貊炙 MAEK JEOK- 鹽磚厚切和牛西冷 今日介紹一間位於灣仔區嘅燒肉專門店，主打韓國嘅地道燒肉，提供唔同部位嘅和牛，亦會提供多款特色嘅韓國菜式，例如醬油海鮮、煎餅等等。 醬油盛合 首先前菜有近年非常人氣嘅醬油蝦、醬油帶子同埋醬油八爪魚。 和牛牛舌 然後到咗頭盤嘅燒和牛牛舌口感爽彈，油脂分布平均。 鹽磚厚切和牛西冷 然後主菜就有厚切嘅和牛西冷，肉質軟腍粉嫩，五成熟度，入口即溶，油香滿滿，配上鹽磚，簡單嘅鹽已經可以將肉味帶出。 海鮮煎餅 小食就叫咗脆卜卜嘅海鮮煎餅。 Honey Ice cream 最後就有一個冰凍解膩嘅蜜糖雪糕。

柞木炭家 - 韓牛盛宴 今日介紹一間位於銅鑼灣區嘅燒肉專門店，主打韓國燒烤，提供高檔次豪華嘅韓式燒肉，採用韓國嘅韓牛。 韓牛肉眼 厚度十足，非常有份量嘅肉眼牛扒，五成熟度，油脂豐盈，牛味濃郁，配上鹽就已經非常足夠。 燉牛舌 檸檬鹽花牛舌 蔥蒜牛舌 生蠔牛肉石頭飯 熱辣辣嘅石頭鍋飯，加上鮮味嘅生蠔、有口感嘅牛肉粒，同埋薑絲，非常惹味嘅石鍋拌飯。 舞動喵甜品 最後甜品有牛奶布甸，造型非常可愛，配上Oreo嘅曲奇碎，睇得、玩得又食得。

Cosha - 有格調咖啡店 今日黎到中環區一間咖啡店，位於中環半山的蘇豪區，搭半山電梯就可以到達，咖啡店米色的門面配以落地玻璃，內裡裝潢以水泥色地板配以純白的桌椅，簡約清新的風格。 Treat Day $115 一款非常有森林氣息嘅菜式，香滑炒蛋配上炸得好似紫菜一樣嘅羽衣甘藍、西蘭花，加上南瓜豆泥、菲達芝士、紅豆榴，再配上香脆酸種麵包，成個整體非常有層次，味道亦都多元化。 Crispy Gee $145 大大塊嘅炸雞加上希臘乳酪，外層炸得香脆鬆化，內裏雞肉嫩滑，配上蛋汁嘅水波蛋、軟腍牛油果、自家製辣蛋黃醬，仲有牛油香味既牛角包窩夫。 Cappuccino $43 咁靚嘅環境當然要配一杯拉花咖啡。 Super strawberry $62 士多啤梨味乳酪、士多啤梨同埋香蕉，唔會好似一般奶昔咁樣咁死甜、或者好重忌廉，比較fruity。

鬼金棒 - 地道日式拉麵店 今日介紹一間銅鑼灣嘅拉麵專門店，係嚟自日本東京嘅過江龍店舖，店舖以日本傳統嘅鬼神為主題，單單從門面、裝潢已經別具特色，另外拉麵主打麻同埋辣，仲有芫荽口味嘅拉麵。 味玉辣麻味噌拉麵 $105 首先叫咗餐廳招牌嘅辣麻味噌，總共有五個級別嘅麻同辣可以選擇，選左小辣, 高麻，湯底非常濃郁，可以充分掛在拉麵麵條上，拉麵麵條係較為粗身，配上溏心蛋、芽菜、粟米筍。 芫荽辣麻味噌拉麵$115 另一款就係網上非常人氣嘅芫荽拉麵，份量超級多芫荽佈滿在整個拉麵上，比起招牌嘅辣麻味噌拉麵，多了一份清新嘅草青味。 另外加配味玉 +$15。 日式煎餃子 $45

莆田 - 時令蟶子菜品 今日介紹一間位於中環區嘅中菜館，主打福建嘅閩菜，而最近仲有限定嘅蟶子節，推出多款唔同烹調方法嘅特色蟶子菜品。 蟶子節限定 $219/2款 鐵板鹽焗蟶 可以將蟶子嘅味道原原本本呈現出嚟嘅鹽焗食法，簡單嘅海水鮮味。 薑蔥炒海蟶 另一款就係海鮮常見嘅煮法薑蔥炒，不過這款就類似薑蔥炆蟶子比較貼切。 福建特色海蠣煎 $128 啖啖海蠣肉嘅特色煎，有口感之餘又夠晒鮮。 砂鍋黃花魚湯 $138 原條黃花魚熬製嘅奶白色鮮味魚湯，當中作加入豆腐、芋頭等配料。

Banchan & Cook- 韓式Cafe 今日介紹一間位於太古城嘅韓國餐廳，係咖啡廳模式，設半露天既位置，俾人一種非常寫意嘅感覺。 Afternoon tea set $95 咖喱甘筍蛋包飯配漢堡扒 蛋味香濃嘅奄列加上香甜嘅日式咖喱汁配上拳頭咁大非常厚身嘅漢堡扒。 甘筍汁香脆豬扒長通粉 榨汁非常香脆鬆化嘅豬扒配上香甜嘅甘筍汁，醬汁充滿在長通粉之中。 荔枝梳打 $+0 焦糖脆脆鮮奶咖啡 $+15 香甜嘅焦糖脆脆，加上香滑嘅鮮奶同埋濃郁嘅咖啡。 Banchan & Cook 提拉米蘇 +$25 香滑嘅忌廉加上朱古力粉同埋咖啡香。 紅蘿蔔園芝士蛋糕 食落唔會太漏，仲有淡淡甘筍香味。

極尚大喜屋 - 高質刺身放題 今日介紹一間位於銅鑼灣區嘅日式料理專門店，形式係任食嘅放題，晚市可以任食兩小時，刺身、壽司、炸物、串燒、燒物、日式料理一應俱全。 首先當然要叫一叫刺身拼盤，無論賣相、擺盤同埋質素，都可以媲美中高價位嘅店舖，而且仲係任食，推介厚切嘅三文魚同埋油甘魚。 然後就係壽司，魚生壽司同埋火炙壽司都有提供，另外仲有創意嘅卷物，而且每一件嘅size唔會太大，食到個味道之餘又唔會好快飽。 其實覺得食刺身已經可以回本，另一個回本位嘅就係任食嘅雪糕，超多種口味嘅Häagen-Dazs。 覺得唔夠嘅話，仲有燒物、炸物同埋串燒，另外估唔到嘅就係有乳鴿，平時大時大節酒樓先先會叫，而家放題就可以任食添。

SUL JIB 술집 - 地道韓國菜 今日介紹一間位於銅鑼灣區嘅韓國菜，坐落於時代廣場嘅食通天，餐廳嘅裝潢、家具都非常有地道嘅韓國色彩，提供非常有特色、地道嘅韓國料理。 Date with Korean Set $1095 韓式前菜 有八款唔同特色、種類嘅韓式前菜。 醬油帶子配紫菜、醬油蝦 刺身嘅帶子同埋大蝦，用醬油醃製，非常有底味同埋新鮮。 海鮮煎蔥餅 香脆有口感嘅海鮮煎餅。 首爾蒸餃 餡料飽滿嘅蒸餃，配上酸酸地嘅醬汁。 韓式甜辣炸雞 韓國經典嘅小食炸雞，揀咗地道嘅香辣口味。去 辣韓國五花肉 梅花間竹分明嘅五花肉，加上辣醬再用生菜、紫蘇葉包着一齊吃。 首爾牛肉鍋 份量多嘅韓國牛肉，利用類似壽喜燒嘅甜甜醬汁加上唔同種類嘅菇類，香甜嘅醬汁融入入口即溶嘅韓牛。 See you $108 The night begins $108 叫咗兩杯cocktails ，一杯係甜甜的，另一杯酸酸地非常開胃。

GYOJASANG 교자상 - 韓國交子桌體驗 今日介紹一間位於銅鑼灣區嘅韓國菜，坐落於Fashion Walk嘅食街，提供高級典雅嘅韓式料理，餐廳嘅佈置亦設有交子桌，可以體驗原汁原味嘅韓式味道。 韓式生牛肉 $215 生牛肉他他加上蛋汁同再配上紫菜天婦羅脆脆。 炸青陽辣椒釀豬肉 $86 香口脆身飽滿嘅辣椒釀豬肉，配上蛋黃醬或者韓式辣醬。 海膽紫菜包飯 $380 鮮甜嘅海膽，加上生牛肉嘅紫菜包飯。 韓式蒜頭清燉雞鍋 $385 濃郁蒜香加上嫩滑的雞件，原隻雞件清燉，再加入蔥段、蘑菇粒、綿綿薯仔。 水芹菜煎餅 $128 水芹菜加上彈牙大蝦嘅煎餅，配上韓式酸汁，口感味道有層次。 Snowing night $118 菠蘿梳打 $48

泰簡單 - chill 級泰菜 今日介紹一間位於銅鑼灣泰國菜，位於平台嘅位置，設有室外嘅座位，環境好chill，仲有東南亞裝潢嘅色彩，好啱打卡，廚師同侍應都係地道嘅泰國人，非常有特色。 冬陰功湯 $92 超級多香料同埋配料，感覺非常正宗，味道酸酸地，又唔會太過多椰奶味道。 泰式金邊粉 $108 加入豆腐乾、蔥段、花生碎、辣椒粉、雞肉同埋蛋絲嘅金邊粉，唔會太乾身。 泰式豬頸肉沙律 $108 香脆嘅豬頸肉加上酸汁，配上爽脆嘅生菜，非常開胃惹味嘅小食。 飛天通菜$98 夠晒鑊氣嘅炒通菜。 珍多冰 $45 椰青 $58