牛精皇 (已結業)

天氣一涼就想打邊爐，今次就揀左九龍城牛精皇。有套餐有散叫，二人套餐有兩種，價錢分別係$398同$548，我揀左後者，有更多邊爐料。邊爐料以鋁盤三層架奉上，感覺慳位之餘，食物都擺放得靚靚。至於打邊爐嘅靈魂：湯底，我地就揀左豆腐鮮魚湯（$168），因為我地叫套餐關係，所以只需補差價$90。一飲啖湯真係不得了，鮮味十足，因為用上原條魚熬湯，仲可以食返條魚肉。邊爐料有好多，我就唔一一重覆喇，不過不得不提下牛白肉，稍灼幾秒就食得，口感爽脆。至於手切牛同牛肉粒都好食。仲有炸午餐肉（$48）同蝦鬼鬥墨鬼（$58），可以食下啲香口嘢，又唔覺得太漏；想浸下湯又得，一餸幾吃。