焱丸水產

營業中

休息中

焱丸係我喺香港食過最貼近日本浜燒水產嘅餐廳。先吃一隻日本岩手縣生蠔打開味蕾，蠔身好大隻，稍為偏瘦，但蠔味濃厚，有鮮甜味，加幾滴檸檬汁已經夠帶出蠔的奶油味。甲羅燒係必點，加左蟹籽同埋鵪鶉蛋，燒完有濃濃的蟹膏香，又有粒粒口感，咸甜適中，鮮香濃郁。另一款加左黑松露，少左蟹膏的海產味，多了一份珍菌的芳香。同時叫左鮑魚燒，燒得外面乾身內裏濕潤，入口啖啖肉，軟軟糯糯帶嚼勁，又香又好味。另外叫左2個定食，一個豐洲壽司刺身定食，一個炎丸號細烏冬定食，定食都配有沙律、麻醬冷豆腐同茶碗蒸。豐洲壽司刺身定食的刺身魚生都好新鮮甜美，赤身同池魚厚切啖啖肉，毫不吝嗇，海膽挺身紋理分明，入口鮮甜無怪味。炎丸號原來係3款軍艦，海膽一樣鮮甜，帆立貝沙律加吞拿魚蓉好清新，魚子粒粒巨型，一咬爆汁，鮮味直衝腦門。最後加多一客轟炸雞，名符其實雞件巨形到不得了，滴幾滴檸檬汁，沾一沾沙律醬，香脆多汁。

這間日式浜燒水產，再訪又再訪，今次帶客嚟食，服務親切，而且食物質素又好，夠哂得體🥰嚟到當然要點海產，仲有店員親自燒🔥蟹味噌甲羅燒， 有蟹肉蟹膏蟹籽，再混入生鵪鶉蛋及香蔥，燒熱時，香味撲鼻😌， 拌勻一齊食，鹹中帶甜，鮮味香濃😍雪場蟹磯燒，一客都有多支，店員會剪開蟹腳，好方便食，入口啖啖肉白蜆磯燒，好大隻又漲卜卜，見到一隻隻打開，好似對我哋笑咁🥰雲丹海苔芋天婦羅，即係紫菜包海膽再炸，第一次食，外脆內軟，好有驚喜🤩左口魚刺身差不多每次都點，入口爽甜，柔軟細膩。另外亦套餐揀咗豐洲鮪魚盛合$198 及特撰刺身定食配白飯 $188份量好多，無論刺身及壽司都好新鮮，而且仲有牡丹蝦、拖羅、帶子等，跟餐還有熱辣辣蒸蛋、味噌湯、沙律🥗、及前菜漬物不單日式料理，這裡的特飲都要試，冰菠蘿梳打，及青蘋果颱風乳酸，外型搶眼，仲好清新🌿

今晚我地去左一家日式餐廳，甜蝦刺身嘅鮮甜口感讓人一試難忘，左口魚刺身則係口感細膩，入口即化。油甘魚剌身則是質地軟嫩，十分適合喜歡嫩滑口感嘅朋友。三文魚刺身則是經典口味芝士蟹肉甲羅燒、黑松露蟹肉甲羅燒兩款菜餚都是以蟹肉為主要食材，搭配特殊調味料，口感豐富。芝士蟹肉甲羅燒搭配濃郁嘅芝士味道，黑松露蟹肉甲羅燒帶有淡淡的黑松露香氣，兩者各有千秋鮑魚殼燒、大蝦鬼殼磯燒鮑魚嘅肉質鮮嫩，大蝦則是十分新鮮，烤得剛好，口感好正辣味豆腐、青瓜海藻蟹肉酢辣味豆腐香辣可口，青瓜海藻蟹肉酢清爽，做開胃菜一流三文魚飯團、木魚花飯團飯團都是外層包著紫菜，三文魚碎無點調味，木魚花個香氣反而獨特啲

焱丸水產 地址: 尖沙咀棉登徑23號華楓大廈地下5&6號舖今日約了好兄弟食飯，想舒服坐慢慢食唔趕人架舖頭，仔細品嚐才是享受美食的原素之一，香港人做什麼也是急性子。先吃刺身類，三文魚子海膽杯，海膽味道甘甜，三文魚飽滿咬下爆出鹹香的汁液黑松露蟹肉甲羅燒，有蟹膏蟹肉，蛋，魚籽等在蟹殼上燒熟，平時店是用小餅乾式脆toast ,這裡有青瓜絲鮑魚殼燒很有咬口，肉質帶嚼勁。另外點了岩手縣生蠔，大大隻肉質肥美，伴以日本醋醬油三文魚牛油果油酢，像聖誕花圈，中間是三文魚及牛油果，外圍用沙律菜圈起，油醋不用說，酸中帶點甜，甚是開胃。溫泉蛋天婦羅炸過架蛋仍然是流心的，外脆內滑，蛋黃味道濃郁冰菠蘿燒酎，日整燒酎加入正果汁，易入口，更有枝鮮菠蘿，很好吃，酸甜開胃。

🌟甜蝦、左口魚、三文魚、赤貝刺身🌟叫左幾款刺身，廚師放得好精緻，打卡一流。左口魚味濃郁甘香，入口即溶，甜蝦刺身新鮮彈牙，三文魚刺身夠厚肉，油脂適中，肥而不膩，赤貝刺身爽口清甜。😋🌟蟹味噌甲羅燒、黑松露蟹肉甲羅燒🌟淡淡蟹膏嘅香氣好味而不膩，加埋蟹籽粒粒、青瓜絲，口感一流。黑松露味道香濃，蟹肉都唔少，同樣加左蟹籽同埋青瓜絲一齊食，滋味無窮。🌟鮑魚殼燒🌟新鮮嘅鮑魚，上台嘅時候，仲係生生猛猛，活燒鮑魚，可以保持仲鮑魚鮮嫩的肉質，而且味道鮮甜。🌟岩手縣生蠔🌟有成隻手掌咁大的生蠔，入口滑溜，味道非常濃厚。🌟香蔥吞拿魚蓉三文魚籽卷🌟吞拿魚蓉配上三文魚籽，呢個配搭簡直係絕配。🌟三文魚飯團木魚花飯團🌟熱辣辣嘅飯團，飽肚人恩物。🌟生薑燒酎、黑白啤🌟🍶🍺侍應推介左生薑燒酎，又幾好飲，生薑蓉磨得好柔細，放係燒酎裏面飄浮着，每一啖都飲到新鮮嘅薑蓉碎，而日本三得利啤酒配黑啤，可以平衡返黑啤嘅原味口感🍻🍻🍻

好友喺外國返咗嚟,當然要約食飯啦😊😊 一早book定枱 這間炎丸水產 評價好高 充滿日本風情 唔book枱真係食唔到呀 店內裝潢充滿日本風情 主打冰燒刺身 清酒🍶生啤等等 六點半已經Full House 😏😏可見食物質素得到認同呀 朋友叫咗 生薑燒酌 薑粒加燒酌 兩者原來咁match 🥳我就鍾愛 日本 黑白啤 配上燒海鮮🦞 正 ！自選 刺身拼盤 鍾意食乜就叫乜 🥳🥳甜蝦刺身 鮮甜 黏口非常新鮮 😬😬左口魚刺身 配上自家製嘅醬汁 令口感更加提升鮮味突出 👍👍三文魚刺身 非常厚切 赤貝 爽脆有口感 最愛😍😍蟹味噌甲羅燒 黑松露蟹肉甲羅燒 兩種唔同口味個人比較喜歡黑松露 店員會幫忙燒 加上青瓜絲 蟹味濃郁 一人一隻剛剛好🤪🤪鮑魚殼燒 🤩🤩超級大隻厚身上臺仲郁，可見其新鮮，店員即刻喺魚缸撈起 彈牙鮮甜 火喉控制得剛剛好🥰🥰岩手縣生蠔 意猶未盡叫多個生蠔先 岩手縣產特別肥美，蠔味濃郁，加上青檸汁更加fresh☺️☺️香蔥吞拿魚蓉三文魚籽卷 😌😌非常有驚喜，估唔到吞拿魚蓉拼三文魚仔兩者口感更特別 三文魚籽脆卜卜 加上吞拿魚綿軟嘅口感形成好大嘅 對比 口感更加提升😙😙三文魚飯團 木魚花飯團 簡簡單單有

居酒屋之夜🏮焱丸水產.同朋友想熱鬧一番，食下嘢飲杯酒🍻黎居酒屋就最好不過！選擇又多，壽司、海鮮、燒物應有盡有🤩.🔺刺身單點刺身夠新鮮😍叫左幾款最鐘意食嘅甜蝦、油甘魚、三文魚🍣特別想讚油甘魚唔係雪藏個味係新鮮，放入口唔係冰架喎😙左口魚刺身比較少見，白魚黎講魚味又幾出，配埋個酸汁食幾唔錯👍🏻.🔺青瓜海藻蟹肉酢前菜好特別味道酸酸好開胃～蟹肉都唔少🦀.之後點左幾款燒物，店員會幫手燒㗎唔需要自己動手😃🔺芝士蟹肉甲羅燒🧀🔺黑松露蟹肉甲羅燒🦀甲羅燒係我每次去居酒屋必點既菜式‼️將啲蟹肉蟹膏撈埋一齊勁邪惡🤭兩款比較會鐘意後者，香味俱全黑松露味突出！.海鮮當然唔少得啦🔺鮑魚殻燒～大大隻好煙韌☺️燒汁夠入味🔺大蝦鬼殼磯燒🦐略嫌燒得燶左啲不過肉好厚身，絕對值返😃.🔺辣豆腐有少少似椒鹽豆腐，不過出面落嘅係七味粉，辣到好刺激呢🔥🤣.🔺三文魚飯糰🐠🔺木魚花飯糰🍙飯糰都幾大個，建議餡料再落多少少同埋加啲醬汁，木魚就食得多，原來木魚花又係另一種味道😌.是晚想戒戒酒於是點左兩杯果汁🍹🔺冰菠蘿梳打🍍成條好大既冰菠蘿插係道😛唔酸喎我食晒！🔺青蘋果颱風乳酸🍏朋友點名想試嘅，呢隻乳酸其他餐廳又真係少見

食過返尋味，今日約埋朋友嚟食晚餐。首先叫咗刺身5盛，有三文魚油甘魚吞拿魚海膽和帶子。全部刺身都厚切，口感豐富，相當新鮮。朋友鍾意食肉，所以叫了火炙和牛刺身和牛壽司，和牛有少少筯，不過尚算嫩口，加上火炙後，油香爆發，入口甘香。到今日嘅重頭戲，就係磯燒海鮮！燒咗燒鮑魚格羅燒和烏賊。每一樣都好新鮮隻鮑魚上枱嘅時候仲識得郁，睇住佢喺火爐上面郁吓郁吓，真係好殘忍呀！呢度侍應會幫你燒海鮮，確保口感啱啱好，不會過熟又不會過生，又可以解放雙手，慢慢食慢慢同朋友傾偈。烏賊好大條，厚肉，加上佢嘅照燒汁，珍珍朝香帶點甜味，真係一食就想再食多幾舊。

唔洗搭飛機都好似去左日本居酒屋咁，無論係餐廳的環境、氣氛，同埋食物的質素，都令我覺得自己好似去左日本咁。.漁師2人前盛り時令海鮮刺身，當晚有油甘魚、三文魚、牡丹蝦、赤貝等，每件都好厚切，而且味道鮮甜。.青瓜海藻蟹肉酢 好好味的前菜小食。滿滿的爽口海藻加上青瓜片、蟹肉同三文魚籽，配上冰涼而又酸酸地的醋，超級開胃。.芝士蟹肉甲羅燒黑松露蟹肉甲羅燒每次去居酒屋必點的甲羅燒。店員會幫忙處理，將鵪鶉蛋加入蟹膏味噌肉，加上幾滴海鮮醬油提味。2款口味，芝士同黑松露都好好味，跟蟹肉味噌好夾。.鮑魚殼燒 超級新鮮嘅鮑魚，上枱嘅時候仲係活生生的。鮑魚肉好厚身，但係燒完之後完全唔會覺得韌，好易咬開。肉質爽脆味道甘甜。.轟炸雞哩個炸雞件好好食，外層金黃香酥，估唔到咬落可以咁Juicy，超多肉汁，雞肉同時保持軟嫩。而且本身醃至好入味，唔洗沾沙律醬都已經好好味。.北海道海鮮炒飯份量都唔少，炒飯內有魷魚，蟹籽、蝦等配料。.飲品點左巨峰提子乳酸同柚子啤酒以為係好似Frozen Beer咁既柚子啤酒，原來係加入啤子蜜的啤酒，估唔到哩個配搭又好好飲。清新的柚子甜味加上淡口啤酒香味，超級容易入口。.------------

星期五老公話出去尖沙咀，叫我睇下有咩好食，即上open rice睇， 日本菜同海鮮我就最鍾意，結果就搵左呢間類似日式居酒屋食lunch. 嚟呢度地點都好方便，入到餐廳已經知大約想食咩（之前上open rice做過功課😄) . 雖然係星期日，我又係一開門就到，所以餐廳唔算多人，好快就有得食。 當中個海鮮盆仲有專人幫燒埋，真係繞埋雙手等食.話明海鮮，新鮮食材真係好重要，呢度都做得到，其中我最鍾意係燒甲羅，蟹膏好香，好好味。遲d生日，我個妹話要嚟一次🤭

焱丸的甲羅燒是我最為難忘的，在香港幾乎找不到比他好的選擇 環境就是一般路端燒店的設計，每張桌上都有一個小燒烤爐服務一般出品黑松露蟹肉甲羅燒芝士蟹肉甲羅燒店內最佳的兩款招牌菜，同樣跟甲羅燒有關係，醬漬蟹黃入口即溶，味道鹹香濃郁，配白飯肯定是最佳搭檔加了黑松露的一款比較鹹香細膩，加了芝士的一款比較味道濃郁，各擅勝場芝士甲羅燒跟黑松露松露氣味近似，口感creamy，相當好吃岩手縣生蠔非常巨大的生蠔，一大大隻塞滿口部，加上青檸檬的調味， 令他的味道也提升了一個層次感三文魚子海膽杯10分簡單的三文魚子配海膽杯，大大塊海膽，配一些拖羅魚蓉跟飯，不俗左口魚刺身甜蝦刺身意外地左口魚刺身味道比較清淡甜蝦軟糯鮑魚殼燒活生生煮熟的鮑魚非常煙韌，而且四邊都有煮過，肯定有三文魚牛油果油酢漬這就像是一個牛油果跟三文魚蓉的組合，將個沙律一樣，入口清新而飽足溫泉蛋天婦羅 流心蛋蛋香非常濃郁，值得一試！鹽酸Sun檸檬燒酎酸味燒酒的典範，滿開胃的

在低調的棉登徑街尾別有洞天，焱丸水產裡面可是藏了超多新鮮的海鮮料理，讓人一嚐就變成熟客。焱丸水產牆上貼滿各類日式海報，和代表漁市場的旗幟，漁網，海產捕撈器具等相互輝映，建構出一種獨特的海產市場氛圍。開胃小品三文牛油果酢漬賞心悅目，把三文魚切成顆粒狀，以他他的形式呈現。三文魚上面鋪上牛油果，配上口感滑順的牛油果，三文魚十分對味，慢慢咀嚼鮮味在嘴巴裡化開，酸酸的酢漬沙律與三文魚牛油果交織一起，清新得很。左口魚刺身處理上完美極致，擺盤不輸給高檔的日式料理餐廳，晶瑩剔透的左口魚刺身脆口迷人，一口咬下左口魚的鮮美迸裂在嘴中，味道純粹，不會有其他雜味，若想左口魚刺身更鮮，可醮上旁邊的柚子醋品嚐。不得了的香蔥吞魚蓉三文魚籽卷，酥脆的紫菜包覆壽司醋飯和三文魚籽，卷物上鋪滿香蔥吞拿魚蓉，香蔥吞拿魚蓉綿密不帶筋，舌頭都被融化了，亮麗的三文魚籽令卷物鮮度更上一層樓，鹹鮮韻味無窮。天氣太熱沒胃口，最適合吃冷蕎麥，吃冷蕎麥最為開胃。焱丸水產使用日本蕎麥麵，有淡淡的蕎麥清香，如果想單純的吃，可以只沾點味醂鰹魚醬油吃，如果想更有層次的吃法，就是均勻攪和鵪鶉蛋，芥末，蔥花與味醂鰹魚醬油吃，為麵體帶來另一種清爽味道，讓

幾年無飛，真係好掛住日本。今晚朋友帶左我黎尖沙咀焱丸水產，止一止思鄉病先。晚餐時間好多食客，無論係餐邊的裝潢、氣氛、Menu，都令我覺得好似去左日本的居屋酒咁。香蔥吞拿魚蓉三文魚籽卷。一份6件的飯卷。滿滿吞拿魚蓉和三文魚籽，非常鮮甜。點左個漁師2人前盛，刺身新鮮甘甜，好似去左築地咁。有油甘魚、三文魚、牡丹蝦等。另外仲點左2款蟹肉甲羅燒，分別係芝士同黑松露味。2隻味都同蟹膏蟹肉好夾。加埋蟹籽同海鮮醬油調味，真係無得輸。必點推介。鮑魚殼燒好新鮮，2隻鮑魚都好厚身。燒到外層乾身，但裡面依然好肉嫩。日式炸雞轟炸雞，望落以為外層好厚好硬，但完全唔係。食落外脆內嫩，勁Juicy。最後點個飽肚嘅北海道海鮮炒飯，用料都好足，有蟹肉蜆肉蝦等。飲品點左巨峰提子乳酸同柚子啤酒，同樣易入口。

同事生日，請咗佢去焱丸水產食日本菜，餐廳地方不算大，但裝修擺設好有日式居酒屋格調。麻醬豆腐蕃茄沙律，蕃茄甜美，豆腐滑溜，蔬菜爽脆，伴入麻醬食好惹味！焱丸號壽司，壽司好特別，壽司卷在底層，上鋪滿海膽，吞拿魚蓉，蟹柳，帆立貝，蛋絲和蟹籽，口感層次極之豐富。蟹味噌甲羅燒,食浜燒一定少不了甲羅燒，侍應將蟹蓋放上去火爐上, 內有蟹膏, 鵪鶉蛋, 蟹籽及蔥粒，伴均勻再燒一陣就食得，熱辣辣滑嘟嘟，蟹膏鮮味十足，加上蟹籽增加口感，令人食不停口，齒頰留香！烏賊磯燒，鮮魷有口感，而且外層烤得香脆，加上醬汁調味，送酒一流。牛油炒野菜，炒得美味香濃，每一啖野菜都食到牛油香味。Suntory ，有甘醇濃厚的口感以及馥郁啤酒花香。

剛剛整完頭髮，老公又同我去食好嘢，今次去咗尖沙咀焱丸水產，店內裝潢和風十足，如置身日本居酒屋，主打浜燒海鮮。刺身五盛：帶子鮮甜，赤身、油甘魚、三文魚，刺身新鮮肥美，油香滿溢，重有海膽入口即溶，質感細膩。鮑魚殻燒：鮑魚非常新鮮，磯燒嘅時候仲會郁動，職員會幫忙將鮑魚去殻去腸，方便進食，鮑魚都燒得比較熟，鮮味有口感。野菜天婦羅：即叫即做，外層薄薄的脆漿包住蔬菜炸，口感酥脆唔油膩，蔬菜亦好鮮甜。北海道海鮮炒飯：材料有魷魚, 蟹籽, 貝類等, 炒飯乾身唔油膩, 粒粒分明好香口。黑啤：喝起來不會有苦澀感，甚至有點偏清爽，入喉後回甘微苦，會有咖啡的苦感。