影片
更多
2018-12-16
112 瀏覽
上一次黎過九龍城覓食，發覺原來由旺角去九龍城真係方便又便捷，只需要係先達廣場附近搭去黃大仙方向既紅色van 仔，幾個站10幾分鍾就可以到達九龍城了，搭地鐵反而麻煩好多。天氣開始愈黎愈凍，今次就帶埋女朋友同屋企人一齊黎呢間朋友推薦既「牛精皇」打個暖暖邊爐先。首先，我地揀左蕃茄海鮮蟹湯 $188「蕃茄海鮮蟹湯」入面有薯仔，蕃茄同埋原隻花蟹。湯頭鮮甜，蟹味十足👍 醬料方面有香蔥，蒜蓉，炸蒜，辣椒同芫茜。每位$18.本地手切肥肉眼 $269牛肉控必點之作，油脂分佈平均，肉質軟腍牛肉味重，正呀👍極品皇帝蟹柳 $89巨型極品蟹柳，足足有三個五蚊銀咁厚，好有口感之餘味道鮮甜。蟹籽鮮蝦滑，蟹籽墨魚滑 $109 雙拼價口感Q滑彈牙，蝦滑入面仲有粒粒蝦肉，真材實料👍另外，店員仲會貼心地幫我地刮蝦滑落湯，值得一讚。即炸芋頭 $48亮點一：即叫即炸。亮點二：師傅將芋頭中間最嫩最薯口感最好既部分先切出黎炸，呢點值得特別一讚👍 四式餃子盛 $79皮薄餡靚，特別係鮮蝦餃同鳳城水餃。 水餃大大粒，入面既蝦肉同豬肉比例係4比1！食落啖啖都係蝦肉，爽口彈牙，而鳳城水餃入面既蝦肉亦不少。 力推鮮蝦餃同鳳城水餃呀‼️脆炸午餐肉
天氣開始愈黎愈凍，今次就帶埋女朋友同屋企人一齊黎呢間朋友推薦既「牛精皇」打個暖暖邊爐先。
首先，我地揀左蕃茄海鮮蟹湯 $188
「蕃茄海鮮蟹湯」入面有薯仔，蕃茄同埋原隻花蟹。湯頭鮮甜，蟹味十足👍
醬料方面有香蔥，蒜蓉，炸蒜，辣椒同芫茜。每位$18.
本地手切肥肉眼 $269
牛肉控必點之作，油脂分佈平均，肉質軟腍牛肉味重，正呀👍
極品皇帝蟹柳 $89
巨型極品蟹柳，足足有三個五蚊銀咁厚，好有口感之餘味道鮮甜。
蟹籽鮮蝦滑，蟹籽墨魚滑 $109 雙拼價
口感Q滑彈牙，蝦滑入面仲有粒粒蝦肉，真材實料👍另外，店員仲會貼心地幫我地刮蝦滑落湯，值得一讚。
即炸芋頭 $48
亮點一：即叫即炸。
亮點二：師傅將芋頭中間最嫩最薯口感最好既部分先切出黎炸，呢點值得特別一讚👍
四式餃子盛 $79
皮薄餡靚，特別係鮮蝦餃同鳳城水餃。 水餃大大粒，入面既蝦肉同豬肉比例係4比1！食落啖啖都係蝦肉，爽口彈牙，而鳳城水餃入面既蝦肉亦不少。 力推鮮蝦餃同鳳城水餃呀‼️
脆炸午餐肉 $48
即叫即炸厚切午餐肉，食落香脆有口感，不過如果厚度再厚多些少就perfect 啦。
韓國濟州黑豚肉 $99
油脂分佈平均，肉嫩滑冇豬臊味，加上薄切，令到口感更佳。
芝士腸，黑椒牛根丸 $48 雙拼另加$10
金妹嘜牌芝士腸，芝味十足。牛根丸入口彈牙，黑椒味好濃郁👍👍
即炸紫菜響鈴 $63
好特別既響鈴。除左係即叫即製，仲要卷入紫菜添。咬落脆口，質地薄脆，充當小食又得，火鍋配料又得😂
竹蔗茅根水 $38
自製茅根水，味道好濃郁，又下火。
最後，仲送左雪米糍，有芝士味同芒果味。
張貼
