牛精皇 (已結業)

天氣涼涼地又係時候搵朋友一齊打邊爐，聽朋友講九龍城有間新開火鍋店，一於book枱去試試先。店舖位置不算太大，但裝修精緻舒服，而且非常乾淨企理。店家用平板電腦介紹湯底，海鮮，刺身等等，而其他配料就用配菜紙點選。季節限定有個豆腐鮮魚鍋，新鮮原條沙班魚，配上豆腐魚湯底，先將沙班魚放入煲原條原熟，令魚味滲入湯中。沙班魚肉嫰滑鮮甜，入口鮮味十足，不需加任何調味已經非常滋味。海鮮拼盤（細）貴妃蚌-厚肉肥美，咬落爽嫩鮮甜，正!蟶子皇-有成隻手掌咁長，入口鮮甜可口，新鮮！鮑魚-雖然唔算太大隻，但肉質軟嫩，鮮味十足！扇貝-鮮甜嫩滑，好好味啊！頂級手切安格斯牛肉牛味香濃，肉質鮮美軟淋，份量亦唔算小。本地牛坑腩拼金錢牛𦟌牛坑腩好軟嫩又夠入味，金錢牛𦟌牛味強勁，入口有咬口。冬瓜拼粟米冬瓜煲到半透明狀態，吸收哂魚湯鮮味，特別鮮甜，粟米粒粒飽滿清甜，打邊爐必食!食物非常新鮮，湯底出色又清甜，值得一讚！

踏入初秋是時候吃火鍋了，特別鍾情牛肉的男友選了牛精皇。湯底有很多款式，最後選了豆腐魚湯鍋，先將整條魚放入用「魚毛仔」熬成乳白色的湯內，滾10分鐘，再將整條魚撈起即可食用，魚肉很滑，魚湯也十分美味，豆腐有豆香，質地不是很滑的那款，配湯鍋類剛好。魚湯熬好立馬試吃海鮮併盤，併盤有：聖子、貴妃蚌、帶子、蜆、海蝦、鮑魚。當中最鮮甜的是聖子及海蝦，其他海鮮也不錯，唯獨蜆仔不夠厚肉，肉小吃不到鮮味來到肉食部分，男友選了安格斯牛肉片，也點了韓國黑豚肉片給我。由於本人不吃牛，不知味道如何，但男友大讚好吃。我吃的豬肉肥瘦均勻，吃下爽口，不錯不錯還有我最喜愛的響鈴，這次點了紫菜響鈴試試。剛炸出來果然有夠熱氣，沾一下湯再吃仍是脆口，加了紫菜少了一般響鈴的油膩感，但也正正少了油香的味道，但仍是很好吃的，整碟吃光光吃到最後連湯都差不多飲光光，侍應姐姐也讚我們一點都不浪費呢。（笑）

又到秋冬季節， 最好嘅活動梗係打邊爐啦！ 同牛魔王黎「牛精皇」， 梗係要食佢個招牌湯底—招牌牛精湯， 集牛內臟於一身，牛精必試！😎 原來仲有二人套餐優惠， 有經濟實惠嘅「優惠2人餐」（$398）或「精選2人餐」（$548）， 分別包6款食物或11款食物 和 一款$68湯底（沙嗲、清湯及芫茜馬蹄皮蛋）， 我地兩個人比較細食， 所以點左「優惠2人餐」就夠晒啦！🤭 不過牛精湯梗係必試啦！ 所以補差價都要殺！😎 一上枱，佢個牛骨湯底已經香氣四溢～ 裏面材料十分豐富， 有金錢牛肚、牛肺、牛尾、牛腩、牛孖筋、牛膀等， 全部都洗得乾淨，都幾新鮮， 牛肺腍滑，牛膀爽口，牛肚軟腍有彈性， 鍾意食牛雜嘅foodie不妨一試！😏 美國🇺🇸特級肥牛卷 份量雖不多， 但勝在肉味香濃！ 鮮雞件半隻 不愧為鮮雞而唔係冰鮮雞， 肉嫩味鮮，正！😋 即炸響鈴4件 即叫即炸，炸得酥脆可口， 蘸甜醬就咁食得， 浸湯食都得，得左！👍🏾 蔬菜籃 款式多，有通菜、生菜、油麥菜等， 款款都夠晒新鮮爽脆。 手打稻庭烏冬纖巧細緻，柔軟爽彈！ 滑豆腐無晒貨， 所以轉左冰豆腐， 其實仲開心！ 因為冰豆腐比滑豆腐更吸湯底精華

上年媽媽生日時在openrice找到這家火鍋店，由湯底到火鍋料，親戚們都吃得津津有味。近來秋風起，又到火鍋的季節，的確要找朋友來吃一頓～店舖位於九龍城廣場附近，十分易找，門口也有泊車位很就方便。湯底除了一般的款式外，還有一些以牛為主打的，不過同行的朋友對牛有點過敏，所以我們選了泰式皇室冬陰功湯～湯底原價要$118，不過點二人套餐的話，只需要加$40差價就行了～雖然是火鍋湯底，但用料也不馬虎。湯底裡面有蝦也有青口，打邊爐之前喝兩碗也可以呢！精選二人餐嘅食物雖然看起來沒有很多，不過其實三人分享也足夠！單單是牛肉也有三款：手切牛肉，安格斯牛柳粒，牛白肉。牛肉的油花均勻，輕輕煮十秒就可以了，入口還有滑滑的油脂。牛柳粒的牛味十足，煮久了也不會靭。而牛白肉在其他地方比較少見，吃下去爽口卻滿有牛油香～海鮮有蟶子和青口，非常新鮮～丸類有手打蝦丸，墨魚丸，仲有牛丸同鯪魚球。每款有兩粒，份量剛剛好，每粒都大大粒～餃類的選擇更多，有魚皮餃，雲呑，水餃，韮菜餃～餃類都是皮薄餡靚，滿滿的餡料，吃起來就是滿足～雲吞和水餃裡面還有粒粒彈牙的鮮蝦！除了火鍋料外，二人餐還有烏冬或者公仔麵。為了吸收湯底的精華，我們就選了

因為想打邊爐及吃牛，所以來到了九龍城的牛精皇試試。我們8點來到，已經坐滿了一半。坐低後，店員就十分熱心的拿了各種醬料給我們。預備完醬料，開始下單。湯底方面，我們選了招牌牛精鍋，當中原來有金錢牛肚、牛肺、牛尾、牛腩、牛孖筋、牛膀。牛肺牛肚都十分爽口。我們再點了一本地手切肥牛。肥牛比一般出面吃的肥牛厚身，而且份量很多，果然十分足料。而且脂肪比例都很好，性價比十足。我們又點了一份炸魚皮。炸魚皮很大塊，卜卜脆。我們又點了一份自製鮮蝦雲吞。雲吞有六粒，裡面的鮮蝦十分大隻。我們又點了一份生菜。打邊爐吃點菜比較健康。生菜也十分抵食，份量夠多。我們又點了一份椒鹽雞中翼。椒鹽雞中翼有6隻，十分入味。看到menu有天地壹號，所以點了一枝。打邊爐配天地壹號，簡直是絕配。這家店的店員都十分親切有禮，而且幫我們打點一切。今天吃得十分滿足，下次會再來試試其他。

有人情味的小店-牛精王黎到九龍城的小店，試下呢間出名食牛的打邊爐。 來到只有兩台客，八點後已全座爆滿。叫了個招牌牛精鍋，入面有不同的牛的部位，小小似牛腩煲，特別喜歡牛筋和牛肺，湯都濃帶甜，加了蘿蔔，有小小似牛腩煲。叫咗碟本地牛，厚身，碌幾秒，帶有小紅色，入口有牛味，比肥牛好味得多。本人鍾意食海鮮類，炸魚皮，脆骨腩和鮮蝦雲吞都不錯。生菜份量都多。值得提係個山水豆腐，很滑，不是包裝那種，而是傳統街巿買的豆腐，食到豆味，又滑，少見，還要28蚊勁大份。最後，叫了個炸雞翼，炸的鬆脆，小小鹹，食落去比一般快餐店好味。老闆好好脾氣，又係換碟，又幫手加水。有台外國人影相，又幫手搬凳，又幫手企高影。食野人情味好重要。待應好忙都會幫手倒酒及倒茶。店面雖然不大，食的是氣氛及本土食物。埋單有個雪米糕雪糕，最後甜品，滿足。

最近的天氣終於開始轉涼，迎面而來嘅涼風就好似一把小小嘅聲音不停跟我講：打邊爐嘅季節來了。今日就約咗兩個邊爐腳去九龍城覓食。九龍城依個地方除咗泰國菜出名之外，其實都有幾間火鍋店相當馳名。今日揀依間牛精皇係因為之前黎九龍城食泰國野個時經過，見到店名為牛精皇咁巴閉，隨即就上網睇一睇食評，見到好評如潮，所以一早mark底咗依間店，終於有機會試吓佢質素啦首先餐廳唔算好大，但係座位都算舒服。坐低職員就放低一部Ipad俾我哋揀野食，職員亦都有介紹吓套餐，而且體貼地提議我哋揀二人餐，因為比較化算。最後我哋就揀咗個精選2人餐$548，再自行揀咗其他配料：萵筍配蜂巢豆腐$48、炸魚皮$38、即炸響鈴$58同脆炸午餐肉$48。另外見到仲有其他小食可以揀，就揀咗個椒鹽雞中翼$48。飲品就叫咗烏梅汁一齊share飲。本身二人餐嘅湯底係清湯，加返差額就可以轉湯底，我哋就揀咗泰式冬陰公湯底。落單後職員會放低調味盤，都係基本生蒜蓉、炸蒜蓉、辣椒、芫茜、豉油同蔥花，比較特別嘅係佢有黑醋同麻油。湯鍋一上枱已經俾佢嘅香味引到流晒口水，係等個湯滾起後我哋無即刻放食物，先飲個湯底，果然有驚喜，味道比我之前食火鍋嘅冬陰公湯底都濃

朋友介紹九龍城火鍋店《牛精皇》，聽聞火鍋配料新鮮。食物款式多，分門別類列晒出嚟，特色火鍋湯底已經有14多款選擇，每一款湯底非常有特色。醬料更有多款選擇，可以自由混醬，當然唔少得有我最鍾意嘅辣椒粒，而醬料都只係$18一位。當然要叫我朋友最鍾意火鍋湯底-潮州鹹菜胡椒豬肚鍋。欣賞每一隻海蝦都非常大隻，肉質鮮甜美味，而且爽口彈牙，非常新鮮。脆炸午餐肉係火鍋必叫嘅食物之一，食落去午餐肉入面有一粒粒嘅火腿粒，而且非常入味，灼幾秒火鍋嘅精華都滲入晒午餐肉入面。順德魚腐份量比較多，質感軟林林，魚嘅味道好新鮮，仲可以索晒鍋底嘅精華，好入味。最後再order咗自製雲吞同埋韭菜餃、七味紫菜響鈴卷、招牌手打蝦丸同埋手打墨魚丸、魚片頭同埋本地手切肥牛等，同樣地非常新鮮美味。飲品就叫了青島啤酒爽一爽喉嚨。火鍋店所有食物都好新鮮，而且份量都非常多，所以下次必定會再叫朋友一齊試。

我哋係打邊爐精，到處搜尋有乜嘢火鍋邊爐好食，喺九龍城附近收工就特意去試吓-牛精皇。門口大大隻招牌，仲有隻牛嘅標誌，遠處已經睇得到咁陽眼嘅餐廳，而且門口有得泊車，非常方便。餐廳追得上潮流，取用iPad餐牌方法，可以用手提電腦就望到食物圖片清單。除咗散叫食物之外，仲有優惠二人套餐，還有海鮮優惠盛合，分大小份量，兩個價錢，算多款選擇。另外湯底款式實在太多選擇，最後揀選了 潮州鹹菜胡椒豬肚鍋，首先唔少得飲一啖湯，香濃嘅豬骨湯底，還有小小辣嘅黑椒味道，更滋味。入面還有很多豬肚。牛魔王我哋當然唔少得叫一份手切肥牛，即係牛頸脊，驟眼睇見到牛肉嘅條紋非常平均，而且呈現鮮紅色，非常新鮮。肥牛食落去有好濃郁嘅牛肉味道，口感好軟熟。火鍋配料中嘅自製鮮蝦雲吞同埋自製韭菜餃非常出色，除咗賣相吸引之外，仲要好大隻，皮薄餡靚，入面嘅豬肉同埋鮮蝦份量非常多，而且韭菜同埋肉碎味道好新鮮。仲有即叫即炸嘅七味粉紫菜響鈴，響鈴入面真係有紫菜，食落去仲有幾種口感，香脆可口。除此之外，仲有脆炸午餐肉、游水海蝦、魚片頭同埋順德魚腐等，食完非常滿足。總括而言，火鍋店有咁新鮮嘅食物質素，本人覺得值回票價。

叫咗一個2人餐，份量多到食咁晒，青口，蟶子又大又新鮮，牛肉都好滑，好有牛味，湯底轉冬陰公，好好味，冷氣又夠凍，地方非常乾淨，而且又提供櫈仔給客人放隨身物品，的確細心，環境同食物的確一流，可惜收銀Raymond欠缺一份人情味，我相信他係上址老闆，我在上址食咗2個鐘，nonstop聽到他不斷呼喝員工，話員工擺食物唔靚、落單後無即時收起餐牌、放醬唔夠多、員工同阿raymond講野細聲、話加湯太小⋯⋯我不斷聽到他大聲呼喝員工，其實點完餐，我仲拿住餐牌睇，整到我都唔好意思，放回枱面，又係我叫職員唔好加咁多湯，係他企得遠聽唔到🤦🏻‍♀️如果減小係客人前鬧員工，我相信店舖更加完美。

早有素聞牛精皇不單牛肉一絕，其他火鍋料亦新鮮，所以一直都想試，但打邊爐起碼都要有四五個人先成事，今晚終於齊腳可以試了。＊＊＊＊＊＊＊＊＊＊＊＊牛精皇是一間港式火鍋店，以牛作賣點的牛精皇，單是跟牛有關的火鍋料已有近二十款選擇，另外丸類、餃類、海鮮、豬類、蔬菜、其他火鍋配料和小吃，選擇同樣豐富，而除了單點，牛精皇也有火鍋套餐，如果不是特別咀刁，火鍋套餐都幾抵食，因為入面已經包含了平常打邊爐會吃的火鍋料。湯底方面，都有十餘款選擇，除了最普通的清湯、沙嗲、番茄薯仔等港式湯底，也有雞鍋牛鍋海鮮鍋藥膳鍋，而因為我們都嗜辣，所以我們就選擇了冬陰功鍋。醬料費$18/位，雖然醬料選擇不特別多，但收費合理，而且因為我們點冬陰功湯底，基本上都不用再另外蘸醬。泰式皇室冬陰功鍋($118)冬陰功鍋可選大中小辣，我們不想湯底太辣蓋去食材的味道，所以只點小辣。冬蝨功鍋入面有蝦、青口、草菇、番茄和大量香料，我們待湯底滾起未下火鍋料前先每人一碗試試，冬陰功湯酸辣有致，辣度惹味得來又不會太辣，非常好飲。青口和蝦的幾大隻。烏梅汁($48/渣)烏梅汁酸酸地，打邊爐飲最適合，一渣大約分到六七杯。海鮮盛合－大($536)海鮮盛合

My group of friends suggested to meet up at kowloon city for dinner, and since there is a big group of us, we planned to have steamboat. One of them brought us to Niu Jing Wong, which he highly recommended. It was located near kowloon city plaza.Their menu was very extensive, offering a wide range of steamboat dishes, ranging from handmade balls, seafood, meat, vegetables and noodles etc. They offered set for group of 4, 6 or 8 person as well.We ordered a jug of sour plum juice. It was quite thi

同老婆兩個人心思思想打邊爐，朋友就介紹了我們去這間位於九龍城廣場附近的牛精皇，好彩一早打了電話去留枱，放工去到都全場滿座。店員先送上醬料架，基本的葱、蒜、豉油等等，每位$18。我們點了冬陰公湯底，裏面有些海鮮如蝦、青口等，湯底味道濃郁，不比泰式餐廳差，而且不會太辣，適合大眾口味，未開始都以經飲了兩碗湯了。有名你叫牛精皇，牛肉當然是主要推介啦，手切安格斯牛肉色澤鮮紅，肥瘦均勻，肉質嫩腍且有肉香。蟹李蝦滑拼墨滑，蝦滑裏面有粒粒蝦肉，爽口彈牙，應是每日新鮮即製，而墨滑亦不惶多讓，是牛肉以外必食的配料。另外鮮蝦雲吞外皮較厚，但非常有內餡，原隻蝦肉在內，比豬肉更多。平時響鈴就食得多，紫菜響鈴真是聞所未聞，今次都是第一次試，新鮮即炸，非常鬆脆，碌一碌就食得。雖然比任食略貴一點，但食物質素真是 毋容置疑 ，下次會再幫襯。

約了一班朋友去了九龍城打邊爐，沒有任食也沒有放題，全部都是單點，主要重質不重量。餐廳有自家魚缸，全部即叫即錨，海鮮新鮮。湯底點了泰式冬陰公鍋，香料味道十足，辣味就大眾化一點，裏面有菇、蝦及青口等。海鮮盛合有八款海鮮，價錢都是五百多元，其中扇貝、象拔蚌仔及鮑魚都非常新鮮且鮮甜，令湯底更濃郁。食完海鮮都有半飽，再叫了一個手打蝦丸拼墨魚丸，全部雙拼都要另加$10，手打丸彈牙，尤其是墨丸，裏面有粒粒墨魚粒，是必食之一。酒香花雕玫瑰牛肉有很濃郁的花雕酒香，味質有咬口但不鞋，不過個人就覺得酒味搶了本身的牛肉味，都是普通無醃的會更適合打邊爐，因為原汁原味。除了火鍋料外，還有多款熟食，蜆芥鯪魚球炸得表面金黃色，而且很彈牙，認真不錯。這裏的食物質素比較高質，尤其是海鮮更加無得彈。