影片
更多
2019-07-03
2111 瀏覽
阿仔響南華會游完水，兩仔爺揾地方醫肚。行入去甘棠，我最愛燒鵝，阿仔係叉燒迷，可以日日食都得。咦，幾好生意，坐冇虛席。我地道名來意：兩位，門口阿姐要再問另外一位阿姐，先可以帶我地去一張已搭咗兩夥人嘅大枱。放低餐牌，佢加一句話晚市只可叫小菜，唔係好明咩意思，我估係話唔可以叫碟頭飯之類，但同個仔食飯都冇諗住叫碟頭飯，我地咪跟遊戲規則，可惜之後有個單身客坐低，只係叫咗碗鵝胸瀨，早知.......話題返嚟點餸，叫咗個燒鵝脾，炒菜心，叉燒有兩種：肥燶及西班牙豬，因為燶叉燒小朋友唔啱食，叫咗另外一種，但要半肥瘦，加白飯一碗。菜心好嫩，正，叉燒面頭係好肥好肥又燶，底下係好瘦好硬嘅所謂“西班牙”叉燒，原來半肥瘦唔係卡喇卡喇個種肥瘦，係肥叉放上面瘦叉放碟底咁擺。阿仔食咗幾舊話好苦同乾硬，話南華閣啲叉燒好食啲(聲明：我地同南華閣冇關，亦因服務差己被剔除考慮之列)，其實名店出身燒臘師父使乜搞綽頭嘢，西班牙叉燒只代表兩樣嘢：雪藏、貴，搞返好啲本地豬半肥瘦仲好，人地好多都做到。食完叉燒、菜同飯燒鵝脾都未嚟，追咗三次先嚟，又係傳統中餐廳，驚死俾師父鬧，一個推一個，最後先硬著頭皮問個繞埋手冇嘢做嘅燒臘師父，先肯開刀，
話題返嚟點餸，叫咗個燒鵝脾，炒菜心，叉燒有兩種：肥燶及西班牙豬，因為燶叉燒小朋友唔啱食，叫咗另外一種，但要半肥瘦，加白飯一碗。菜心好嫩，正，叉燒面頭係好肥好肥又燶，底下係好瘦好硬嘅所謂“西班牙”叉燒，原來半肥瘦唔係卡喇卡喇個種肥瘦，係肥叉放上面瘦叉放碟底咁擺。阿仔食咗幾舊話好苦同乾硬，話南華閣啲叉燒好食啲(聲明：我地同南華閣冇關，亦因服務差己被剔除考慮之列)，其實名店出身燒臘師父使乜搞綽頭嘢，西班牙叉燒只代表兩樣嘢：雪藏、貴，搞返好啲本地豬半肥瘦仲好，人地好多都做到。食完叉燒、菜同飯燒鵝脾都未嚟，追咗三次先嚟，又係傳統中餐廳，驚死俾師父鬧，一個推一個，最後先硬著頭皮問個繞埋手冇嘢做嘅燒臘師父，先肯開刀，明明係漏單，乜唔係理下我地感受而係驚影響燒臘師父嘅身心發展。不過，阿仔話隻燒鵝脾好正，但我就覺得淡口。阿仔叫埋單時，阿姐叫我地攞張單出門口埋，阿仔話姨姨你都冇比單我地，佢嗱嗱臨列印返一張比我地，盛惠395，冇泊車飛送(南華閣每300送一小時)。結論係如果唔嫌貴，可以晏晝嚟食燒鵝瀨，晚飯要再考慮。
張貼