牛精皇 (已結業)

服务态度很好，沙爹和牛肉搭配太棒了，是还会再次光顾的店。豆制品有特色的做法，尝试了觉得很不错，牛肉饺子极力推荐，食材很新鲜，饭后服务生还送上了冰淇淋甜品，真的很贴心！

呢間火鍋店雖然唔係特別就腳，而且店面唔算特別大，但勝在食物質素、味道真係無得頂，每次黎食都好滿足，食完之後會想plan定下次幾時再黎食。首先，間野最出名既牛肉有好多種比你選，好鮮味，食左係會返唔到轉頭，覺得其他火鍋店既牛肉係差好遠，佢連牛丸都特別彈牙。我覺得每樣配料都好新鮮，海鮮都好生猛，而且連餃子都係親手包個種，好用心。不過呢間火鍋店價格係偏貴，但耐唔耐食一餐，都好值得，如果你係勁鍾意食牛，就一定要黎試下。

之前行九龍城就發現這邊好多牛肉火鍋，聖誕節朋友來屋企慶祝，便提議夜晚來九龍城打邊爐。10個人打邊爐，選了老闆推薦的海陸套餐，兩個窩三款湯底，分別選了牛精窩，椰汁雞和麻辣湯底。麻辣湯底自然是鍾意食辣嘅我嘅不二之選。作為一間食牛嘅火鍋鋪头，它的麻辣湯底算是不過不失。套餐包嘅牛拼盤，老闆有詳細介紹來自牛唔同部位分別落幾分鐘，不錯孕婦唔可以食魚生，老公話好彈牙，條魚仲識擺尾象拔蚌同鮑魚片都好新鮮春卷可以直接食個人還是比較鍾意重慶火鍋。不過以港式火鍋嘅標準來說，牛精鍋都係一間可以再來食過嘅火鍋店。

冬天咁凍真係想餐餐都打邊爐九龍城多好野食就係人都知今次黎到呢間牛精皇試下先店員會提供ipad比客人睇下各種套餐但我地唔太肚餓所以最後都係決定散叫混個醬先「$18/位」湯底係「沙嗲鍋 $68」以下幾款配料係我特別喜愛:「頂級手切安格斯牛肉 (大) $209」好靚嘅雪花紋，差唔多入口即溶牛肉味濃，唔建議淥太耐，淥大概10秒就食得呢個價錢咁大碟，好滿意「桂花蚌 $99」見隔離枱嘅海鮮都好新鮮，我地都唔執輸果然係唔錯，好爽口，每舊大小剛好淥完唔會話縮到變左迷你蚌重點係份量唔算少～「廣島蠔 $89」我地打邊邊例牌叫蠔頗鮮味，幾有蠔味「手打雙拼丸 $99」重點推薦！！！分別係芝士墨丸同芝士牛丸入面嘅芝士有少少流心效果牛丸爽口彈牙，墨丸有墨魚粒手打嘅口感果然唔同啲「水魷 $42」總括而言，食物質素屬中上水平，招牌牛肉的確係出色，值得一試！

一班相識十幾年既朋友，一次除夕既聚會，呢個配搭造就一個愉快既火鍋體驗。今日系朋友家中聚會，臨近黃昏，寒意剛起，友人提議到附近餐廳食個熱辣辣既火鍋。上openrice見到九龍城區火鍋第一位就系牛精皇，電話訂臺竟然仲有位！實在運氣不俗。店員提議我地點個8人餐，份量精巧而且選擇夠多。一開始既刺身都幾新鮮，頗有驚喜既石蚌魚刺身清新爽脆，毫無雪藏味，睇住個魚頭彈下彈下證明此店用料不俗。接著既牛肉拼盤系本店推介，各個部位你想像到既都有，店員詳細介紹仿似回到高中既生物堂一樣驚喜 至於佢地自家手打魚丸味道夠，炸春卷有內涵，整體食物唔錯。此店食物服務俱佳，唯獨價錢稍高。話雖如此，知己良朋聚首一堂，偶爾放肆亦不足為過吧！

香港人一年四季都鍾意打邊爐,我都唔例外,無論任何季節都可以同家人朋友去到邊爐,感覺好WARM.今次去左九龍城的牛精皇,出名湯底多選擇,而配料又新鮮.好彩友人一早BOOK左位,眼見晚餐時間都會滿座.湯底選擇比較驅寒暖胃的潮洲咸菜胡椒豬肚鍋湯底.湯底用上豬肚,咸菜,同埋大量的胡椒,味道好濃,而且大量胡椒又真係有暖胃效果.飲左一碗湯成個人都暖返晒.本地手切肥牛(頸脊)($299)朋友喜歡食頸脊的部份,貪其味道較香濃而且肉質軟嫩.每塊大小均一而且色澤紅潤,帶點分佈平均的油脂,食落好香牛味.淥熟後一D都唔會鞋.蟹籽鮮蝦滑,蟹籽墨魚滑選擇左雙拼,兩種都似手打咁彈牙,食落都鮮味.白鱔片($109)白鱔好肥好厚身，油脂好香食落肉質爽嫩。炸午餐肉真係必食, 外層炸到香脆,當小食又得,放到湯底肉又得.不過午餐肉炸到好熱,咬的時侯真係要小心D唔會辣親個咀.萵荀 拼 蜂巢豆腐($48)萵荀好甜，同蜂巢豆腐都是我的必點推介。鮮腐竹($33)食完仲有雪米糍當係甜品,好滿足.

冬天同朋友食飯，不用想一定要打邊爐。喜歡食牛的朋友推介到九龍城的牛精皇，指火鍋配料選擇多，而且牛肉的款式都好多選擇。跟一般火鍋店無異，用的都是圓形的大檯。不過每圍食客之間的空間好足夠，人多都不會覺得迫夾。這晚天氣很冷，選擇了比較清淡而又能驅寒的潮洲咸菜胡椒豬肚鍋湯底($98)。湯底的用料好足，大量的咸菜和胡椒外，豬肚份量都不少。而且豬肚已經煲到軟淋，食落帶點嚼勁。湯底滾起後立刻試了半碗，飲落很清但味道好夠好濃郁，有豬肚的清甜加上胡椒的暖意，咸菜的調味而反令湯頭的清甜更為突出。忍唔住未食已經飲了兩大碗湯。本地手切肥牛(頸脊)($299)朋友喜歡食牛，但這次聚餐食牛的人不多，所以只點了本地手切肥牛，頸脊肉味比較濃而且肉質軟身一點。單看牛肉的顏色及油脂已經知道好食，顏色是牛肉的鮮紅，加上分佈平均而幼細的油脂花紋，放到湯內輕輕淥幾下便已經熟。食落好滑一點都不會鞋，而且牛肉味夠香。絕對值得一試。以$299的價錢有這個質素及份量，算是蠻抵食的。脆炸午餐肉($48)必食推介。炸到香脆的午餐肉，外層香脆，咬落啖啖午餐肉。蟹籽鮮蝦滑 拼 蟹籽墨魚滑($109)因為配料的選擇實在太多，幸好這裡類似的火鍋料

天氣一涼就想打邊爐，今次就揀左九龍城牛精皇。有套餐有散叫，二人套餐有兩種，價錢分別係$398同$548，我揀左後者，有更多邊爐料。邊爐料以鋁盤三層架奉上，感覺慳位之餘，食物都擺放得靚靚。至於打邊爐嘅靈魂：湯底，我地就揀左豆腐鮮魚湯（$168），因為我地叫套餐關係，所以只需補差價$90。一飲啖湯真係不得了，鮮味十足，因為用上原條魚熬湯，仲可以食返條魚肉。邊爐料有好多，我就唔一一重覆喇，不過不得不提下牛白肉，稍灼幾秒就食得，口感爽脆。至於手切牛同牛肉粒都好食。仲有炸午餐肉（$48）同蝦鬼鬥墨鬼（$58），可以食下啲香口嘢，又唔覺得太漏；想浸下湯又得，一餸幾吃。

天寒地凍，又係時候打邊爐喇。九龍城牛精皇，雖然店面唔係好大，建議預先訂位，但食過就知係真材實料。當晚店員推介呢個豆腐鮮魚湯（$168），如果叫套餐只需加差價$90。呢個用上沙巴魚嘅豆腐魚湯，真係手快有手慢冇，因為我地坐低一陣已經沽清，限量供應果然夠搶手。未落邊爐料之前，先放原條鮮魚落豆腐魚湯度熬約10分鐘左右，魚熟後撈起慢慢食，超級滋味。魚鮮，湯底富營養，未打邊爐已經飲上好幾碗。言歸正傳，當晚order左一個二人餐（$548），加魚湯（$90），醬料錢（$18/位）。呢個套餐好豐富，而且樣樣都有少少，適合二人享用。呢個份量包括：手切牛肉安格斯牛肉粒牛白肉手打丸青口聖子雲吞水餃韭菜餃魚皮餃好豐富呀！蝦丸好彈牙！韭菜餃夠鮮味！牛白肉有驚喜！爽脆的！手切牛肉，質素高！套餐仲有雜菜籃及烏冬：竹蔗茅根水（$38）除左套餐，仲有特色炸物，就咁食或放湯都可以。脆炸午餐肉（$48）午餐肉切邊後炸到香脆，可以放一下湯，但我更喜歡就咁食果種香脆感！蝦鬼鬥墨鬼（$58）油炸鬼加入蝦膠或墨魚膠，好新奇又好食！總之，呢餐邊爐好抵食、又好味。

上一次黎過九龍城覓食，發覺原來由旺角去九龍城真係方便又便捷，只需要係先達廣場附近搭去黃大仙方向既紅色van 仔，幾個站10幾分鍾就可以到達九龍城了，搭地鐵反而麻煩好多。天氣開始愈黎愈凍，今次就帶埋女朋友同屋企人一齊黎呢間朋友推薦既「牛精皇」打個暖暖邊爐先。首先，我地揀左蕃茄海鮮蟹湯 $188「蕃茄海鮮蟹湯」入面有薯仔，蕃茄同埋原隻花蟹。湯頭鮮甜，蟹味十足👍 醬料方面有香蔥，蒜蓉，炸蒜，辣椒同芫茜。每位$18.本地手切肥肉眼 $269牛肉控必點之作，油脂分佈平均，肉質軟腍牛肉味重，正呀👍極品皇帝蟹柳 $89巨型極品蟹柳，足足有三個五蚊銀咁厚，好有口感之餘味道鮮甜。蟹籽鮮蝦滑，蟹籽墨魚滑 $109 雙拼價口感Q滑彈牙，蝦滑入面仲有粒粒蝦肉，真材實料👍另外，店員仲會貼心地幫我地刮蝦滑落湯，值得一讚。即炸芋頭 $48亮點一：即叫即炸。亮點二：師傅將芋頭中間最嫩最薯口感最好既部分先切出黎炸，呢點值得特別一讚👍 四式餃子盛 $79皮薄餡靚，特別係鮮蝦餃同鳳城水餃。 水餃大大粒，入面既蝦肉同豬肉比例係4比1！食落啖啖都係蝦肉，爽口彈牙，而鳳城水餃入面既蝦肉亦不少。 力推鮮蝦餃同鳳城水餃呀‼️脆炸午餐肉

最近天氣真係凍左好多🥶所以打邊爐行動要即時出動啦，於是我地就揀左呢間「牛精皇」黎涮下涮下🙈入到去，望一望個menu,我既選擇恐懼症又來啦，真係好多配料可以揀呀‼️ 分別有牛精類，刺身，海鮮，自製餃，手打丸，粉麵飯，蔬菜，即叫即炸類，豬肉類，飲品類等等，真係樣樣都有👍睇完成張menu,真係需要花d 時間😂蕃茄海鮮蟹湯 ($188)原本想叫「牛精皇」最新推出既「豆腐鮮魚湯」做湯底，可惜既係當日已經售罄，唯有揀「蕃茄海鮮蟹湯」，雖然有d 失望但呢煲蟹湯卻又令我地眼前一亮。 「蕃茄海鮮蟹湯」入面材料好豐富，足料薯仔，蕃茄，更重要既係放左原隻花蟹入去‼️ 煲左一陣，飲一啖蟹湯，鮮甜香口，仲可以食埋鮮甜肥美既蟹肉呢👍留意： 醬料每位（$18)本地手切肥肉眼 ($269)黎到「牛精皇」緊係要食下佢d 牛🙈 呢款牛真係吾錯。花紋分佈均勻，在鍋內涮幾分鐘，入口煙韌，牛味十足，而肉質香滑細嫩。另外，果然係手切肥牛，厚度恰到好處，好有口感。極品皇帝蟹柳 ($89)果然係極品皇帝蟹柳，真係好巨型呀‼️食落好有口感，蟹味十足。店員仲好貼心咁比個小隔網比我地，知道蟹柳煮耐左容易散開，方便我地搵返👍蟹籽鮮蝦滑，蟹籽墨魚滑

九龍城除了出晒名食泰菜之外，還有很多高質素的火鍋，今次我們就選了這間位於九龍城，福和老村道的「牛精皇刺身火鍋專門店」，我們一去到店員就為我們推介這個豆腐鮮漁鍋。豆腐鮮漁鍋 $168這個豆腐鮮漁鍋，真的幾特別先來一煲奶白色的豆腐湯，之後再上完條沙巴龍躉，店員對我們說首先把湯底大滾之後，再把完條沙巴龍躉放入湯中滾10分鐘，便可把龍躉取出，之後一路食龍躉肉一路飲湯，這個湯鮮味到不得了，$168 真的很超值。海鮮拼盤大 $536海鮮拼盤都十分超值，樣樣新鮮肥美活鮑魚鮑魚味濃郁、紐西蘭蟶子皇厚肉鮮甜、大沙白乾淨冇沙、貴妃蚌、元貝和游水海蝦爽口彈牙。鵝肝墨丸 $99新鮮手打墨丸包着鵝肝粒，口感特別墨丸爽彈鮮味十足內裏卻軟綿綿之餘還在口中爆出濃濃的鵝油香味鵝肝加墨丸其夾冇比。脆炸午餐肉 $48午餐肉切成條狀，厚薄適中入口香脆一陣陣的豬油甘香味道，在口中迴旋放湯三秒又脆又腍一轉眼已食完。

今晚舊同學食飯，早已訂位，下班前往九龍城，是晚晚餐打邊爐，沒想到同學安排得如此好，剛好轉天氣。第一樣當然是加入適量醬料，醬料唔該每位18港元， 價錢貴與否絕對見仁見智，但提供的選擇還可接受。配料轉雙併另外加10港元，茗茶20港元一壺。 這是於菜單上的另類消費，但還算公道，清楚列明，童叟無欺。湯底方面我們選了豆腐鮮魚湯， 驚喜之行開始了，餐廳提供沙巴龍躉仔作淆湯之用，真心“嘩”了一聲， 店員更表示除了湯底可飲用，龍躉更可完整地吃起來。十分鐘過後，魚便可享用，果然嫩滑，魚味十足。本地手切肥牛頸脊， 別打算和一般肥牛相比，絕對是意想不到的， 入口煙韌，有口感，牛肉味十足，經過咀嚼後，肉味更為突出。手打墨魚丸， 沒什麼特別，但絕對彈牙爽口。自製鮮蝦雲吞， 懂成仔記的人就會懂， 只能說做得更好。皇帝菜，份量和價錢相比還可接受。超甜粟米， 最重要無渣及清甜。即炸響鈴，即叫即炸，香脆可口，即食又得，烚兩烚先食又得，得咗。下次再食過，一班人嚟食除番開都抵。

天氣漸冷， 火鍋是晚餐的不二選擇。火鍋湯底十分重要，而我品嚐的是豆腐鮮魚湯。這是相當簡單湯底。只有豆腐及一條魚。店員建議魚放進湯後5分鐘，可先品嚐湯底，再煮5分鐘才享用魚肉。湯底帶有濃郁豆香，鮮魚只是輕輕滾上5分鐘，魚味不突出，大概只為湯底加添一點鮮味。這條魚油份不多，肉質尚算細嫩。用一整條魚煮火鍋倒是相當有創意的，雖然味道不及蒸的鮮美，但既可享用海鮮，又可打邊爐，確實不錯！其他食材方面，我品嚐了牛頸脊、墨魚丸、雲吞、響鈴及一些蔬菜，味道均不錯，而我最喜歡這𥚃的即炸響鈴，香脆可口，十分優秀！

以前就話秋風起先至係打邊爐嘅季節，但係而家一年四季我覺得打邊爐都係最佳嘅選擇😂今次去咗一間叫做《牛精皇》嘅火鍋店試吓！火鍋店有提供一啲二人👫套餐，我就揀咗$548嘅「精選2人餐」，入面包括左15款食物😍，同埋一款$78以下嘅湯底。其中13款食物用咗三層塔👻去呈上，入面包括四種丸類、四款雲吞水餃、海鮮蟶子同青口，同埋三款牛！🤪火鍋湯底我揀咗傳統蕃茄薯仔鍋🍅🥔，一路打一路覺得佢同平時火鍋店嘅湯底好唔同，第一係冇咁油膩，第二係佢真係好似屋企煲蕃茄薯仔湯，二唔係普通一個火鍋湯底咁簡單，香味特別濃郁撲鼻！💨首先真係要講下三款牛🐮，分別有手切牛肉，安格斯牛柳粒，牛白肉。《手切牛肉》雪花分怖平均，顏色鮮嫩，肉質軟腍！餐廳建議唔需要滾太耐！入口彈牙！油香十足！肉味香濃！《安格斯牛柳粒》就起碼要滾10分鐘。佢嘅肉質同口感比較彈牙同有韌性！不過個人鍾意食一片片嘅嘢多過一粒粒嘅嘢😂最後要highlight嘅係《牛白肉》！牛白肉即係牛胸骨嘅軟骨位，望落去似一舊脂肪肥膏，不過食落口感爽脆彈牙！充有牛香味海鮮分別有兩隻蟶子同埋兩隻青口！兩款都非常鮮甜，肉質彈牙富彈性！特別係蟶子！非常大隻完整！手打丸亦都好正，你係