牛精皇 (已結業)

打邊爐嘅地方真係好多，但係呢個地方就真係十分多選擇，今晚就去了這間火鍋店，朋友推介，材料新鮮抵食！餐廳內座位都算闊落，本身大大份嘅我都唔覺得迫，人少就座卡位，人多可以座圓枱，今晚都係兩個人，當然係卡位啦，座下了店員先遞上電子餐牌，有不同選擇，套餐亦有不同配搭，望完一輪後，就點了個精選2人餐$548，相對款式多差不多有齊最正嘅火鍋配料！而湯底本身係清湯底，加了錢差額轉成了泰式皇室冬陰蔭功鍋，九龍城嗎！如果喜歡飲冬陰功嘅呢個湯底就真係真材實料，有蝦、青口、菇，同埋大量嘅香芧，個湯底夠晒濃郁，當然頭啖湯都要整返碗！而個餐內差不多所有食物都係用了一個三層架上，另外還有分上了嘅烏冬同雜菜藍，見到個三層架上，最上層嘅手打丸丸，中層海鮮同餃餃，下層盛滿了頂級手切牛肉、安格斯牛肉粒、牛白肉，當然湯滾就梗喺先食牛，手切牛肉拖一拖個湯底，入口軟熟嫩滑，而且重帶點香濃湯底味道，而安格斯牛肉粒就直接放湯內滾一會，肉質彈牙煙韌充滿肉汁，牛白肉就拖一拖就可以入口，肉質爽口，而蟶子就浸在湯中滾一陣，肉質爽口彈牙，而且味道夠晒鮮味！青口都係放在湯底內，吸收了個湯底味道，入口味道更佳！而手打蝦丸同墨丸都十分彈牙好有口感

去九龍城放低兩隻寶貝喺美容院剪毛期間去搵嘢食,經過間霓虹光管同埋掛住個牛頭照牌，好有氣勢又好搶眼嘅火鍋刺身專門店。好耐都冇食過火鍋就入去試試，地方雖然唔係好大，數埋都唔夠10張枱，但感覺有點私房菜feel。有14款湯底任揀一款。店員介紹食呢個套餐$540元話有幾種牛肉，係牛精皇最出名。我最欣賞啲兩條有筷子咁長嘅蟶子，入口好鮮味。頂級手切牛肉片果然肉質鮮嫩，牛肉粒又越滾越淋滑。蝦丸和牛丸夠彈牙。醬料要每人再收$18元一位，另要加一服務費。

係啦又去咗食火鍋，講真一句真係食極都唔會厭，點解因爲有我喜歡嘅食材佢就係牛，而且差不多每個人去食火鍋都會必點嘅美食之一，又可以慢慢咀嚼肉嘅鮮味口感十足，是日去咗呢度開飯好自然先看看餐牌有乜特色推介精選，揀好咗火鍋湯底再點埋火鍋配料，就可以開始品嚐是日美食，等咗陣已聞到濃濃香味出來，當然先飲番碗熱辣辣湯先，仲未講湯底係乜就係泰式皇室冬蔭功鍋鍋底用料十足有蝦有青口蕃茄同埋唔少得泰式香料，入口香濃又帶點香辣飲落特別開胃味道一流，當然唔止飲一碗咁少啦，輪到火鍋料就點了二人套餐，賣相精緻又份量十足內裹已包括多款食材當然唔少得有牛牛，係時候逐一品嚐一下，先放極品安格斯牛肉粒，肉粒厚切又大粒，入囗香嫩又多汁啖啖肉，另一款係頂級手切牛肉，肉質油脂分佈平均，入囗細嫩香甜肉味濃，而牛白肉當然食到爽滑又甘香口感不錯，食咗一輪美味牛肉又輪到食其他火鍋料，先有手打丸入口彈牙用料足，再來有自家制餃同雲吞，又一次過可以食到不同口味，又其水餃同鮮蝦雲吞特別好味其後有青口同聖子入口夠鮮甜，再食埋香脆炸魚片同雜菜籃，又差唔多到尾聲，放埋烏冬落鍋吸收湯汁精華，食落特別滋味最後仲有埋甜品食，真係夠晒滿足嘅一餐美味火鍋。

朋友生日，特意book呢間試下，因為想佢繼續恰下恰下，哈哈。一坐低我哋即刻叫咗個招牌牛精皇火鍋，因為佢每樣牛都有四幾件，有牛肚牛蒡牛根牛肺，咩都有，另外叫咗個兩人海鮮拼盤，當2個人又要打邊爐時，叫set就最好，因為可以試好多款餸個拼盤上黎個時好似食afternoon tea咁，一共有3層，層層都擺得好靚好整齊。 有款野我未聽過，叫牛白肉，灼佢幾秒就食得，爽爽地口，味道唔錯喎! 另外，佢地d丸係手打，有蝦丸同墨魚丸，粒粒都爽口彈牙，估唔到咁好味喎! 唔單至咁，佢地d雲吞水餃韭菜餃都係自製，感覺好有 誠意。至於佢嘅牛肉，食晒咁多款我嘅最愛就係安格斯牛肉粒，因為夠軟熟同有牛香。2個人食份量都幾多，最岩愛牛嘅大胃王黎開餐

一直聽朋友介紹九龍城有一間食牛肉打邊爐出名好食的餐廳，今晚終於有機會同朋友訂到檯來食。餐牌用電子化，直接係Ipad 睇完再同職員講落單。見到有個咁抵食的二人餐，就決定叫呢個。豆腐鮮魚鍋，清湯轉呢個湯底另加$90,等豆腐湯滾咗之後再落條魚落去煮，煮10分鐘再撈起仲魚可以食，湯底好重豆腐味和魚香味，十分鮮甜。魚肉煮熟後嫩滑鮮甜，好軟稔，好濃的魚香味，唔腥。二人餐的火鍋材料全部裝晒在一個三層架到上黎，分昝好仔細，材料豐富。頂級手切牛肉，顏色鮮艷，新鮮嫩滑，雪花分佈均勻，牛肉味濃郁。極品安格斯牛肉粒，肉質嫩滑，咬落軟稔有口感。牛白肉，煮6-8秒就可以食，原來好爽脆清甜，口感特別。青口同蟶子，肉質新鮮爽甜，有淡淡的海水味。丸類有4款，牛肉丸，蝦丸，墨魚丸，鯪魚球，全部手打，起晒膠質，彈牙爽脆。刺身拼盤，小，估唔到火鍋店都有咁高質的刺身海鮮，有三文魚，海膽，北寄貝，帶子，螺肉等，肉質鮮甜嫩滑，特別係海膽，馬糞海膽，入口即溶，一啲都唔腥，好濃味鮮甜，海水味重。通菜同烏冬都係打邊爐的絕佳配搭，通菜新鮮爽甜，煮得煮好快就食得，烏冬用稻庭烏冬，幼身煙韌，吸晒湯底精華，好美味。

九龍城主打泰國料理，於這地方找到高質火鍋店實屬難得。座位極寬，輕鬆舒適也方便把食物放在枱上。調味盤乾淨利落，有齊基本醬料。刺身拼盤（細）hkd268海膽：海膽份量很足，濃滑而香稠，入口軟滑細緻，味道香濃富天然海水味，化在嘴間帶子：每件厚肉，肉質嫩滑糯軟，味道清淡甘甜牡丹蝦：外表晶瑩剔透飄紅，蝦頭帶透明感，肉質彈牙爽口重膠質，味道鮮甜精選二人套餐hkd548+hkd90轉豆腐鮮魚鍋：極推薦這湯底，湯底以奶白豆腐湯呈上，再另上一條鮮魚，湯底滾後，把鮮魚放進鍋里滾十分鐘，再撈出待食用。魚湯香滑鮮甜濃香魚味，甜而不腥，可當湯飲用。魚肉肉質幼滑，柔嫩無細骨。頂級手切牛肉：手切牛肉顏色鮮嫩，肉質軟腍，脂肪平均分佈，入口油香十足，入口即融。極品安格斯牛柳粒：肉質鮮美，口感較為彈牙有韌性，牛味香濃，咬下軟熟牛白肉：牛白肉即牛胸骨的軟骨位，看似無筋像脂肪，口感爽脆彈牙。手打蝦丸 墨魚丸 鯪魚球 牛丸：每款丸都大大粒，件件爽口彈牙，用料豐富大方，原汁原味呈現出該食材的美味。青口x2 蟶子x2:店內海鮮新鮮，每隻個頭完整，肉質彈牙富彈性，入口鮮甜，淡淡海鮮味。自製鮮蝦雲吞 水餃 韮菜餃 魚皮餃：鮮蝦雲吞每顆

九龍城唔係只係得泰國菜咁簡單，最近喺福佬村道發現咗一間食打邊爐唔錯嘅小店，叫做牛精皇。不過呢一間打邊爐嘅醬料選擇並唔係太多，只有基本嘅生蒜、芫荽、蔥、辣椒、豉油等等。所以想食得重口味，或者濃味一啲嘅朋友可能會失望。招牌牛精鍋，一邊有包括牛肺、牛肚、牛蒡、牛尾等等材料，集多款牛的不同部位於一身。可以一次過滿足晒你幾個願望。我計過，如果真係想食晒以上嘅部位嘅話，點這款牛精鍋只係$198，係抵過你叫清湯，然後再叫拼盤嘅。湯底鮮甜，呷一口胃就有暖暖的感覺。入口有好像食五香牛什的感覺，又有白蘿蔔的襯托下就加似！店員除除放下以上的牛的內臟後，不消一會就好快被掃清光。即炸紫菜響鈴出面少見，響鈴加入紫菜後多了一份香氣。紫菜吸汁，而且出奇地同響鈴的味道好夾。另外有隻七味粉響鈴我都好想試！手打蝦丸都幾有驚喜，每一刻完都係脹卜卜，而且可以食到非常爽口嘅鮮蝦。如果人多嘅話，仲可以叫埋手打芝士牛丸、墨魚丸等等。係打邊爐嘅時候，我都好鍾意叫豆類嘅製品。除咗嚮鈴係我嘅首選之外，今次叫咗支竹，知足同牛湯嘅味道好夾，充分吸收晒啲湯入面嘅鮮甜。另外，稻庭烏冬入口煙韌，吸哂湯的精華！我覺得比公仔麵相對健康一點。今次呢一餐打

同朋友嚟左呢間打邊爐，睇個名以為佢最出名係啲牛肉，但原來牛肉未去到好好食嘅級數，反而海鮮就相對好食好多，貝殼類、鮑魚、蝦都好夠鮮味！另外煮雞肉時可以通知一聲店員，因為要cum蓋煮8分鐘，再熄火焗２分鐘，店員會幫手計時，咁樣煮法啲雞啱啱好，夠嫩

同爸爸媽媽阿仔打邊爐，今日試新野，九龍城有好多選擇，上網見到呢間見佢評價幾好就一於試吓。唔知係咪因為九龍城實在太多選擇，所以好容易就訂到位。牛雜鍋 - 配料夠多，湯底先甜濃郁，越滾越有味！手打丸雙併 - 新鮮彈牙，好味紫菜響鈴 - 好失望，油淋淋，就咁食又唔係，放落湯又唔係，最尾都冇食晒炸魚皮 - 呢個反而炸得好好，好鬆脆，必食牛肉拼盤 - 我哋叫咗最貴嘅牛肉拼盤，三層高，每個部位都有好幾塊，牛肉夠新鮮，我自己就唔係好鍾意叫拼盤，不過屋企人就幾滿意韭菜餃 - 好味海鮮 - 下次都唔使叫埋單＄1500，食物係可以嘅，不過未必會再嚟，因為以呢個價錢，實在有太多選擇了。

日日都加班，直到今晚終於可以鬆一口氣，可以8點前下班，實在是可喜可賀；既然是值得慶祝的一個晚上，Step立即打電話給娘子： 『今晚終可以以早一點放工，最近天氣轉冷，不如今晚吃火鍋好嗎？』 一想起火鍋，當然也會想起牛肉，如果是吃牛的話，Step心中其實已經有一個選擇，這家火鍋店的牛肉，每次去order也沒有令Step和娘失望，絕對是牛肉控值得去一試的選擇，這家火鍋就是位於九龍城的牛精皇。 ------------------------------ ~地點位置~ 牛精皇位於九龍城褔佬村道60號這一條火鍋街，靠近九龍城廣場那邊的中間位置，周圍都有著不少火鍋店，這裡可說是競爭激烈； 如果由旺角乘搭紅Van過來，大約只需10分鐘車程；如果乘搭巴士在太子道西或聯合道落車步行過來的話，大約只需5-8分鐘。 ------------------------------ ~美食~ 牛精皇和其他火鍋店有點不同，客人可以在平板電腦中查看湯底、食材、套餐和飲料種類和圖片，好讓客人可以預先有一個影像概念大概知道大家想吃甚麼，這個做法非常好；可惜這個平板並不能直接下單order，如想下單的話仍需要在order

香港彈丸之地，2人齊打邊爐可能你覺得是到平常的連鎖快餐店比較好。不過食物品質並不是好，反而小妹寧願給少許價錢吃個美味的晚餐為好。是夜到訪九龍城區覓食，的確與眾不同。特別是有套餐的選擇、分別有2人、4人、6-8人之分。我倆選擇二人套餐，確實經濟又實惠。湯底包括有$68或以下的湯底選擇，如果$68以上則補回差額。重口味的我倆，吃沙嗲鍋的湯底比較好，沙嗲味濃列而不油膩，一大窩上暖笠笠又美味。打邊爐又點少得美國肥牛卷，肥牛卷得幼身而且脂肪層平均，每一塊牛肉都充斥著嫩滑而不油膩不俗。另外套餐還有鮮雞件半隻,半隻雞奉上相當多而且看得出有雞胸、雞脾、雞翼等，沾上沙嗲汁後吸收其精華令到全鮮件相當滋味。此店除了牛有名之外，還有很多人喜歡的即炸響鈴。響鈴即叫即整，熱辣辣帶有咸身可以即食或者放入湯底也是另一番的選擇。其次此店更有紫菜脆炸響鈴。還有一盤什菜籃，什菜籃內的食物包羅萬有，總有一款適合你的選擇。滿滿青綠色或墨綠色的菜新鮮，份量也適合2人食用。滑豆腐也是打邊爐必吃之作。豆腐軟綿綿滑溜放入湯底後相當軟身，而且放入口中帶有豆香。手打烏冬輕輕放入的稻庭烏冬放入湯底內，滑溜無比而且份量相當多。滑身的烏冬令人愈

友人話想打邊爐，於是今次再度光臨牛精皇今次揀左沙嗲湯底！ 好足料呀！有蝦毛乾﹑蒜頭﹑乾蔥頭等等，仲有淡淡的椰漿香味除左火鍋之外，再度光臨的其中一個原因係刺身叫左個刺身拼盤，入面包括大蝦, 帶子, 三文魚, 海膽等等..6種刺身好新鮮！三文魚厚切鮮甜，帶子好大粒，海膽鮮甜！講番邊爐配料先，由於同友人呢排都少食牛，所以叫左黑豚肉薄身的豚肉放成扇形，豚肉肉質和脂肪分佈分明可以清楚見到豚肉和脂肪部份！薄薄地其實都幾好，碌的時間唔洗好耐~上次都有叫的鮮腐竹$38，一樣冇變！好大碟，份量好足！而且新鮮！蘿蔔加冬瓜，厚簿岩岩好！鳳城雲吞同鮮蝦雲吞好大粒好足料！今次特別少少，叫左水晶粉，唔係到到都有得叫架XD熟左又幾入味喎！之後就嗌左一般打邊爐會嗌既配料，由魚、黑柏業、牛骨髓、手打丸呀等等..

今日又同男朋友去食好西😋今次男朋友帶咗我去牛精皇 一聽到個名，以為男朋友帶我去食全牛宴😝原來佢係一間好出名嘅打邊爐💓💗一入到鋪頭，店主安排左我哋去一個靠近門口既位置。店主超貼心，專登拎多一張椅子俾我哋放袋，等我哋唔使坐得咁逼☺打邊爐都可以舒服啲同盡興啲 鋪頭叫門口有一個海鮮同刺身吧 我見到啲海鮮同刺身都係超新鮮 如果大家會叫海鮮同刺身嘅話 都可以見到好新鮮架見到佢既設計，搞到我都想試吓佢地招牌菜之一 刺身船❤佢有兩個大小，因為我同男朋友又想試下其他嘢，所以就揀咗小刺身船試下。上刺身船嘅時候，店主好細心咁鋪返毛巾喺刺身船下面，咁就唔會整到張枱濕哂小刺身船有唔同既刺身，有大蝦，帶子，海膽等等。剛剛好係二人份量💑如果多朋友一齊食，可以叫一個大刺身船或者小刺身船加小海鮮船，試哂兩樣！第一下就即刻試吓帶子先啦 係超鮮甜❗ 超鮮甜❗ 超鮮甜❗佢嘅刺身唔係平時我哋食放題果種，佢依隻係超新鮮同超甜超好食‼️海膽都好好食呀，又係超新鮮嘅海膽😝食完第一啖都唔捨得食第二啖阿😍其他都係好新鮮，好正你可以好似平時咁就咁食又得，將佢烚幾秒有小小湯味都好正💓同埋重點推介下佢既紫菜響鈴又係超正 佢總共有3款響鈴 我想試

今日去完探兄弟，同老婆去左九龍城的“牛精皇”打邊爐，呢間店雖然唔算好大，但環境唔錯，平日7點幾去到已經八成滿，相信假日要預先訂位。叫得“牛精皇”當然以“牛”為主打，有多款牛唔同的部位的肉，亦有數十款火鍋配料可以散點，以及多款小食；除左散點之外，仲有2-8人套餐掀供，等客人可以用抵的價錢試多幾款。我地點左“精選2人套餐”，湯底有常見的芫茜皮蛋、清湯、沙嗲、麻辣湯，仲有比較少見的椰子燉雞、牛尾湯、冬蔭功湯等(部份要補差價)，因為老婆食辣，加錢點左冬蔭功湯，我就簡簡單單要個芫茜皮蛋。冬蔭功湯底湯料十足，有多隻蝦、青口等，酸酸甜甜，鮮甜惹味。點左自家製的“竹蔗茅根水”，清熱解渴，如果第二日唔洗返工就可以飲返兩杯。主角出場，店員會先逐一講解食材需要燙的時間。最下面的是手切牛肉、安格斯牛肉粒、牛白肉。手切牛肉肉質粉嫩，油脂分佈均勻；牛肉粒一口size，牛味濃郁；牛白肉我地都係第一次食，它是接近胸骨的軟骨位，燙8-10秒就可以食，口感幼嫩爽口，一試難忘。中間有蟶子、青口、自家包製的雲吞、餃子。蟶子大大隻，肉質爽口彈牙，青口新鮮肥美；雲吞、餃子餡料豐富。最上面是手打墨魚丸、蝦丸、鯪魚丸、牛丸，粒粒爽口

今日放假同老公去九龍城探佢兄弟，之後諗住過下2人世界， 決定食埋晚飯先返去，九龍城除左多泰國菜， 仲有好多火鍋店，最後黎左食<牛精皇>~ 店內唔算太大，但環境整潔舒適， 店員熱情有禮~ 呢度以“牛”為主打，仲有多款精味小食， 除左散點之外，仲有2人、4人、6人、8人等套餐， 價錢亦非常實惠， 方便好似我地一樣有選擇困難而又想試多幾款的朋友~ 湯底有多款選擇，包括清湯、沙嗲、芫茜皮蛋、 椰子燉雞、牛尾湯、麻辣湯、冬蔭功等， 我地點左“精選2人套餐”，可以選擇$68的湯底， 因為太想試冬蔭功，所以補左差價點左冬蔭功+芫茜皮蛋~ 一定要推介呢個“冬蔭功湯底”，湯料十足，有大大隻的蝦、青口等，非常豐富，湯酸中帶甜，微微的辣，非常鮮味，正宗泰式風味，我飲左足足4大碗~ 之後客人可以自己調配醬料~ 上菜方式好特別，用左三層式的下午茶架上枱，店員仲好貼心講解食材以及需要燙的時間~ 最底層是牛肉主打：手切牛肉、安格斯牛肉粒、牛白肉~ 手切牛肉肥瘦均勻，肉質粉嫩 牛肉粒口感十足，牛味濃郁~ 牛白肉(牛胸肉)，我都係第一次食， 店員指它是接近胸骨的軟骨位，只需要燙8