水記

營業中

休息中

星期六下午一時三十分左右來到中環, 等待老闆下班後來就決定去一去大排檔吃炒粉麵飯, 但依然是滿座. 那就只好轉戰身後的水記, 還記得上一次光顧它已經是大半年前的事了, 那時只剩下牛腩部份, 沒緣一嘗牛脆骨, 爽腩. 今天到來也是無緣跟牛脆骨會面, 幸好爽腩還在, 那當然去馬! 點了爽腩米跟牛丸魚蛋麵.這老字號, 就連發哥也曾來光顧.爽腩米$23 - 湯底清, 香, 甜! 米粉夠爽, 腩連接著筋兼膜, 腩肉夠腍兼帶少少肥肉又香口, 筋爽, 膜極度煙韌, 好正! 牛丸魚蛋麵$24 - 丸類都是街市能買到的貨色, 故不作評論; 麵很爽, 控制時間得宜, 不錯.這裡價格相宜又夠素質, 希望下次可以一試牛沙瓜或牛脆骨, 不過爽腩經已令人味回味

包括我在內，另加兩位同事所組成的「傻瓜三人組」，再度出動「拜訪」各大食肆。當日的目標之一，就是中環大牌檔組群裡面的水記，以潮式的粉麵作為主線，這樣的店子在區內，沒有十間也有八間，坐得擠湧之餘，價錢亦收得不算平，偏偏只經營大半天的鐵檔，每日也是客似雲來，屹立多年而不倒，知道凡事能夠成功，總有一定的因由。位處窄長的斜巷之下，架著多張摺椅及摺桌，卻是來得平衡穩固，看食客已是習以為常，亦反映到中環上班族若干能耐。再看桌上的陳設，除了筷子筒、醬油瓶及辣椒油罐之外，更有舊式麵店才會供應的酸菜，自家用白醋漬製的蘿蔔，雖不是甚麼美味，當吃了一碗濃味的粉麵後，吃上一點總有消滯的作用，同時亦代表一種風情。主吃的粉麵未上之前，就各來一份招牌的小吃炸雲吞與炸魚皮，十餘元的價錢亦屬合理。前者]的外皮如盛放的花瓣，除了香脆之外，內裡的門鱔肉亦算稱上鮮味，論後者也來得脆身，更夾雜一點香濃的「魚香」，剩吃固然來得香口，稍為浸在上湯一頓，略為吸索內裡的精華，乃就更加美味了。水記以「牛」打響招牌，本人與其中一傻自知這點，各來一碗腩什雙拼，論到河粉及米粉，個人還是喜愛前者多一點；這裡的來貨亦算來得細滑。除了面上各式配料俱全

另一條斜巷吉士笠街，有間賣牛雜的"水記"，不要小看這間小小檔口，也有不少名人光顧的。牛沙瓜是最馳名，可惜限量發售，每天只賣兩碗，有心吃要一早預留，像我這類比較即慶的，吃一碗牛雜，已經很滿足。只要牛肺和牛腸，牛肺滑得彈破，一大兜牛雜不斷地滾著，怎麼也能入味。牛腸的內璧充滿肥膏，滿口是油脂香，簡直如魚得水。幾十年老字號，也得與時並進，桌上的廣告，是本地一個以英文為主的飲食網站。一時之間，小小的老牌牛雜檔，與世界接了軌。不斷的新陳代謝之下，中環每天也有新事物發生，有人來亦有人走，有初生之贖亦有人退休。那邊在雪廠街，畢打街的銀行界，法律界，正在酒店的餐廳享受一頓星級午餐，我們的一邊，暴曬著吃牛雜，炒粉麵。高貴與市井，兩者在中環含蓄並存，是最可愛的地方，過多數十年，還會是這樣子嗎？水記，波記，勝香園，陸羽，蓮香，鏞記等中環老街坊，在2046年，是變成百年老店，或變成歷史的一部份？我不敢說。

我大約八年前已吃過木水記的牛腩河、酸白蘿蔔，今天舊地重遊，這裡的牛腩、酸白蘿蔔都仍然好有口感、湯底非常之清甜、炸魚皮還有嘗試炸雲吞，雲吞皮很脆、又不油膩，而且肉質比較適中。價錢非常之平，值得一試!

同事提意嚟水記,話呢到嘅牛沙瓜同牛脆骨好好味,但又聽關"米奇"同"米妮"常常喺呢到拍拖,不過今日着密頭鞋,應該都唔怕呱,,,,,嚟到呢到,首先講吓環境..."異常崎嶇"....由於在斜坡上,坐住張膠椅都要扎穩個馬.....心態..."主題公園"...."米奇"同"米妮"隨時為你帶嚟無限"驚"喜......食物..."明天請早"....牛沙瓜同牛脆骨都話一早賣晒,最後整咗碗牛腩麵......把鬼....

二零十零年四月十日 陰天水記只有一個廚房和露天的幾張枱檯，廚房外張貼不少雜誌報導。餐牌是簡單的粉面。嘗試的食物：牛什米、牛丸河、炸雲吞。炸雲吞：冷若隔夜，油益味嚴重，餡料少之有少。牛什米、牛丸河：無甚特別，不值一試。份量不多，亦不算便宜，忌山長水遠而來。同場加映：雲吞來到，地上同時出現一個快速的黑影，不其然向黑影望去，一條又長又幼的尾巴在牆角附近出現，蠢蠢慾動。牠轉頭向黑暗處跑去，身影盡入眼簾。黑暗處，還可以清楚看到牠的手。（店裡的員工已習以為常）不怕環境惡劣的朋友，屬鼠的朋友，不防一試，保證你有意外收獲。風味要付出代價......

食完個又奀又貴既麥奀記之後, 將個地圖交比肥嘟嘟睇, 一睇,,,, 佢就搵到水記係邊喇 以後你負責搵, 我負責食A_____A我地差不多4 點去到, 已經冇哂好多野食LU, 冇哂炸魚皮, 冇哂牛沙瓜, 好想食呀 連炸雲吞都淨番少少... 牛雜炸雲吞: 因為我地食最後哥少少炸雲吞, 所以已經唔新鮮, 炸雲吞入面係魚肉, 我略嫌佢魚肉太少. 牛雜普通, 腸幾好味, 肥瘦適中, 爽口 牛丸牛腩: 牛腩好正, 林, 有牛味! 牛丸都唔差, 大大粒, 有D 牛味!下次要去食牛沙瓜同炸魚皮呀!

本身諗住去九記食牛腩,但係去到先知初十一先開市,失望而回之制唯有去水記,其實經過已聞到好香的牛腩香味。一於試一試街頭大排檔牛腩河!牛腩腍而不鞋,湯而好好咪,單拼17,雙拼21,最後點了雙拼,值得一試!

2010年01月30日，15:15承太座命到小欖公取四式糕完成後肯定要獎勵自己趁機走訪心中的"港飲食文化遺產"再次高呼膽固醇萬歲已過三時的週末，沙瓜、門鱔雲吞正常地沽清。衹好來客牛雜麵湯底和菜心清鮮。爽口的麵鹼水味稍重。牛雜水準依舊肥腸甘膩、膀夠鬆厚、肚好咬口、肺腍軟，全部吸飽鹵汁。吃至一半，見有年青人要求雜麵，腸要瘦店員建議走腸罷了因不想肥腸被浪費在這裡不吃肥美的牛雜，個人認為是白來了希望能在歲前。再來吃沙瓜和門鱔雲吞

不是頭一次來以往也來了好幾次..上兩週吃過幾次中招食店都是正正經經找間唔會死錯人的店. 這是我當中一選. 是日潮濕,想不到還有炸雲吞..當然不太好;但好過無小食嘛. 有時來這裡,會思念她的蘿蔔. 多過牛腩. 今次的牛腩要瘦一些,湯底的大地魚牛骨依然發揮作用成碗粉生哂 牛腩雖瘦但柔軟又夠牛味唔會食到成口油.廿零蚊在中環一定是當中一個好選擇.

在中環想吃牛沙瓜,就自然想起傾斜大牌檔水記,這個身為牛的第四個胃,那種帶點煙齦而爽口的感覺,令我懷念.入冬之後,環境比夏天好一點,但是地下有"小強"死屍,不過大牌檔一向如此,如果怕污糟,不如上蘇豪.我這些天不怕地不怕之輩,為吃碗牛雜而要打斜坐,絕對是閒事.於中午人來人往的時間坐下,本能地說要碗沙瓜,店員說沒有.每天只得一碗..是否這麼矜貴呢?我在紅墈土瓜灣的潮式麵店,不時也吃到牛沙瓜呢.既然已坐下,則安之.便要個牛雜米,加個炸雲吞.每次路過襠口,見到一大窩正在翻滾的牛雜.真有想跳下去的衝動.水記的牛雜,水準夠平均,牛腸肥美,肥膏逼滿腸內,是膽固醇者之福音.牛肚爽脆,牛肺軟稔帶點彈牙,做得十分入味.炸雲吞雖然不是即炸起,依然保持香脆可口.包著的門鱔肉極為彈牙,連同牛雜米只賣$25,在中環來說是十分便宜呢.想遠一點,過多十年之後,還可不可以在中環街邊,吃一碗牛雜?

12-10-2009想去的米線店排長龍, 亂行亂撞發現原來呢條斜路都有大排檔, 又坐低試試.想食的炸雲吞今日無供應 (阿姐話「今日無整呀, 落雨炸雲吞會腍0架」), 叫了牛腩牛肚米 ($20): 湯底幾油, 但牛味濃又唔 MSG, 估佢唔到咁好飲喎 米粉淥得較腍身, 索滿幾正的湯底, 幾好食; 牛腩以半肥腩為主, 又有幾件坑腩 (!!), 食落瘦肉鬆化, 牛味濃, 筋膜就好爽口, 正 牛肚就唔夠入味又太韌, 比牛腩遜色.食剩幾啖, 又試了少少佢檯面的辣椒油, 又幾香幾辣喎.坐了「無瓦遮頭」位, 一路食一路勁驚落雨, 下次都係「捐」落簷篷位較好. $20 埋單, 勁平, 會再嚟的. 下次食牛沙瓜!

第二日返工唔知去邊度食, 行下行下周街都勁多人.之後行左去條巷仔度, 見到水記, 就買碗牛腩麵走, $17. o係o個度食就$16, 不過咁熱都係返office啦.佢冇晒爽腩. 唯有叫牛腩.麵比左粗麵. 唔知佢比錯定係佢得粗麵, 不過冇所謂, 都冇乜特別喜好.d 粗麵好林, 好易咬開, 唔彈牙買走佢冇比匙羹, 所以試唔到佢d 湯牛腩比想像中好味好多, 好爽, 肉之間有d 筋lung住. 從來未食過d 牛腩係咁而且牛肉味勁重. 超正!不過唔知點解d 牛腩好似受左幅射咁, 發青光? 有d 好似汽油咁彩虹色.我見識少唔知係咩黎. 不過佢件件都係咁, 應該唔會有咩問題掛.原來哩度出名係沙瓜. 完全唔知有哩d 野食既存在, 下次再食至得!

聞名不如一見！沙瓜！近期，我lunch經常幫親位於中環士丹利街和威靈頓街之間的吉士笠街的「水記」粉麵食lunch。食咗好耐，見佢個餐牌好耐，「沙瓜」？「沙瓜」只可單併？乜野係「沙瓜」，於是問吓老闆。「沙瓜」是牛胃一部分，牛胃有三部分，「牛柏葉」、「金錢肚」及「沙瓜」。「沙瓜」是非常小的。一隻牛，全副「沙瓜」，只有兩個人的份量。真係小得可憐。老板娘上星期預留一份比我，要等一個星期先有得食．．．．．．味道係點？「正」，好爽，無榨！不過，小食多滋味！！保證膽固醇勁高！同時間叫一份魚皮。個老闆好有性格、好有品味，寫到明「不設外賣，不得自提！」好食….與眾不同！無油益味！自家制！另外，該店舖沒有「大紅浙醋」，由「白醋蘿蔔」替代，值得一試。最可惜是，大排擋是沒有冷氣的！「沙瓜」麵：＄２０「魚皮」：＄９至於我平時只是光顧＄２０雙併。

2009年03月26日，14:20在燒假第一天，天氣差不宜到雲泉影荷花，便到中環買沱茶。先到這裡來碗麵，先來心椗麵，再追加沙瓜麵。牛心定麵：麵份量少得很，心椗(即黃喉)，至極的爽脆，湯底牛味濃而帶鹼水味，但牛味已蓋過這小瑕疵。吃光心椗麵，試問啊姐還有沙瓜無？答案令我喜出望外當然追加沙瓜麵沙瓜：貌似肚族，但口感、食味完全是兩馬事；口感皮薄而脆，內裡腍豐厚；食味牛香沉厚，味極甘膩。我習慣吃麵時，不夠兩口，便加辣油，但今天竟吃完沙瓜後，才記起辣油；原因是牛味濃，不需辣味來開胃口。本想再來碗門鱔雲吞，但一把年紀的自已，應適可而止。年前試過門鱔雲吞，鮮甜、甘香，他店難求。總結到這類小店是吃：鮮味、風味；吃裝修我者莫問；窩心服務免問。但請記著：殿堂級裝修易得；窩心服務可培養但始祖食味和風味難求，唯願為蠅頭的利，付出這麼多。我敢說句：水記是香港飲食遺產之一。因他要付出的比泰昌更多。