今日經過唔係繁忙時段，見唔算多人，所以食咗個early dinner 。餐廳日本風格裝修，落地玻璃望住維多利亞公園，感覺好relax~! ⭐️黃金黑豚豬扒pan 丼⭐️ 招牌菜式真係冇得輸，用左福岡吉列豬扒蛋嘅煮法，飯同滑蛋吉列豬扒分開上枱，可以食到原汁原味嘅吉列豬扒😍😍😍黑豚豬扒炸到金黃香脆，肉質肥美軟嫩，咬落夠juicy 。厚厚嘅吉列豬扒底有滑嘟嘟嘅半生熟洋蔥炒日本蛋，感覺自己飛咗一轉日本，CP值極高。👍👍👍 ⭐️星嵐肥牛咖喱湯烏冬⭐️ 日本嘅咖喱汁裏充斥着洋蔥同埋紅蘿蔔嘅香味，一啲都唔辣。上面放咗香蔥絲，份外加左一點香蔥嘅香氣。香濃嘅咖喱湯汁加上日本烏冬，日本烏冬口感爽滑，加上肥牛脂肪少，牛肉味濃，肉質鮮嫩而不油膩，柔軟可口。

行過見到新開居酒屋，新張期內八八折，所以試吓。 味道認真唔錯，用料、製作、味道一啲都唔馬夫。 ⭐️鮨。壽司盛10款⭐️$138 10款壽司盛有三文魚腩、三文魚醬油漬、油甘魚、海螺片、帆立貝、蟹棒、芝士蟹籽、三文魚子、加州卷、自家製玉子。賣相好靚，刺身非常新鮮，件數有成12件，認真抵食。 ⭐️活火山火炙壽司盛7款⭐️ $128 火炙壽司十分精緻，上枱嘅時候中間有火炙襯托，打卡一流。七款火炙壽司盛有帆立貝、明太子三文魚腩、鯛、鰻魚、油漬、八爪魚、蟹棒。炙燒過嘅刺身除咗自身嘅鮮味，再加上咗炙燒嘅香氣，每啖都非常回味🤤🤤 ⭐️日本螢光魷魚⭐️$40 入口有陣陣海水嘅鮮魚味，食落飽滿多膏，口感鮮甜爽脆👍 ⭐️麻辣蜆肉⭐️$25 蜆肉鮮辣爽口、味道出奇地新鮮 ⭐️黑松露玉子燒⭐️$68 黑松露帶有特殊濃郁香氣，風味細膩，自家製嘅玉子燒蛋香十足，紮實豐厚得嚟又層次的口感，值得一試😋 ⭐️海螺片剌身⭐️$58 口感爽脆彈牙，鮮甜十足，好好食 ⭐️七味唐揚骨腩⭐️$48 即叫即炸，香炸過嘅三文魚腩骨，油脂豐富，非常香口。

⭐️墾丁脆魚塊⭐️ 脆魚塊有五小件， 炸起嚟黃金香脆，確實外脆內軟，魚用沒有腥味，食起嚟帶點肉汁，非常香口。 ⭐️古早起司竽泥肉鬆蛋餅⭐️ 蛋餅夠簿身，包住滿滿嘅竽泥、肉鬆同埋爆漿芝士，鹹鹹地嘅餡料加上甜甜地嘅醬汁，好好味👍 ⭐️紅繞半筋半肉麵&花蓮半筋半肉滷肉飯⭐️ 食台灣嘢又點少得食牛肉麵，滷肉飯🤭🤭牛筋經過燉煮，軟腍彈口呈半透明狀，入口即化。牛肉富含較多油花及筋絡，肉質鬆軟，筋腩炆到非常入味，分量亦大概是各3、4塊，口感豐富。配上麵同滷肉飯係最佳之選👍👍 ⭐️古早芋泥三色芋圓⭐️ 呢個芋泥蓉非常出色，大大舊芋泥蓉，芋頭味道充斥着整個糖水，啱晒芋頭控😍😍😍 ⭐️芋泥奶茶& 夜市鳳梨水果茶⭐️ 套餐只需加$12非常抵飲🤭

呢間餐廳嘅食物除咗賣相💯之外，仲有星級大廚嘅味道， ⭐️香芒天婦羅軟殼蟹米紙券⭐️ 米卷裏面有炸軟殼蟹、芒果片、青瓜絲、蘿蔔絲，底下鋪滿咗菠蘿蓉😍入口前放上羹菠蘿油夾雜着一齊食，清新可口🤤🤤 ⭐️越式香茅烤豬頸肉⭐️ 上枱已經有好香嘅燒烤味，豬頸肉用上面頰至下顎之間帶有脂肪層的肉，肉質肥中帶瘦，食落有韌性，爽脆又有彈性，食落有甜甜嘅燒烤味，又有滿滿嘅燒烤香氣。 ⭐️潸萊原個菠蘿海鮮焗意大利飯⭐️ 原個菠蘿焗飯上鋪滿海鮮，有魷魚、青口，帶子、鮮蝦，再加上厚厚嘅芝士焗起，最後加上芝士粉。飯底用上意大利飯。入口非常香濃creamy，口感煙煙韌韌，每一啖又滲透着新鮮菠蘿嘅味道非常好味嘅fusion 焗飯😍😍

入座先送上無限添加嘅麻辣雞煲，雖然辣度只有一個，麻辣味道剛剛好唔會太辣，適合大眾化嘅程度。雞肉嫩滑入味，忍唔住encore咗一 round。 食完雞煲之後就開始打邊爐，有十個湯底可以揀，試咗胡椒豬肚湯底，豬肚洗得乾淨，胡椒味適中，唔會太大胡椒辣。 一開始上咗一碟極品肥牛，油脂分布均勻，牛肉色澤鮮紅，輕輕灼兩下已經可以擺落口，食落有甘香牛味🤤🤤打卡一流😆 食品包羅萬有，基本打邊爐嘅食材都有食。我哋點到一枱都係，樣樣都好好味，全部新鮮冇雪藏味。特別係牛筋腩，炆到軟身，真材實料好好食😋😋 追加嘅手切牛肉同樣出色，拍得住極品肥牛水準👍👍👍 甜品仲有軟雪糕食,值回票價😌😌

天后地鐵站一出就見到依間新開咗唔係好耐嘅簸箕腸粉店，喺香港好似第一次見到呢種古早烹調手藝嘅腸粉😍 試咗牛肉腸，叉燒蛋腸，雞蛋腸同糯米雞 腸粉全部即叫即制，蒸出嚟嘅腸粉份外香滑，有陣陣嘅竹子香。店員將米漿倒喺平滑嘅簸箕上，再將米漿360度搖勻，製作出嚟嘅腸粉又薄又滑。每份都加咗芽菜絲，香蔥碎，生菜碎，菜譜碎，加埋自家製嘅調味甜豉油，非常好食。食到停唔到口，不一會已經爬晒三份腸粉。🤭🤭🤭 糯米雞大大隻夠飽肚，裏面有臘腸肉，鹹蛋黃，豬肉粒，雞翼，然後用荷葉包起蒸，令糯米雞整個飯香軟入味。

前排行過見到有優惠套餐，有兩款二人及二款四人餐可選，唔駛多唸同老公叫咗個二人套餐。 無骨海南雞, 雞油香飯 起肉嘅無骨海南雞，食落方便, 海南雞入味，香滑嫩口，雞油飯係精粹所在。平時唔多黐米飯嘅我都抓哂成碗。好香好好食👍👍 櫻花蝦柚子沙律 份量都好多，新鮮嘅柚子肉上加上製醬汁，酸酸甜甜，啱晒健康一族。😍 五彩自家手打蝦餅 手打蝦餅賣相好靚，加咗色彩繽紛嘅碎米片點綴，魚餅外面鬆脆，蝦肉新鮮彈牙😋 馬拉盞通菜 通菜吸收了馬拉盞的味道，夾雜着蝦醬嘅味道，通菜嘅莖加上幼細嘅葉，食落新鮮爽脆😃 套餐包2杯飲品/ +8可轉沙冰/+18可配椰青

西灣河一向都係食肆臨立嘅好地方，新開咗一間台式小店，裝修光鮮。服務態度非常好，好耐冇係本土食肆店鋪到感受到嘅笑容🤭 起司肉鬆蛋餅 蛋餅有4件，面頭加咗特色嘅醬汁，甜甜地，配上厚厚肉鬆、鹹鹹地甜甜地好有台式嘅風味😋 紅燒牛肉麵 牛味濃醇而且黑不見底的湯頭好重牛肉味，帶膠質的腱子肉，軟而不爛，更有口感。刀削麵配上油解膩的酸菜一起食用，成個配搭非常好。 古法慢煮焢肉滷肉飯 豐富香甜的滷水底味，加上古法慢煮溫控的烹調方式，係滷肉軟嫩好食的關鍵，令肉質保持彈牙又不失嫩滑。呢個飯味道真係滿分💯分😋😋 紅豆仙草三色芋圓 台式甜點，有芋圓、地瓜圓、紫薯圓、紅豆蓉，紅豆有驚喜，沒有煮到過腍，有咬口。清清嘅糖水清清不太甜。 黑糖珍珠奶茶 & 鮮奶芋泥手工芋圓 黑糖珍珠夠晒煙靭，台式飲品嘅首選。手工芋泥，口感綿密，芋控至愛。

估唔到時代廣場都搵到大眾化價錢嘅餐廳，主打新加坡菜，價錢非常合理、味道有水準👍 ⭐️海鹽雪糕椰汁珍多冰、椰青⭐️ 椰汁味比較重，配搭住海鹽雪糕，輕輕的海鹽味道，唔會蓋過椰汁嘅香味。 ⭐️街頭雞肉串燒⭐️ 雞肉醃製得非常入味，沙嗲味好出。 ⭐️星洲香辣炒飯⭐️ 星洲炒米就食得多，星洲炒飯第一次見，所以試試。配料都算多，有燒鵝粒，蝦肉粒、魷魚粒、青豆粒、櫻花蝦 、碎蛋。炒起來夠乾，米飯粒粒分明，又香又有點薇辣，好好味。 ⭐️牛車水公雞冰⭐️ 用上麵碗上枱，夠哂大份抵食，紅豆夠甜又起沙😍小丸子夠煙靭，涼粉絲夠滑、加埋雲呢拿雪糕。

⭐️泰式秘制咖喱軟殼蟹⭐️ 軟殼蟹炸起金黃香脆，蟹身嘅醬粉漿啱啱好，唔會太多，件數都唔少，最獨特之處係配上泰式秘制咖喱，呢個醬汁好好味，一啲都唔辣但咖喱及椰香味十足，加上洋蔥、三色椒嘅香氣，就連醬汁都忍唔住飲咗幾啖🤭🤭🤭 ⭐️炭燒原隻燒魷魚筒⭐️ 原隻的魷魚筒，燒得好鮮嫩，啖啖充滿炭燒焦香味，肉質爽口富有彈性 ，又有嚼口。BBQ嘅風味非常惹味👍 ⭐️泰式冬陰功明爐魚～烏頭/盲曹/倉魚⭐️ 冬陰功嘅湯底非常惹味，口感更為豐富，冬陰功湯底，辣味溫和又不失冬陰功味道嘅精髓😋😋😋。今次楝咗盲曹，肉質嫩滑新鮮，魚骨唔算好多。 ⭐️香芒椰汁糯米飯⭐️ 香甜軟熟的黑白糯米，配上香濃嘅椰漿，配上大大粒嘅香甜的芒果，簡直是甜品界的絕配！