員工嘅態度都可以好少少，想同佢反映返食物質素嘅時候可能佢以為我想投訴所以有啲黑面，搞到我都廢事講落去，總結嚟講食物可以做好啲，服務態度都可以改善，一般啦。