水記

營業中

休息中

店開沒久就到達, 大概十一時四十五分左右吧, 店旁只有一家旅客在用膳. 斜坡上的椅子如 michael jackson MV 般陡峭. 地方有點殘舊但尚算衛生, 地面沒有過多水漬. 牛沙瓜沒有異味, 油香滿溢. 葱花是必備的點綴. 湯底不過鹹, 但跟大埔群記的略遜一籌. 上菜時一句慢慢食, 付款時一聲多謝, 很市井, 但有人情味. 名店不用開片， 不須趕客, 有麝自然香.

牛腩河牛腩有D韌🤔🤔🤔，唔系好大碗。佢唔係好多位，所以都係搭枱。佢💪🏻💪🏻係一個斜坡上嘅店，所以我係第一次系斜坡到坐。佢哋個辣醬係有辣嘅👍🏻👍🏻，😂唔似附近嗰啲都唔辣嘅😆😆。嗰啲辣醬cake 糸我個喉嚨嗰度，狂咳囉，🍶最後叫咗個可樂🤦🏻‍♀️🤦🏻‍♀️。豬肉丸河啲豬肉丸唔係話特別好食😮，比較爽口，豬肉唔係咁多。因為我成個啲手打豬肉丸係好紮實嘅😋。本身想叫牛坑腩河share，😓但係冇牛坑腩，想叫炸魚皮冇炸魚皮😓😓，所以最後叫咗個豬肉丸😓😓😓。

這是連續兩日的水記大戰……第一日 -新鮮牛雜面, 面爽彈牙, 老派做法有d芽菜, 牛雜滷得入味鮮甜, 湯底淡淡的牛味令人引唔住要飲晒去……第二日 - 昨日食唔到的野, 今日再戰! 再戰水記! 好在行快兩步, 遲5分鐘就牛腩魚餃咩都無……無爽腩, 叫左牛腩面 - 先講牛腩, 大家睇到都可以睇到肥瘦十分合適的比例, 炆得夠腍, 入口即化, 淡淡的滷水味慢慢由肉內滲出… 雖然次次都唔夠早食唔到爽腩, 但我估計只會在於口感的分別… 面+湯同琴日一樣的好味淨雲吞 - 首先講明, 佢係一粒豬肉雲吞, 女士就未必鐘意… 不過對於我黎講就perfect! 雲吞size剛剛好, 一啖一粒, 包得靚仔唔散重有條靚魚🐟🐟🐟尾... 再講個餡, 調味一如鋪頭的style~淡淡但剛好足夠, 肥肉瘦肉比例令到粒雲吞唔鬆唔過實, 肉汁鮮甜, 好食好食!2碗野埋單$68大洋, 其實性價比絕對超值!! 今時今日翠華都40幾蚊一碗粉家喇……

記得有人曾經和我說過我家附近有一間很好吃的粉麵店，很舊式，很地道，很老牌很有人情味。我沒有去過不知道是怎麼樣。本來今天想去裕興，卻因為午市要等1小時的關係，所以唯有轉吃其他。走着走着看見這一家。忽發其想，感覺這一家有點像家附近那家。就坐下來。午市一點，招牌名物手制炸雲吞賣晒，牛瓜肉賣曬，因此我點了魚皮餃河粉，朋友點了爽腩米粉。除了去雲吞店鋪會點雲吞之外，很多是我的首選都會是魚皮餃，是一種情意結。本來沒有太大期望只會想大概是四海打邊爐那種質素就可以啦！二想不到的是一碗有五顆魚皮餃，份量足女孩子吃飽，魚皮餃每一粒都很飽滿白色的外皮內透出粉紅色的顏色。引人遐想，咬落去魚味十足而且帶點油分和水份。好吃。至於河粉更加驚喜，在完全沒有要求的情況下，想不到這裏的河粉質素很高，雖然不算滑，但口感獨特而且湯底也好好味。朋友的爽腩份量也不小，牛味香濃，質感軟淋。有機會我也會向你推薦，除了你所説的，其實還有不少本地色彩，富人情味又可愛的粉面店你未發掘到。不過算吧~ 這裏的價格尚算合理，賣的產品不算多，但看到很多捧場客，也見到不少老人家拿着拐杖過嚟品嚐。不過這裏的米線份量算少，男生未必會吃得飽。下次我一定要是

一間好地道既老店 開係條巷仔既斜路到 所以坐要坐得穩因為牛腩出名 所以叫左碗牛腩魚蛋蛋麵 個人覺得碗麵份量唔多 牛肉un左d 有d地方仲咬唔斷添 魚蛋一般 唯一係湯底好味 但因為個份量太少關係 所以食完都唔覺飽要再買其他小食

行過見到冇得淨叫炸魚皮咁牙擦， 坐低諗住叫番碗牛雜麵加碟炸魚皮試下咩料先， 點知阿姐話炸魚皮沽清， 心諗有冇咁早賣哂呀， 不過坐低左就照食啦， 師傅兩分鐘攪掂， 快到呢， 趕時間一流。先講牛雜， 牛粉腸good喎， 仲有一件牛沙瓜添， 有驚喜， 牛膀都juicy好味， 牛肺ok, 牛肚霖左少少，冇金錢肚有D失望， 牛大腸都可以， 軟硬適中， 總括黎講牛雜都好滿意， 再講個汁❨湯❩就真係冇得輸， 自己覺得真係好好味， 底麵個人唔太鐘意，食慣爽麵覺得呢度個麵底太霖， 環境冇乜好講， 都係街邊大排檔摺枱摺櫈提提大家， 呢度係冇撈麵食架~

又是放假天，自自然然跑了去荷里活道找舊書。飯還未吃，但想多試兩間餐廳，來一碗牛腩米就啱啱好。中午較後時段，水記的客人漸少，同樣地，可供選擇的食物亦較少。簡單的來一碗牛腩米，來的是坑腩，啖啖肉之餘，煮得夠稔，湯底澆上了腩汁，呷起來有陣濃香的牛味。米粉底加入了芽菜，這種老一輩的處理手法已很少見，令米粉多了一份清爽的口感，細微處實在值得一讚。雖然四周環境一般，但正正是香港大牌檔的特色，大家可要好好珍惜，莫要人家關門時又說要去朝聖咁老土。

這一日是母校中學的九十週年校慶，畢業接近三十年，對上一次回母校已是十多年前了，所以特地約了幾個老同學回去參觀一下。回去母校之前，當然先要醫一醫肚皮、祭一祭五臟廟。在老同學的指引下，來到了這一檔全港瀕臨絕跡的二十多個鐵皮大牌檔之一的【水記牛雜】。一直以來，只知道附近的士丹利街有【陳泗記】及【盛記】，但完全不知道【水記】；而且，原來【水記】名氣相當大；身為 openrice 的資深會員，實在有點慚愧。位處吉士笠街，嚴格來說，只是威靈頓街及士丹利街盡頭之間的一條小横巷，實在是並不容易發現【水記】的存在。根據朋友介紹，【水記】已有幾十年歷史，一直都是以新鮮牛雜馳名；但所有香港人都知道，由於大陸活牛越來越貴，加上越來越多美國、澳洲、日本，甚至亞根廷等等國家的急凍及冰鮮牛肉進口香港，香港屠房每天屠宰大陸活牛的數目已經越來越少，由1980年代每日屠宰接近600頭，逐年下跌至現時每日只屠宰50、60頭。所以，究竟還有多少新鮮牛雜供應，真是一個大疑問？非常傳統的鐵皮大排檔，連一個正式餐牌都沒有，即使是現今的雲吞粥麵檔最普遍採用的過膠紙餐牌都沒有。所有的食品種類及價錢，就隨意寫在一張大紙上面，並貼在大排檔

當不少上班族已是「年初四」的模樣時，筆者仍在過農曆年假期，難得可以出外「行大運」就不會放過了。漫步中環的橫街窄巷間，發現有間不太起眼的牌檔，於是就走進檔子試試。原來這家檔子，竟是自己早年﹙已是中學時代的事﹚已bookmark了的，以雲吞麪聞名的水記。這次一口氣點了一碗雲吞麪、一碟炸雲吞，還加上一罐可樂。先說說雲吞麪，雲吞與坊間雲吞麪店的雲吞有點不同，不是以鮮蝦入餡，再看看檔裡的雜誌報道，才知是以門鱔入餡。這還是頭一趟，對自己而言有新鮮感和驚喜，而且與鮮蝦雲吞不遑多讓。湯底則頗為清甜，喝下去不會太鹹，不會有口渴之感；至於麪底雖談不上是彈牙，可是也不會太「淋」或是太糊口，鹼水味也不是太過分。另一樣點了的是炸雲吞，這是自己看見有食客點了也跟著叫了一碟。吃下去也算是香脆可口的，不過惟一有點失望的是有點「油抑味」，這大抵是因為放了一段時間所致。可是吃完雲吞麪後，如果把炸雲吞泡進餘湯裡頭再吃，說的是另有一番風味，而且更易入口，不會入口乾巴巴的。

睇飲食男女話市面上好多餐廳食肆所用嘅牛雜都係冰鮮牛雜，成本比較平，但係哩間就反而就堅持繼續用成本比較高嘅新鮮牛雜，話要保留味道。睇完之後，令我有個衝動想過尼試下，終於搵到一日係放假唔駛翻學嘅日子過尼食。落車行到過尼已經睇到有位唔駛等，隨即已經有伙記介紹靚位，一坐低就嗌左碗牛沙瓜河同炸雲吞。第一次食牛沙瓜，牛沙瓜即係牛嘅其中一個胃，由於出產量唔多，所以每日只係能夠限量出售幾碗，咁都俾我嗌到算係好彩。望落個樣有啲似豬肚，食落口感好滑，飲落湯底幾清，據說係用左好多牛骨去煲嘅，結果我將成碗湯飲哂，可惜個河粉方面就差左啲，口感好林，感覺上好似煮耐左。炸雲吞，喺麵店尼講比較少見，佢地啲炸雲吞應該唔係用雲吞麵嗰隻雲吞尼炸，皮大塊餡料薄，有少少似酒樓食錦滷雲吞嗰種，只係差左個醬咁話，但整體幾好食。食完個沙瓜河之後，話哂係因新鮮牛雜而出名，所以點都要試下佢地嘅牛雜，即管嗌多碗牛雜麵試試，同時嗌左罐可樂尼沖沖頭先碗沙瓜河嘅味。雜麵送到，首先試試佢個湯味，哩碗個湯味比較濃同油膩，仲有啲黏口，食麵嗰陣直情要食幾啖就飲啖可樂沖淡油膩感。牛雜就非常之滑同爽口，同出面啲牛雜根本冇得比，牛膀咬落有個連繫感而唔係一咬落

「此小島外表多風光，可哀的是有人還住陋巷」作為香港開埠早期華洋雜處地區，中環有最高級嘅食肆，亦有普羅大眾醫肚嘅地踎小店。歷史傳承之下，盤根錯節嘅巷弄之中，隱藏著一個個排檔， 識途老馬，勞動大眾，自自然然識得嚟捧場。 水記位於吉士笠街，一條十個香港人中有九個聽都未聽過嘅街，如果唔係慕名而來，一世人都未必有機會嚟。 檔口位於斜路之上，細小整齊，自成天地，除牛腩牛雜，仲有雲吞魚皮餃豬肉丸，最奇妙係賣埋炸雲吞。坐位只有廿個左右，摺枱都要特別調較角度，而食客就要坐斜櫈，有時都擔心隻碗瀡落地，但只係有驚無險，亦係水記特色之一 山不在高，有仙則名，排檔雖小，各懷絕技。水記堅持用每日新鮮屠宰嘅牛雜牛腩，所以每日供應量有限，售完即止。其中罕有部位如牛沙瓜，每日只有兩三碗，一眾嘴刁老饗唯有晨早嚟到一飽口福。今次叫咗牛腩河，牛腩米。新鮮就是不一樣，肉味濃郁，腍滑無渣，湯底滲透著牛油香，五香味輕柔，唔似其他潮式粉麵，以花椒八角掩蓋牛肉臊味雪味，難怪老闆堅持用新鮮料，客人堅持幫襯水記。食完碗粉，連湯都飲埋，仍然全場爆滿，仲有人等緊位！快手埋單以免阻住

又是紀錄片《飲食男女》另一經典。大哥永哥接手父親在中環窄巷內小小牛雜排檔，帶領一眾弟妹，在這斜度還真不少的斜路上上下遊走，靠着那被永哥稱為「師父」的牛雜勾養活一家。身型瘦削的永哥，頂着腰酸背痛，每天一絲不拘地清洗牛雜、煮辣椒油，從他的眼神及笑容中，看得出他的認真及對自家出品感到自豪。原本坐「倒頭車」的方向坐，真係擔心自己食食吓會腦充血，所以還是調過對面「落斜」方向坐。我估坐喺咁斜嘅斜坡食湯麵，真係可能係香港獨有，非常值得一試。當日還落下毛毛細雨，在帆布底的半遮擋，點點雨粉打在面上，特有的中環浪漫。牛腩河，細細碗，牛味極濃，軟韌恰到好處，辣椒油更是畫龍點睛，辛香無比。

碩果僅存香港地道文化特色大排檔~正所謂早起的鳥兒有蟲吃,晏咗什麼都無得吃.所有出名的"牛什麼""牛乜乜"完部賣晒了,剩餘雲吞,魚蛋~一場嚟到唯有是是但但叫碗粉食,雲吞,魚蛋米粉也好,都好好味的,湯底很清甜,不會口乾.不過能夠在這種衛生環境欠佳的巷子裡食嘢,細膽啲都唔掂,最緊要眼睛不要四圍望,否則嚇破膽. 

一日得兩碗既牛沙瓜都俾我食到!都幾興奮咖!!!相信好多人聽都未聽過咩叫牛沙瓜($33)，我都係啱啱先知lol 原來牛沙瓜係牛既胃…… 食落去其實無乜特別-.- 可能我期望太高，不過係好食既。味道有好重既牛味，但唔會太羶，口感有d似牛肚，即係皮係算爽口的，内裏係較爲煙韌的，都算有口感。

為左食炸魚皮，Lunch hour 就即刻衝出office lol 果然無令我失望!!!炸魚皮($14) 全部都係長條形，食落去第一下感覺係super脆，第二下係覺得好有魚味，唔係單純脆脆地既一舊野，食過真係番唔到轉頭~p.s. 炸魚皮無得外賣喔！